ملک میں کورونا کے 9 ہزار سے زائد نئے معاملے،متاثرین کی تعداد تقریبا 2.17 لاکھ

نئی دہلی//ملک میں گزشتہ 24 گھنٹے میں کورونا وائرس کے نو ہزار سے زائد معاملے سامنے آنے سے متاثرین کی کل تعداد 216919 تک پہنچ گئی ہے۔ مرکزی صحت اور خاندانی بہبود کی وزارت کی جانب سے جمعرات کو جاری اعداد و شمار کے مطابق گزشتہ 24 گھنٹوں کے دوران 9304 نئے معاملات کے ساتھ متاثرین کی تعداد بڑھ کر 216919 ہو گئی۔ اس دوران مزید 260 لوگوں کی موت کے بعد کل ہلاکتوں کی تعداد 6075 ہو گئی۔ ملک میں اس وقت پرکورونا کے 106737 فعال معاملے ہیں، جبکہ 104107 لوگ اس وبا سے نجات حاصل کرنے میں کامیاب ہوئے ہیں۔ مہاراشٹر اس وبا سے ملک میں سب سے زیادہ متاثر ہوا ہے۔ ریاست میں گزشتہ 24 گھنٹوں میں 2560 نئے معاملے سامنے آئے ہیں اور 122 لوگوں کی موت ہوئی ہے جس کے ساتھ ہی ریاست میں اس سے متاثر ہونے والے افراد کی کل تعداد بڑھ کر 74860 اور اس جان لیوا وائرس سے مرنے والوں کی تعداد بڑھ کر 2587 ہو گئی ہے۔ اس دوران ری

عالمی وبا کا قہر | ملک میں5815اموات،9ہزارنئے معاملے سامنے

نئی دہلی// ملک میں کورونا وائرس کا قہر انتہائی تیزی سے بڑھ رہا ہے اور گزشتہ 24 گھنٹوں کے دوران سب سے زیادہ 8909 نئے کیسز درج کئے جانے کے بعد متاثرین کی مجموعی تعداد دو لاکھ سے متجاوز کر گئی۔ صحت اور خاندانی بہبود کی مرکزی وزارت کی جانب سے بدھ کو جاری تازہ ترین اعداد و شمار کے مطابق گزشتہ 24 گھنٹوں کے دوران متاثرین کی تعداد بڑھ کر207615ہو گئی۔ اس دوران 217 لوگوں کی موت کے بعد ہلاکتوں کی مجموعی تعداد 5815 ہو گئی۔ ملک میں اب تک کل 100303 لوگ صحت مند بھی ہو چکے ہیں اور فعال کیسز کی تعداد بڑھ کر 101497 ہو گئی ہے ۔مہاراشٹر اس وبا سے ملک میں سب سے زیادہ متاثر ہوا ہے ۔ ریاست میں گزشتہ 24 گھنٹوں میں 2287 نئے کیسز سامنے آئے ہیں اور 103 افراد کی موت ہوئی ہے جس کے ساتھ ہی ریاست میں اس وباسے متاثر ہونے والے افراد کی مجموعی تعداد بڑھ کر 72ہزار300 اور اس جان لیوا وائرس سے مرنے والوں کی تعداد بڑھ کر 2

