تازہ ترین

پٹن میں 3 منشیات فروش نوشہرہ اور پلہالن میں7 قمار باز گرفتار

 بارہمولہ//بارہمولہ پولیس نے منشیات مخالف مہم کے دوران شوکت احمد وانی ساکن وانی گام بالاکو گرفتارکرکے اس کی تحویل سے چرس برآمدکرلیا ہے۔ادھر پٹن قصبہ میں پولیس نے مین بازار پٹن میں چیکنگ کے دوران محمد یعقوب بٹ اور مقصود احمد وانی ساکنان پٹن کے قبضے سے کوڈین کی 8 بوتلیں برآمد کیں۔جس کے بعد د دونوں افراد کو گرفتار کیا گیا ۔ ادھر پولیس نے رائی پورہ  پلہالن علاقے سے چارقماربازوں کو گرفتار کیا ہے جن کے قبضے سے12270روپئے،ایک چک اور تاش کے پتے بھی برآمد کرلئے۔ سرینگر پولیس نے صورہ علاقے میں3قمارباز گرفتار کرلئے جن سے 17,640روپئے اور تاش کے پتے برآمد کئے گئے۔پولیس تھانہ صورہ نے نوشہرہ میں قمار بازوں کے ایک اڈے پر چھاپہ مار کر تینوں قمار بازوں کورنگے ہاتھوں گرفتار کرلیا۔ اُن کے خلاف ایک کیس زیر ایف آئی آر نمبر 13/2020  درج کیا گیا ۔  

پٹن میں 3 منشیات فروش نوشہرہ اور پلہالن میں7 قمار باز گرفتار

 بارہمولہ//بارہمولہ پولیس نے منشیات مخالف مہم کے دوران شوکت احمد وانی ساکن وانی گام بالاکو گرفتارکرکے اس کی تحویل سے چرس برآمدکرلیا ہے۔ادھر پٹن قصبہ میں پولیس نے مین بازار پٹن میں چیکنگ کے دوران محمد یعقوب بٹ اور مقصود احمد وانی ساکنان پٹن کے قبضے سے کوڈین کی 8 بوتلیں برآمد کیں۔جس کے بعد د دونوں افراد کو گرفتار کیا گیا ۔ ادھر پولیس نے رائی پورہ  پلہالن علاقے سے چارقماربازوں کو گرفتار کیا ہے جن کے قبضے سے12270روپئے،ایک چک اور تاش کے پتے بھی برآمد کرلئے۔ سرینگر پولیس نے صورہ علاقے میں3قمارباز گرفتار کرلئے جن سے 17,640روپئے اور تاش کے پتے برآمد کئے گئے۔پولیس تھانہ صورہ نے نوشہرہ میں قمار بازوں کے ایک اڈے پر چھاپہ مار کر تینوں قمار بازوں کورنگے ہاتھوں گرفتار کرلیا۔ اُن کے خلاف ایک کیس زیر ایف آئی آر نمبر 13/2020  درج کیا گیا ۔  

اونتی پورہ میں خشخاش کی فصل تباہ کردی گئی

سرینگر // منشیات مخالف مہم کے دوران اونتی پورہ پولیس نے 35 کنال اراضی پر پھیلی بھنگ اوررینز پورہ میں 20 کنال اراضی پر پھیلی خشخاش کی فصل تباہ کرکے 6افراد کو گرفتارکیا۔پولیس نے گرفتارکئے گئے افراد کی شناخت خورشید احمد میر،عبدالکبیر میر ساکنان کاونی اونتی پورہ ،علی محمد وگے ساکن نوگام اونتی پورہ اور بشیر احمد بٹ، محمد یوسف بٹ، غلام قادر بٹ ساکنان زینزی پورہ اونتی پورہ کے بطور کی ہے ۔جن کے خلاف کیس زیر ایف آئی آرنمبر73/23020 متعلقہ دفعا ت کے تحت درج کیا گیا۔اونتی پورہ پولیس نے ترال علاقے کے امیر آباد اور نئی بگ میں 5 کنال کی اراضی پر پھیلی خشخاش کی فصل تباہ کی۔  

