تازہ ترین

عید میلاد تمام طبقوں میں بھائی چارے، یکجہتی اور امن کا پیامبر

سرینگر //لیفٹیننٹ گورنر منوج سنہا نے جموں کشمیرکے عوام کو عید میلاد کے مقدس موقع پر مبارکباد پیش کی ۔ اپنے تہنیتی پیغام میں انہوں نے امید ظاہر کی کہ یہ مبارک موقع سماج کے تمام طبقوں میں یکجہتی ، امن اور بھائی چارے کا پیامبر بن کر آئے ۔لیفٹیننٹ گورنر نے جموں کشمیر کیلئے امن ، ترقی اور خوشحالی اور لوگوں کی خیر و عافیت کی دعا کی ۔ لیفٹیننٹ گورنر کے مشیر راجیو رائے بٹھناگر نے عید میلاد کے مبارک موقع پر جموں کشمیر کے عوام کو مبارکباد پیش کی ۔ اپنے پیغام میں مشیر بٹھناگر نے اُمید ظاہر کی کہ یہ مبارک موقع پورے جموں کشمیر کیلئے امن ، یکجہتی ، ترقی اور خوشحالی کا پیغام لیکر آئے گا ۔ انہوں نے کہا کہ ہمیں اس دن اپنوں اور پوری انسانیت کیلئے دعا کرنی چاہئے ۔ مشیر نے جموں کشمیر کے عوام کی خوشحالی ، امن ، صحت اور خوشی کیلئے دعا کی ۔  لیفٹیننٹ گورنر کے مشیر بصیر خان نے جموں کشمیر کے عوام کو عید

مامر کنگن اور ٹنگمرگ میں عمارتی لکڑی اور2گھوڑے ضبط

کنگن+ٹنگمرگ//فارسٹ پروٹکشن فورس نے کلن گنڈ جنگل سے غیر قانونی طور پر کاٹی گئی عمارتی لکڑی ضبط کرلی گئی۔سندھ رینج کنگن کے کلن میں فارسٹ پروٹکشن فورس مامر اور مقامی جنگلات اہلکاروں نے ایک مصدقہ اطلاع ملنے پر کلن کے کمپارٹمنٹ نمبر46 سے غیر قانونی طور پر کاٹی گئی 86مکعب فٹ عمارتی لکڑی ضبط کرلی۔ فارسٹ پروٹکشن فورس مامر کے ڈپٹی اسسٹنٹ ڈائریکٹر عباس حسین نے کشمیر عظمیٰ کو بتایا کہ انہیں اطلاع ملی تھی کہ کمپارٹمنٹ نمبر46 میں جنگل سمگلر سرگرم ہیں جس کے بعد انہوں نے وہاں جاکر کارروائی عمل میں لائی اور غیر قانونی طور پر کاٹی گئی عمارتی لکڑی ضبط کی۔ادھرٹنگمرگ کے رنگہ والی میں محکمہ وائلڈ لائف اور ٹنگمرگ پولیس نے مشترکہ شبانہ کارروائی کے دوران جنگل اسمگلروں سے دوبدو جھڑپ میں 50 فٹ عمارتی لکڑی کائرو اور دو گھوڑے ضبط کر لئے جبکہ ایک جنگل اسمگلر کو دبوچ لیا ۔محکمہ وائلڈ لائف اور ٹنگمرگ پولیس نے 28 اور

