ڈی سی سرینگر کا سرائے بالا کا دورہ | پیر دستگیر صاحب ؒ کے عرس کے سلسلے میں انتظامات کا جائزہ لیا

سرینگر// ضلع ترقیاتی کمشنر سرینگر ڈاکٹر شاہد اقبال چودھری نے منگل کو آستان عالیہ دستگیر صاحب ؒ سرائے بالا کا دورہ کیا اور حضرت شیخ عبدالقادر جیلانی ؒ کے سالانہ عرس کے سلسلے میں کئے جارہے انتظامات کا جائزہ لیا ۔اس موقعہ پر مختلف محکموں کے آفیسران نے انہیں عرس کے سلسلے میں اپنے اپنے محکموں کی طرف سے کئے جارہے انتظامات کے بارے میں جانکاری دی ۔اس موقعہ پرضلع ترقیاتی کمشنرنے سرائے بالا اور اسکے ملحقہ بازاروں کا بھی معائنہ کیا اور مقامی دکانداروں کے ساتھ بات چیت کی ۔مقامی تاجروں نے مارکیٹ میں سی سی ٹی وی کیمروں کی تنصیب اور دیگر مطالبات پیش کئے ۔بعد میں ڈی سی آفس میں ڈاکٹر شاہد اقبال چودھری نے متعلقہ محکموں کے آفیسران کے ساتھ میٹنگ کی اور حضرت شیخ عبدالقادر جیلانیؒ کے عرس کے سلسلے میں خانیار اور جناب صاحب صورہ میں کئے جارہے انتظامات کے بارے میں جانکاری حاصل کی ۔میٹنگ میں بتایا گیا کہ عرس

نٹی پورہ میں انہدامی مہم شروع | کراسنگ کے نزدیک دکان اور بنکر ہٹانے کیلئے نوٹس جاری

سرینگر//محکمہ فلڈ کنٹرول کی جانب سے نٹی پورہ میں ناجائز قبضے کو ہٹانے کی مہم کے دوران ایک ڈھانچے کو ہٹایا گیا۔فلڈسپل چینل سب ڈویژن رام باغ کی اسسٹنٹ ایگزیکٹو انجینئرکی سربراہی میں نٹی پورہ کراسنگ پر دودھ گنگا نالہ کے پشت کے نزدیک تعمیر کئے گئے ڈھانچے کو ہٹانے کیلئے محکمہ کا عملہ نمودار ہواجبکہ متعلقہ تحصیلدار اور پولیس کے علاوہ دیگر افسران بھی موجود تھے۔ اسسٹنٹ ایگزیکٹو انجینئر امرین نے کشمیر عظمیٰ کو بتایا کہ ڈھانچے کے مالک نے29 نومبر تک مہلت طلب کی کیونکہ وہاں پر بھاری مشینری موجود  ہے،جس کو ہٹانے میں انہیں کچھ دن درکار ہونگے ور اگر اس مدت کے دوران وہ ناکام ہوئے تو ڈھانچے کو مکمل طور پر مسمار کیا جائے گا۔انہوں نے مزید کہا کہ نیز نالہ دودھ گنگا کی پشتوں پر جو غیر قانونی قبضہ کیا گیا تھا اس کو بھی ہٹایا گیا۔ انہوں نے کہا کہ نٹی پورہ کراسنگ کے نزدیک نالہ کے پشت پر دکان اور سی آر پ

