تازہ ترین

کورونا:وبائی بحران میں عبرت کاسامان!

 کورونا وائرس کی عالمگیر وباء نے دنیا کو صدی کی بدترین اقتصادی مندی سے دوچارکردیا ہے ۔آرگنائزیشن آف اکنامک کوآپریشن اینڈ ڈیولپمنٹ سمیت متعدد عالمی مالیاتی اداروںکے تازہ ترین تخمینوںکے مطابق اب تک دسیوں کروڑ لوگ روزگار سے محروم ہوچکے ہیں اور اگر وباء کی تیسری لہر نہ آئی تو امسال عالمی معیشت کے شرح نمو میں6فیصد کمی آئے گی اور اگلے سال اس میں کچھ حد تک بہتری آئے گی اور2.8فیصد کا اضافہ ہوسکتا ہے لیکن اگرتیسری لہر آئی تو عالمی معیشت میں8فیصد تک کمی ہوسکتی ہے،جو صورتحال کی سنگینی کو سمجھنے کیلئے کافی ہے۔ادھر اقوام متحدہ کے سیکریٹری جنرل انتونیو گوتریس نے ایک ویڈیو کانفرنس سے خطاب کرتے ہوئے حالات کی جو مایوس کن منظر کشی کی ،وہ دل کو پسیج کر رکھ دینی والی تھی ۔اُن کا کہناتھا کہ آج بھی 82کروڑ لوگ بھوک کاشکا رہیں اورپانچ سال یا اس سے کم عمر کے14کروڑ 40لاکھ بچوں کی نشو نما جمود کا شک