تازہ ترین

پھاک گاندربل میں متعدد ٹیوب ویل بے کار | پانی کی شدید قلت سے عوام مشکلات سے دوچار

گاندربل//پھاک گاندربل میں متعدد ٹیوب ویل ناکارہ ہونے سے ہزاروں نفوس پر مشتمل آبادی کو پانی کی شدید قلت پیدا ہوگئی ہے۔ پھاک میں پینے کے صاف پانی کی سپلائی متاثر ہونے سے بحران جیسی صورتحال پیدا ہوگئی ہے۔بجلی کوہل سے پھاک کو پانی فراہم ہوتا تھا لیکن گزشتہ برس نومبر میں ملہ شاہی باغ کے مقام پر کنال ڈھہ جانے سے علاقہ پھاک کو پینے کے صاف پانی کی شدید قلت پیدا ہوگئی ہے۔رواں سال پھاک کے درجنوں دیہات میں خشک سالی اور پانی کی عدم فراہمی کی وجہ سے دھان کے کھیت، سیب کے باغات،مویشوں کے لئے سبز گھاس بھی خشک ہوگئے ہیں اوریہاں تک کہ درجنوں مویشی بھی پانی کی شدید قلت کی وجہ سے مرگئے۔ 2003اور2004 میں اُس وقت کی سابقہ حکومت نے پھاک میں ہر علاقے میں ٹیوب ویل تعمیر کئے گئے تاکہ پانی کی سپلائی بحال رہے اور ہر ٹیوب ویل پر 70 ہزار سے لیکر ایک لاکھ روپے کی لاگت آئی۔مقامی لوگوں نے الزام عائد کیا کہ ایک دو سال

سب ڈسٹرکٹ ہسپتال ٹنگمرگ میں آگ | پرانا ڈسچارج ریکارڈ خاکستر

ٹنگمرگ//سب ڈسٹرکٹ اسپتال ٹنگمرگ میں آگ لگنے سے ڈسچارج ریکارڈ خاکستر ہوا۔ سنیچر کو علیٰ الصبح سب ڈسڑکٹ اسپتال ٹنگمرگ کی دوسری منزل پر آگ شعلے بلند ہوگئے جس سے وہاں بیماروں اور تیماداروں میں افراتفری مچ گئی ۔ ٹنگمرگ پولیس اور فائر اینڈ ایمرجنسی کے اہکاروں نے آگ پر قابو لیا۔ آتشزدگی میں اسپتال کی چھت پر پرانا زچہ بچہ ڈسچارج ریکارڈ خاکستر ہوا جبکہ بروقت کارروائی سے آپریشن تھیٹر اور وہاں ساتھ ہی موجود کروڑوں روپے مالیت کی مشینری کو بچالیاگیا۔ بلاک میڈیکل افسر ٹنگمرگ ڈاکٹر صبحہ وانی نے کہاکہ اسپتال کا تمام ریکارڈ محفوظ ہے البتہ اسپتال میں زچہ بچہ ڈسچارج پرانا ریکارڈ خاکستر ہوا ۔اپنی پارٹی کے لیڈر غلام حسن میر نے بھی سب ڈسڑکٹ اسپتال ٹنگمرگ کا دورہ کرکے وہاں آگ سے چھت کو ہوئے نقصان کی فوری مرمت کرانے کی ایل جی انتظامیہ سے اپیل کی ہے۔نٹگمرگ پولیس نے اس سلسلے میں کیس درج کرلیاہے۔ 