خواجہ ثنا اللہ بٹ کی11ویں برسی | سماجی ،صحافتی اور ادبی تنظیموںکا خراج عقیدت

سرینگر//با بائے صحافت اور اردو روزنامہ آفتاب کے بانی مرحوم خواجہ ثنا اللہ بٹ کی11ویں برسی کے موقعے پر سیاسی ،سماجی ،صحافتی اور ادبی تنظیموں نے شاندار الفاظ میں خراج عقیدت پیش کیا۔جموں و کشمیر کے معروف ولولہ انگیز اور انقلابی صحافی جنہیں کشمیر میں با بائے صحافت خواجہ ثنا اللہ بٹ کے نام سے بھی جانا جاتا تھا کی11ویں برسی پرادبی تنظیموں اورصحافت سے وابستہ افراد نے مرحوم کو یاد کر کے شاندار خراج عقیدت پیش کیا۔ خواجہ ثناء اللہ بٹ کشمیر کی صحافت کے وہ درخشان ستارہ تھے جس نے اس وقت کشمیر میں صحافت کی داغ بیل ڈالی لوگ اخبار بینی سے ناواقف تھے ۔انہوں نے اپنے50سالہ صحافت میں نہ صرف کشمیر کے لوگوں کے جذبات و احساسات کی ترجمانی کاحق ادا کیا بلکہ یہاں کی سماجی، سیاسی حالت کو تبدیل کرنے کیلئے بھی اپنی خدمات انجام دیں۔ ورکنگ جرنلسٹ پلوامہ کے صدر شاہ ارشاد نے مرحوم کو خراج عقیدت پیش کر تے ہوئے کہا کہ

نوہٹہ میں منشیات فروش گرفتار

سرینگر// منشیات کے خلاف مہم جاری رکھتے ہوئے پولیس نے کل نوہٹہ میں ایک منشیات فروش کو گرفتار کرکے اس کی تحویل سے چرس اور نقدی برآمد کی ۔پولیس بیان کے مطابق ملہ کھاہ چوک نوہٹہ میں چیکنگ کے دوران پولیس نے ایک مشتبہ شخص کو رکنے کا اشارہ کیاتاہم وہ فرار ہوا اور پولیس نے فوری کارروائی کرتے ہوئے اسے پکڑ لیا ۔پولیس نے اس کی شناخت غلام نبی شیخ ساکن تجگری محلہ نوہٹہ کے بطور کی اور اس کے قبضے سے 155گرام چرس اور نقدی 9800روپے برآمد کئے ۔پولیس اسٹیشن نوہٹہ میں اس کے خلاف ایف آئی آر زیر نمبر57/2020 درج کیا گیا اور پوچھ تاچھ شروع کی گئی ۔  

کرالہ کھڈ بسنت باغ میں پانی کی قلت | لوگوں کا احتجاجی دھرنا ،ٹریفک کی نقل و حرکت متاثر

سرینگر// شہر کے کرالہ کھڈ بسنت باغ علاقہ میں پینے کے پانی کی قلت کے خلاف لوگوںنے احتجاجی مظاہرہ کرتے ہوئے ٹریفک کی نقل وحر کت روک دی۔ علاقے سے تعلق رکھنے والے مردوزن اور بچوں سمیت لوگوں کی ایک بڑی تعداد بسنت باغ میں مرکزی روڈ پر جمع ہوئی اور دھر نا دیکرٹریفک کو روک دیا جس کے نتیجے میں ٹریفک جام ہوگیا۔ مظا ہرین علاقے میں پانی کی ناقص فراہمی کے خلاف نعرہ بازی کررہے تھے۔ ان کا کہنا تھا کہ ان کے گھروں کو پانی کا کنکشن مہیا کردیا گیا ہے ، لیکن ان پائپوں سے پانی کی فراہمی نہیں ہو پا رہی ہے۔ اس کے نتیجے میں انہیں علاقے میں پانی کی قلت کے سبب زبردست مشکلات کا سامنا کرنا پڑ رہا ہے۔ انہوں نے پانی کی عدم دستیابی سے لوگ پانی کی ایک ایک بوند کیلئے ترس رہے ہیں ۔مظا ہرین نے اس سلسلے میں محکمہ پی ایچ ای کے اعلیٰ حکام سے اپیل کی ہے کہ وہ علاقہ کی آبادی کو متواتر پانی کی سپلائی فراہم کرنے کے سلسلے میں

