تازہ ترین

مغل شاہراہ سے سفرکرنے کیلئے شرائط عوام کیلئے دردِ سر

پونچھ//اگرچہ موسم سرما سے عین قبل تاریخی مغل شاہراہ پر کو عام عوام کیلئے کھول دیاگیاہے لیکن ایسی شرط رکھی گئی ہے جسے پورا کرنے کیلئے پہلے جموں کا سفر کرناپڑے گا۔حکام کے مطابق اس شاہراہ پر وہی شخص سفر کر سکتا ہے جس کے پاس صوبائی کمشنر کا اجازت نامہ ہوگا ۔اس روڈ کو اس برس موسم گرما شروع ہونے پر نہیں کھولاگیا اور بظاہر اس کی وجہ کورونا وائرس کا پھیلائو بتائی گئی لیکن ضلع پونچھ میں اس کے باوجود کورونا وائرس تیزی سے پھیلا اور روڈ کو ایسے عالم میں کھولنے کا اعلان کیاگیاجب ضلع میں یومیہ کورونا معاملات 100سے بھی پار ہوگئے۔حکام کی جانب سے اس شاہراہ پر سفر کرنے والے لوگوں کو کچھ شرائط کے ساتھ سفری اجازت دی جارہی ہے اوران میں سے انہیں صوبائی کمشنر جموں سے اجازت نامہ بھی لیناہوگاجبکہ کورونا ٹیسٹ بھی لازمی قرار دیاگیاہے ۔تاہم عام لوگوں کا اس حوالے سے کہنا ہے کہ ان لوازمات سے بہتر ہے کہ وہ جموںسرینگ

راجوری میں ایل او سی پر ہند۔پاک افواج کے مابین گولہ باری

سری نگر// جموں و کشمیر کے ضلع راجوری کے نوشہرہ سیکٹر میں لائن آف کنٹرول پر ہفتے کی صبح ہندوستان اور پاکستان کی افوج کے درمیان شدید گولہ باری کا تبادلہ ہوا تاہم کسی نقصان کی کوئی اطلاع نہیں ہے۔ ایک دفاعی ترجمان نے بتایا کہ راجوری کے نوشہرہ سیکٹر میں ایل او سی پر آج صبح قریب سوا گیارہ بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر چھوٹے اور بڑے ہتھیاروں سے گولہ باری شروع کی۔ انہوں نے کہا کہ وہاں موجود بھارتی فوجی جوان حملے کا” بھر پور“ جواب دے رہے ہیں تاہم فی الوقت کسی بھی جانب کسی جانی یا مالی نقصان کی کوئی اطلاع نہیں ہے۔  

راجوری میں آرمی پورٹر کی پراسرار موت

راجوری //راجوری میں فوج کے ساتھ بطور پورٹر کام کرنے والے ایک شخص کی پراسرار طور پر موت ہوگئی جس پر پولیس نے تحقیقات شروع کردی ہے۔متوفی کی پہچان بالا رام ساکن چٹیار کے طور پر ہوئی ہے۔پولیس نے بتایاکہ بالارام چٹیار میں فوج کے ساتھ کام کررہاتھا اور اسے صحت بگڑ جانے پرفوج کے ذریعہ پی ایچ سی چٹیار لایاگیاجہاں اس کی موت ہوگئی ۔بعد ازآں نعش کو گورنمنٹ  میڈیکل کالج و ہسپتال راجوری منتقل کیاگیا جہاں پوسٹ مارٹم ہوا ۔پولیس نے اس سلسلے میں کیس درج کرکے مزید تحقیقات شروع کردی ہے۔  

مغل روڈ جزوی طور پر دوطرفہ ٹریفک کیلئے کھل گیا | صوبائی کمشنر کی اجازت کے بغیربین صوبائی سفر نہیں ہوگا