چوگام قاضی گنڈ میں پانی کی عدم دستیابی پر عوام برہم

اننت ناگ //چوگام قاضی گنڈ میں پینے کے پانی کی قلت سے مقامی آبادی کو مشکلات کا سامنا ہے ۔مقامی لوگوں نے کشمیر عظمٰی کو بتایا کہ علاقہ کو گذشتہ کئی ہفتوں سے پینے کے پانی کے حوالے سے مشکلات درپیش ہیں ۔ لوگوں کو پانی حاصل کرنے کے لئے کافی دور جانا پڑتا ہے ۔اُنہوں نے کہا کہ علاقہ کے لئے واٹر سپلائی اسکیم ناکارہ ہو چکی ہے ،پائیپیں زنگ آلودہ بن چکی ہیں جس کی وجہ سے گائوں والوں کو پانی کی ایک ایک بوند کے لئے ترسنا پڑرہا ہے ۔اُنہوں نے متعلقہ محکمہ سے اپیل کی کہ گائوں کو پانی فراہم کرنے کے لئے اقدامات کئے جائیں ۔محکمہ جل شکتی کے ایک آفیسر کا کہنا ہے کہ مسلسل گرمی کے سبب پانی کے ذخائر کافی حد تک سوکھ چکے ہیں جس کے باعث پانی کی قلت ہوگئی ہے ۔اُنہوں نے یقین دلایا کہ محکمہ لوگوں کو پانی فراہم کرنے میں وعدہ بند ہے ۔اُنہوں نے لوگوں سے اپیل کی کہ وہ پانی کا مناسب طریقہ پر استعمال کریں۔  

نالہ ماور سے ریت اور بجری کا اخراج | ہندوارہ میں3ٹپر اور2جے سی بی ضبط

ہندوارہ //ہفتہ کو قلم آ باد ہندوارہ پولیس کی ایک خصوصی ٹیم نے نالہ ماور کے قریب چھاپہ مار کر 3ٹپر اور2جی سی بی مشینوں کو ضبط کیا ۔مقامی لوگو ں نے پولیس کی اس کاروائی کی سراہنا کرتے ہوئے مطالبہ کیا ریت مافیا کے خلاف کاروائی جاری رکھی جائے ۔واضح رہے کہ نالہ ماور سے ریت اور بجری نکالنے کی وجہ سے نالہ کا وجود خطرے میں پڑ گیا ہے اور اب تک متعدد مقامات پر اس نالہ کی گہرائی میںاضافہ ہوا ہے جس کی وجہ سے زرعی اراضی کو سینچائی کر نے میں مشکلات پیش آتی ہیں ۔  

آغا اشرف علی کی وفات ایک زریں عہد کا خاتمہ

سرینگر// معروف ماہر تعلیم اور مصنف ڈاکٹر آغا اشرف علی کی وفات پر سیاسی، سماجی و ادبی اور مذہبی انجمنوں نے رنج و غم کااظہار کرتے ہوئے اسے ایک ناقابل تلافی نقصان قرار دیتے ہوئے سماج کے تئیں کی گئی خدمات کو خراج عقیدت پیش کیا ہے۔نیشنل کانفرنس صدر ڈاکٹر فاروق عبداللہ ، نائب صدر عمر عبداللہ ،جنرل سیکریٹری علی محمد ساگر اور معاون جنرل سیکریٹری ڈاکٹر مصطفی کمال نے آغا اشرف علی کی وفات پر مرحوم کے جملہ سوگوران کیساتھ دلی تعزیت کا اظہار کیا اور مرحوم کی جنت نشینی اور بلند درجات کیلئے دعا کی۔ انہوںنے کہاکہ آغا اشرف علی ایک منجھے ہوئے ماہر تعلیم تھے اور انہوں نے شعبہ تعلیم میں اہم عہدوں پر فائز رہ کر قابل  قدر خدمات انجام دیئے۔ ادھرپیپلزڈیموکریٹک پارٹی نے  معروف ماہرتعلیم اوردوانشورپروفیسرآغااشرف علی کی وفات پراُنہیں شاندارالفاظ میں خراج عقیدت پیش کیا ۔ایک بیان میں پارٹی ترجمان نے ک

عوامی شکایات کا بروقت ازالہ انتظامیہ کی ترجیح: بصیر خان | تاجروں اور ٹرانسپورٹروںکیلئے عنقریب خصوصی پیکیج کااعلان ہوگا