خانقاہ معلی کے منصب دار پیرزادہ عبدالعزیز ہمدانی فوت

سرینگر//منصب دار مرکز اسلام خانقاہ معلی سرینگر الحاج پیرزادہ عبدالعزیز ہمدانی علمبردار کی وفات پر انجمن حمایت الاسلام کے صدر مولانا خورشیداحمد قانونگو ودیگر زعمائے انجمن بالخصوص مولانا شوکت حسین کینگ ،مولانا عبدالحق اویسی،پیرزاد شفیق احمد زہرہ اور پیرزادہ فیاض احمد خوشخاں نے گہرے رنج و غم کااظہارکیا ۔مولانا قانونگو نے کہاکہ موصوف خدامان زیارت میں صف اسلاف کے شخصیات میںتھے اورخانقاہ معلی کے معمولات ، حفاظت دیگر ذمہ داریوں میںاپنا اہم کردار اداکیا۔ انہوںنے کہاکہ الحاج پیرزادہ عبدالعزیز ہمدانی علمبردارکی وفات سے جو خلاء پیدا ہوا ہے، اس کی تلافی اب نئے پود میں محال ہے۔ انجمن نے مرحوم کے لواحقین کے ساتھ ہمدردی کااظہار کیا ہے۔         مولانا عباس انصاری کی اہلیہ کا انتقال | حریت (ع) ،انجمن شرعی شعیان ،اپنی پارٹی سمیت کئی سیاسی اور مذہبی تنظیموں کا اظہا

کھادی اینڈ ولیج انڈسٹریز بورڈ کی میٹنگ

سرینگر// جموں و کشمیر کھادی اینڈ ولیج انڈسٹریز بورڈ کی وائس چیرپرسن ڈاکٹر حنا شفیع بٹ نے کل یہاں ایک میٹنگ کے دوران کشمیر صوبے کے ضلعی بورڈ دفاتر کی کار کردگی کا جائزہ لیا ۔انہوں نے مختلف اضلاع  میں سکیموں کی عمل آوری کے بارے میں جانکاری حاصل کی ۔میٹنگ کے دوران انہیں بتایا گیا کہ پی ایم ای جے پی سکیم کے تحت اہداف کو مکمل کیا گیا ہے ۔ڈاکٹر حنا شفیع نے فیلڈ افسروں پر زور دیا کہ وہ زمینی سطح پر  JKREGP اور PMEGP سکیموں کی عمل آوری کو یقینی بنانے کیلئے متحرک رہیں ۔میٹنگ میں کھادی اینڈ ولیج انڈسٹریز بورڈ کے اعلیٰ آفیسروں اور ضلعی افسران نے شرکت کی ۔  

آئینی حقوق کی بحالی سے ہی غیر یقینیت کے ماحول کا خاتمہ ہوگا

سرینگر // نیشنل کانفرنس کے معاون سیکرٹری ڈاکٹر شیخ مصطفے کمال نے کہا ہے کہ جموں و کشمیر کے عوام کو 5اگست 2019کے بعد غیر قانونی اور غیر جمہورری طور پر ایک تباہ کن ناگفتہ اور مشکل ترین دور سے دوچار کردیا گیا ہے جبکہ عوام کو اپنے جمہوری ،آئینی حقوق کے ساتھ ساتھ مذہبی آزادی اور پریس پلیٹ فارم کی آزادی سے بھی محروم کردیا گیا ہے ۔سرینگر میں پارٹی ہیڈ کوارٹر پر پارٹی کارکنوں اور عہدایداروں کے ساتھ تبادلہ خیال کرتے ہوئے ڈاکٹر کمال نے کہا کہ مرکز کو ہوش کے ناخن لینے چاہئے اور وقت غنیمت اور سنہری جان کر جموں و کشمیر کے عوام کو وہ جمہوری اور آئینی حقوق جو دفعہ370اور 35اے کے تحت حاصل تھے ،واپس کئے جانے چاہیں اوریہاں غیر یقینیت ،تشدد کے ماحول اور طاقت کے بے جا استعمال سے گریز کرنا چاہئے ۔انہوں نے کہا کہ بھاجپا لیڈران اپنے غیر ذمہ دارنہ اور تاریخ کو مسخ کرنے کے مترادف الفاظ اور بیانات دیکر جموں