ملک کا نام تبدیل کرنے کی عرضی | عدالت عظمیٰ کاسماعت سے انکار

نئی دہلی//سپریم کورٹ نے بدھ کے روز ملک کے انگریزی نام 'انڈیا ' کو تبدیل کرکے 'ہندوستان' یا 'بھارت' کرنے کی درخواست پر غور کرنے سے انکار کردیا اور درخواست گزار سے حکومت کے سامنے اپنی بات پیش کرنے کو کہا۔چیف جسٹس شرد اروند بوبڑے ، جسٹس اے ایس بوپنا اور جسٹس ریشیکیش رائے پر مشتمل ڈویژن بنچ نے درخواست گزار کی جانب سے پیش وکیل اشون ویشیے کی دلائل سننے کے بعد درخواست گزار سے کہا کہ وہ اپنا میمورنڈم حکومت کو پیش کریں۔سماعت کے آغاز پر ، وکیل نے استدلال کیا کہ انڈیا کا نام یونانی لفظ 'انڈیکا' سے نکلا ہے ۔ اس پر چیف جسٹس نے کہا کہ درخواست گزار یہاں کیوں آئے ہیں؟ آئین میں ملک کا نام بھارت ہی ہے ۔جسٹس بوبڑے نے کہا ، ‘‘یہ ہمارے آئین کے شروع میں ہی لکھا گیا ہے ، 'انڈیا دیٹ از بھارت ’ (انڈیا جو بھارت ہے )۔" آپ کے ساتھ مسئلہ کیا ہے ؟ " در

’نرسنگ‘ طوفان کی دستک | مہاراشٹراورگجرات میں ہائی الرٹ،ہزاروں افراد محفوظ مقامات پر منتقل

نئی دہلی//شدید گردابی طوفان ’نرسنگ‘ مہاراشٹر اور گجرات کے ساحل سے ٹکرانے کا اندازہ ہے ،جس کا سامنا کرنے کے لئے دونوں ریاستوں میں پوری تیاری کرلی گئی ہے ۔محکمہ موسمیات نے ممبئی،ٹھانے اور پال گھر کے لئے ریڈ الرٹ جاری کیا ہے جس کے بعد افسروں نے ممبئی میں سمندر کے پاس سے سینکڑوں لوگوں اور اس کے آس پاس کے ساحلی ضلعوں سے ہزاروں شہریوں کو محفوظ مقامات پر پہنچانا شروع کردیا ہے ۔ محکمہ موسمیات نے شدید بارش،110-100 کلومیٹر فی گھنٹے کی رفتار سے تیز ہوائیں چلنے اور تقریباً 2-1 میٹر اونچی لہریں اٹھنے کی وارننگ جاری کی ہے ۔ممبئی کے آس پاس کے علاقوں میں منگل کو تیز ہواؤں کے ساتھ بارش ہوئی۔ریاست کے پانچ ضلعوں میں کل 65,000لوگوں کو محفوظ مقامات پر پہنچایا گیا ہے ۔گردابی طوفان کا مہاراشٹر کے ساحلی ضلعوں رائے گڑھ،ممبئی،ٹھانے اور پال گھر کے ساتھ ساتھ گجرات کے ولساڈ ،نوساری،سورت،بھاونگر اور ب

کورونا کے خلاف جنگ کیلئے امداد | بھارت کو اگلے ہفتے امریکہ سے 100وینٹی لیٹر ملیں گے

نئی دلی // بھارت کو امریکہ کی طرف سے ایک سو وینٹی لیٹر اگلے ہفتے مل رہے ہیں ۔امریکہ نے بھارت کو کورونا وائرس سے نمٹنے کیلئے وینٹی لیٹر دینے کا فیصلہ کیا ہے اور پہلے مرحلے پر اگلے ہفتے بھارت کو ایک سو وینٹی لیٹر مل رہے ہیں ۔وزیر اعظم نریندر مودی نے کل امریکہ کے صدر ڈونالڈ ٹرمپ کے ساتھ ٹیلی فون پر بات کی اور اس دوران امریکی صدر نے مودی کو جی۔7 گروپ کی اگلی میٹنگ میں حصہ لینے کی دعوت دی۔ امریکی صدر ٹرمپ نے جی۔ 7کی صدارت امریکہ کو ملنے کا ذکر کرتے ہوئے گروپ میں توسیع کرنے کی امید ظاہر کی ، جس سے کہ اس میں ہندوستان سمیت کچھ دیگر ممالک کو بھی شامل کیا جاسکے۔ اس سلسلے میں انہوں نے وزیر اعظم مودی کو امریکہ میں ہونے والی جی۔7 گروپ کی آئندہ میٹنگ میں شرکت کی دعوت دی۔ٹیلی فونک بات چیت میں وزیر اعظم مودی اور ٹرمپ نے دونوں ممالک میں کورونا وائرس کی صورتحال ، ہندوستان اور چین کے درمیان جاری سرحدی ت