سوپور //جموں کشمیر انتظامیہ کی جانب سے عوام تک رسائی کی پہل کو جاری رکھتے ہوئے لیفٹنٹ گورنر کے مشیر بصیر خان نے سوپور کا دورہ کر کے 13 وفود سے ملا قات کی جنہوں نے مشیر کو درپیش مسائل اور مانگوں سے آگاہ کیا ۔ ضلع ترقیاتی کمشنر بارہمولہ ، منیجنگ ڈائریکٹر کے پی ڈی سی ایل ، ڈائریکٹر دیہی ترقی کشمیر ، ایس ایس پی ، اے ڈی سی سوپور اور دیگر ضلع اور سیکٹورل افسران اس موقعہ پر موجود تھے ۔ سوپور فروٹ گروورز ایسوسی ایشن کے ایک وفد نے سوپور فروٹ منڈی میں بنیادی ڈھانچے کو توسیع دینے اور مارکیٹ انٹر وینشن سکیم جاری رکھنے کی مانگ کی ۔ انہوں نے موجودہ حالات کے پیش نظر کسان کریڈٹ کارڈ قرضہ جات معاف کرنے کی بھی مانگ کی ۔ ٹریڈرز/ٹرانسپورٹرز ایسوسی ایشن کے ایک اور وفد نے لاک ڈاؤن کے سبب ہوئے بھاری نقصانات کیلئے معاوضے کے تحت ایک خصوصی اقتصادی پیکج کی مانگ کی ۔ مشیر نے انہیں یقین دلایا کہ تاجروں اور ٹرانس

گریز اور تلیل میں بجلی سپلائی کی عدم دستیابی

بانڈی پورہ //سرحدی تحصیل گریز اور تلیل میں بجلی کی عدم دستیابی سے متعدد بستیاں گھپ اندھیرے میں ڈوبی ہوئی ہیں۔ گریز اور تلیل کے وفد نے ڈپٹی کمشنر بانڈی پورہ دفتر کے سامنے درپیش مسائل و مشکلات کی جانکاری دیتے ہوئے کہا کہ گریز میں بجلی غائب رہتی ہے اوریہ سلسلہ پچھلے پندرہ روزہ سے جاری ہے ۔وفد نے بتایا ہے کہ کنزلون میں ڈیزل پر چلنے والا ٹرمائل ڈیزل کی قلت سے بیکار پڑا ہوا ہے یہ بجلی سپلائی کرنے کا واحد ذریعہ ہے ۔وفد نے بتایا ہے کہ گریز میں پانچ گھنٹے کی بجلی سپلائی میسر ہوتی ہے لیکن ڈیزل سپلائی کی قلت سے گریز کے علاقوں کوایک گھنٹے کیلئے بھی بجلی نہیں ملتی ہے ۔وفد نے ڈویژنل کمشنر کشمیر ،ڈپٹی کمشنر بانڈی پورہ سے مطالبہ کیا ہے کہ گریز کے لیے ڈیزل کی سپلائی کو یقینی بنایا جائے تاکہ شیڈول کے مطابق لوگوں کو بجلی مل سکے۔  

نجی اسکولوں کوانتباہ | اساتذہ کی تنخواہیں واگزار نہ کی گئیں تو سخت کارروائی کی جائیگی

سرینگر//حکام نے ہفتہ کو نجی سکولوں کو خبردار کیا کہ اگر انہوں نے جاری کورونا لاک ڈائون کے دوران اساتذہ کو نوکریوں سے نکالا یا اُن کی تنخواہیں واگذار نہیں کیں، تو اْن کیخلاف سخت کارروائی عمل میں لائی جائے گی۔ ڈائریکٹر سکول ایجو کیشن کشمیر نے اس ضمن میں ایک نوٹیفکیشن جاری کی جس میں وادی کے سبھی نجی تعلیمی اداروں کو بتایا گیا کہ وہ اساتذہ کو بنا کسی خلل کے تنخواہیں واگذار کریں۔نوٹفکیشن میں بتایا گیا کہ اگر کوئی سکول خلاف ورزی کا مرتکب پایا گیا تو اْس کی رجسٹریشن منسوخ کی جائے گی۔نوٹیفکیشن میں نجی تعلیمی اداروں کو یہ بھی بتایا گیا کہ وہ اپنے اساتذہ کو لاک ڈائون کے دوران نوکریوں سے نہ نکالے۔ادھر نجی تعلیمی اداروں اور والدین کے درمیان فیس ادا کرنے یا نہ کرنے میں بارے میں پہلے ہی تضاد چل رہا ہے۔جہاں ایک طرف نجی سکولوں میں زیر تعلیم بچوں کے والدین فیس ادا کرنے کے حق میں نہیں ہے،وہیں دوسری جانب