راجباغ میں کثیر منزلہ تجارتی عمارت کی تعمیرکا معاملہ

سرینگر// جموں و کشمیر ہائی کورٹ نے صوبائی کمشنر کشمیر کو ہدایت دی ہے کہ راجباغ میں دریائے جہلم کے کنارے سے10سے 15فٹ دور تعمیر کی گئی کثیر منزلہ تجارتی عمارت کی اراضی کے مالکانہ حقوق سے متعلق دستاویزات یکم دسمبر تک پیش کرے ۔چیف جسٹس گیتا متل اور جسٹس پونیت گپتا پر مشتمل ڈویژن بنچ نے ڈویژنل کمشنر کشمیر کو اس سلسلے میں ریکارڈ پیش کرنے میں مزید وقت دیا ہے ۔ ڈویژنل کمشنر کشمیرنے عدالت میں دائر اپنے حلف نامے میں کہا ہے کہ اس سلسلے میں ایک کمیٹی تشکیل دی گئی ہے اور اس معاملے میں واٹر ویز اتھارٹی آف انڈیا کے ساتھ رابطہ کیا گیا ہے ۔جموں و کشمیر پولیوشن کنٹرول بورڈ نے عدالت اپنی رپورٹ میں بتایا کہ بلڈرکا یہاں 48 کمروں کی گنجائش والا ہوٹل اور ریسٹورنٹ بنانے کی تجویز ہے جس میں 80 افراد کے بیٹھنے کی گنجائش ہوگی۔سینئر ایڈیشنل ایڈوکیٹ جنرل بی اے ڈار نے اپنے جواب میں کہا کہ انہوں نے چیف انجینئرمحکمہ

احمد نگر ریسوینگ اسٹیشن کی مرمت

سرینگر//  احمد نگر ریسوینگ اسٹیشن میں فیڈر وں کی ضروری مرمت کے پیش نظر متعلقہ علاقوں میں بجلی سپلائی متاثر رہے گی ۔سپر انٹنڈنگ انجینئر آپریشز اینڈ میٹنس سرکل فسٹ سرینگر کی اطلاع کے مطابق 11کے وی فیڈر نمبر2کی ضروری تجدید و مرمت کا کام ہاتھ میں لیا جارہا ہے جس کے پیش نظر احمد نگر ریسوینگ اسٹیشن کے تحت آنے والے علاقوں میں آج یعنی24نومبر اور 28نومبر کے علاوہ 2، 5اور9دسمبر کو صبح ساڑھے10بجے سے بعد دوپہرساڑھے3بجے تک بجلی سپلائی متاثر رہے گی۔  