راجوری+سرنکوٹ //جمعہ کے روز تاریخی مغل روڈ دو طرفہ ٹریفک کے لئے کھول دی گئی جس دوران 100کے قریب گاڑیوں نے پیر گلی کوعبور کیا ۔ضلع مجسٹریٹ پونچھ راہل یادو نے جمعہ کے روز سے دونوں اطراف کے شہری ٹریفک کو سڑک پر جانے کی اجازت دینے کا حکم جاری کیا لیکن مسافروں کے لئے ڈویژنل کمشنردفتر سے اجازت حاصل کرنا لازمی قرار دیاگیاہے ۔عہدیداروں نے بتایا کہ جمعہ کے روزعام ٹریفک اور دیگر قسم کی گاڑیوںبشمول مالبردارٹرکوںکو دونوں اطراف سے روانہ کیاگیا۔انہوں نے بتایا’’جمعہ کے روز چلنے والی زیادہ تر گاڑیاں سامان بردار تھیں ‘‘۔ڈپٹی ایس پی ٹریفک زبیر مرزا نے بتایا کہ پہلے روز100 کے قریب گاڑیاں چلیں ۔ انہوں نے مزید کہا کہ پوشانہ میں فوج اور پولیس چیکنگ ہوتی ہے جبکہ بفلیاز کے قریب ٹریفک پولیس کے چیک پوائنٹس بھی موجود ہیں۔دریں اثناء مغل روڈ پر تارکول بچھانے کاکام شروع کیاگیاہے ۔ ایگزیکٹو ا

راجوری اور پونچھ میں 2اموات

راجوری//کورونا وائرس کی وجہ سے راجوری اور پونچھ اضلاع میں جمعرات کو 2اموات ہوگئیں جبکہ پونچھ سے 51 اور راجوری سے 86 نئے کیس رپورٹ ہوئے ہیں۔ڈپٹی کمشنر پونچھ راہل یادو نے بتایا کہ سرنکوٹ سے تعلق رکھنے والے ایک شخص کی طبیعت بگڑ جانے کے بعد اسے جموں منتقل کیاگیاتاہم وہ راستے میں ہی دم توڑ گیا۔اس کی کورونا رپورٹ مثبت آئی تھی ۔انہوں نے مزید بتایا کہ پونچھ میں کورونا وائرس کے 51 نئے کیس آئے ہیں جن میں سے 7 مسافر اور 44 مقامی افرادہیں۔دوسری طرف، ضلع راجوری میں بھی کورونا سے ایک موت ہوئی ہے۔عہدیداروں نے بتایا’’راجوری کی بابا غلام شاہ بادشاہ یونیورسٹی میں کام کرنے والے بدھل سموٹ گائوں کے ایک 45 سالہ شخص کی موت ہوگئی ہے۔عہدیداروں نے بتایاکہ مذکورہ شخص بیمار ہوگیا تھا اور اس میں کورونا کی علامات بھی پیدا ہوئی تھیں،وہ گذشتہ دو روز سے راجوری ہسپتال کے آئیسولیشن وارڈ میں زیر علاج تھا ج

پونچھ میں کنٹرول لائن پر تین سیکٹروں میں بھارتی چوکیوں پر پاکستان کی شیلنگ

سرینگر//حکام نے بدھ کو کہا کہ پاکستان کی افواج نے پونچھ ضلع میںکنٹرول لائن پر تین سیکٹروں میں بھارت کی اگلی چوکیوں کو مارٹر شیلنگ سے نشانہ بنایا۔ ایک دفاعی ترجمان کے مطابق پاکستان نے آج صبح کسی اشتعال کے بغیر جنگ بندی معاہدے کی خلاف ورزی کرتے ہوئے پونچھ کے کیرنی، قصبہ اور شاہپور سیکٹروں میں چھوٹے ہتھیاروں سے بھارت کی چوکیوں کو شدید گولہ باری کا نشانہ بنایا۔ ترجمان نے کہا کہ بھارتی افواج نے پاکستانی فائرنگ کا ”بھر پور اور مناسب“ جواب دیا۔ قابل ذکر ہے کہ گذشہ ہفتے ضلع راجوری میں کراس کنٹرول لائن گولہ باری میں ایک فوجی ہلاک اور دو زخمی ہوئے تھے۔2ستمبر کے روز ایک اور ایسے ہی واقعہ میں ضلع راجوری میں ہی ایک جے سی او ہلاک ہوا تھا۔  