ملک کا نام تبدیل کرنے کی عرضی کی سماعت سے سپریم کورٹ کا انکار

نئی دہلی//سپریم کورٹ نے بدھ کے روز ملک کے انگریزی نام 'انڈیا ' کو تبدیل کرکے 'ہندوستان' یا 'بھارت' کرنے کی درخواست پر غور کرنے سے انکار کردیا اور درخواست گزار سے حکومت کے سامنے اپنی بات پیش کرنے کو کہا۔ چیف جسٹس شرد اروند بوبڑے ، جسٹس اے ایس بوپنا اور جسٹس ریشیکیش رائے پر مشتمل ڈویڑن بنچ نے درخواست گزار کی جانب سے پیش وکیل اشون ویشیے کی دلائل سننے کے بعد درخواست گزار سے کہا کہ وہ اپنا میمورنڈم حکومت کو پیش کریں۔ سماعت کے آغاز پر ، وکیل نے استدلال کیا کہ انڈیا کا نام یونانی لفظ 'انڈیکا' سے نکلا ہے۔ اس پر چیف جسٹس نے کہا کہ درخواست گزار یہاں کیوں آئے ہیں؟ آئین میں ملک کا نام بھارت ہی ہے۔ جسٹس بوبڑے نے کہا ، ”یہ ہمارے آئین کے شروع میں ہی لکھا گیا ہے ، 'انڈیا دیٹ از بھارت ‘ (انڈیا جو بھارت ہے)۔" آپ کے ساتھ مسئلہ کیا ہے؟ "

کورونا متاثرین میں ریکارڈ 8909 کا اضافہ،ملک میں مجموعی تعداد2,07,615

نئی دہلی// ملک میں کوورونا وائرس کا قہر انتہائی تیزی سے بڑھ رہا ہے اور گزشتہ 24 گھنٹوں کے دوران سب سے زیادہ 8909 نئے کیس درج کئے جانے کے بعد متاثرین کی مجموعی تعداد دو لاکھ سے متجاوز کر گئی۔ صحت اور خاندانی بہبود کی مرکزی وزارت کی جانب سے بدھ کو جاری تازہ ترین اعداد و شمار کے مطابق گزشتہ 24 گھنٹوں کے دوران متاثرین کی تعداد بڑھ کر 2,07,615ہو گئی۔ اس دوران 217 لوگوں کی موت کے بعد ہلاکتوں کی مجموعی تعداد 5815 ہو گئی۔ ملک میں اب تک کل 100303 لوگ صحت مند بھی ہو چکے ہیں اور فعال کیسوں کی تعداد بڑھ کر 101497 ہو گئی ہے۔ مہاراشٹر اس وبا سے ملک میں سب سے زیادہ متاثر ہوا ہے۔ ریاست میں گزشتہ 24 گھنٹوں میں 2287 نئے کیسز سامنے آئے ہیں اور 103 افراد کی موت ہوئی ہے جس کے ساتھ ہی ریاست میں اس وباسے متاثر ہونے والے افراد کی مجموعی تعداد بڑھ کر 72،300 اور اس جان لیوا وائرس سے مرنے والوں کی تعداد