آ مد نی سے زیادہ جائیداد رکھنے کا شاخسانہ

سرینگر//اینٹی کروپشن بیورو نے نائب تحصیلدار راولپورہ سرینگر عبدالرشید ملہ کے خلاف آ مد نی سے زیادہ اثاثوں کے معاملے میں ایف آئی آر درج کرلی ہے جبکہ چاڈورہ اور راولپورہ بڈگام میںاسکے دو رہا شی بنگلوں پر چھاپوں کے دوران کچھ قابل اعتراض دستاویزات ضبط کرلی گئیں۔ اے سی بی نے اس ضمن میں ملزم کے خلاف ایک ایف آئی آر نمبر 25/2020 کے تحت درج کیا ہے۔ یہ مقدمہ مذ کورہ نائب تحصیلدار کے پاس شا پنگ کمپلیکس مکان وغیرہ کی صورت میں بھاری اثاثوں  کے رکھنے کی تصدیق کی بنیاد پر درج کیا گیا اور اس نے  2008 سے 2019 تک یہ ساری جائیداد اپنے اور اپنے رشتہ داروں کے نام پر کی ہے جن میں گریڈ چاڈور ہ کے نزدیک چار دکانیں و اراضی ، دوائن چاڈورومیں شاپنگ کمپلیکس، ہسی پورہ چاڈورہ میں ایک بہت بڑا عالی شان گھر،امام باڈہ چاڈورہ کے قریب ایک بہت بڑا مکان، راولپورہ میں ایک بہت بڑا پیالٹی ہاؤس،دولت پورہ چاڈورہ

مزید خبرں

انجمن علماء وائمہ مساجدکا حیدر پورہ میں اجلاس منعقد ائمہ اور موذنوںکے قلیل وظیفوںپر تشویش،مکاتب میں بچوں کو قرآن پڑھانے پر زور  سرینگر// علمائے کرام وائمہ مساجد ہرمسئلے میں ایک دوسرے کے مددگار بنیں ،مساجد کی انتظامیہ ائمہ کرام اور مساجدکے موذنوں کو معقول وظیفہ دیں اورمکاتب میں بچوں کو قرآن کریم تجویدکیساتھ پڑھانے کا اہتمام کیا جائے۔ ان باتوں کا اظہار علماء کرام وائمہ مساجد کے متحدہ فورم انجمن علماء وائمہ مساجدجموں وکشمیرکے ضلعی نظم سرینگر کے زیر اہتمام ضلعی مجلس شوریٰ کے ایک اجلاس میں علماء کرام وائمہ مساجد نے کیا ۔بیان کے مطابق سرینگر میں انجمن علماء ضلع سرینگر کی مجلسِ شوریٰ کا ایک مشترکہ اجلاس معروف دینی دانشگاہ جامعہ اشرف العلوم حیدرپورہ میں زیر صدارت معروف استادحدیث مفتی عابد حسین نائک القاسمی سیکریٹری مجلسِ تحفظ ختم نبوت جموں وکشمیر منعقد ہوا۔ اجلاس میں تنظیم کو مز

پیر دستگیر صاحبؒ کے عرس مبارک سلسلے میں ایام متبرکہ جاری | کویڈگایڈ لائینوں کے تحت بڑی تقاریب جمعہ کو منعقد ہونگی

 سرینگر//حضرت محبوب سبحانی شیخ سید عبدالقادر جیلانی غوث العظم پیر دستگیر صاحبؒ کے سالانہ عرس مبارک کے سلسلے میں ایام متبرکہ جاری ہیں اور 27نومبر جمعہ کو عرس کی بڑی تقریبات منعقد ہورہی ہیں ۔ اسلامی کلینڈر کے مطابق عرس پاک کے سلسلے میں11روزہ ایام متبرکہ یکم ربیع الثانی سے شروع ہوجاتے ہیں جس دوران ہر روز عصر سے مغرب تک پیر دستیگیر صاحب خانیار اور سرائے بالا میں خصوصی مجالس کا انعقاد ہوتا ہے تاہم امسال آستان عالیہ خانیار میںخصوصی تقریبات صبح 9بجے سے دن کے ساڑھے 11بجے تک منعقد ہورہی ہیں۔ حضرت شیخ عبدالقادر جیلانیؒسے منسوب عرس مبارک کی سب سے بڑی تقریب 27نومبر بروز جمعہ کو منعقد کی جارہی ہے۔ اس ضمن میں وقف بورڈ ذرائع نے بتایا ہے کہ کووڈ 19کے چلتے عرس کی تقریبات میں ہیلتھ گائڈ لائنوں اور سرکاری احکامات پر عمل کیا جارہا ہے اور آستانوں کے انتظامیہ کی جانب سے ذائرین سے بار بار تلقین کی جار

