تازہ ترین

راجوری ضلع میں کووڈ معاملات میں مسلسل کمی ریکار

 راجوری //سرحدی ضلع راجوری میں کووڈ معاملات میں لگاتار کمی ریکارڈ کی جارہی ہے ۔محکمہ صحت کی جانب سے ضلع کے مختلف علا قوں میں شروع کی گئی ٹیسٹنگ مہم کے دوران گزشتہ روز 18نئے کووڈ کیس سامنے آئے ہیں جبکہ اس دوران میڈیکل کالج راجوری میں زیر علاج ایک کووڈ مریض کی موت بھی واقعہ ہو گئی ہے ۔ انتظامیہ نے بتایا کہ ضلع میں لگاتار کووڈ معاملات میں کمی ریکارڈ کی جارہی ہے جبکہ عام لوگوں کو چاہئے کہ وہ اس سلسلہ میں احتیاطی تدابیر اختیار کریں تاکہ وائرس کو ختم کرنے میں مدد مل سکے ۔اس دوران تحصیل منجا کوٹ کے نیلی گائوں کے ایک شخص کی میڈیکل کالج میں موت واقعہ ہو گئی ۔حکام نے بتایا کہ مذکورہ مریض ہسپتال کی علیحدہ وارڈ میں زیر علاج تھا تاہم اس دوران اس کی کووڈ کی وجہ سے موت ہو گئی ۔انہوں نے بتایا کہ محکمہ صحت کی جانب سے ضلع کے مختلف علا قوں میں شروع کر دہ ٹیسٹنگ مہم کے دوران مزید 18افراد کے کووڈ ٹیس

درہال کے پہاڑی علاقوں میں فوج کا طبی کیمپ

راجوری //پہاڑی علاقہ میں رہائشی پذیر لوگوں کو بنیادی طبی سہولیات فراہم کرنے کیلئے فوج کی جانب سے درہال کے بڈھا کھانری علاقہ میں ایک طبی کیمپ لگایا گیا جسکے دوران ڈاکٹروں نے مکینوں کا مفت طبی معائینہ کرتے ہوئے ان کو بنیادی سہولیات فراہم کیں ۔پیر پنچال پہاڑیوں میں منعقدہ اس طبی کیمپ کے دوران 143مکینوںکا طبی معائینہ کیا گیا جن میں 68مرد ،53خواتین اور 22بچے بھی شامل تھے ۔ڈاکٹروں نے مریضوں کا معائینہ کرتے ہوئے ان کو مفت ادویات بھی فراہم کیں ۔اس کیمپ میں سیول اور فوجی ڈاکٹروں کی ایک ٹیم نے حصہ لیا جبکہ ڈاکٹروں و فوجی ماہرین نے مقامی لوگوں کو کووڈ ،اس کی علامتوں کیساتھ ساتھ احتیاطی تدابیر کے سلسلہ میں بھی تفصیلی جانکاری فراہم کیں ۔  

سندر بنی میں شجر کاری مہم چلائی گئی

سندر بنی //راجوری ضلع کے سندر بنی سب ڈویژن میں محکمہ جنگلات کے یوم تاسیس کے موقعہ پر ایک شجر کاری مہم چلائی گئی ۔گور نمنٹ ہائی سکول راہسلویٹ میں منعقدہ ایک شجر کاری مہم میں محکمہ جنگلات کے اعلیٰ آفیسران کیساتھ ساتھ تحصیلدار سندر بنی ،ودیگر آفیسران نے بھی شرکت کی ۔تحصیلدار سندر بنی نے محکمہ جنگلات کے اقدامات کی تعریف کرتے ہوئے کہاکہ محکمہ کی جانب سے ماحولیاتی توازن کر برقرار رکھنے کیلئے اہم اقدامات اٹھائے جارہے ہیں ۔سبکدوش ڈی ایف او این سی شرما نے انسانی زندگیوں میں درختوں کی اہمیت کو اجاگر کیا ۔محکمہ کے آفیسران نے عام لوگوں سے اپیل کرتے ہوئے کہاکہ ماحولیاتی توازن کو برقرار رکھنے کیلئے وہ اپنا رول ادا کریں ۔اس شجر کاری مہم میں پولیس آفیسران ،سکول ہیڈ ماسٹر ودیگر آفیسران نے بھی شرکت کی ۔  