آرینز کالج میں زیر تعلیم کشمیری طلاب کی شاندار کارکردگی

سرینگر//آرینز انجینئرنگ کالج راج پورہ چندی گڑھ میں زیر تعلیم طالب علموں نے ’ایم آر ایس ۔پی ٹی یو‘ بٹھنڈا کے زیر اہتمام فائنل امتحانات میں شاندار کامیابی حاصل کرکے کالج کا نام روشن کیا ہے۔بی ٹیک کمپیوٹر سائنس انجینئرنگ کے چوتھے سال میں مصور خالق نے 9.53 ایس جی پی اے کے ساتھ پہلی پوزیشن حاصل کرلی ہے۔مہوش رشید نے 8.87 ایس جی پی اے کے ساتھ دوسری اورگووند شرن نے 8.73 ایس جی پی اے کے ساتھ  تیسری پوزیشن حاصل کی۔بیان کے مطابق بی ٹیک الیکٹریکل انجینئر نگ کے چوتھے سال میں میناکشی سنگھ نے 9 ایس جی پی اے کے ساتھ پہلی ، عادل گلزار نے 8 ایس جی پی اے کے ساتھ دوسری اور محمد یونس نجار،یاور الیاس پیر اور مدثر پیام نے 7.82 ایس جی پی اے کے ساتھ تیسری پوزیشن حاصل کی۔بی ٹیک الیکٹریکل اور الیکٹرانکس انجینئرنگ کے چوتھے سال میںعدنان شمس ڈار نے 8.93 ایس جی پی اے کے ساتھ پہلی ، عارف بشیر وانی

سوپور میں آگ |3 رہائشی مکانات خاکستر، 2کوجُزوی نقصان

 سوپور//سوپور میں آتشزدگی کی ایک واردات میں تین رہائشی مکانات خاکستر ہوگئے جبکہ مزید دو مکانات کو جزوی نقصان ہوا۔ قصبہ کے نہارپورہ علاقے میں بدھ کو شام دیر گئے غلام نبی شاہ کے دو منزلہ مکان سے آگ نمودار ہوئی جس نے عبد المجید شاہ اور ریاض احمد شاہ کے رہائشی مکانات کو بھی لپیٹ میں لے لیا۔ اگرچہ فائر اینڈ ایمرجنسی سروسزکی آگ بجھانے والی دو گاڑیاں فوری طور پر جائے واردات پر پہنچ گئیںتاہم آگ اس قدر ہولناک تھی کہ تینوں مکانات خاکستر ہوئے ۔اس دوران واردات میں علی محمد شاہ اور بشیر احمد شاہ کے مزید دورہائشی مکانات کو بھی جزوی نقصان پہنچا ۔ فائر سروس عملہ ،مقامی لوگوں اورپولیس کی طرف سے کئی گھنٹوں کی مسلسل جدوجہد کے بعد آگ پر قابو پا لیا گیا لیکن لاکھوں روپے کی املاک خاکستر ہو گئی۔ پولیس نے معا ملہ کی نسبت کیس درج کرلیا ہے۔  

ہندوارہ میں مہلوک پولیس اہلکاروں کی یاد میں ثقافتی پروگرام

 سرینگر//ہندوارہ پولیس نے’ فلیگ ڈے‘ کے موقع پرمہلوک اہلکاروں کی یاد میں ڈسڑکٹ پولیس لاینزمیں ایک ’ثقافتی پروگرام‘ کا انعقاد کیا جس میں ڈی ایس ڈی آر رقیب ملک نے ایس پی ہندوارہ ڈاکٹر جی وی سندیپ چکر وردی کی زیر نگرانی میں کی ہے ۔اس موقع پر مختلف گلوکاروں اور فنکاروں نے رنگا رنگ پروگرام پیش کئے۔ پروگرام کے دوران مہلوک اہلکاروں کے اعزاز میں ایک منٹ کی خاموشی اختیار کی گئی ۔اس موقع پر کافی تعداد میں عام لوگوں اور سیول سوسائٹی ممبران بھی محظوظ ہوئے ۔پروگرام کے اختتام پر ڈی ایس پی ڈی آرہندوارہ نے شرکاء میں اسناد تقسیم کیں ۔  