جما لٹہ میں سڑک دھنس جانے سے گاڑیوں کی آمد و رفت متاثر | حادثات پیش آنے کا احتمال ،لوگوں کی فوری مرمت کی اپیل

سرینگر//نوہٹہ سے بہوری کدل تک دو کلومیٹر لمبی مسافت والی رابطہ سڑک جمالٹہ کے مقام پر بیچ میں دھنس گئی جس کے سبب لوگوں کو عبور و مرور میں مشکلات کا سامنا کرنا پڑ رہا ہے۔نوہٹہ چوک سے لیکربہوری کدل چوک تک دو کلومیٹر لمبی مسافت والی رابطہ سڑک جمالٹہ کے مقام پر سڑک بیچوں بیچ سے دھنس گئی جس کے نتیجے میں دن بھر کئی مرتبہ ٹریفک جام ہوجاتا ہے مقامی لوگوں کے مطابق 7 روز قبل اچانک سڑک بیچ میں دھنس گئی جو دن گزرنے کے ساتھ ساتھ بہت بڑے گڈھے میں تبدیل ہو گیا جس کی وجہ سے ٹریفک کی نقل و حرکت متاثر ہوکر رہ گئی۔محمد ایوب نامی دوکاندار نے بتایا کہ جمالٹہ کے مقام پر ایک ہفتہ قبل اچانک سڑک بیچ میں سے دھنس گئی جس کے سبب پورے علاقے میں تشویش کی لہر دوڑ گئی۔انہوں نے کہاکہ  ایک ہی جگہ سڑک دھنس گئی اورسڑک پر بہت بڑا کھڈا بن گیا جسے بھرنے کے لئے ٹریکٹر میں مٹی لانی پڑی تب جاکے سڑک قابل استعمال بن گئی۔لوگوں

سردی کی شدت کے بیچ سنڈے مارکیٹ میں گہما گہمی | لوگوں نے گرم ملبوسات کی جم کر خریداری کی

سرینگر // سردی کی شدت میں اضافے کے ساتھ ہی کل لالچوک کے مشہور سنڈے مارکیٹ میں گرم ملبوسات کی خریداری کرنے والوں کا زبردست رش دیکھنے کو ملا ۔پچھلی اتوار کی طرح اس بار بھی پولو ویو، لالچوک اور ہری سنگھ ہائی اسٹریٹ میںسجنے والے سنڈے مارکیٹ میں زبردست گہما گہمی دیکھنے کو ملی۔ شہر سمیت اس کے گردونواح سے آئے ہوئے لوگوں نے نہ صرف بازار سے گرم ملبوسات کی جم کر خریدای کی بلکہ گرم کمبل ، جرابے او ر جوتوں کی بھی خاصی خریداری کی گئی۔ٹوریسٹ سنٹر سے لیکر امیراکدل تک بازار میں صبح سے ہی مارکیٹ میں مردزن اور بچوں کا بھاری رش دیکھا گیا جہاں چھاپڑی فروشوں نے چھاپڑیاںلگاکر مال سجا رکھا تھا اور وہ گاہکو ں کو اپنی طرف متوجہ کرنے کیلئے آوازیں لگا رہے تھے۔گاہک اپنے من پسند کپڑوں کو اٹھا کر دیکھ رہے تھے۔  

سیاحوں کی آمد شروع ،جھیل ڈل میں 18ماہ بعد رونق بحال | سیاحت سے جڑے لوگوں میں خوشی کی لہر،مزید بہتری کے لئے پر امید