سیزن ختم ہونے کے بعد مغل روڈ بحال

شوپیان /شاہد ٹاک/ ضلع انتظامیہ پونچھ نے بالآخر مغل روڑ کو دو طرفہ ٹریفک کیلئے کھولنے کا فیصلہ کیا ہے۔ضلع مجسٹریٹ نے جمعہ سے مسافر ٹریفک کو دو طرفہ طور چلنے کی اجازت دی ہے۔ مسافروں کی ٹیسٹنگ بفلیاز اور ہیر پورہ شوپیان میں کی جائیگی تاہم صوبائی ٹریفک کے چلنے کے بارے میں صوبائی انتظامیہ کی اجازے لازمی ہے۔یہ بات قابل ذکر ہے کہ سرینگر جموں، جموں سرینگر،جموں دہلی کے علاوہ جموں پٹھانکوٹ، لدھیانہ یا دیگر ریاستوں کیلئے مسافر کے چلنے پر ساری پابندیاں ختم کی گئی تھیں اور کہیں پر بھی کوئی پابندی نہیں تھی لیکن صرف مغل روڑ کو بند کیا گیا تھا، جس پر پونچھ کی انتظامیہ نے مسافر گاڑیوں کے چلنے پر پابندی عائد کی تھی۔ضلع انٹطامیہ پونچھ کی جانب سے اس بلا جواز پابندی کی وجوہات اب تک سمجھ میں نہیں آرہی ہے حالانکہ پونچھ مین پہلے جب کورونا کیسز نہ ہونے کے برابر تھے تو مغل روڑ بند کیا گیا تھا اور اب جبکہ کیسز

راجوری میں جنوبی کشمیر کے 3جنگجو گرفتار

راجوری+ترال // راجوری ضلع میں سیکورٹی فورسز اور پولیس نے ایک خصوصی کارروائی کے دوران جنوبی کشمیر سے تعلق رکھنے والے تین جنگجوئوں کو گرفتار کرنے کا دعویٰ کیا ہے جبکہ ان کے قبضے سے بھاری مقدار میں اسلحہ و گولہ بارود کے علاوہ ایک لاکھ روپے نقدی بھی بر آمد کر لی گئی ۔ سنیچراعلیٰ صبح فورسز اور جموں کشمیر پولیس نے مشتر کہ طور پر ایک خصوصی کارورائی کے دوران تین جنگجوئوں کی گرفتار ی عمل میں لائی ۔ گرفتار کئے گئے جنگجوئوں کی شناخت راہل بشیر ساکن پلوامہ، عامر جان ساکن پلوامہ اور حافظ یونس ساکن شوپیان کے طور پرہوئی ہے۔ پولیس نے ان سے2اے کے 56، 6اے کے میگزین، دو چائنیز پستول، چار گرینیڈ، دو پاؤچ اور ایک لاکھ روپے نقدی برآمد کی ۔پولیس نے اس سلسلے میں ایف آئی آر نمبر 492/20 درج کیا گیا۔ادھرپولیس سربراہ دلباغ سنگھ نے کہا ہے کہ سر حد پار سے ڈورن کے ذریعے عسکریت پسندوں تک اسلحہ پہنچانے کیلئے نئی ک

بانہال میں آگ کی ہولناک واردات ،2 درجن سے زیادہ دکان خاکستر

سرینگر//ضلع رام بن کے بانہال علاقے میں دوران شب آگ کی ایک بھیانک واردات میں کم سے کم28دکان اور ایک رہائشی مکان خاکستر میں تبدیل ہوگئے۔یہ واقعہ تحصیل بانہال کے کھاری مارکیٹ میں پیش آیا۔ حکام کے مطابق آدھی رات کو آگ پُر اسرار طور نمودار ہوکر پورے مارکیٹ میں آناً فاناًپھیل گئی۔ آگ پر قابو پانے کیلئے مقامی لوگ اور متعلقہ عملہ جائے واردات پر پہنچ گئے لیکن وہ آگ کو قابو نہیں کر پائے۔ اس واردات میں تاہم کسی جانی نقصان کی کوئی اطلاع نہیں ملی ہے۔ ایس ایس پی رام بن حسیب الرحمان نے نیوز ایجنسی جی این ایس کو بتایا کہ آگ سے ہونے والے مالی نقصان کا تخمینہ لگایا جارہا ہے۔  

راجوری ضلع میں تین مشتبہ جنگجو گرفتار: پولیس

سرینگر//سیکورٹی فورسز نے ہفتہ کو دعویٰ کیا کہ اُنہوں نے ضلع راجوری میں تین مشتبہ جنگجوﺅں کو گرفتار کرکے اُن کی تحویل سے اسلحہ و گولہ بارود بر آمد کیا ہے۔ اطلاعات میں پولیس کا حوالہ دیتے ہوئے بتایا گیا ہے کہ ایک جنگجو مخالف آپریشن کے دوران فورسز اور پولیس نے راجور قصبہ میں مشترکہ طور تین مشتبہ افراد کو گرفتار کیا۔  گرفتار شدگان کی تحویل سے اسلحہ و گولہ بارود بر آمد کرنے کا دعویٰ کیا گیا ہے۔ مزید تفصیلات کا انتظار ہے  