نیشنل کانفرنس کے سینئر لیڈر جنک سنگھ سوڑی فوت

بارہمولہ// نیشنل کانفرنس کے سینئر لیڈر، شرومنی اکالی دل کشمیر کے صدر اور گردوارہ پروبند کمیٹی کے سابق صدر بارہمولہجنک سنگھ سوڑھی طویل علالت کے بعد اتوار کو فوت ہوئے۔ سوڑی نے سکمز میں آخری سانس لی۔نیشنل کانفرنس صدر ڈاکٹر فاروق عبداللہ اور نائب صدر عمر عبداللہ نے پارٹی کے سینئر لیڈر جنک سنگھ سوڑی کے فوت ہونے پر گہرے صدمے کا اظہار کیا ہے۔ دونوں لیڈران نے سوگوارکنبے کے ساتھ تعزیت کا اظہار کیا اور آنجہانی کی آتما کی شانتی کیلئے دعا کی۔ آنجہانی کو خراج عقیدت پیش کرتے ہوئے دونوں پارٹی لیڈران نے کہا کہ جنک سنگھ سوڑی ہمیشہ عوام کی فلاح و بہبود میں پیش پیش رہتے تھے۔پارٹی کے صوبائی صدر ناصر اسلم وانی، رکن پارلیمان ایڈوکیٹ محمد اکبر لون اور حسنین مسعودی  نے بھی صدمے کا اظہار کیا ہے۔ پارٹی کے خرانچی شمی سنگھ اوبرائے اور اقلیتی سیل کے آرگنائزر جگدیش سنگھ آزاد نے بھی تعزیت کا اظہار کیا ہے۔

ضلع ہسپتال گاندربل کووِڈ- 19کیلئے وقف کرنے سے دیگر مریضوں کو مشکلات

گاندربل//ضلع اسپتال گاندربل کو کورونامتاثرین کیلئے وقف کئے جانے کے بعد سے گاندربل میں دیگر مریضوں کو گوناگوں مشکلات کا سامنا ہے۔ایک ہفتہ قبل لیفٹنٹ گورنر کے صلاح کار بصیراحمدخان نے ضلع کا دورہ کرکے ہاتھبرہ میں موجود نودہ ودیالیہ اسکول ،جہاں کوروناوائرس میں مبتلاء مریضوں کیلئے انتظامات کئے گئے ہیں،کا جائزہ لیااورہدایت دی کہ ضلع میں کوروناوائرس میں مبتلاء مریضوں کوضلع اسپتال سے یہاں منتقل کیاجائے لیکن ایک ہفتہ گزرنے کے باوجود بھی ضلع اسپتال سے کروناوائرس مریضوں کویہاں منتقل نہیں کیا گیا،جس کی وجہ سے ضلع بھر کے دیگر مریضوں کو گوناگوں مشکلات کا سامنا ہے۔عوامی حلقوں، سماجی انجمنوں اورسول سو سائٹی  نے ضلع اسپتال کوقرنطینہ مرکز میں تبدیل کرنے پر ناراضگی کااظہار کیاہے۔ ادھر ضلع ہسپتال گاندربل میں کروناوائرس بیماری میں مبتلا افراد کے مطابق ہسپتال میں داخل کروناوائرس مریضوں کے لئے وہ سہولیا

ہلڑ کوکرناگ میں نجی کلنک سربمہر

اننت ناگ //ہلڑکوکرناگ کے ریڈزون علاقہ میں لاک ڈائون کی خلاف ورزی کرنے کی پاداش میں انتظامیہ اور پولیس نے ایک نجی کلنک کو سیل کردیا۔ضلع ترقیاتی کمشنر اننت ناگ کی ہدایت پر نائب تحصیلدار،بلاک میڈیکل افسر اور ایس ایچ او کوکر ناگ نے ایک مشترکہ کارروائی کے دوران ہلڑ آرہامہ میں واقع ڈاکٹر حسین کے نجی کلنک کو سیل کردیا۔نائب تحصیلدار کے مطابق کروناوائرس کی وباء کے پیش نظر چونکہ ہلڑ آرہامہ ریڈ زون ہے اور علاقہ میں کلنک کے کھلا رکھنے سے کووِڈ-   19کے پھیلنے کا امکان ہے اس لئے ضلع ترقیاتی کمشنر کی ہدایت پریہ کارروائی عمل میں لائی گئی۔قابل ذکر ہے کہ ضلع ترقیاتی کمشنر نے سنیچر شام کوایک حکم جاری کیا جس کے تحت ضلع میں کئی کلنکوں کو تاحکم ثانی بند رکھنے کی ہدایت دی گئی۔  