تشددکوہوادینے والوں کوجیل میں ہی رکھناچاہیے:اشوک کول

اننت ناگ//بی جے پی جموں وکشمیر یونٹ کے صدر اشوک کول نے کہا کہ اگر نظر بند لیڈران رہائی کے بعد بھی تشدد کے بارے میں بات کرنے سے باز نہیں آتے ہیں، تو بہتر ہے کہ اُنہیں جیل میں ہی رکھا جائے ۔پہلگام میں صحافیوں سے بات کرتے ہوئے کول نے کہا کہ بے جے پی کو لگتا ہے کہ اگر کسی سیاسی لیڈر کو دفعہ370ختم کرنے میں پریشانی نہیں ہے ،تو اُس کو رہا کرنا چاہیے، ہاں اگر کوئی پرانے موقف پر ہی قائم رہتا ہے، تو بہتر ہے کہ اُس کو جیل میں رکھا جائے ۔اُنہوں نے کہا کہ جموں و کشمیر بھارت کا لازمی حصہ ہے ،سیاسی جماعتوں کو ایک مسئلے پر متحد ہونا چاہیے ،اگر کسی نے دفعہ370،دوسرا ریاست،تیسرا ڈومیسائیل کو اپنا مدعا بنایا ہے، تو اس صورتحال میں ہرایک اسٹیک ہولڈر  سے بات کرنا ناممکن ہے ۔منتخب حکومت پر بات کرتے ہوئے کول نے کہا جب ایک بار حد بندی کا عمل ختم ہوجاتا ہے تو قانون ساز اسمبلی کے انتخابات ہوں گے ۔اُنہوں نے

آرہامہ گاندربل میں کھیتوں کو پانی دینے پرتنازعہ،3شدیدزخمی

گاندربل//گاندربل کے مضافات میں کھیت میں پانی دینے کی وجہ سے دو ہمسایوں میں زوردار لڑائی ہوئی جس دوران مبینہ طور پر کلہاڑیوں اور ڈنڈوں کے استعمال کی وجہ سے باپ اور اس کے دو لڑکے شدید زخمی ہوگئے۔پولیس ذرائع کے مطابق گال کولہ آرہامہ میں مقامی شہری عبدالرشید پٹھان ولد رحمت گل ساکنہ گال کولہ ارہامہ اپنے سوکھے مکئی کے کھیت میں پانی دے رہا تھا جس دوران کچھ پانی مشتاق احمد چوہان کے کھیت میں گیا، جس کی وجہ سے مشتاق احمد چوہان آگ بگولہ ہوا اور اپنے رشتہ داروں کے ہمراہ عبدالرشید پٹھان اور اس کے دو بیٹوں منظور احمد اور بلال احمد کے ساتھ جھگڑ ا شروع کیا، جس دوران نوبت ہاتھاپائی پر آگئی۔اس دوران مبینہ طور کلہاڑی اور ڈنڈوں کا استعمال کیا گیا جس کے نتیجے میں عبدالرشید پٹھان اور اس کے دونوں بیٹے منظور احمد اور بلال احمد شدید زخمی ہوگئے جس کے باعث چیخ پکار چاروں طرف مچ گئی۔ اس موقع پر نزدیک  قائ

بارہمولہ میں فوجی حوالدار گاڑی کی ٹکر سے زخمی

بارہمولہ // شمالی قصبہ بارہمولہ میں ایک فوجی اہلکار تیز رفتار گاڑی کی زد میں آکر زخمی ہوگیا ۔ معلوم ہوا ہے کہ جمعہ کے روز رات دیر گئے 46 آرآر سے وابستہ حوالدار کرنیل سنگھ نامی فوجی اہلکار معمول کے مطابق ایک ناکے پرڈیوٹی دے رہا تھا، اس دوران مذکورہ اہلکار کو ایک نجی گاڑی زیر نمبر  نے ٹکر  ماری جس کے نتیجے میں وہ زخمی ہوگیا ،اُسے فوری طور پر اسپتال منتقل کیا گیا جہاں مذکورہ حوالدار کی حالت بہتر بتائی جاتی ہے ۔  