بالاکوٹ میں شدید گولہ باری

مینڈھر// مینڈھر پونچھ کے بالاکوٹ علاقے میں لائن آف کنٹرول کے اطراف  میںبھاری گولہ باری سے متعدد رہائشی ڈھانچوں کو نقصان پہنچا جبکہ ایک فوجی اہلکار زخمی ہو گیا۔حکام نے بتایا کہ جمعرات کی صبح تقریباً پونے سات بجے پاکستانی فوج نے بالاکوٹ میں حد متارکہ اور قریبی علاقوں پر فائرنگ اور شلنگ کی جس دوران بالاکوٹ ،سندوٹ،سوالہ، ڈبی، بالاکوٹ فارورڈ ، بسونی ، پنجنی علاقوں میں زبردست خوف وہراس پیداہوا۔حکام نے بتایا’’پاک فوج نے علاقے میں شہری آبادی کو نشانہ بناتے ہوئے طویل فاصلے پر 120 ملی میٹر کے مارٹر گولے بھی استعمال کئے‘‘۔  پاکستانی فوج کی طرف سے داغا گیا ایک مارٹر گولہ آرمی چوکی کے قریب پھٹنے سے فوج کااہلکار زخمی ہوگیاجسے ہسپتال منتقل کیا گیا جہاں وہ زیر علاج ہے۔علاقے میں گولہ باری سے دس کے قریب ڈھانچوں کو بھی نقصان پہنچا۔ بالاکوٹ فارورڈ میں چار کچے مکانات کو

امشی پورہ شوپیاں انکائونٹر کی ہلاکتیں

 راجوری //رواں برس کے جولائی ماہ میں شوپیاں میں ہوئے مبینہ فرضی انکائونٹر اور راجوری کے 3نوجوانوں کی مشکوک گمشدگی و ہلاکت کے سلسلہ میں لواحقین پر مشتمل ایک وفد نے لیفٹیننٹ گورنر کے مشیر بصیر خان سے ملا قات کی ۔وفد میں شامل اراکین نے نوجوانوں کی مبینہ جعلی انکائونٹر میں کی گئی ہلاکت کیساتھ منسلک پورا واقعہ کے بارے میں مشیر کو آگاہ کیا ۔وفد میں رشتہ داروں کیساتھ ساتھ علاقہ کے سرپنچ اعجاز احمد ودیگران بھی شامل تھے ۔سرپنچ نے بتایا کہ واقعہ کے سلسلہ میں لیفٹیننٹ گورنر کے مشیر کو پوری جانکاری فراہم کی گئی جبکہ انہوں نے مانگ کرتے ہوئے کہاکہ فرضی انکائونٹر میں ہلاک ہوئے نوجوانوں کے ڈی این اے کی رپورٹ کو جلدازجلد سامنے لایا جائے ۔انہوں نے بتایا کہ مذکورہ تینوں نوجوان بے گناہ تھے اور وہ وادی میں محنت مزدوری کیلئے گئے ہوئے تھے ۔مشیر نے وفد کو یقین دلاتے ہوئے کہاکہ مذکورہ معاملہ پہلے سے ہی ل

مغل شاہراہ پر ٹنل تعمیر کی جائے :ظفر منہاس

 سرینگر//اپنی پارٹی نائب صدر ظفر اقبال منہاس نے حکومت ِ ہند پرزور دیا ہے کہ جموں وکشمیر کے مختلف علاقوں اور ذیلی خطوں کے مابین سڑک رابطوں کو بحال کیاجائے۔ انہوں نے وفاقی حکومت سے مغل شاہراہ پر ’ٹنل ‘کی تعمیر کے لئے ضروری لوازمات مکمل کے عمل میں تیزی لائی پربھی زور دیا ہے ، جس کا مقصد سال بھر بلاخلل آمدورفت کے لئے سرینگر جموں شاہراہ کا متبادل فراہم کرنا ہے۔ سرینگر دفتر میں شوپیان سے آئے اپنی پارٹی ورکروں کی ایک میٹنگ سے خطاب کرتے ہوئے منہاس نے کہاکہ مغل شاہراہ خطہ پیر پنچال کی عوام کے لئے شہ ِ رگ کی حیثیت رکھتی ہے جنہیں بصورت دیگر گرمائی راجدھانی سرینگر تک پہنچنے میں کئی قسم کی دقتوںکا سامنا ہے۔ انہوں نے کہا’’ خطہ پیر پنچال کے اضلاع پونچھ اور راجوری کی عوام کے ساتھ ساتھ اِس طرف وادی خاص طور سے شوپیان میں رہنے والے لوگوں کوتاریخی مغل شاہراہ پر پبلک ٹریفک پر