شکار گاہ ترال میں ہانگلوں کی کثیرتعدادموجود | خوراک کی تلاش میں میوہ باغات کارُخ کررہے ہیں

ترال//کشمیری ہانگل جس کے نایاب ہونے پر ماہرین کو تشویش ہے ،کو شکار گاہ ترال میں کثیرتعدادمیں دیکھاگیا ہے اور خوراک کی تلاش میں انہوں نے یہاں کے میوہ باغات میں داخل ہوکر نقصان پہنچایا ہے۔مقامی لوگوں نے محکمہ جنگلی حیات کے حکام سے اس سلسلے میں فوری طور اقدام کرنے کی اپیل کی ہے تاکہ میوہ باغات کو نقصان سے محفوظ رکھا جائے اور ہانگلوں کیلئے بھی خوراک کا بندوبست کیا جائے۔شکار گاہ اور اس سے ملحقہ دیہات کے لوگوں نے اس نمائندے کو بتایا کہ علاقہ میں ہانگل کی کثیرتعداد موجود ہے جنہیں یہاں موسم بہار کی آمد کے ساتھ ہی دیکھاگیا۔ایک خاتون نے بتایا کہ وہ حال ہی میں یہاں گھوم رہی تھی توانہوں نے کافی تعداد میں ہانگلوں کو جنگل کے دامن میں بیٹھے دیکھا۔شکار گاہ کے لری بل گائوں اور دیگر کئی دیہات ،جو شکارگاہ جنگل کے دامن میں واقع ہیں،کے لوگوں نے بھی بتایا کہ اُن کے میوہ باغات اورسبزیوں کے کھیتوں میں ہانگل

مزید خبرں

ڈائریکٹر جنرل آرمڈکی صدارت میں میٹنگ  اہلکاروں کوڈیوٹی کے دوران سماجی فاصلہ بنائے رکھنے کی تاکید سرینگر// وادی کے ناکوں اور چیکنگ پوائنٹس پر تعینات پولیس اہلکاروں کا جائزہ لینے کیلئے پولیس کے ایڈیشنل ڈائریکٹر جنرل آرمڈ اے ۔کے ۔چودھری نے کشمیر میں تعینات آرمڈ پولیس اور انڈئن رئزرو پولیس کے کمانڈنٹوں کی میٹنگ طلب کی۔ میٹنگ کے دوران  امن و قانون ،کورونا وائرس انتظامات،ناکوں پر تعیناتی اور دیگر انتظامی معاملات کے علاوہ پولیس اہلکاروں کی بہبودی کے معاملات کا جائزہ لیکر ان پر تبادلہ خیال کیا گیا۔پولیس ترجمان کے مطابق کمانڈنگ افسران کی طرف سے میٹنگ میں کئی معاملات کو اٹھایا گیا،جبکہ موقعہ پر ہی ایڈیشنل ڈائریکٹر جنرل  پولیس آرمڈ اے۔ کے۔ چودھری نے ان سے متعلق احکامات بھی صادر کئے۔ چودھری نے وادی میں ناکوںپر تلاشیوں اور دیگر جگہوں پر تعیناتیوں سے متعلق کمانڈنٹوں کو لاز