تحریک حریت کے جنرل سیکریٹری کوٹ بلوال جیل جموں منتقل

سرینگر/ /تحریک حریت کے جنرل سیکریٹری امیرحمزہ کوغیرقانونی سرگرمیوں کی پاداش میں پولیس نے گرفتار کرکے پبلک سیفٹی ایکٹ کے تحت  کورٹ بلوال جیل جموں منتقل کیا ہے۔کے این ٹی کے مطابق پولیس نے کچھ روزقبل تحریک حریت کے جنرل سیکریٹری امیرحمزہ کے گھر چھاپہ مارکرانہیں حراست میں لیااور سوپور تھانہ میں نظر بندکردیا۔گرفتار علیحدگی پسند لیڈر اور جنرل سیکریڑی تحریک حریت امیر حمزہ کے اہل خانہ کا کہنا ہے کہ انتظامیہ نے ان پر پبلک سیفٹی ایکٹ (پی ایس اے) کا نفاذ عمل میں لاکر اُسے کوٹ بلوال جیل جموں منتقل کردیا ہے۔نظربند علیحدگی پسند کے اہلخانہ نے بتایا کہ ان پرمختلف الزامات عائد کئے گئے ہیں۔اہلخانہ کے مطابق امیرحمزہ کی اہلیہ مہلک کینسر کی مریضہ ہے،جبکہ بیماری پر انہیں کافی اخراجات کا بوجھ اٹھانا پڑرہا ہے۔انہوں نے امیر حمزہ پر عائد پی ایس اے کو کالعدم قرار دینے کا مطالبہ کرتے ہوئے انٹرنیشنل فورم آف ج

مزید خبرں

لاک ڈائون کی خلاف ورزی | اونتی پورہ میں 18گاڑیاں ضبط  سرینگر //کورونالاک ڈائون کی خلاف ورزی کرنے کی پاداش میں پولیس نے اونتی پورہ میں 18گاڑیاں ضبط کیں جبکہ ماسک نہ پہننے پر 20افرادپر جرمانہ عاید کیاگیا۔ایک بیان کے مطابق پولیس نے اونتی پورہ میں لاک ڈائون کی خلاف ورزی کی پاداش میں 18گاڑیوں کو ضبط کرکے چالان کیا جبکہ ماسک نہ پہننے والے20افراد پرجرمانہ عائد کرکے10ہزارروپے جرمانہ وصول کئے گئے۔پولیس نے بیان میں عوام سے اپیل کی ہے کہ وہ کورونا وائرس سے بچائو کیلئے جاری رہنماخطوط پر سختی سے عملدرآمد کریں۔       بھاجپااورچیف سیکریٹری کی بولی یکساں ہونا اتفاق نہیں:نیشنل کانفرنس سرینگر//جموں و کشمیر نیشنل کانفرنس نے چیف سکریٹری بی وی آر سبرامنیم کے الزامات کو بے بنیاد ، من گھڑت اور ذہنی اختراع قرار دیتے ہوئے کہا ہے کہ موصوف کے بیان کے پیچھے گندی سیاست

کشمیری زعفران کی جغرافیائی شناخت | 37سو ہیکٹیر اراضی پر پیداوار 15ٹن سے بڑھ کر 30ٹن ہو جائے گی

 سرینگر //کشمیری زعفران کی پیداوار میں دو گنا اضافہ ہونے کا امکان ظاہر کرتے ہوئے محکمہ زراعت نے کہا ہے کہ جغرافیائی شناختی نشان کی سند عطا ہونے کے بعد زعفران کی قیمت عالمی منڈیوں میں چار گنا زیادہ ہو جائیں گی اور درمیانہ داری کا رواج بھی ختم ہو جائے گا ۔ کشمیری زعفران کو جی آئی ٹیگ یعنی جغرافیائی شناختی نشان کی سند ملنے سے جہاں کسانوں کی اُمیدیں پھر سے بھر آئیں ہیں،وہیں اب کشمیری زعفران کو عالمی منڈیوں میں الگ پہچان ملے گی بلکہ درمیانہ داری ختم ہونے کے ساتھ ساتھ کشمیری زعفران کے نام پر ایرانی زعفران اور افغانستانی زعفران بیچنے والوں کی دکانیں بھی بند ہو جائیںگی ۔معلوم رہے کہ کشمیری زعفران کو پوری دنیا میں ایک الگ اور منفرد مقام حاصل ہے ،لیکن محنت اور مشقت کے بعد یہاں کے گروورس کو تسلی بخش قیمتیںنہیں مل رہی تھیں۔زعفران اُگانے والے کشمیری کسانوں کا کہنا ہے کہ ایک دور تھا جب کشمیر

تازہ ترین