تازہ ترین

ہمارے بیٹے کا قتل ہوا ہے: دلی میں اپنے ہی کمرے میں مردہ پائے گئے کشمیری نوجوان کے اہلخانہ کا الزام

سری نگر// دلی میں دو روز قبل اپنے ہی کمرے میں مردہ پائے گئے سری نگر باغات علاقے سے تعلق رکھنے والے نوجوان کے اہلخانہ کا الزام ہے کہ ان کے بیٹے کا قتل ہوا ہے۔ انہوں نے دلی پولیس سے اس سلسلے میں تحقیقات کرنے کی اپیل کی ہے۔ باغات سری نگر سے تعلق رکھنے والے 28 سالہ عاقب رشید بٹ ولد عبدالرشید بٹ کو دلی میں اپنے کمرے میں 2 مارچ کی شام مردہ پایا گیا تھا۔ مذکورہ نوجوان کے اہل خانہ نے دلی پولیس نے تحقیقات کا مطالبہ کرتے ہوئے ذمہ دار افراد کو کیفر کردار تک پہنچانے کی مانگ کی ہے۔  

سری نگر کی فوجی چھاونی میں فوجی اہلکار نے پھانسی پر لٹک کرخودکشی کی

سری نگر//گرمائی دارلحکومت سری نگر کی بادامی باغ فوجی چھاونی میں ایک فوجی اہلکار نے مبینہ طور پر اپنے آپ کو پھانسی دے کر خود کشی کی۔ سرکاری ذرائع نے بتایا کہ سری نگر کی بادامی باغ فوجی چھاو¿نی میں جے سی او پوائنٹ کے نزدیک ایک فوجی اہلکار نے اپنے آپ کو پھانسی دے کر اپنا کام تمام کر دیا۔ انہوں نے بتایا کہ اگرچہ فوجی اہلکار کو ہسپتال منتقل کیا گیا لیکن وہاں ڈاکٹروں نے انہیں مردہ قرار دیا۔  

کشمیر میں خوشگوار موسم کے بیچ برف و باراں کی پیش گوئی

سری نگر//وادی کشمیر میں خوشگوار موسم کے بیچ محکمہ موسمیات نے برف و باراں کے ایک اور مرحلے کی پیش گوئی کی ہے۔ متعلقہ محکمے کے ایک ترجمان نے بتایا کہ وادی کشمیر میں 6 اور7 مارچ کو بارشیں یا ہلکے درجے کی برف باری ہوسکتی ہے۔ انہوں نے کہا کہ وادی میں 7 مارچ کو خراب موسمی حالات سے کشمیر شاہراہ پر مٹی کے تودے گر اسکتے ہیں جس سے ٹریفک کی نقل و حمل میں خلل واقع ہوسکتی ہے۔  

لیفٹیننٹ گورنر منوج سنہا نے کورونا وائرس مخالف ویکسین کی پہلی خوراک لی

سرینگر//جموں کشمیر کے لیفٹیننٹ گورنر منوج سنہا نے جمعرات کو کورونا وائرس مخالف ویکسین کی پہلی خوراک لی۔ اطلاعات کے مطابق یہ ویکسین ایل جی سنہا نے گورنمنٹ میڈیکل کالیج اسپتال جموں میں لی۔ ایل جی سنہا نے اس بات کی اطلاع ٹویٹر پر دی۔ انہوں نے لوگوں سے اپیل کی کہ وہ بھی کورونا مخالف ویکسین لیں۔  

جموں کشمیر بینک میں زبیر اقبال کے ڈائریکٹر کے طور نامزدگی کا آرڈر واپس

سرینگر//جموں کشمیر حکومت نے اس آرڈر کو واپس لے لیا ہے جس کے تحت ایچ ڈی ایف سی بینک کے نائب صدر زبیر اقبال کی جموں کشمیر بینک میں بورڈ آف ڈائریکٹرس میں تعیناتی عمل میں لائی گئی تھی۔ نیوز ایجنسی کے این او کے مطابق یہ آرڈر کم و بیش دس ماہ قبل جاری کیا گیا تھا جسے اب واپس لیا گیا ہے۔  زبیر کی جموں کشمیر بینک بورڈ آف ڈائریکٹرس میں تعیناتی کے احکامات گذشتہ برس ماہ مئی میں عمل میں لائی گئی تھی۔یہ تعیناتی تین سال یا اگلے احکامات کیلئے تھی لیکن اس کو ریزرو بینک آف انڈیا کی منظوری حاصل نہیں ہوئی۔  