مینڈھر کے کوٹاں گائوں سے پاپئیں ضبط

مینڈھر //پولیس کی جانب سے مینڈھر سب ڈویژن کے کوٹاں گائوں میں تین دکانوں میں رکھی گئیں محکمہ آب رسانی کی پاپئیں ضبط کر کے ا س سلسلہ میں ایک کیس درج کر کے مزید تحقیقات شروع کر دی گئی ہیں ۔پولیس نے بتایا کہ اس سلسلہ میں ملی اطلاعات کے بعد ایک کارروائی عمل میں لائی گئی جس کے دوران عوامی سہولیا ت کیلئے دی گئی پاپئوں کو کوٹاں گائوں کی تین دکانوں میں بند کر کے رکھا گیا تھا ۔ایس ڈی پی او مینڈھر کی قیادت میں انجام دی گئی کارروائی کے دوران پولیس نے سبھی پاپئیں ضبط کر تے ہوئے اس سلسلہ میں ایک کیس زیر ایف آئی آر نمبر 243زیر دفعہ 409مینڈھر پولیس سٹیشن میں درج کرتے ہوئے مزید تحقیقاتی عمل شروع کر دیا ہے ۔اس سلسلہ میں ایس ایس پی پونچھ نے بتایا کہ معاملہ کی تحقیقات عمل میں لائی جارہی ہے جبکہ واقعہ میں ملوث افراد کیخلاف سخت کارروائی عمل میں لائی جائے گی ۔محکمہ آب رسانی کے ایک آفیسر نے بتایا کہ مذکو

محکمہ مال کی کارروائی ،غیر قانونی قبضہ ہٹایا گیا

 مینڈھر //مینڈھر میں محکمہ مال کی جانب سے منی سیکریٹریٹ کے قریب گوہلد علاقہ میں غیر قانونی تجائوز کو ہٹایا گیا ۔اس سلسلہ میں نائب تحصیلدار مینڈھر کی قیادت میںایک مہم شروع کی گئی جس کے دوران پولیس کی ایک ٹیم بھی موجود تھی ۔محکمہ کے اعلیٰ آفیسران نے بتایا کہ منی سیکریٹریٹ کے قریبی علاقہ میں کچھ افراد کی جانب سے غیر قانونی طورپر قبضہ کیا گیا تھا جس کو ہٹانے کیلئے ایک مہم شروع کی گئی تھی تاہم اس مہم کے دوران مذکورہ قبضہ کو ہٹایا گیا ۔دوسری جانب مقامی لوگوں نے بتایا کہ مذکورہ اراضی پر ان کی برسوں سے ڈگریاں ہوئی ہیں تاہم اس کے دوران بھی کارروائی عمل میں لائی گئی تاہم آفیسران نے بتایا کہ تمام ڈگریاں منسوخ کی گئی ہیں جس کے دوران قبضہ ہٹانے کیلئے کارروائی عمل میں لائی گئی ۔  

مینڈھر میں متعدد لفٹ سکیمیں غلط تعمیر ہونے کی وجہ سے بند

 مینڈھر //سب ڈویژں مینڈھر میں کئی لفت واٹر سپلائی سکیمیں غلط تعمیر ہونے کی وجہ سے بند پڑی ہوئی ہیں جبکہ عام لوگوں کو پینے کے صاف پانی کی شدید قلت کاسا منا ہے ۔مقامی لوگوں نے بتایا کہ محکمہ کے کچھ ذمہ دار ملازمین نے بتایا کہ سب ڈویژن میں کئی ایک سکیموں کی تعمیر اس طرح سے کی گئی ہے کہ ان کی مدد سے تکنیکی طورپر پانی سپلائی ہی نہیں ہو سکتا ۔انہوں نے بتایا کہ کئی ایک مقاما ت پر نصب کر دہ مشینری بالخصوص موٹروں کی صلاحیت سے سپلائی ٹینک اور پانی جمع کرنے والے ٹینک کے درمیان فاصلہ زیادہ ہے جبکہ اسی طرح کئی ایک واٹر سپلائی سکیمیں تکنیکی طورپر غلط تعمیر کی گئی ہیں جس کی وجہ سے مذکورہ واٹر سپلائی سکیمیں بند پڑی ہوئی ہیں ۔سب ڈویژن کے نیلی ڈاب علاقہ میں محکمہ آب رسانی کی جانب سے تعمیر کی گئی واٹر سپلائی سکیم کو مکمل ہوئے کئی عرصہ گزر چکا ہے تاہم ابھی تک متعلقہ محکمہ سکیم سے پانی لفٹ ہی نہیں کر