سرینگر//وادی کشمیر میں موجود مشہور ڈل جھیل میں ڈیڑھ سال بعد سیاحوں کے آنے کا سلسلہ شروع ہوا ہے جس کے نتیجے میں اس صنعت سے وابستہ لوگوں میں خوشی کی لہر دوڑگئی ہے ۔اس دوران لوگوں کو یقین ہے کہ آنے والے دنوں میں یہاں سیاحوں کی اور زیادہ تعداد کشمیر آنے کے لئے پر امید ہے ۔اگست2019کے بعد پیدا شدہ صورت حال اور 2020کے مہلک کورونا وائرس جیسے وجوہات سے کشمیر کا سیاحتی شعبے سے منسلک ہزاروں کی تعداد میںلوگ بری طرح متاثر ہوئے ہیں،اس دوران گزشتہ کئی دنوں سے یہاں وادی میں بیرون ریاستوں سے سیاحوں نے آنا شروع کیا ہے جس کے نتیجے میں لوگوں نے خوشی اور مسرت کا اظہار کیاہے کیوں کہ ڈیڑھ سال سے یہ لوگ فاقہ کشی کے شکار ہوئے ہیں۔ ممبئی سے 70 سیاحوں کا گروپ ان لاک کشمیر مہم کے تحت یہاں پہنچا۔ اس مہم کے روح رواں پوجا ٹورس اینڈ ٹریولز کے مالک ستیش بھائی شاہ سمیت ان کے کشمیری ساتھی از خود ان سیاحوں کا استقبال

خانقاہِ معلی میںمجلس آراستہ | غوث العظم ؒکی تعلیمات ہمارے لئے | مشعل راہ:مولانا ہمدانی

سرینگر//غوث العظم پیر دستگیر صاحبؒ کے عرس مبارک کی جاری تقریبات کے سلسلے میں کل خانقاہِ معلی سرینگر میں ایک پُروقار تقریب کا انعقاد ہوا۔ نمازِ ظہر کے بعد خانقاہِ معلی میں خطمات المعظمات اور اوراد خوانی مجلس آراستہ ہوئی ۔ نمازِ ظہر سے قبل مولانا ریاض احمد ہمدانی نے کہا کہ شاہ جیلانؒ نے اسلام کی جو آبیاری تبلیغ واشاعت اور اُن کے تاریخی اسلامی کارنامے ، روحانی اور علمی کمالات عالم اسلام کی تاریخ میں ایک سنہری باب ہے اور اُن کی تعلیم قرآن وحدیث پر مبنی اور ہمارے لئے مشعل راہ ہے۔ مولانا نے کہا کہ جناب سید عبدالقادر جیلانی علم وعمل ، ایمان وآگہی اور ولایت و قطبیت میں اعلیٰ مرتبہ ومقام پر عظمت و جلات کے ساتھ نظر آتے ہیں۔ اُنہوں نے کہا ،کہ جناب پیر دستگیر صاحبؒ کے دنیا میں کروڑوں عقیدت مند موجود ہیں۔ حقیقی عقیدت کا رنگ اِسی وقت نکھر کر سامنے آئے گا جب آپؒ کے پاکیزہ اصولوں روحانی قدروں ،

ایلن کیریئر انسٹی ٹیوٹ کا سرینگر میں سٹیڈی سنٹر قائم

سرینگر// آئی آئی ٹی ،جے ای ای اور پری میڈیکل کوچنگ کیلئے کوٹا کے معروف ایلن کیریئر انسٹی ٹیوٹ نے سرینگر میں سٹیڈی سنٹر کھولا ہے ۔سرینگرکے نسیم باغ علاقے میں کشمیر یونیورسٹی کے عقب میں Allen Career Institute کے سٹیڈی سنٹر کے قیام کے ساتھ ہی بھارت میں اس انسٹی ٹیوٹ کے سٹیڈی سنٹروں کی تعداد 26ہوگئی ہے ۔21 نومبر کوسٹیڈی سنٹر کا افتتاح پرائیوٹ سکول ایسوسی یشن کے صدر جی این واراور  ایلن کیریئر انسٹی ٹیوٹ کے ڈائریکٹر برجیش مہیشوری نے کیا جبکہ اس موقعہ پر دیگر مہمان بھی موجود تھے ۔اس موقعہ پر  برجیش مہیشوری  نے کہا کہ سرینگر اور اسکے ملحقہ علاقوں کے وہ امیدوار جو قومی سطح کے مقابلہ جاتی امتحانات جن میں IIT-JEE, NEET-UG, JEE (Main), KVPY اور دیگر بین الاقوامی سطح کے امتحانی مقابلوں میں کامیابی پانا چاہتے ہوں ،وہ داخلہ لے سکتے ہیں ۔انہوں نے کہا کہ امسال ایک لاکھ طلاب نے Allen Ca