ملک میں کورونا متاثرین کی تعداد 2لاکھ سے متجاوز،6ہزار کے قریب ہلاکتیں

نئی دہلی// بھارت میں کورونا وائرس سے متاثرین کے کیسوں کی تعداد 2لاکھ پہنچ گئی ہے۔15روز قبل بھارت میں  کورونا  سے متاثرین کی تعداد ایک لاکھ تک پہنچ گئی تھی اور 15روز میں یہ تعداد دوگنی ہوگئی ہے۔پچھلے 3روز میں لگاتار 8ہزار سے زائد کیسوں کا ہر روز اضافہ ہورہا ہے۔سرکاری اعداوشمار کے مطابق منگل صبح 8بجے تک ملک میں متاثرین کی تعداد 2لاکھ سے تھوڑی کم تھی لیکن دن میں  یہ تعداد 2سے تجاوز کر گئی۔منگلم کی سبح تک تعداد 1.99 لاکھ  پہنچ گئی اور اس دوران وائرس سے مرنے والوں کی تعداد 5598 ہو گئی ہے ۔جبکہ ملک میں سرگرم کیسوں کی تعداد بھی تقریباً ایک لاکھ کے قریب پہنچ گئی ہے۔صحت اور خاندانی بہبود کی مرکزی وزارت کی جانب سے جاری اعداد و شمار کے مطابق گزشتہ 24 گھنٹوں میں 8171 نئے کیسز سامنے آئے ہیں جس سے متاثرین کی تعداد بڑھ کر 198706 ہو گئی۔ اس دوران 204 افراد کی موت کے بعد ہلاکتوں کی

مغل شاہراہ کھولنے کیلئے سرکاری احکامات کا انتظار

سرنکوٹ //اگرچہ ملک بھر میں لاک ڈائون میں نرمی کرکے بین ضلع اور بین الریاستی ٹرانسپورٹ کو چلنے کی اجازت دی جارہی ہے تاہم خطہ پیر پنچال کو وادی کشمیر سے ملانے والی مغل شاہراہ کو کھولنے کیئے ابھی تک کوئی فیصلہ نہیں لیاگیاہے۔پچھلے لگ بھگ سات ماہ سے بند پڑی اس شاہراہ پر ٹریفک کی بحالی کیلئے حکام کی سطح پر تذبذب پایاجارہاہے اور برف ہٹانے کاکام دوبارہ شروع کئے جانے کے باوجود متعلقہ ایگزیکٹو انجینئرسے کہاگیاہے کہ وہ ایک دن کاکام چھوڑ کر بقیہ برف ہٹادیں۔شاہراہ کی بحالی پر جب ایگزیکٹو انجینئر مغل روڈ لیاقت چوہدری سے رابطہ کیاگیاتو انہوں نے بتایاکہ مشینری متحرک ہے اور کام چل رہاہے۔انہوں نے بتایاکہ ڈپٹی کمشنر سے ان کی بات ہوئی اور انہوں نے بتایاہے کہ ایک دن کاکام چھوڑ کر باقی برف صاف کردی جائے۔انہوں نے کہاکہ حکام اگر اجاز ت دیں گے تو وہ ایک دن میں روڈ کھول دیں گے۔ڈپٹی کمشنر پونچھ راہل یادو نے رابط

خود کفیل ہندوستان کیلئے سب کا تعاون ضروری | کورونا کے خلاف لڑائی میں معیشت کا استحکام پہلی ترجیح:مودی

نئی دہلی// وزیر اعظم نریندر مودی نے ملک کے سامنے 'خود انحصار ہندوستان' کا خاکہ پیش کرتے ہوئے کہاکہ ہندوستان کو تیز رفتار ترقی کی راہ پر واپس لانے اور خود انحصار ہندوستان کی تعمیر کے لئے پانچ چیزیں بہت اہم ہیں، جن میں خود ارادی،شمولیت، سرمایہ کاری ، بنیادی ڈھانچہ اور جدت طرازی شامل ہے ۔مسٹر مودی نے کل انڈسٹری بورڈ- سی آئی آئی کے 125 ویں سالانہ اجلاس سے خطاب کرتے ہوئے کہا کہ "مجھے بہت اعتماد ہے کہ ہندوستان ایک بار پھر ترقی کی راہ پر واپس لوٹے گا۔ تیزی سے ترقی کی راہ پر ہندوستان کو واپس لانے اور خود انحصار ہندوستان کی تعمیر کے لئے پانچ چیزیں ضروری ہیں۔ آج ہندوستان پر دنیا بھر کا اعتماد بڑھاہے اور ہندوستانی صنعت کو اس سے فائدہ اٹھانا چاہئے ۔ انہوں نے کہا کہ خود انحصار ہندوستان کا مطلب روزگار پیدا کرنا اور اعتماد پیدا کرنا ہے تاکہ عالمی سپلائی سلسلے میں ہندوستان کا حصہ مستحکم ہ