پونچھ قصبہ میں کووڈ ایس او پیز کی خلا ف ورزیاں جاری

پونچھ//لاک ڈون ختم ہونے کے بعد سرحدی ضلع پونچھ کے بازاروں میں پورے ہفتے کاروبار کی اجازت دیئے جانے کے بعد بازاروں میں عوام کا ہجوم جمع ہو رہا اور اس دوران ایس او پی کی مکمل خلاف ورزی کی جارہی ہے۔ دیگر عوامی مقامات پر بھی صورتحال کچھ مختلف نہیں ہے۔نہ ہی ماسک کا استعمال اور نہ ہی سماجی فاصلہ، عوام کی غیر سنجیدگی کا اندازہ انکی گفتگو سے لگایا جاسکتاہے۔بارایسوسی ایشن کے اہم رکن نے اس بات پر برہمی کا اظہار کیا ہے کہ لوگ بازاروں میں بغیر ماسک کے گھوم رہے ہیں۔ انہوں نے کہا انتظامیہ کی کوشش ہے کے لوگ احتیاطی تدابیر پر عمل کریں لیکن لوگ اس بات کو سے بالکل بے خبر ہیں کہ رونا ابھی گیا نہیں ہے۔انہوں نے لوگوں سے اپیل کی کہ وہ احتیاطی تدابیر پر عمل کریں جب بھی بازار میں آئیں ماسک پہنے رکھیں، سماجی دوری بناکر رکھیں اور ہاتھ سینیٹائزر یا صابن سے بار بار صاف کرتے رہے ہیں۔مقامی معززین نے ضلع انتظامیہ س

پونچھ میں ضلع انتظامیہ کا اجلاس منعقد ،دیہی ترقی کے کاموں کا جائزہ لیا گیا

پونچھ//ضلع ترقیاتی کمشنر پونچھ اندرجیت نے محکمہ دیہی ترقیات کی کارکردگی کا جائزہ لینے کے لئے ایک اجلاس کی صدارت کی۔ اس دوران مختلف امور پر تبادلہ خیال کیا گیا جس میں پی ایم اے وائی (گرامین) مکانات کی تکمیل ، منریگا کارکنوں کی آدھار سیڈنگ ، آدھار پر مبنی ادائیگی ، منریگا مزدوری کی ادائیگی ، پنچایت سطح پر ٹھیکیداروں کی رجسٹریشن ، بیک ٹو ویلیج 3 کیکام ، تعمیر کے بارے میں پیشرفت ،بنکروں اور تعمیرات کام ں شامل ہیں۔میٹنگ کے دوران متعلقہ افسران نے ضلع ترقیاتی کمشنر کو بتایا گیا کہ منریگا کارکنوں کی 88.90 فیصدآدھار سیڈنگ کی گئی ہے جس کے لئے ڈی ڈی سی نے بی ڈی اوز کو 10 دن میں 100 فیصد حاصل کرنے کی ہدایت کی۔ اجرت کی بروقت ادائیگی کے بارے میں ڈی ڈی سی نے بی ڈی اوز کو ہدایت کی کہ وہ عمل کو تیز کریں اور بروقت ادائیگی کریں۔ ڈی ڈی سی نے بی ڈی اوز کو ہدایت کی کہ بینک حکام کے ساتھ ہم آہنگی کے ساتھ

چنڈک گائوں میں پینے کے صاف پانی کی شدید قلت

پونچھ//قدرتی آبی ذخائر سے مالا مال ہونے کے باوجود سرحدی ضلع پونچھ کے مختلف علاقوں میں آئے روز پینے کے صاف پانی کی عدم دستیابی کے خلاف لوگ احتجاج کرتے رہتے ہیں۔گرمی بڑھنے کے ساتھ ہی ضلع پونچھ کے چنڈک علاقے میں پینے کے پانی کی قلت پیدا ہو گئی ہے، یہاںکی آبادی نے پینے کے پانی کی قلت کے حوالے سے محکمہ جل شکتی کے خلاف چنڈک چوک میں زبردست احتجاج کیا۔احتجاج کے دوران مظاہرین نے سڑک پر گاڑیوں کی آمدورفت بند کر کے اپنے غم و غصہ کا اظہار کیا۔احتجاج کر رہے مرد و زن نے بتایا کہ چنڈک میں گزشتہ تین ماہ سے پانی کی شدید قلت پیدا ہو گئی ہے جس کی وجہ سے لوگوں کو زبردست مشکلات کا سامنا کرنا پڑ رہا ہے۔پانی کی قلت پر احتجاج کر رہے مظاہرین نے بتایا کہ شدید گرمی اور وبائی صورتحال میں بھی انہیں پینے کا پانی حاصل کرنے کیلئے میلوں کا سفر طے کرنا پڑ رہا ہے۔ذرائع ابلاغ کے نمائندں سے بات کرتے ہوئے انہوں نے کہا