جنوبی کشمیر کے ترال میں جنگجوﺅں کی کمین گاہ تباہ:پولیس

سرینگر//پولیس نے بدھ کو دعویٰ کیا کہ انہوں نے جنوبی ضلع پلوامہ کے ترال علاقے میں حزب المجاہدین سے وابستہ جنگجوﺅں کی ایک کمین گاہ کا پتہ لگایا۔ پولیس ذرائع کے مطابق یہ کمین گاہ پانچ فٹ اور سات فٹ لمبی تھی جس کا پتہ فوج ، پولیس اور سی آر پی ایف کی مشترکہ کارروائی کے دوران لگایا گیا۔بعد ازاں کمین گاہ کو تباہ کیا گیا۔ پولیس نے مطابق مذکورہ کمین گاہ سے برتن،کمبل وغیرہ بر آمد کئے گئے اور اس سلسلے میں پولیس سٹیشن ترال میں ایف آئی آر نمبر14کے تحت کیس درج کیا گیا۔  

موٹر سائیکل پر سوار شہری پٹن سڑک حادثے میں از جان، دوسراشدید زخمی

سرینگر//شمالی ضلع بارہمولہ کے پٹن علاقے میں بدھ کوایک سڑک حادثے کے دوران موٹر سائیکل کی پچھلی سیٹ پرسوار ایک شہری از جان جبکہ موٹر سائیکل چلانے والا اُس کا ساتھی شدید زخمی ہوگیا۔ نیوز ایجنسی جی این ایس کے مطابق یہ حادثہ اُس وقت پیش آیا جب ہانجی ویرہ پٹن علاقے میں موٹر سائیکل کو ایک ٹرک نے ٹکر ماری۔ اس حادثے میں موٹر سائیکل کی پچھلی سیٹ پر سوار مدثر حسین وانی ولد عبد الرشید وانی ساکن مدرگنڈ بانڈی پورہ موقع پر ہی جاں بحق ،جبکہ موٹر سائیکل چلانے والا جاوید قادر لون ولد غلام قادر لون ساکن ارن بانڈی پورہ شدید زخمی ہوگیا۔ زخمی لون کو فوری طور اسپتال پہنچایا گیا جہاں اس کا علاج جاری ہے۔  

راجوری میں فوجی اہلکار کی گولیوں سے چھلنی لاش بر آمد

سرینگر//حکام نے بدھ کو بتایا کہ راجوری قصبہ میں ایک فوجی کیمپ کے اندر ایک فوجی اہلکار کی گولیوں سے چھلنی لاش بر آمد کی گئی ہے۔ انہوں نے کہا کہ مذکورہ فوجی اہلکار راجوری کے گردان علاقے میں قائم ایک فوجی کیمپ میں تعینات تھا۔ پولیس نے فوجی کی لاش کو تحویل میں لیکر اس کی طبی جانچ شروع کی ہے۔ لاش پر گولیوں کے کئی نشان تھے اور اس کی ہلاکت کی تحقیقات شروع کی گئی ہے۔  

ملک میں گذشتہ 24 گھنٹوں کے دوران کورونا کے ایکٹیو کیسز میں اضافہ

نئی دہلی// ملک میں گذشتہ 24 گھنٹوں کے دوران کورونا وائرس کے 1768 کیسز کا اضافہ ہوا ہے اور اس جان لیوا وبا سے 98 اموات ہوئیں ہیں۔ دریں اثنا ملک میں اب تک ایک کروڑ 56 لاکھ 20 ہزار 749 افراد کو اینٹی کورونا ویکسین دیئے جاچکے ہیں۔ بدھ کی صبح مرکزی وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران کورونا وائرس کے 14،989 نئے کیسز سامنے آئے ہیں ، جس سے متاثرین کی تعداد ایک کروڑ 11 لاکھ 39 ہزار سے زیادہ ہوگئی ہے۔  