حکومت اعلانات کے بجائے صحیح طریقے اپنائے:کانگریس

نئی دہلی // کانگریس نے کہا ہے کہ کم سے کم امدادی قیمت (ایم ایس پی) کے اعلان سے کسان کو کوئی فائدہ نہیں ہوگا لیکن اس کے لئے ، فصلوں کی خریداری ضروری ہے اور حکومت جو اقدامات اٹھا رہی ہے ، اس سے دس برسوں تک بھی کسانوں کی آمدنی دوگنا نہیں ہونے والی ہے ۔ کانگریس کے رہنما سنیل جاکھڑ نے منگل کو یہاں پریس کانفرنس میں کہا کہ ایم ایس پی کے اعلان سے نہیں ہوگا ، اس کا فائدہ تب ہوگا جب کسان کی فصل کی خرید کی جائے گی۔ کسانوں کو فصل کا فائدہ تبھی ملے گا جب مارکیٹ سے فصلوں کی براہ راست خریداری ہوگی ، لیکن یہ نظام بہار جیسی ریاستوں میں کہیں بھی تیار نہیں ہوا ہے اور نہ ہی کسان کی خریداری کا کوئی بازار ہے ، تو کسان اپنی فصل کہاں فروخت کرے گا۔ مسٹر جاکھڑ نے کہا کہ ایم ایس پی میں اضافہ کے لئے حکومت کا اعلان اچھا لگتا ہے ، لیکن کسان کو واقعی ان اعلانات کا فائدہ نہیں ملتا ہے ۔ کسان کی آمدنی کو دوگنا کرنے کے

انڈیا کا نام تبدیل کرکے بھارت کرنے سے متعلق عرضی کی سماعت آج

نئی دہلی//ملک کا انگریزی نام‘انڈیا’کو تبدیل کر کے ‘بھارت’یا‘ہندوستان’کرنے سے متعلق ایک درخواست پر سپریم کورٹ میں منگل کو بھی سماعت نہیں ہوسکی۔اب اس پر بدھ کو غور کیا جائے گا۔معاملے کی سماعت آج پہلے سے متعین تھی،لیکن چیف جسٹس شرد اروند بوبڑے کی عدم موجودگی کی وجہ سے اسے کل تک کے لئے ملتوی کردیا گیا۔سپریم کورٹ ویب سائٹ پر اپلوڈ کی گئی ایک نوٹس کے مطابق،جسٹس بوبڑے کی غیرحاضری کے سبب ان کی صدارت والی تین رکنی بنچ کے سامنے آج درج تمام معاملوں کی سماعت ملتوی کی گئی ہے ۔اب ان معاملوں کی سماعت کل یعنی 3 جون کو ہوگی۔ان میں نمہ نامی شخص کی وہ درخواست بھی شامل ہے جس میں ملک کانام انڈیا کے بدلے بھارت یا ہندوستان کرنے کے لئے آئین کے آرٹیکل 1 میں ترمیم کی ہدایت کا مطالبہ کیا گیا ہے ۔قابل ذکر ہے کہ متعلقہ درخواست پر سماعت 29 مئی کو نہیں ہوسکی تھی،کیونکہ چیف جسٹس

رافیل کی فراہمی میں کورونا رکاوٹ نہیں | راج ناتھ کی فرانسیسی ہم منصب کے ساتھ بات چیت