زیارت میراں بخش جانے والی سڑک نامکمل

پونچھ// بار ایسوسی ایشن نے زیارت میراں بخش کی نامکمل سڑکوں پراظہار افسوس کرتے ہوئے کہا ہے کہ نامکمل سڑکیں ، ٹریفک کا کوئی انتظام نہیں ،ہر سمت بدعنوانیاں پونچھ کی علامات ہیں۔انہوںنے کہا کہ شاہپور حدِ متارکہ کے قریب کا ایک خوبصورت علاقہ ہے جہاں کا سفر کرنے والوں کو سڑک کی خستہ حالی کی وجہ سے سینکڑوں دشواریوں کا سامنا کرنا پڑتا ہے ۔انہوں نے کہا کہ بلیک ٹاپنگ کے بغیر اور لینڈ سلائیڈز کا ملوہ نہ اٹھائے جانے کی وجہ یہ سڑک موت کا کنواں بن گئی ہے ۔بار ایسوسی ایشن پونچھ کے صدر ایڈووکیٹ معروف خان نے ایک پریس کانفرنس کے دوران نہایت برہمی کا اظہار کرتے ہوئے کہا کہ اس اہم مسئلے کو حل کرنے کے لئے انتظامیہ کوئی نوٹس نہیں لے رہی ہے۔انھوں نے تشویش کا اظہار کرتے ہوئے کہا کہ پونچھ کا ایک مقدس مقام جہاں ہر روز ہزاروں کی تعداد میں عقیدت مند حاضر ہوتے ہیں وہاں کے لئے سڑکوں کا مناسب رابطہ نہیں ہے۔انھوں نے مز

مزید خبرں

راجوری قتل کیس میں 5ملزمان گرفتار  راجوری //جموں وکشمیر پولیس نے حالیہ دنوں میں راجوری میں ہوئے قتل کیس میں ملوث5ملزمان کو گرفتار کرلیا ہے ۔پولیس نے بتایا کہ گائو رکشکوں کی جانب سے قتل کئے گئے نوجوان کے قتل کے سلسلہ میں پولیس نے ایک معاملہ زیر ایف آئی آر 408/2021زیر سیکشن 302/341/323/336/147اور 148آئی پی سی میں مطلوب ملزمان میں سے پانچ کو گرفتارکرلیا ہے جبکہ اس سلسلہ میں مزید تحقیقاتی عمل شروع کر دیا گیا ہے ۔جموں وکشمیر پولیس نے ایک بیان جاری کرتے ہوئے کہاکہ تھنہ منڈی کے راجدھانی علاقہ کے اعجاز ڈار کے قتل کے سلسلہ میں جانکاری ملنے کے بعد اس سلسلہ میں ایک کیس درج کیا گیا تھا جبکہ اس سلسلہ میں کیس درج کرتے ہوئے ملزمان کی تلاش شروع کی گئی تھی جبکہ اس دوران مختلف ٹیموں نے کئی مقامات پر چھاپے مارتے ہوئے 5ملزمان کو گرفتار کرلیا ہے ۔پولیس نے بتایا کہ اس سلسلہ میں 24جون کو پولیس نے

