تازہ ترین

ملک میں گذشتہ 24 گھنٹوں کے دوران کورونا کے ایکٹیو کیسز میں اضافہ

نئی دہلی// ملک میں گذشتہ 24 گھنٹوں کے دوران کورونا وائرس کے 1768 کیسز کا اضافہ ہوا ہے اور اس جان لیوا وبا سے 98 اموات ہوئیں ہیں۔ دریں اثنا ملک میں اب تک ایک کروڑ 56 لاکھ 20 ہزار 749 افراد کو اینٹی کورونا ویکسین دیئے جاچکے ہیں۔ بدھ کی صبح مرکزی وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران کورونا وائرس کے 14،989 نئے کیسز سامنے آئے ہیں ، جس سے متاثرین کی تعداد ایک کروڑ 11 لاکھ 39 ہزار سے زیادہ ہوگئی ہے۔  

وزیر اعظم کا سمندری شعبے میں ملک کو خود انحصار بنانے پر زور

 نئی دہلی // ( یواین آئی ) وزیر اعظم نریندر مودی نے سمندری شعبے میں ملک کو خود  انحصار بنانے پر زور دیتے ہوئے کہا ہے کہ اعظیم ساحلی علاقوں کی وجہ سے سمندری پیداوار کے شعبے میں ترقی  کے  وسیع امکانات ہیں  ، اس لئے  پوری صلاحیت سے ان کا استعمال کرنے کی اشد ضرورت ہے۔ مودی  نے منگل  کے روز  یہاں تین روزہ  ’ میری ٹائم انڈیا  کانفرنس  2021‘ کے دوران ویڈیو کانفرنسنگ کے ذریعہ افتتاح کرتے ہوئے کہا کہ ہندوستان کی تہذیبیں ملک کے وسیع و عریض سمندری حدود میں پروان چڑھی ہیں جس نے ہماری  خوشحال سمندری  تاریخ کو ہزاروں  برسوں سے   سمندری  ساحلوں   کے ذریعے  د نیا سے  جوڑے رکھا  ، اس لئے   اس روایت کو   اب پوری طاقت کے ساتھ مزید خوشحال ہونے کی ضرورت ہے۔ انہ

راجناتھ نے آر آر اسپتال میں کورونا ویکسین لگوائی

نئی دہلی//(یو این آئی) وزیر دفاع راجناتھ سنگھ نے فوج کے ریسرچ اینڈ ریفرل (آر آر) اسپتال میں کورونا کی ویکسین لگوائی۔ویکسین لگوانے کے بعد سنگھ نے ٹوئٹ کرکے خود اس کی معلومات دی۔ انہوں نے ویکسین لگواتے ہوئے اپنی فوٹو بھی شیئر کی۔انہوں نے کہا کہ مجھے آج آر آر اسپتال میں کورونا ویکسین کی پہلی ڈوز دی گئی۔ اس ٹیکہ لگانے کی مہم سے ملک کو کورونا سے پاک بنانے کا عزم مضبوط ہوا۔ ویکسین پوری طرح محفوظ ہے اور اسے لگوانے کا عمل بھی آسان ہے۔ایک دیگر ٹوئٹ میں ا نہوں نے لکھا کہ میں ملک کے ڈاکٹروں اور سائنسدانوں کو سلا م کرتا ہوں جنہوں نے بہت کم وقت میں ویکسین تیار کرلی ہے۔ میں ٹیکہ لگانے کے لئے آر آر اسپتال کے طبی عملہ کا شکریہ ادا کرتا ہوں۔ میں تمام اہل لوگوں سے ٹیکہ لگوانے کی درخواست کرتا ہوں جس سے ملک کورونا سے پاک ہوسکے۔

پرینکا نے چائے بیلٹ میں ووٹروں سے بات چیت کی

گوہاٹی //(یواین آئی) کانگریس جنرل سکریٹری پرینکا گاندھی واڈرا نے منگل کو آسام میں اپنی انتخابی مہم کے دوسرے دن یہاں چائے باغات کے مزدوروں سے ملاقات کی اوران کے ساتھ چائے کی پتیاں توڑیں۔ واڈرانے ریاست کے دورے کے دوسرے روز وشوناتھ چریالی ضلع کا دورہ کیا اور چائے کے باغات میں کام کرنے والی خواتین سے ملاقات کی۔انہوں نے کہا ، "چائے باغات کے مزدوروں اور ان کی سادہ  زندگی سچائی کی ایک مثال ہے۔ میں آپ کے حقوق کے لئے لڑوں گی  اور ہر پلیٹ فارم پر آپ کی آواز بلند کروں گی۔  ’’ واڈرا نے کہا کہ چائے کے باغات میں کام کرنے والے مزدور آسام اور ملک کی ملکیت ہیں۔ کانگریس ہمیشہ ان کی حفاظت کو یقینی بنانے اور ان کے معیار زندگی کو بہتر بنانے کے لئے جدوجہد کرے گی۔آسام میں اسمبلی کی 126 سیٹوں میں سے 40 پر چائے کے باغات میں کام کرنے والے مزدوراور ان کے مالکان ووٹوں کے پیش