نئی دہلی //وزیر دفاع راجناتھ سنگھ نے آج فرانسیسی وزیر دفاع فلورنس پارلے سے فون پر گفتگو کی اور دونوں وزرائے دفاع نے دفاع کے شعبے میں باہمی تعاون کو مستحکم کرنے پر اتفاق کیا۔گفتگو کے دوران فرانسیسی وزیر دفاع نے کہا کہ کورونا کے چیلنج کے باوجود رافیل لڑاکا طیاروں کی فراہمی میں کوئی رکاوٹ نہیں ہوگی۔مسٹر سنگھ اور محترمہ پارلے نے کورونا کی وبا کے ساتھ ساتھ باہمی اہمیت کے متعدد امور اور علاقائی سلامتی کے امور پر تبادلہ خیال کیا۔ انہوں نے دونوں ممالک کے مابین دفاعی شعبے میں دوطرفہ تعاون بڑھانے پر بھی اتفاق کیا۔ دونوں وزرا دفاع نے ہندوستان اور فرانس کی مسلح افواج کی جانب سے کورونا کی وبا سے نمٹنے میں تعاون کے لئے کی جارہی کوششوں کو سراہا۔ بات چیت میں ، فرانس نے رافیل لڑاکا طیاروں کی بروقت فراہمی کے عزم کا اعادہ کیا اور کہا کہ کورونا کی وبا کے چیلنج کے باوجود ، ہوائی جہاز کی فراہمی میں کوئی خلل

ملک میں کورونا وائرس متاثرین کی تعداد 1.99 لاکھ کے قریب

نئی دہلی// ملک میں گزشتہ 24 گھنٹوں کے دوران کوروناوائرس وبا کے آٹھ ہزار سے زیادہ کیس ظاہر ہونے کے بعد متاثرین کی مجموعی تعداد 1.99 لاکھ کے قریب پہنچ گئی اور اس دوران وائرس سے مرنے والوں کی تعداد 5598 ہو گئی ہے۔ صحت اور خاندانی بہبود کی مرکزی وزارت کی جانب سے منگل کو جاری اعداد و شمار کے مطابق گزشتہ 24 گھنٹوں میں 8171 نئے کیسز سامنے آئے ہیں جس سے متاثرین کی تعداد بڑھ کر 198706 ہو گئی۔ اس دوران 204 افراد کی موت کے بعد ہلاکتوں کی مجموعی تعداد 5598 ہو گئی۔ ملک میں اب تک ایکٹییو کیسز کی تعداد بڑھ کر 97582 ہو گئی ہے۔ مہاراشٹر اس وبا سے ملک میں سب سے زیادہ متاثر ریاست ہے. ریاست میں گزشتہ 24 گھنٹوں میں 2358 نئے کیسز سامنے آئے ہیں اور 76 افراد کی موت ہوئی ہے جس کے ساتھ ہی ریاست میں اس وباسے متاثر ہونے والے افراد کی کل تعداد بڑھ کر 70013 اور اس جان لیوا وائرس سے مرنے والوں کی تعداد بڑھ ک

دوسرے برس کی پہلی کابینی میٹنگ

 نئی دہلی//وزیراعظم نریندر مودی نے حکومت کے دوسری مدت کار کے دوسرے بر س کی پہلی کابینی میٹنگ کی کل یہاں صدارت کی جس میں کسانوں، مائکرو، چھوٹی اور درمیانہ شعبہ (ایم ایس ایم ای) اور ریہڑی لگاکر روزی روٹی کمانے والے لوگوں کی زندگی کی سطح میں بہتری لانے سے متعلق کئی اہم فیصلے کئے گئے۔حکومت سمجھتی ہے کہ ایم ایس ایم ای ملک کی معیشت کی ریڑھ ہے اور یہ کروڑ وں اکائیاں مضبوط اور خودانحصار ہندستان کی تعمیر میں اہم کردار ادا کررہی ہیں۔ اس کے مدنظر اس شعبہ کو’آتم نربھر بھارت‘ مہم کے تحت کئے گئے اعلانات میں خاص طورپر شامل کیا گیا ہے۔ اس پیکج کے تحت ایم ایس ایم ای شعبہ کے لئے نہ صرف کافی مختص ہے  بلکہ معیشت کو پھر سے زندہ کرنے کے اقدامات کے نفاذ میں بھی ترجیح دی گئی ہے۔رہائش اور شہری امورت کی وزارت نے ریہڑی لگانے والوں کو سستے سود پر قرض دینے کے لئے ایک اسپیشل مائکرو کریڈٹ سوید