لائی بنولہ واٹر سپلائی سکیم 10برسوں سے مکمل نہ ہو سکی

مینڈھر //مینڈھر سب ڈویژن میں لائی بنولہ واٹر سپلائی سکیم گزشتہ 10برسوں سے مکمل نہیں کی جارہی ہے جبکہ محکمہ آب رسانی کی جانب سے علاقہ میں پہنچائی گئی مشینری بھی زنگ آلودہ ہوگئی ہے ۔مقامی لوگ علاقہ میں پینے کے صاف پانی کی شدید قلت برداشت کررہے ہیں ۔مکینوں نے محکمہ پی ایچ ای کو تنقید کا نشانہ بناتے ہوئے کہاکہ واٹر سپلائی سکیم کی تعمیر کا عمل 2011میں شروع کیا گیا تھا لیکن متعلقہ محکمہ کی لاپرواہی کی وجہ سے گزشتہ دس برسوں سے وہ واٹر سپلائی سکیم کے مکمل ہونے کا انتظار کر رہے ہیں ۔انہوں نے الزام عائد کرتے ہوئے کہاکہ محکمہ کے ملازمین اور آفیسران ایک دہائی سے سرکاری خزانے سے سکیم کے نام پر فنڈز لے رہے ہیں تاہم زمینی سطح پر سکیم کے سلسلہ میں کوئی کام ہی نہیں ہوا ہے ۔علاقہ کے نائب سرپنچ سفار ش خان نے بتایا کہ محکمہ کے آفیسران ہر برس مارچ ماہ میں مذکورہ سکیم کا رخ کرتے ہوئے اور فنڈز ہڑپنے کیلئ

راستہ روک کر بزرگوں کی شدید پٹائی کا معاملہ

مینڈھر //مینڈھر سب ڈویژن کے چھترال علاقہ میں کچھ نوجوانوں نے مبینہ طورپر دو بزرگوں کاراستہ روک کر ان کی شدید پٹائی کر دی جس کی وجہ سے ان کے بازوں میں فریکچر کیساتھ ساتھ دیگر چوٹیں بھی آئی تاہم پولیس نے مینڈھر پولیس سٹیشن میں ایک کیس درج کر کے مزید تحقیقاتی عمل شروع کر دیا ہے ۔اس حملے میں زخمی ہونے والے بزرگوں کی شناخت محمد سلیمان اور ان کی زوجہ موتیاں کے طور پر ہوئی ہے ۔محمد سلیمان کے بیٹے نے بتایا کہ ان کے والد اور والدہ مویشیوں کو پانی پر لے جارہے تھے کہ اس دوران پولیس کے اسسٹنٹ سب انسپکٹر محمد قاسم کے بھائیوں نے ان پر جنگلاتی اراضی میں حملہ کر کے ان کو شدید زخمی کر دیا ۔انہوں نے الزام عائد کرتے ہوئے کہاکہ مذکورہ پولیس اے ایس آئی اور ان کے دیگر بھائیوں نے جنگلاتی اراضی پر غیر قانونی طریقہ سے قبضہ کر کے عام راستے کو بند کر دیا ہے جبکہ ان کے والدین کیساتھ بھی مذکورہ جنگلاتی اراضی میں

اعجازڈار والدین کاا کلوتا بیٹا اور کمائی کا واحد ذریعہ تھا

راجوری //راجوری کے مراد پور علاقہ میں قتل ہوئے اعجازڈار والدین کا اکلوتا بیٹا ہونے کیساتھ ساتھ گھر میں کمائی کا واحد ذریعہ تھا تاہم فالج میں مبتلا والد ،والدہ اور تین بہنوں کیلئے اب مزید مشکلات پیدا ہو گئی ہیں ۔60سالہ والد افضل ڈار کا جسم فالج میں وجہ سے زیاہ حرکت نہیں کر سکتا ۔اہل خانہ نے بتایا کہ منگل کی صبح چھ بجے ان کو ایک فون کال آئی جس میں کہا گیا کہ ان کا بیٹا اعجاز جو کہ بھینس لانے کیلئے گیا ہوا تھا وہ سر میں شدید چوٹ لگنے کی وجہ سے ہسپتال میں داخل ہے ۔اعجاز لون کے والد ن بتایا کے جیسے ہی اس نے اپنے بیٹے کے قتل کی خبر سنی تب سے اس کی زندگی میں اندھیر ا وقت شروع ہو گیا ہے ۔افسوس بھرے لہجے میں والد نے کہاکہ وہ اپنے اہل خانہ کی فلاح و بہبود کیلئے کام کرنا چاہتے تھے تاہم وہ فالج کی مرض میں مبتلا ہو گیا جس کے بعد اس کے بیٹے نے گھر کا کاروبار سنبھالا لیا تھا ۔انہوں نے بتایا کہ بیٹے