زلزلہ2005 | کرناہ میں کئی تباہ شدہ سکول ہنوز تشنۂ تکمیل

 کرناہ //سرحدی علاقہ کرناہ میں2005کے تباہ کن زلزلے بعد آج تک سکولوں کی تعمیرتشنۂ تکمیل ہے بلکہ یہ سکول اب کتوں یا پھر لوگوں کے مویشیوں کی آماجگاہ بنے ہوئے ہیں ۔2005کے تباہ کن زلزلے کو ہوئے 15سال کا عرصہ گزر گیا لیکن کئی سکولوں کو تعمیر کرنے میں ہنوز لیت و لعل کیا جارہا ہے۔ مڈل سکول اپرنہچیاں ، مڈل سکول جبڑی بجلدار ، مڈل سکول بیاڑی ، مڈل سکول دھنی پر 2006اور2007میں کام شروع کیا گیا بلکہ زرِ کثیر بھی خرچ کیا گیا لیکن پھر اچانک کام ٹھپ ہوگیا۔ان سکولوں کی نہ کھڑکیاں ہیں اور نہ دروازے۔مقامی لوگوں کا کہنا ہے کہ یہ سکول اب کتوں اور مویشوں کی آماجگاہ بنے ہوئے ہیں۔لوگوں کا کہنا ہے کہ اب ان کی تعمیر وتجدید کی طرف کوئی دھیان نہیں دیاجارہا ہے۔مقامی لوگوں کا کہنا ہے کہ ڈیولپمنٹ فنڈ سکیم کے تحت کروڑوں روپے ملے تو پھر سکول تعمیر کیوں نہیں ہوپائے ؟ محکمہ آر اینڈ بی اورمحکمہ تعلیم نے کہا کہ ا

اوڑی میں آگ کی واردات | 2رہائشی مکانات خاکستر

اوڑی//اوڑی کنٹرول لائن پر واقعہ گوالتہ نامی گائوں میں آگ کی ایک واردات میں دو رہائشی مکانات خاکستر ہوگئے۔مقامی لوگوں کے مطابق سنیچر کی صبح گوالتہ اوڑی میں عبدلمجید ولد سائیں گیگی کے رہائشی مکان میںاچانک آگ نمودار ہوئی ۔ آگ نے چند ہی منٹوں میں پورے مکان کو اپنی لپیٹ میں لیکر چند ہی منٹوں میں راکھ کردیا۔لوگوں کے مطابق اس دوران مذکورہ شہری کے دوسرے بھائی خادم حسین کا رہائشی مکان کوبھی آگ نے اپنی لپیٹ میں لیا اوروہ بھی مکمل خاکستر ہو گیا۔اگر چہ اطلاع ملنے پر فوری طور مقامی لوگ اور پولیس اہلکار جائے موقعہ پر پہنچے مگر آگ پر قابو نہ پایا جا سکا۔مقامی لوگوں کے مطابق آگ کی وجہ گیس لیک ہونے کی وجہ ہے۔بتایا جاتا ہے کہ سڑک سے دور ہونے کی وجہ سے فائر اینڈ ایمر جنسی سروس محکمہ بھی موقع پر نہیں پہنچ سکا۔ادھر نیشنل کانفرنس شمالی زون کے نائب صدر ڈاکٹر سجاد شفیع نے  انتظامیہ سے متاثرہ کنبوں

سانحہ ولرکے14سال مکمل،زخم آج بھی تازہ| متاثرین انصاف کے طلبگار ،ہندوارہ میں تعزیتی مجالس

ہندوارہ//سانحہ ولرکے 14سال بیت گئے اورمتاثرین کے زخم آج بھی تازہ ہیں۔ 30مئی2006کو اسی دو پہر میں اٹکی ہوئی ہیں جب جھیل ولر کی لہرو ں نے ہندوارہ پبلک سکول میں زیر تعلیم 22بچو ں کو نگل لیا ۔30مئی 2006کی صبح جب افق پر روشنی پھوٹ پڑی تو برنگ کینڈل پبلک سکول میں زیر تعلیم بچوں کے والدین اپنے بچوں کے ہاتھ پکڑ کر سکول پہنچ گئے اور اپنے جگر گوشو ں کو خوشی خوشی جھیل ولر کی سیر کے لئے الوداع کیا لیکن انہیں کیا معلوم تھا کہ انہوں نے اپنے بچو ں کو ہمیشہ کے لئے الوداع کیا ۔وٹلب پہنچتے ہی دوپہر کو بحریہ کے اہلکارو ں نے بچوں کو کشتی میں سوار کر کے جھیل ولر کی سیر کے لئے لیا لیکن جو ں ہی بچے اس کشتی میں سوار ہوئے تو کشتی الٹ گئی جس کے دوران 22بچے غرقآب ہوگئے ۔ان کی 14ویں برسی پر ہندوارہ اور اس کے مضافاتی علاقوں میں ان بچو ں کی یاد میں تعزیتی مجالس کا اہتمام کیا گیا جبکہ مزار شہداء ہندوارہ میں ان کے