گگن گیر میں محکمہ بجلی کے خلاف احتجاجی دھرنا

کنگن// وسطی ضلع گاندربل کے چونہ دجی گگن گیر گنڈ علاقے میں اس وقت سرینگر لداخ شاہراہ پر ٹریفک کی آمدورفت بند ہو گئی جب چونہ دجی گوجر پتی گگن گیر کے مرد وزن نے محکمہ بجلی کے خلاف احتجاجی دھرنا دیا ۔مظاہرین کا کہنا تھا کہ 100گھرانوں پر مشتمل آبادی کے لئے محکمہ نے 100KV بجلی ٹرانسفارمر نصب کیا ہے اور اسی ٹرانسفارمر سے نزدیکی سی آر پی ایف کیمپ کو بھی بجلی سپلائی فراہم کی جارہی ہے جس کی وجہ سے یہاں اکثر بجلی متاثر رہتی ہے۔ انہوں نے کہا کہ مقامی لوگوں کو بجلی کی عدم دستیابی کے پیش نظر مشکلات کا سامنا کرنا پڑتا ہے۔مظاہرین نے مطالبہ کیا کہ بستی میں 250KV بجلی ٹرانسفارمر کو نصب کیا جائے تاکہ لوگوں کو مزید مشکلات کا سامنا نہ کرنا پڑے ۔بعد میں گنڈ پولیس کی ٹیم نے انہیں یقین دلایا کہ ان کا مسئلہ محکمہ بجلی کے افسران کی نوٹس میں لایا جائے گا جس کے بعد احتجاجی مظاہرین پرامن طور منتشر ہوئے اور شاہر

اراضی قانون کیخلاف پی ڈی پی کے احتجاجی پروگرام پر قدغن لگا دی گئی

سرینگر//جموں کشمیر کی اراضی پر غیر مقامی لوگوں کو مالکانہ حقوق دینے سے متعلق قانون کے خلاف پی ڈی پی کی جانب سے جلوس برآمد کرنے کی کوشش ناکام بنائی گئی اور اس موقعہ پر درجن بھر کے قریب لیڈروں اور کارکنوں کو حراست میں لیا، جنہیںبعد میں ضمانت پر چھوڑ دیا گیا۔ جمعرات کو پی ڈی پی پارٹی ہیڈ کوارٹر واقع پولو ویوپر مرکزی حکومت کی طرف سے جموں و کشمیر کے نئے اراضی قوانین لاگو کرنے کے خلاف احتجاج کرنے کیلئے پارٹی کارکن جمع ہوئے، لیکن اس سے قبل ہی وہاں بھاری تعداد میں تعینات پولیس وفورسز اہلکارموجود تھے ، جنہوں نے ورکروں اور کئی لیڈران کو تحویل میں لیا۔پی ڈی پی ترجمان سہیل بخاری نے اس موقعہ پر نامہ نگاروں سے بات کرتے ہوئے کہا کہ نئے اراضی قوانین کے خلاف پی ڈی پی کے مارچ کو ناکام بنایا گیا اور کئی لیڈران وکارکنان کو حراست میں لیا گیا ۔انہوں نے کہا کہ پارٹی کے ضلع صدر خورشید عالم پارٹی کارکنان کے ہ

شالہ بُگ میں عوامی مانگوں اور مسائل کی سنوائی

گاندربل//لیفٹیننٹ گورنر کے مشیر بصیر احمد خان نے جمعرات کو شالہ بُگ گاندربل کا دور ہ کر کے وہاں مقامی لوگوں کی شکایات اور مسائل کے فوری اَزالے کے لئے ان کے گھروں کے نزدیک ہی عوامی دربار منعقد کیا۔اس موقعہ پرضلع ترقیاتی کمشنر گاندربل شفقت اِقبال ، ایس ایس پی گاندربل خلیل پوسوال ،چیف انجینئر پی ڈی ڈی ، اے ڈی سی گاندربل ، اے سی ڈی ، بی ڈی سی چیئرپرسن، سرپنچ ، ضلع اَفسران کے علاوہ لوگوں کی بڑی تعداد موجود تھی۔پنچایتی راج اداروں کے نمائندے اور مقامی لوگوںنے اپنے مسائل اور مانگیں مشیر موصوف کو گوش گذار کئے جن میں پیر پورہ شالہ بُگ سڑک کی کشادگی ، نالہ سندھ پر شالہ بُگ پل کی تعمیر، این ٹی پی ایچ سی ایس شالہ بگ کیلئے ایمبولنس سروسز کی فراہمی ، شالہ بُگ میں وائلڈ لائف سنیچری کو ترقی دینے، ٹرانسفارمروں کی توسیع ، علاقے میں ہائیر سکینڈری سکول کے قیام شامل ہیں۔پیش کی گئی مانگوں کے جواب میں مشیر مو