اسسٹنٹ ڈائر یکٹر شیپ کی ڈی ڈی سی رکن کیساتھ بدتمیزی

مینڈھر //ضلع ترقیاتی کونسل ممبر منکوٹ چوہدری عمران ظفر نے الزام عائد کرتے ہوئے کہاکہ بلنوئی علاقہ میں محکمہ شیپ ہسبنڈی کے فارم پر تعینات اسسٹنٹ ڈائریکٹر نے ان کیساتھ بدتمیزی کرتے ہوئے کہاکہ وہ نہیں جانتے کہ ڈی ڈ ی سی ممبر کیا ہواتے ہیں ۔یہاں جاری ایک بیان میں ضلع ترقیاتی کونسل ممبر نے کہاکہ منکوٹ کے سرحدی علاقہ میں قائم کر دہ شیپ فارم پر تعینات اسسٹنٹ ڈائر یکٹر علاقہ کی خواتین کیساتھ بدتمیزی کررہا تھا جس کیلئے انہوں نے مذکورہ فارم کا دورہ کیا اور عام لوگوں کو بغیر کسی وجہ سے ہراساں کرنے کا نوٹس لیا تاہم فارم پر تعینات اسسٹنٹ ڈائریکٹر نے انکے ساتھ مبینہ طورپر بدتمیزی کرتے ہوئے کہا کہ محکمہ کے اعلیٰ آفیسر ہی ان کو کسی بھی معاملہ میں پوچھ سکتے ہیں ۔ضلع ترقیاتی کونسل ممبر نے ڈی سی پونچھ سے کہاکہ اس سلسلہ میں تحقیقات کروائی جائے ۔ضلع ترقیاتی کمشنر پونچھ نے بتایا کہ اگر اس سلسلہ میں کوئی تح

بھاجپا اقلیتی مورچہ کی ماہانہ میٹنگ منعقد

کوٹرنکہ //کوٹرنکہ سب ڈویژن میں بھا جپا کے اقلیتی مورچہ کی ماہانہ میٹنگ منعقد کی گئی ۔محمد یونس اور ضلع سیکریٹری رمیز ملک کی قیادت میں منعقد اجلاس میں متعدد کارکنوں نے شرکت کی ۔اس دوران اراکین نے کہاکہ بھاجپا کا اقلیتی مورچہ علاقہ میں اقلیتوں کو بنیادی سہولیات فراہم کرنے کیساتھ ساتھ ان کی تعمیر وترقی کا وعدہ بند ہے ۔اجلاس کے دوران اقلیتی مورچہ کو بلاک کی سطح پر مزید مضبوط بنانے کے طریقہ کار پر بھی غور کیا گیا ۔لیڈران نے کارکنوں پر زور دیتے ہوئے کہاکہ اقلیتی مورچہ کو زمینی سبطح پر مضبوط بنانے کیلئے آپسی اشتراک سے کام کیا جائے ۔  

ایڈیشنل ڈی سی پونچھ نے مینڈھر کا دورہ کیا

مینڈھر //ایڈیشنل ڈپٹی کمشنر پونچھ بشارت احمد نے مینڈھر سب ڈویژن کا دورہ کرتے ہوئے سب ڈسٹر کٹ ہسپتال میں مریضوں کو فراہم کی جارہی سہولیات کا جائزہ بھی لیا ۔آفیسر موصوف نے ہسپتال کی تمام سیکشنوں کا معائینہ کرنے کیساتھ ساتھ ووڈ کئیر سنٹر گور نمنٹ ہائر سکینڈری سکول مینڈھر میں فراہم کی جارہی سہولیات کا جائزہ بھی لیا ۔اس کے علاوہ آفیسر موصوف کو مینڈھر ہسپتال میں آکسیجن جنریشن پلانٹ پر چل رہے کام کے سلسلہ میں بھی جانکاری فراہم کی گئی ۔اس موقعہ پر آفیسر موصوف کے ہمراہ ایس ڈی ایم مینڈھر ڈاکٹر ساحل جنڈیال ،چیف میڈیکل آفیسر پونچھ ،تحصیلدار مینڈھر ،بلاک میڈیکل آفیسر ڈاکٹر پرویز خان محکمہ پی ڈبلیو ڈی ،محکمہ پی ایچ ای و دیگر محکموں کے اعلیٰ آفیسران بھی موجود تھے ۔  