سڑک یا دریاکنارے مردہ جانوروں کی موجودگی | اننت ناگ کے مختلف علاقوں میں عوام کوذہنی کوفت

اننت ناگ//اننت ناگ ضلع کے اکثر علاقوں میں مردہ جانوروں کو سڑک یا دریا کنارے پھینکنے سے بدبو پھیل جاتی ہے اورلوگوں کومشکلات کا سامنا کرنا پڑتاہے ۔ضلع کے کم چنار نوپورہ،مڈگج براگام،وانگنڈ قاضی گنڈ اور کوڈیگام وغیرہ علاقوں میں نامعلوم افراد کی جانب سے مردہ جانوروں کو سڑک یا دریا کنارے پھینکنے کا یہ سلسلہ جاری ہے۔شوکت احمد حجام نامی ایک شخص نے کشمیر عظمیٰ کو بتایا کہ گرمی کے ایام میں اب یہ بدبو سوہان روح بن جاتی ہے ۔یہی نہیں بلکہ آوارہ کتوں کی آماجگاہ بھی ثابت ہوتی ہے اورپھر بچوں اور عمر رسیدہ اشخاص کو گھروں سے باہر نکلنے میں دقتوں کا سامنا کرنا پڑتا ہے ۔محکمہ صحت کے ایک ملازم نے کہا کہ بدقسمتی سے کشمیر میں مردہ جانوروں کو ٹھکانے لگانے کے لئے کوئی منصوبہ بند پالیسی نہیں ہے اور یہی وجہ ہے کہ اکثر ایسے جانور دریااورسڑک کنارے ملتے ہیں اور ان مقامات سے پھیلنے والی بدبو اکثر بیماریاں پھیلنے ک

جواہرنگر گردوارہ میں نقب زنی کی واردات، تحقیقاتی عمل شروع

 سرینگر// جواہر نگر سرینگر میں جمعہ اور ہفتہ کی درمیان رات کونقب زنوںنے گردوارہ میں موجود پیسے اڑالئے۔ نقب زنوں نے گردوارے میں موجود لکڑی کی تجوری کو بھی توڑ ڈالا ۔ پولیس نے اس بات کی وضاحت کی ہے کہ گردوارے میں موجود لوہے کی تجوری محفوظ ہے جس کو نقب زن کھولنے میں ناکام رہے ہیں۔ خبر ملتے ہی ایس پی سائوتھ سجاد احمد کے علاوہ ایس ڈی پی ائو صدر اظہر رشید اور راجباغ پولیس تھانہ کے ایس ایچ او سمیر احمد فارنسک سائنس لیبارٹری اور سراغ رساں کتوں کے اسکارڈ کی ٹیم لیکر پہنچ گئے۔انہوں نے انگلیوں کے نشانات حاصل کئے۔اس دوران گردوارہ کے داخلی اورخارجی راستوں پر بھی ثبوتوں کی ممکنہ حصولیابی کیلئے کوشش کی گئی۔ پولیس ذرائع کا کہنا ہے کہ اس حوالے سے خفیہ کیمروں سے بھی تصاویر کو حاصل کیا گیااور مشتبہ افراد کی پوچھ تاچھ جارہی ہے۔پولیس کے مطابق اس سلسلے میں پولیس تھانہ راجباغ میں ایف آئی آر زیر نمبر42

نوہٹہ پولیس نے دو نقب زن گرفتار کرلئے | دو ماروتی گاڑیوں سمیت دیگر مال مسروقہ برآمد