۔8ویں اور9ویں جماعت کے امتحانات

سرینگر// ریاستی تعلیمی تحقیق و تربیت کونسل (ایس سی ای آر ٹی) نے جمعرات کو ان قیاس آرائیوں کو ختم کرتے ہوئے اعلان کیا کہ8ویں اور9ویں جماعت کے طلباء کے رو بہ رو آف لائن امتحان منعقد کیا جائے گا۔’’ایس سی ای آر ٹی ‘‘کے ڈائریکٹر وینا پنڈتا نے ایک نوٹیفکیشن میں کہا ’’متعلقہ اسکول سوالی پرچے مرتب کریں گے،اور دوسری ٹرم کے نصاب سے پرچوں کے نمونے’’ ایس سی ای آر ٹی ‘‘کے تعلیمی تحقیق ، سروے اور اسسمنٹ ونگ اور متعلقہ ضلع تعلیمی ادارے برائے تربیت(ڈائٹ) کی سی ڈی ایم ای شعبہ جات کے ذریعہ تیار کئے جائیں گے جس میں طلباء  کیلئے 40 فیصد انتخاب کی رعایتی اسکیم بھی جاری رہے گی۔‘‘انہوں نے کہا’’ان کلاسوں کیلئے قلم اور کاغذی جائزہ لینے سے نہ صرف لاک ڈاؤن کے دوران طلبا کی سیکھنے کی سطح کو جانچنے میں مدد ملے گی بلکہ ما

پلوامہ حملہ عمران کی سربراہی میں قوم کی کامیابی

اسلام آباد// پاکستان میں سائنس و ٹیکنالوجی کے وزیر فوادچودھری نے جمعرات کے روز اعتراف کیا کہ جموں وکشمیر میں سال2019میں ہوئے پلوامہ حملہ میں پاکستان ذمہ دار تھا، جس میں سی آر پی ایف کے 40 اہلکار ہلاک ہوئے تھے اور دونوں ممالک کے درمیان کشیدگی بھی بڑھ گئی تھی ۔ وزیر نے کہا’’ ہم نے ہندوستان کو ان کے گھر میں جا کر مارا ’ پلوامہ میں ہماری کامیابی ، عمران خان کی سربراہی میں اس قوم کی کامیابی ہے، آپ اور ہم سب اس کامیابی کا حصہ ہیں ‘‘سائنس و ٹیکنالوجی کے وزیر فواد چودھری نے پاکستان کی اسمبلی میں ایک بحث کے دوران یہ باتیں اپوزیشن پارٹی پاکستان مسلم لیگ (ن) کے رہنما ایاز صادق کے بیان کے ایک روز بعد کہی ہیں۔جب صادق نے بدھ کو پاکستان کی قومی اسمبلی کے اجلاس کے دوران ایاز صادق نے دعویٰ کیا تھا پاکستان کو انڈیا کی جانب سے حملے کا ڈر تھا اور اسی لیے وزیر خارجہ شاہ محم

اراضی قوانین کیخلاف سیاسی اور سماجی تنظیموں کا شدید ردعمل

ہماری واپسی اور بحالی تک نئے قانون پر پابندی عائد کی جائے:ستیش امبردار   سرینگر //جموں اورملک کے دوسرے شہروں میں مقیم مہاجر کشمیری پنڈتوں نے بھی نئے زمین قانون کیخلاف آواز بلندکردی ہے ،اورمطالبہ کیا ہے کہ اس قانون کوفوری طورپرواپس لیاجائے ۔ مہاجر پنڈتوں کی ایک تنظیم کشمیری پنڈت مفاہمت،واپسی وبحالی کے چیئرمین ستیش امبردارنے جموں وکشمیر میں ملک بھرکے شہریوں کوزمین خریدنے کی اجازت دئیے جانے پراعتراض جتاتے ہوئے کہا کہ حکومت ہند نے 27اکتوبر2020کوزمین سے متعلق جوقانون نوٹیفائی کیاہے ،اُسکے تحت اب ہندوستان بھرسے لوگ یہاں آکر زمین خریدنے کے اہل بن گئے ہیں ۔انہوں نے کہاکہ کشمیری مہاجرپنڈت دھوکہ محسوس کررہے ہیں کیونکہ ہم گزشتہ31برسوں سے اپنے وطن کو واپسی اوربحالی وبازآبادکاری کاانتظار کررہے ہیں ۔ستیش امبردارکے بقول حکومت ہندنے پورے کشمیر کوبروئے فروخت رکھاہے ۔انہوں نے سوالیہ اندا