پونچھ میں بین الاقوامی اولمپک ڈے منایا

پونچھ// پونچھ کے شام لال ہاکی کلب اور پاور ہاؤس ہاکی کلب نے باہمی اشتراک سے سپورٹس اسٹیڈیم پونچھ میں بین الاقوامی اولمپک ڈے پر ایک تقریب منعقد کی جس میں ہاکی کوچز اور کھلاڑیوں نے بھرپور شرکت کی۔اس موقع پر مقررین نے اولمپک کھیلوں کے بارے میں آگاہی دیتے ہوئے کہا کہ اولمپک ہر چار سال بعد منعقد ہوتے ہیں۔انھوں نے کہا کہ اس روز کھیلوں کی تنظیمیں جسمانی ورزش کے فوائد کو فروغ دیتی ہیں ، متاثر کن لوگ بھی ان کی پسند کے کھیلوں میں حصہ لیتے ہیں۔انھوں نے آنے والے ٹوکیو اولمپک 2021 میں شرکت کرنے والے انڈیا مینز اور ویمنز ہاکی ٹیم اور دیگر ہندوستانی ایتھلیٹ کے لئے بھی نیک خواہشات کا اظہار کیا۔ اس موقع پر نیردوش کمار منیجر اسپورٹس اسٹیڈیم پونچھ ، مشتاق احمد باکسنگ کوچ ، سوراب شرما پی ای ایم ، پرویز ملک آفریدی چیئرمین ای ایچ ایس اے ایس فاؤنڈیشن پونچھ ، سنیل رائنا ، رشیف شرما سینئر ہاکی پلیئرزپون ک

فوج نے گائوں کْسلیاں میں پڑا گولہ ناکارہ بنایا

پونچھ//ضلع پونچھ کے سرحدی گائوں کْسلیاں میں فوج نے زندہ گولہ کو ناکارہ بنایا۔واضح رہے کہ ہندفوج کو کْسلیاں کے مقامی لوگوں کی جانب سے جانکاری ملی تھی کہ گائوں میں زمین میں ایک زندہ گولہ پڑا ہوا ہے جس کے بعد فوج کے جوانوں نے فوری کاروائی کرتے ہوئے بڑے ہی احتیاط کے ساتھ گولے کوناکارہ بنایا۔کْسلیاں کے مقامی لوگوں نے بتایا کہ ان کے علاقے میں ہندوستان اور پاکستان کے فوجیوں کے درمیان ہونے والی کشیدگی کے دوران کئی گولے آکرگرے ہیں جو ابھی تک مختلف مقامات پر پڑے ہیں اور ان کی وجہ سے ان کو ہمیشہ خطرہ رہتا ہے۔ انہوں نے کہا کہ فوج کا شکریہ ادا کرتے ہیں جو ہمیشہ ان کوحفاظت کے لئے اطلاع ملتے ہی ان گولوں کو ناکارہ بنادیتے ہیں۔  

شاہپور کی 2پنچایتوں کی 14وارڈیں سڑک سے محروم

پونچھ//ضلع صدر مقام پونچھ سے محض دس کلو میٹر دورحلقہ پنچایت شاہپور لوہر اور اپر کی 14 وارڈوں کی آبادی کو سڑک جیسی بنیادی سہولت دستیاب نہیں ہے جسکی وجہ سے مقامی آبادی انتظامیہ سے نالاں اور سراپا احتجاج ہے۔مقامی شہریوں کا کہنا ہے کہ انتظامیہ کی جانب سے گائوں دیہات میں تعمیر وترقی اور بنیادی ضروریات بہم پہچانے کے بلند و بانگ دعوے حلقہ پنچایت شاہپور لوہراور اپر میں سراب ثابت ہوتے دیکھائی دے رہے ہیں۔شاہپور لور کی وارڈ نمبر5میں رہنے والے بزرگ شخص محمد عباس خان نے بتایا کہ بنیادی سہولیات سے محروم علاقہ شاہپور کے باشندے انتہائی کسمپرسی کی زندگی گزار رہے ہیں۔انہوں نے کہا کہ اکیسوی صدی میں بھی سڑک جیسی بینادی سہولت نہ ہونے کے باعث لوگوں کو خاص کر بیماروں کو سخت مشکلات کا سامنا کرنا پڑتا ہے۔انہوں نے کہا کہ سڑک جیسی بنیادی سہولت کے علاوہ آنگن واڑی اور طبی شعبے کی بھی کوئی سہولت دستیاب نہیں ہے ج