سرینگر۔جموں شاہراہ پر آٹھ گھنٹے بعد ٹریفک بحال

سرینگر//سرینگر۔جموں شاہراہ پر بدھ کو آٹھ گھنٹوں تک بند رہنے کے بعد ٹریفک کی نقل و حمل بحال کی گئی۔اس سے قبل ضلع رام بن کے بانہال علاقے میں گر آئی پسیوں کی وجہ سے شاہراہ پر گاڑیوں کی نقل و حمل ممکن نہیں رہی تھی جس کے بعد اس کو بند کیا گیا تھا۔ اطلاعات کے مطابق یہ پسیاں بانہال کے شابنباس علاقے میں گر آئی تھیں جنہیں ہٹانے کیلئے مزدور وںاور مشینوں کو فوری طور کام پر لگایا گیا اور انتھک کوششوں سے شاہراہ پر ٹریفک کی بحالی ممکن ہوسکی۔  حکام کے مطابق آج سرینگر سے جموں کی طرف گاڑیوں کو چلنے کی اجازت ہے۔  

سرینگر میں فوجی نے خود کو گولی مار کر اپنی زندگی کا خاتمہ کیا

سرینگر//سرینگر کے کھنموہ علاقے میں تعینات ایک فوجی نے بدھ کواپنی سروس رائفل سے خود پر گولی چلاکر اپنی زندگی کا خاتمہ کرلیا۔ نیوز ایجنسی کے این او کے مطابق مذکورہ فوجی کی شناخت سدیپ بھگت سنگھ کے طور کی گئی ہے۔ سنگھ نے خود کو گولی مار دی اور وہ موقع پر ہی ہلاک ہوگیا۔ سنگھ کی خود کشی کی وجوہات جاننے کیلئے تحقیقات شروع کی گئی ہے۔  

اقوام متحدہ کی سلامتی کونسل میں میانمار کے معاملہ پر تبادلہ خیال کا فیصلہ

اقوام متحدہ// میانمار کی تازہ ترین صورتحال پر آنے والے جمعہ کے روز اقوام متحدہ کی سلامتی کونسل میں تبادلہ خیال ہونے کا امکان ہے۔ امریکی درخواست کے بعد میانمار پر تبادلہ خیال کے لئے یہ اجلاس بلایا جاسکتا ہے۔ اقوام متحدہ کے ایک سفارتی ذرائع نے گذشتہ روز یہ اطلاع دی۔ ذرائع کے مطابق سلامتی کونسل کے چیئر مین نے میانمار کے معاملہ پر تبادلہ خیال کے لئے اقوام متحدہ کے سکریٹریٹ سے جمعہ کی صبح ایک اجلاس طلب کرنے کو کہا ہے۔ قابل ذکر ہے کہ میانمار میں فوج نے موجودہ حکومت کا تختہ پلٹنے کے بعد برطرف کردیا اور یکم فروری سے ملک میں ایک سال کے لئے ایمرجنسی نافذ کرنے کا اعلان کیا ہے۔ فوج کے اس اقدام کے خلاف ہزاروں افراد ملک میں احتجاج کر رہے ہیں۔ مظاہرین اور فوج کے مابین ہونے والے تشدد میں اب تک 20 سے زیادہ افراد ہلاک ہوچکے ہیں۔ میانمار کی رہنما آنگ سان سوچی سمیت دیگر اعلی سرکاری افسران