مزید خبرں

اگلے چند روز تک موسم خشک رہنے کا امکان   درجہ حرارت میں مزید گراوٹ ہوگی :محکمہ موسمیات  نیوز ڈیسک    سرینگر// محکمہ موسمیات کا کہنا ہے کہ نومبر 4تک وادی میں موسم خشک رہے گا تاہم مطلع ابرآلود رہ سکتا ہے جس کے نتیجے میں درجہ حرارت میں مزید گراوٹ آکر سردیوں میں اضافہ ہوسکتا ہے ۔ محکمہ موسمیات نے پیش گوئی کی ہے کہ وادی کشمیر میں اگلے چند روز تک موسم خشک رہنے کا امکان ہے ۔ محکمہ کے مطابق اگلے ماہ کی 4تاریخ تک موسم مجموعی طور پر خشک رہ سکتا ہے تاہم 31اکتوبر کو کہیں کہیں پر ہلکی بوندا باندی ہوسکتی ہے، تاہم اس کے کم ہی امکانات ہیں۔ ادھر جمعرات کو سرینگر میں دن کا زیادہ سے زیادہ درجہ حرارت 19.4ڈگری ریکارڈ کیا گیا ہے جبکہ بدھ اور جمعرات کو رات کا کم سے کم درجہ حرارت2.0ڈگری سلسیش ریکارڈ کیا گیا ہے ۔   درماندہ 7,39,019 شہریوںکی واپسی جموں

ڈورو میں نقب زنی کی واردات

اننت ناگ//ڈورو شاہ آباد میں نقب زنوں نے دوران شب 3دکانوں سے ہزاروں روپئے مالیت کا قیمتی سامان اُڑا لیا ۔نقب زنوں نے منگل اور بدھ کی درمیانی رات کو جن تین دکانوں سے ساز وسامان اڑالیا اُن میں ریڈی میڈ گارمنٹس،موبائل سازوسامان اور ایک مرغ فروش شامل ہے ۔پولیس نے معاملے کی نسبت کیس درج کیا ہے ۔نقب زنی کی اس واردات سے کاروباری حلقوں میں تشویش پائی جارہی ہے۔  

بدعنوانی معاشرے میں سرایت کرچکی ہیں:پروفیسر معراج الدین | سنٹرل یونیورسٹی کے گرین کیمپس میں آگاہی ہفتہ کا انعقاد

گاندربل//سنٹرل یونیورسٹی کشمیر کے وائس چانسلر پروفیسر معراج الدین میر نے کہا کہ معاشرے کے ہر شعبے میں بدعنوانی کی جڑیں بہت گہری اور مضبوط ہوچکی ہیں جس کا تدارک کرنے کیلئے کی فوری طور پرتوجہ دینے کی ضرورت ہے۔پروفیسر معراج الدین نے بدھ کو ورکشاپ کے پہلے روز شرکاء سے خطاب کرتے ہوئے کہا ’’سرکاری اور نجی اداروں میں رشوت اور بدعنوانی کی دیگر اقسام کی روک تھام کے لئے سخت قوانین موجود ہیں اور متعدد سرکاری اداروں کے قیام کے باوجود اب بھی عدم استحکام ہے اور اس میں اضافہ جاری ہے‘‘۔ یونیورسٹی کے گرین کیمپس میں ’’چوکسی انڈیا خوشحال ہندوستان‘‘کے موضوع پر آگاہی ہفتہ منایا گیا۔اس موقع پر رجسٹرار سنٹرل یونیورسٹی کشمیر پروفیسر ایم افضل زرگر، کنٹرولر امتحانات پروفیسر پروین پنڈت، فائنانس آفیسر پروفیسر فیاض احمد ٹیکہ، اسکولوں کے سربراہ اور انتظامیہ کے اعلی