پونچھ میں ایل او سی پر گولہ باری، جانی یا مالی نقصان کی اطلاع نہیں

جموں// جموں و کشمیر کے ضلع پونچھ کے بالاکوٹ اور مینڈھر سیکٹروں میں لائن آف کنٹرول پر جمعرات کی صبح ہندوستان اور پاکستان کی فوج کے درمیان گولہ باری کا تبادلہ ہوا تاہم کسی بھی جانب کسی جانی یا مالی نقصان کی کوئی اطلاع نہیں ہے۔ جموں میں تعینات دفاعی ترجمان کرنل دویندر آنند نے بتایا کہ پونچھ کے بالاکوٹ اور مینڈھر سیکٹروں میں ایل او سی پر جمعرات کی صبح قریب پونے سات بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر گولہ باری اور فائرنگ شروع کی۔ انہوں نے کہا کہ وہاں تعینات بھارتی فوجی جوان حملوں کا بھر پور جواب دے رہے ہیں۔  

راجوری میں ایل او سی پر پاکستانی فائرنگ سے فوجی اہلکار ہلاک

جموں// جموں و کشمیر کے ضلع راجوری کے سندر بنی سیکٹر میں لائن آف کنٹرول پر ہندوستان اور پاکستان کی فوج کے درمیان گذشتہ شام ہونے والی گولہ باری کے تبادلے کے نتیجے میں ایک فوجی اہلکار ہلاک ہوگیا جس کی شناخت نائیک انیش تھامس کے بطور ہوئی ہے۔ یاد رہے کہ راجوری کے سندر بنی سیکٹر میں ایل او سی پر منگل کی شام ہندوستان اور پاکستان کی فوج کے درمیان گولہ باری کے تبادلے میں ایک فوجی میجر اور ایک فوجی جوان زخمی ہوئے تھے جنہیں اکھنور میں قائم ایک ہسپتال میں منتقل کیا گیا تھا۔ دفاعی ترجمان لیفٹیننٹ کرنل دویندر آنند نے اپنے ایک بیان میں کہا کہ سندر بنی سیکٹر میں ایل او سی پر منگل کی شام پاکستانی فوج نے بلا اشتعال گولہ باری کی جس کے نتیجے میں شدید طور پر زخمی ہونے والا نائیک انیش تھامس زخموں کی تاب نہ لا کر موت کی آغوش میں چلا گیا۔  

راجوری ضلع میں ریچھ کے حملے میں چار افراد زخمی

سرینگر//ضلع راجوری کے درہال علاقے میں بدھ کو ریچھ کے حملے میں چار افراد زخمی ہوگئے۔یہ واقعہ ضلع کے چوکیان گاوں میں پیش آیا۔ زخمی افراد کی شناخت محمد شبیر ولد محمد امین ،محمد شیرین ولد قیصر محمد، نیاز اللہ ولد محمد نصیب ساکنان چوکیان اور محمد اقبال ولد لال دین ساکن سمبلی درہال کے طور ہوئی ہے۔ مقامی ذرائع کے مطابق مذکورہ افراد کھیتوں میں کام کررہے تھے جب ایک ریچھ نمودار ہوکر ان پر حملہ آور ہوا۔ بعد ازاں ریچھ نزدیکی جنگل کی طرف بھاگ گیا ۔  زخمیوں کو درہال کے اسپتال میںپہنچایا گیا ہے۔  

راجوری حد متارکہ پر گولہ باری

راجوری//ضلع راجوری کے علاقے سندر بنی مالہ میں پاکستانی فوج کی جانب سے شدید گولہ باری سے ایک افسر سمیت تین فوجی اہلکارزخمی ہوگئے۔عہدیداروں نے بتایا کہ پاکستانی فوج نے سندر بانی سیکٹر کے مالہ ، مہادیو اور مینکا کے علاقوں میں حد متارکہ پر فائرنگ اور گولہ باری کی جس دوران بھارتی فوج کی متعدد اگلی چوکیوں کونشانہ بنایاگیا۔انہوں نے بتایاکہ اس کا بھارتی فوج نے بھی بھرپور جواب دیا۔عہدیداروں نے بتایا’’فائرنگ سے ایک میجر ، ایک صوبیدار اور فوج کا ایک رائفل مین زخمی ہوگیا‘‘۔انہوں نے مزید کہا کہ زخمی فوجیوں کو فوج کے مقامی ہسپتال منتقل کیا گیا ہے اور ان کا علاج جاری ہے۔فائرنگ اور گولہ باری کا سلسلہ وقفے وقفے سے جاری تھا۔  