جنوبی ضلع شوپیان میں جواں سال پٹھواری حرکت قلب بند ہونے سے فوت

سرینگر//جنوبی ضلع شوپیان کے اگلر علاقے میں منگل کو ایک جواں سال پٹھواری کی حرکت قلب بند ہونے سے موت واقع ہوگئی۔ نیوز ایجنسی کے این او کے مطابق 33سالہ انعام الحق ساکن بلہ پورہ ،شوپیان کو اگلر کے ایک سیب کے باغ میں بیہوش پایا گیا۔ اُسے اسپتال لیجایا گیا جہاں ڈاکٹروں نے اُسے مردہ قرار دیا ۔  انعام محکمہ اریگیشن میں بحیثیت پٹھواری تعینات تھا۔  

وادی کشمیرمیں موسم خوشگوار،6فروری تک خشک رہنے کی پیشگوئی

سری نگر// وادی کشمیر میں موسم خوشگوار ہے اور لوگ خوش کن دھوپ سے لطف اندوز ہو رہے ہیں۔ محکمہ موسمیات کے ایک ترجمان کے مطابق وادی کشمیر میں 6 مارچ تک موسم خشک و خوشگوار رہنے کا امکان ہے۔ انہوں نے بتایا کہ وادی کشمیر میں 6 مارچ تک موسم خشک رہنے کی توقع ہے اور اس دوران دن اور رات کے درجہ حرارت میں بھی اضافہ درج ہوگا۔

ملک میں کورونا سے مرنے والوں کی یومیہ تعداد 100 سے کم ، فعال کیسوں میں بھی کمی

نئی دہلی// کچھ ریاستوں میں گذشتہ 24 گھنٹوں کے دوران کورونا کے کیسز میں ہوئے اچانک اضافہ کے بعد راحت کی بات یہ ہے کہ ملک بھر میں گذشتہ 24 گھنٹوں کے دوران کورونا سے ہونے والی اموا ت کی تعداد اور فعال کیسز دونوں میں کمی واقع ہوئی ہے۔ مسلسل چھ دن تک کورونا وائرس سے مرنے وا لوں کی تعداد 100 سے زائد رہنے کے بعد گزشتہ 24 گھنٹوں کے دوران ان میں کمی درج کی گئی ہے اور ان کی تعداد کم ہوکر 91 رہ گئی ہے اور اسی دوران نئے کیسز کے مقابلے میں صحتیاب ہونے والے افراد کی تعداد زیادہ رہنے سے پانچ دن بعد فعال کیسز میں کمی آئی ہے۔ دریں اثنا ملک میں اب تک ایک کروڑ 48 لاکھ 54 ہزار 136 افراد کو کورونا ٹیکے لگائے گئے ہیں۔  

سکولوں کے اوقات کار میں کوئی تبدیلی نہیں

سرینگر//ڈائریکٹوریٹ آف سکول ایجو کیشن نے منگل کو ان افواہوں کی تردید کی کہ وادی کشمیر میں سکولوں کے اوقات کار میں کوئی تبدیلی لائی گئی ہے۔ ڈائریکٹر سکول ایجو کیشن محمد یونس ملک کے مطابق سرینگر میونسپل حدود یا وادی کے دوسرے اضلاع میں قائم سکولوں کے اوقات کار میں کوئی تبدیلی نہیں لائی گئی ہے۔ واضح رہے کہ سرینگر کے میونسپل حدود میں سکولوں کے اوقات کار صبح10بجے سے بعد دوپہر3بجے تک جبکہ باقی ماندہ علاقوں کیلئے سکولوں کے اوقات کار صبح ساڑھے دس بجے سے ساڑھے تین بجے تک مقرر ہے۔  

جب میرے عمر رسیدہ والد کورونا ویکسین کراسکتے ہیں تو آپ کو بھی کرانا چاہئے: عمر عبداللہ