اَراضی قوانین میں ترامیم کے خلاف سیاسی جماعتوں کا شدید ردعمل | ’ڈوگروںکے ساتھ دھوکہ ناقابل قبول‘ | اپنی پارٹی وزیراعظم اور وزیر داخلہ سے مداخلت طلب کرے گی

سرینگر//اپنی پارٹی نے مرکزی حکومت کی طرف سے جموں کشمیرمیںاراضی قوانین میں ترامیم کو بلاجوازاورغیرمنصفانہ قرار دیتے ہوئے اس معاملے میں وزیراعظم اور وزیر داخلہ سے مداخلت طلب کرنے کا فیصلہ کیا ہے جبکہ جموں میں پارٹی کے رہنمائوں نے متنبہ کیا ہے کہ اگر ان قوانین کو واپس نہیں لیاگیا تووہ سڑکوں پرآکراحتجاج کریں گے۔اپنی پارٹی کے سرینگرمیں منعقدہ ایک اجلاس میں جموں کشمیر اراضی قوانین میں ترامیم کو بلا جوازاورغیر منصفانہ قرار دیتے ہوئے اس معاملے میں وزیراعظم اوروزیرداخلہ سے ملاقات کرکے ان کی مداخلت طلب کرنے کا فیصلہ کیا گیا۔ایک بیان کے مطابق پارٹی صدر الطاف بخاری کی عدم موجودگی میں میٹنگ کی صدارت جنرل سیکریٹری رفیع احمد میر نے کی۔ میٹنگ میں کہاگیاکہ جموں وکشمیر اراضی قوانین میں جوترامیم کی گئیں وہ بلاجواز ،غیر منصفانہ ہیں اور جموں وکشمیر کی عوام کو ہرگز قبول نہیں۔پارٹی لیڈران نے جموں وکشمیر ریو

سرجان برکاتی 4 سال بعد رہا

اننت ناگ/// جنوبی کشمیر سے تعلق رکھنے والے سرجان برکاتی کو چار سال بعد نظربندی کے بعد رہا کیا گیا ہے۔برکاتی کے اہل خانہ نے رہائی کی تصدیق کرتے ہوئے کہا کہ موصوف کو شوپیاں ہیر پورہ تھانے سے رہا کیا گیا ۔برکاتی کو  یکم اکتوبر 2016 کو گرفتار کیا گیا تھا۔  

لڑکی کے ساتھ زیادتی | اوڑی میں نوجوان گرفتار

اوڑی///اوڑی میں ایک اُ نیس برس کی لڑکی کے ساتھ زیادتی کرنے پرایک نوجوان کو گرفتار کیا گیا ہے۔ اطلاعات کے مطابق ناظم حسین ولد عبدالطیف ساکن نوارنڈا،نے اپنے ہی علاقہ کی ایک کم عمر لڑکی کے ساتھ زیادتی کی۔پولیس کے مطابق لڑکی کے گھر والوں کی شکایت کے بعد نوجوان کو گرفتار کیاگیااور لڑکی کی طبی جانچ کرائی گئی ۔ایک پولیس افسر کے مطابق اس سلسلے میں ایک کیس تعزیرات ہند کی دفعہ376،363کے تحت زیرایف آئی آرنمبر151/2020درج کیا گیا ہے ۔  