ایس ایم سی میئر کا انتخاب

سرینگر// سرینگر میونسپل کارپوریشن میئر انتخابات کی دوڑ میں سابق میئر جنید متو اور سابق ڈپٹی میئر شیخ عمران کے علاوہ کانگریس امیدوار رہ گئے ہیںجبکہ25نومبر کو ہونے والے انتخابات میں انکی جیت ہار کا فیصلہ ہوگا۔ نئے میئر کو منتخب ہونے کی تیاریاں شباب پر ہیں اور امیدوار بھی کارپریٹروں کو منانے میں لگے ہوئے ہیں۔ گزشتہ2برسوں کے دوران سرینگر میونسپل کارپوریشن میں میئر اور ڈپٹی میئر کے خلاف کئی بار عدم اعتماد کی تحریکیں پیش کی گئیں،جن میں اگرچہ کئی ناکام ہوئیں تاہم کئی ایک میں میئر جنید متو اور ڈپٹی میئر شیخ عمران کو اپنی کرسی سے ہاتھ دھونا پڑا۔25نومبر کوہورہے انتخابات کی دوڑ میں اب تین امیدوار ہیںجن میں شیخ عمران،جنید متو اور اعجاز رسول شامل ہیں۔ایس ایم سی حکام نے بتایا کہ سنیچر کو میئر عہدے کیلئے کاغذات نامزدگی داخل کرنے کی آخری تاریخ تھی،جس میں ان تینوں امیدواروں نے میئر کیلئے کاغذات نامزدگ

’تحقیق اور ایجادات کے طریقہ کارسے متعلق حکمت عملی پر عملدرآمد ‘

سرینگر//کمشنر سیکرٹری اعلیٰ تعلیم طلعت پروز روحیلہ نے کل یہاں ایس پی کالج میں ’تحقیق اور ایجادات کے طریقہ کارسے متعلق حکمت عملی پر عملدرآمد‘کے موضوع پر ایک روزہ ورکشاپ کا اِفتتاح کیا۔ورکشاپ کا اِنعقاد ایس پی کالج سری نگر کے اِشتراک سے محکمہ اعلیٰ تعلیم نے کیا تھا۔اِس موقعہ پرڈائریکٹر کالجز پروفیسر ایم وائی پیرزادہ ، نوڈل پرنسپل کشمیر ڈویژن کالجز پروفیسر یاسمین عشائی ، ایڈیشنل سیکرٹری محکمہ اعلیٰ تعلیم سنجیورانا،کشمیر ڈویژن کے مختلف کالجوں کے پرنسپل صاحبان ااور مختلف یونیورسٹیوں اور تحقیقی اداروں کے ماہرین تعلیم بھی موجود تھے۔ ورکشاپ کے اِفتتاحی سیشن سے خطاب کرتے ہوئے طلعت پرویز نے بین الضابطہ تحقیق کے تصور پر زور دیا اورویسٹ منیجمنٹ ، آبی آلودگی اور بائیو ایندھن جیسے مقامی تناظر میں کچھ تحقیقی مسائل پر روشنی ڈالی ۔ اُنہوں نے محققین پر زور دیا کہ وہ معاشرے کو درپیش مسائل

تازہ ترین