منکوٹ میں گولہ باری کا تبادلہ | سرحد پار بچی لقمہ اجل، 4 زخمی

مینڈھر//ہندوپاک افواج کے درمیان اتوار کو بھی کرشنا گھاٹی سیکٹر کے منکوٹ علاقے میں فائرنگ اور گولہ باری کا تبادلہ ہوا۔جموں میں مقیم دفاعی ترجمان لیفٹیننٹ کرنل دیونندر آنند نے بتایا کہ پاکستان کی طرف سے اتوار کی شام سیز فائر کی خلاف ورزی کی گئی جس دوران پونچھ کے منکوٹ سیکٹر میں ایل او سی کے ساتھ چھوٹے ہتھیاروں اور مارٹر سے گولہ باری کی گئی‘‘۔انہوں نے بتایا’’ہندوستانی فوج مناسب جوابی کارروائی کررہی ہے‘‘۔ایک پولیس افسر نے بتایا کہ کسی طرح کے جانی نقصان کی اطلاع نہیں ملی البتہ علاقے میں شدید گولہ باری جاری ہے۔ادھرپاکستانی فوج کے شعبہ تعلقات عامہ (آئی ایس پی آر) کے مطابق بھارتی فورسز نے ایل او سی کی شہری آبادی کوبھاری ہتھیاروں سے نشانہ بنایا۔ بھارتی فوج نے  تتہ پانی اور رکھ چکری سیکٹر میں فائرنگ کی، جس کے نتیجے میں بڈوری گاؤں ڈیرہ صاحب زادیاں کی

مینڈھر پونچھ میں باپ بیٹی اسلحہ سمیت گرفتار

مینڈھر//سیکورٹی فورسز نے ہفتے کے روز پونچھ ضلع کے مینڈھر علاقے میں عسکریت پسندوں کے ایک ماڈیول کا پردہ چاک کرنے کا دعویٰ کیا جس میں باپ بیٹی کو گرفتار کیاگیاہے۔ ان کے قبضے سے بھاری مقدار میں اسلحہ اور گولہ بارود برآمد کرنے کا دعویٰ کیا گیا ہے۔سرکاری پریس نوٹ میں ضلع پونچھ کی پولیس نے بتایا کہ فوج کی مصدقہ اطلاعات پرمشترکہ ا?پریشن کیاگیا جس دوران یہ کامیابی ملی۔بیان کے مطابق’’ تخریبی سرگرمیوں میں استعمال ہونے والے اسلحہ ، گولہ بارود ، دھماکہ خیز مواد اور دیگر مواد برآمد ہواہے ‘‘۔پولیس نے بتایا کہ دو ملزمان کو حراست میں لیا گیا ہے اور ان سے اسلحہ اور گولہ بارود برآمد ہواہے۔ان کے خلاف پولیس تھانہ مینڈھر میںایف آئی آر 217/2020 کے تحت مقدمہ درج کیا گیا ہے۔پولیس نے مزید بتایا کہ بالائے ورکروں کی تحویل سے اسلحہ اور گولہ بارود کی بھاری کھیپ برآمد ہوئی ہے جن میں چی

راجوری میں کنٹرول لائن کے نزدیک باردوی دھماکہ، آفیسر سمیت2فوجی اہلکار زخمی

سرینگر//ضلع راجوری میں جمعہ کو کنٹرول لائن کے نزدیک ایک بارودی سرنگ دھماکے میں ایک فوجی میجر سمیت دو فوجی زخمی ہوگئے۔یہ واقعہ اُس وقت پیش آیا جب نوشیرا سیکٹر میں فوج کی ایک گشتی پارٹی اچانک زیر زمین باردی سرنگ کی زد میں آگئی۔ نیوز ایجنسی جی این ایس کے مطابق یہ دھماکہ نوشیرا سیکٹر میں کنٹرول لائن کے نزدیک ڈھابا کھوری علاقے میں ہوا۔ اس دھماکے میں فوج کا میجر ورن کھجوریہ اور صوبیدار اشور سنگھ زخمی ہوگئے۔ دونوں زخمیوں کو ہیلی کاپٹر کے ذریعے کمانڈ اسپتال اُدھمپور پہنچایا گیا ہے جہاں اُن کا علاج جاری ہے۔