سات دن بعد سوپور کے غرقآب لڑکے کی لاش برآمد

سوپور//گزشتہ ہفتے سوپور میں جس نوعمر لڑکے نے مبینہ طور دریائے جہلم میں چھلانگ لگاکر خودکشی کی تھی،کی لاش کو سات روز بعد دریائے جہلم سے برآمد کیاگیا۔اطلاعات کے مطابق  بارہ برس کے شاہد نظیرولدنظیراحمد چنگال ساکن احدآباد سوپور نے 21اکتوبر کو دریائے جہلم میں چھلانگ لگاکر خودکشی کی تھی۔پولیس،بحریہ،اسٹیٹ ڈیزاسٹرریسکیو فورس اور مقامی لوگوں کی انتھک کوششوں کے بعد بدھوار صبح کو مذکورہ لڑکے کی لاش کو دریا سے برآمد کیاگیا۔پولیس حکام کے مطابق لاش کو سب ضلع اسپتال سوپور لیجایا گیا جہاں اس کا پوسٹ مارٹم کیاگیااور قانونی لوازمات پورا کئے جانے کے بعد لاش وارثوں کے سپرد کی گئی۔اس سلسلے میں پہلے ہی پولیس نے ایک کیس درج کرکے تحقیقات شروع کی ہے ۔    

سب ضلع اسپتال سوگام میں سہولیات کافقدان،طبی ونیم طبی عملہ کی کمی | چار سال سے شفاخانہ میں کوئی جراحی نہ ہوئی،سرجن ڈاکٹر کو منسلک کرنے کاشاخسانہ

سوگام (لولاب)// ضلع کپوارہ کے وادی لولاب کے سوگام میں قائم سب ضلع اسپتال میں بنیادی سہولیات کا فقدان ہے جس کی وجہ سے مریضوں کو سخت مشکلات کا سامنا ہے ۔ضلع صدر مقام کپوارہ سے 17کلو میٹر دور لولاب کے سوگام اور اس کے مضافات کی آبادی کے ایک بڑے حصے کے لئے سب ضلع اسپتال سوگام واحد امید ہے کہ وہا ں پر اُن کا بہتر طبی علاج و معالجہ کیا جائے گا لیکن طبی اور نیم طبی عملہ کی کمی کی وجہ سے مریضوں کو سخت مشکلات کا سامنا ہے۔ مذکورہ اسپتال میں روزانہ 200 سے 300 مریض علاج و معالجہ کی غرض سے آتے ہیں لیکن ڈاکٹرو ں کی کمی کی وجہ سے وہ ضلع کے دیگر اسپتالو ں کا رخ کرنے کے لئے مجبور ہیں ۔معلوم ہوا ہے کہ سب ضلع اسپتال سوگام میں سرجن ڈاکٹرو ں کی دو اسامیا ں ہیں اور وہ دونو ں خالی پڑی ہیں ۔اسپتال ذرائع کا کہنا ہے کہ 4سال قبل سوگام اسپتال کے ایک سرجن ڈاکٹر کو بڈگام اسپتال کے ساتھ منسلک کیاگیا لیکن تاحال کسی

ویری ناگ میں محکمہ جنگلات کے عارضی ملازمین کا احتجاج

اننت ناگ//ویری ناگ میں محکمہ جنگلات کے عارضی ملازمین نے مطالبات کو لے کر احتجاج کیا ہے۔احتجاجی ملازمین نے بتایا کہ وہ ایک طویل عرصہ سے محکمہ میں مستقل ملازمین کے شانہ بشانہ اپنی ڈیوٹی انجام دیتے ہیں لیکن اب وہ لوگ گذشتہ 6مہینے سے مشاہرے سے محروم ہیں جس کے نتیجے میںانہیں سخت مشکلات درپیش ہونے کے علاوہ ان کے بچے فاقہ کشی کاشکار ہورہے ہیں ۔اُنہوں نے کہا کہ وہ حال ہی میں ڈویژنل فاریسٹ آفیسر اننت ناگ سے مشاہرے کی ادائیگی کو لے کر ملاقی ہوئے جس میں موصوف نے ان کے مشاہیرے کوواگذار کرنے کی یقین دہانی کی تاہم رینج آفیسر ویری ناگ حاضری روانہ کرنے میں ٹال مٹول سے کام لے رہا ہے جس کے باعث ان کی تنخواہیں گذشتہ 6مہینے سے رکی پڑی ہیں اور وہ لوگ مجبوراََ احتجاج پر اُتر آئے ہیں ۔ احتجاجی ملازمین رینج آفیسر کے خلاف نعرے بلند کر رہے تھے ۔محمد یوسف نامی عارضی ملازم نے کشمیر عظمیٰ کو بتایا کہ قلیل مشاہ