متاثرہ ممالک میں بھارت 7ویں نمبر پر

 نئی دہلی// ملک میں کورونا وائرس کے نئے کیسز میں دن بہ دن ہو رہے اضافہ سے متاثرین کی کل تعداد 1.90 لاکھ سے تجاوز کر گئی ہے اور ہندوستان سب سے زیادہ متاثر ممالک کی فہرست میں فرانس اور جرمنی کو پیچھے چھوڑ کر ساتویں مقام پر پہنچ گیا ہے ۔مرکزی صحت اور خاندانی بہبود کی وزارت کی جانب سے پیر کو جاری اعداد و شمار کے مطابق گزشتہ 24 گھنٹوں میں 8392 نئے کیسز سامنے آئے ہیں جس سے متاثرین کی تعداد بڑھ کر 1لاکھ90ہزار535 ہو گئی۔اس دوران مزید 230 افراد کی موت کے بعد ہلاکتوں کی مجموعی تعداد 5394 ہو گئی۔ صحت مند ہونے کے مقابلے میں نئے کیسزکی شرح زیادہ ہونے کی وجہ سے فعال کیسز کی تعداد بڑھ کر 93،322 ہو گئی ہے ۔دنیا میں کورونا وائرس سے متاثر ممالک کی فہرست میں امریکہ پہلے نمبر پر ہے،اس کے بعد برازیل، روس، برطانیہ ، اسپین ، اٹلی اور ہنووستان ہے ۔ملک میں مہاراشٹر، تمل ناڈو، دہلی اور گجرات میں وائرس کے س

بالی وڑ سوگوار، مشہور موسیقار جوڑی ٹوٹ گئی

 ممبئی //بالی ووڈ کی مشہور میوزک ڈائریکٹر جوڑیوں میں سے ایک ساجد۔واجد کی جوڑی ایک افسوسناک خبر کے ساتھ ٹوٹ گئی۔ اس بات سے بالی ووڈ ماتم کناں ہو گیاکیوں کہ محض 42 سال کی عمر میں واجد خان اس دنیائے فانی سے کوچ کر گئے۔اتوار کی دیر شب طویل علالت کے بعد ممبئی واقع چیمبور کے سررانا سیٹھیا اسپتال میں انہوں نے آخری سانس لی اور پھر بالی ووڈ کی معروف ہستیوں کے ذریعہ سوشل میڈیا پر تعزیت کا ایک طویل سلسلہ شروع ہو گیا۔میڈیا رپورٹس کے مطابق کڈنی اور گلے میں انفیکشن ہونے کے سبب گزشتہ تقریباً تین مہینے سے ان کا علاج اسپتال میں چل رہا تھا۔ بتایا یہ بھی جا رہا ہے کہ پچھلے تین دنوں سے واجد خان وینٹی لیٹر پر تھے اور ان کی حالت سنگین بنی ہوئی تھی۔ حالانکہ کچھ دنوں پہلے وہ کووڈ۔19 کی زد میں بھی آ گئے تھے، لیکن ایسی خبریں سامنے آ رہی ہیں کہ ان کی موت ہارٹ اٹیک کی وجہ سے ہوئی ہے۔ دراصل گزشتہ سال بھی و