سری نگر// جموں کشمیر نیشنل کانفرنس کے صدر و رکن پارلیمان ڈاکٹر فاروق عبد اللہ نے منگل کو صورہ میڈیکل انسٹی چیوٹ جاکر کورونا ویکسین کی پہلی خوراک لی۔ اس دوران نیشنل کانفرنس کے نائب صدر اور سابق وزیر اعلیٰ عمر عبداللہ نے لوگوں سے کورونا ویکسین کرانے کی تاکید کرتے ہوئے کہا ” جب میرے عمر رسیدہ والد ڈاکٹر فاروق عبداللہ کئی عارضوں میں مبتلا ہونے کے باوصف یہ ویکسین کراسکتے ہیں تو آپ لوگوں کو بھی کرانا چاہئے“۔ عمر نے شیر کشمیر انسٹی ٹیوٹ آف میڈیکل سائنسز صورہ کے اس عملے کا بھی شکریہ ادا کیا جنہوں نے ان کے والدین کو یہ ویکیسن دی۔ موصوف نے ان باتوں کا اظہار اپنے ایک ٹویٹ میں کیا۔  

سینئر وکیل کورونا مثبت ظاہر، ہائی کورٹ میں کام کررہے سبھی وکلا کو جانچ کی ہدایت

سرینگر//حکام نے منگل کو کہا کہ جموں کشمیر ہائی کورٹ کی سرینگر ونگ میں ایک سینئر وکیل کورونا مثبت ظاہر ہوئے ہیں جس کے بعد سبھی وکلاءکو کورونا جانچ کرانے کیلئے کہا گیا ہے۔ اس سلسلے میں رجسٹرار جوڈیشل سرینگر کی طرف سے ایک آرڈر جاری ہوا ہے جس میں بتایا گیا ہے کہ ایک سینئر وکیل کے کورونا مثبت آنے کے بعد ضروری بن گیا ہے کہ اس وائرس کو پھیلنے سے روکا جائے۔ اس لئے ہائی کورٹ میں کام کررہے سبھی وکلا ءکو فوری کورونا جانچ کرانی چاہئے۔ 

شوپیان ضلع میں ایک ہی کنبہ کے 7افراد چائے پینے کے بعد بیہوش

سرینگر//جنوبی ضلع شوپیان کے ناگہ بل، زورہ گاوں میں ایک ہی کنبہ کے سات افراد پر اسرار طور بیہوش ہوگئے ۔یہ واقعہ گذشتہ شام پیش آیا۔  اطلاعات کے مطابق مذکورہ بیہوش افراد کو فوری طور ضلع اسپتال شوپیان منتقل کیا گیا جہاں اُنہیں بعد میں ہوش آگیا۔ تاہم سپتالی ذرائع کے مطابق مذکورہ افراد کوصدر اسپتال سرینگر بھیجا گیا تاکہ اس بات کا پتہ لگایا جاسکے کہ انہوں نے ایسی کس چیز کا استعمال کیا تھا جس سے وہ بیہوش ہوئے تھے۔ مقامی ذرائع کے مطابق مذکورہ کنبہ کے افراد گذشتہ روز بعد دوپہر کی چائے پینے کے بعد اچانک بیہوش ہوگئے۔  

آئی پی ایس افسران کا ڈیپوٹیشن: سپریم کورٹ میں مرکز کے اختیارات چیلنج کرنے والی عرضی مسترد

نئی دہلی// سپریم کورٹ نے انڈین پولیس سروس (آئی پی ایس) افسروں کو اپنے پاس ڈیپوٹیشن پر بلانے کے مرکزی حکومت کے اختیار ات کو چیلنج کرنے والی ایک عرضی مسترد کر دی ۔ جسٹس ایل ناگیشورا راو¿ کی سربراہی میں بنچ نے مغربی بنگال کے رہنے والے اور پیشے سے ایک وکیل ابو سہیل کی عرضی ایک مختصر سماعت کے دوران مسترد کردی ۔  واضح رہے کہ حال ہی میں مغربی بنگال کے تین آئی پی ایس افسران کو مرکزی ڈیپوٹیشن پر بلانے کے بعد مرکزی اور ریاستی حکومت میں کھینچ تان ہے۔  عرضی گزار نے انڈین پولیس سروس (کیڈر) رولز 1954 کے رول 6 (1) کی آئینی جوازیت کو چیلنج کیا تھا ، جس کے تحت آئی پی ایس افسران کو ڈیپوٹیشن پر بلانے کا مرکز کو اختیار ہے۔