سرینگر//نوہٹہ پولیس نے علاقے میں ہورہی چوری کی وارداتوں کو حل کرکے دو ماروتی گاڑیوں سمیت لاکھوں روپے مالیت کا سامان برآمد کرکے دو مطلوب چوروں کو گرفتارکرلیا۔نوہٹہ تھانہ کے ایس ایچ او تاثیر خان نے کشمیر عظمیٰ کو بتایاکہ انہوں محمد آصف وانی ساکن ٹینگہ پورہ گاندربل، ارسلان مشتاق واندروساکن پوج محلہ رعناواری نامی دو افراد کی گرفتاری عمل میں لائی جنہوں نے دوران تحقیقات قبول کیا کہ وہ چوری کی واردات میں ملوث ہیں ۔انہوں نے کہا کہ ان کی تحویل سے دو ماروتی گاڑیاں زیر نمبر JK01K-0152 اور JK01F-1501 ایک آٹو ،لاکھوں روپے مالیت کے تانبے کے برتن، موبائل فون اور سگریٹ برآمد کئے۔ پولیس کا کہنا کہ دونوں نقب زن کئی واردات میں ملوث ہیں۔ ان کے خلاف کیس زیر نمبر 21/2020 درج کرلیا گیا ہے۔  

پاکستان کی طرف سے حدمتارکہ پراور کشمیر میں جنگجویانہ سرگرمیوں کو فروغ دینے کی کوشش

سرینگر//جموں وکشمیر میں موجودہ صورتحال کے پس منظرمیں چنارکمان کے سربراہ لیفٹنٹ جنرل بی ایس راجو ،اور پولیس سربراہ دلباغ سنگھ نے یہاں کورگروپ کی ایک میٹنگ جس میں سول انتظامیہ ،خفیہ اداروں اور حفاظتی ایجنسیوں کے اعلیٰ حکام شریک تھے،میں حفاظتی صورتحال اور کسی بھی ممکنہ چیلنج سے نمٹنے کیلئے تیاریوں کا جائزہ لیا۔کور گروپ میں کشمیرکی حفاظتی معاملات پرتمام اداروں کو توجہ مزکوزرکھنے کی ضرورت اُجاگر کی گئی ۔میٹنگ میں بتایا گیا کہ خفیہ اداروں کی اطلاعات کے مطابق پاکستان نے حدتارکہ پردراندازی اور جنگ بندی خلاف ورزیوں میں اضافہ کیا ہے اور کشمیرمیں جنگجویانہ کارروائیوں میں شدت لانے کی کوشش کی جارہی ہے ۔پاکستان اور اس کے حاشیہ بردار جموں کشمیرمیں غلط معلومات پھیلانے کیلئے سوشل میڈیا پر سرگرم ہیں ۔ کور گروپ نے حدمتارکہ پرمستحکم دراندازی مخالف گرڈ یقینی بنانے پر غور کیاتاکہ کشمیرمیں جنگجوگرڈ کامقابلہ

لاک ڈائون کی خلاف ورزی | اچھ بل میں13دکانیں سربمہر

اننت ناگ //اچھ بل اننت ناگ میں کوروناوائرس کی عالمگیر وباء کو پھیلنے سے روکنے کیلئے نافذ ملک گیر لاک ڈائون کی خلاف ورزی کرنے پر13دکانوں کو حکام نے سربمہرکردیا۔اچھ بل پولیس کی ایک ٹیم نے ڈپٹی سپرانٹنڈنٹ محمدرفیق کی قیادت میں قصبہ میں نافذلاک ڈائون کی خلاف ورزی کرنے والے13دکانوں کو سربمہر کردیا۔پولیس کے مطابق لاک ڈائون کی خلاف ورزی کسی طور برداشت نہیں کی جائے گی ۔پولیس نے عوا م سے بھی اپیل کی کہ وہ عالمی وباء کی روکتھام کیلئے سرکارکی طرف سے جاری کی گئی ہدایات پر سختی سے عمل کریں ۔  