جاسوسی کے الزام میں2پاکستانی سفارتی اہلکار ملک بدر

سرینگر // بھارت نے نئی دہلی میں پاکستانی ہائی کمیشن کے دو سفارتی اہلکاروں کوجاسوسی کے الزام میں 24 گھنٹے کے اندر ملک چھوڑنے کا حکم دیا  ہے۔ادھرپاکستان نے بھارت میں پاکستانی ہائی کمیشن کے دو سفارتی اہلکاروں کو ناپسندیدہ قرار دینے کی شدید مذمت کرتے ہوئے بھارتی سفارتخانے کے امور کی نگرانی کرنے والے عہدیدار کو طلب کرلیا۔بھارتی وزارت خارجہ کے بیان میں کہا گیا کہ انہیںبھارتی قانون نافذ کرنے والے حکام نے جاسوسی کی سرگرمیوں میں ملوث ہونے پر پکڑا ۔ ان اہلکاروں پر ایک مقامی شخص سے بھارتی سیکورٹی اداروں سے متعلق دستاویزات لینے کا الزام ہے۔ حکومت نے دونوں پاکستانی سفارتی اہلکاروں کو ناپسندیدہ قرار دیا ہے جوسفارتی آداب کے خلاف کارروائیوں میں ملوث تھے۔علاوہ ازیں بھارتی پریس ریلیز میں کہا گیا کہ پاکستانی ہائی کمیشن سے بھارت کی قومی سلامتی کے خلاف ان عہدیداروں کی سرگرمیوں کے سلسلے میں سخت احتجاج

سمجھوتہ ایکسپریس کی 10بوگیاں 9ماہ سے واپسی کی منتظر

نئی دہلی //ہند پاک کے مابین رشتوں میں تلخی کے بیچ گزشتہ سال سمجھوتہ ایکسپریس بند ہونے کے بعد واہگہ بارڈر پر کھڑی بھارتی ریلوے کی 10 بوگیاں 9 ماہ سے واپسی کی منتظر ہے ۔  بھارتی ریلوے کی 10 بوگیاں گزشتہ 9 ماہ سے واہگہ بارڈر ٹریک پر کھڑی ہے جنہیں بھارت واپس لینے کو تیار نہیں ہے۔ پاکستان اوربھارت کے مابین چلنے والی سمجھوتہ ایکسپریس کی بوگیوں کا ہرسال تبادلہ کیا جاتا ہے، 6ماہ کے لئے پاکستانی جب کہ 6ماہ کے لئے بھارتی بوگیاں استعمال کی جاتی ہے۔ 4جون سے 4دسمبرتک بھارتی بوگیاں استعمال ہوتی ہیں جبکہ سال کے باقی عرصے میں پاکستانی بوگیاں استعمال کی جاتی ہے۔ تاہم سال بھرانجن پاکستان کا ہی استعمال ہوتا ہے لیکن اب چونکہ 8اگست 2019 سے پاکستان اوربھارت کے مابین چلنے والی سمجھوتہ ایکسپریس بند ہوچکی ہے تو بوگیوں کا تبادلہ بھی نہیں ہوگا۔  

بھارت میں پاکستانی ہائی کمیشن کے دو عہدیدار ملک بدر

نئی دہلی// ہندستان نے پاکستانی ہائی کمیشن کے دو افسران کو جاسوسی کی سرگرمیوں ملوث ہونے کے الزام میں 24گھنٹے کے اندر ملک چھوڑ دینے کے لئے کہا ہے۔ وزارت خارجہ نے گذشتہ رات دیر گئے بتایا کہ نئی دہلی میں واقع پاکستانی ہائی کمیشن کے دوافسران کو ہندستانی سیکورٹی ایجنسیوں نے جاسوسی کی سرگرمیوں میں ملوث ہونے کی وجہ سے حراست میں لیا تھا۔ اطلاعات کے مطابق دونوں عہدیداروں کو24گھنٹوں کے اندر بھارت سے نکل جانے کیلئے کہا گیا ہے۔  

تازہ ترین