میربازار میں جموں کے ڈرائیور کی لاش درخت سے لٹکتی ہوئی پائی گئی

اننت ناگ//نیپورہ میربازاراننت ناگ میں جموں سے تعلق رکھنے والے ایک ٹرک ڈرائیور کی لاش پراسرار حالات میں درخت سے لٹکتی ہوئی پائی گئی۔تفصیلات کے مطابق الپائین پٹرول پمپ کے قریب میر بازار اننت ناگ میں سنیچر کی صبح ایک غیر مقامی شخص کی لاش درخت سے لٹکتی ہوئی پائی گئی ۔مقامی لوگوں نے لاش دیکھتے ہی پولیس کو مطلع کیا جس نے موقعہ پرپہنچ کر قانونی لوازمات پورا کرکے لاش کو پوسٹ مارٹم کیلئے بھیج دیا۔لاش کی شناخت رویندرسنگھ ولددیواسنگھ ساکن جگرسمبلی پریال جموں کے طور ہوئی جو پیشہ سے ڈرائیور تھااور گزشتہ کئی روزسے علاقہ میں درماندہ تھا۔پولیس نے معاملے کی نسبت کیس درج کرکے تحقیقات شروع کردی ہے۔  

بی ایس ایف کی گاڑی نالے میں جاگری

اوڑی//اوڑی میں سرحدی حفاظتی فورس (بی ایس ایف) کی ایک گاڑی کو حادثہ پیش آیااوروہ نالہ میں لڑھک گئی۔اطلات کے مطابق سنیچر کو بعد دوپہر اوڑی کے نامبلہ گاوں میں  بی ایس ایف کی ایک گاڑی حادثاتی طور نالہ میں لڑھک گئی اور گاڑی کو شدید نقصان ہوا۔پولیس ذرائع کے مطابق گاڑی اوڑی کے نامبلہ گاوں کے نزدیک گن پوسٹ نامی فوجی چوکی کے پاس سڑک کے کنارے اترائی میں کھڑی کی گئی تھی جس دوران اچانک گاڑی گہرے نالہ میں گر گئی۔پولیس کے مطابق اِس دوران گاڑی میں کوئی سوار نہیں تھا۔  

آسیہ اور نیلوفر کی دسویں برسی | لواحقین ہنوز انصاف کے منتظر

 شوپیان// شوپیاں ضلع میں آسیہ اور نیلوفر کی گیارویں برسی پر اُن کے اہل خانہ آج بھی انصاف کے منتظر ہیں اور قاتلوں کو سزا دینے کا مطالبہ کررہے ہیں۔بتادیں کہ دس سال قبل آج ہی کے دن بون گام شوپیاں کی رہنے والی آسیہ اور نیلوفر کی لاشیں رنبی آرا نالے سے بر آمد ہوئی تھیں۔ دونوں خواتین، جو رشتے کے لحاظ سے بھابھی اور نند تھیں، کی مبینہ طور پر قتل سے قبل آبرو ریزی کی گئی تھی اور اس واقعے سے وادی بھر میں احتجاجوں اور ہڑتالوں کی شدید لہر چلی تھی اور ضلع شوپیان میں مسلسل 47 دنوں تک ہڑتال کی گئی۔واضح رہے کہ جنوبی قصبہ شوپیان کی 17 سالہ آسیہ جان اور ان کی بھاوج نیلوفر شکیل 29مئی2009 کو سہ پہر کے وقت لاپتہ ہوئی تھیں اور اگلے روز صبح دونوں کی لاشیں رمبی آراء  سے بر آمد ہوئیں۔یہ دونوں اپنے باغ میں گئی تھیں اور لوٹتے وقت لاپتہ ہو گئی تھیں۔پوسٹ مارٹم رپورٹ میں کہا گیا تھا کہ آسیہ اور

پہلگام بازار میں غیر قانونی دکان منہدم

اننت ناگ//میونسپل کمیٹی پہلگام نے بازار میں غیر قانونی طور تعمیر کیاگیا دکان منہدم کیا ۔کمیٹی کے صدر رئیس احمد لون کے مطابق اُنہیں یہ شکایت موصول ہوئی کہ قصبہ کے بازار میں غیر قانونی طور پر چائے کی دکان تعمیر کی گئی ہے جس پر فوری کارروائی کرتے ہوئے دکان کو منہدم کیا گیا ۔