شمالی کشمیر کے حاجن میں لشکر جنگجو گرفتار

سرینگر//سیکورٹی فورسز نے بدھ کو شمالی کشمیر میں بانڈی پورہ ضلع کے حاجن میں لشکر طیبہ سے وابستہ ایک جنگجو کو گرفتار کیا۔ نیوز ایجنسی جی این ایس کے مطابق 13آر آر سے وابستہ فوج اور پولیس اہلکاروں نے لشکر سے وابستہ جنگجو کی گرفتاری عمل میں لائی۔ گرفتار جنگجو کی شناخت جہانگر عرف عاقب ساکن کرالہ گنڈ ہندوارہ کے طور ہوئی ہے۔

پلوامہ میں فائرنگ کی جگہ سے جنگجو کی لاش بر آمد

سرینگر//جنوبی ضلع پلوامہ میں اُس مقام سے ایک جنگجو کی لاش بر آمد ہوئی ہے جہاں بدھ کی صبح فورسز اور جنگجوﺅں کے درمیان گولیوں کا تبادلہ ہوا تھا۔ یہ واقعہ ضلع کے کامرازی پورہ علاقے میں پیش آیا اور اس میں ایک فوجی اہلکار ہلاک جبکہ دوسرا زخمی ہوگیا۔ جاں بحق جنگجو کی شناخت تاہم فوری طور پر معلوم نہیں ہوئی ہے۔ نیوز ایجنسی جی این ایس کے مطابق آخری اطلاعات موصول ہونے تک علاقے میں فورسز آپریشن جاری تھا۔   اس سے قبل کامرازی پورہ میں فورسز کے تلاشی آپریشن کے دوران جنگجوﺅں اورفورسز کے درمیان گولیوں کا تبادلہ ہوا۔  

پلوامہ میں فورسز آپریشن کے دوران جنگجوﺅں کی فائرنگ سے فوجی اہلکار ہلاک، دوسرا زخمی

سرینگر//جنوبی کشمیر کے پلوامہ ضلع میں بدھ کی صبح جنگجوﺅں اور فورسز کے مابین گولیوں کے تبادلے میں ایک فوجی اہلکار ہلاک اور دوسرا زخمی ہوگیا۔ یہ واقعہ ضلع کے کامرازی پورہ علاقے میں پیش آیا جہاں فورسز نے تلاشی آپریشن شروع کیا تھا اور جس کے دوران جنگجوﺅں نے فورسز پر گولیاں چلائیں۔ نیوز ایجنسی جی این ایس کے مطابق اس موقع پر طرفین کے درمیان مسلح تصادم چھڑ گیا اور گولیوں کے ابتدائی تبادلے میں دو فوجی اہلکار زخمی ہوگئے جنہیں 92بیس اسپتال منتقل کیا گیا تاہم ایک زخمی اہلکار دم توڑ بیٹھا جبکہ دوسرے کا علاج جاری ہے۔  آخری اطلاعات ملنے تک علاقے میں فورسز آپریشن جاری تھا ۔  

نامور شاعر راحت اندوری نہ رہے

اندور// معروف شاعر راحت اندوری کا کورونا سے متاثر ہونے کے بعد منگل کو یہاں ایک پرائیویٹ اسپتال میں علاج کے دوران انتقال ہوگیا۔ وہ 70 برس کے تھے۔  راحت اندوری کے انتقال کی تصدیق اروند انسٹی ٹیوٹ آف میڈیکل سائنس (سیمس) نے کی ۔ سیمس کے ترجمان نے بتایا کہ راحت اندوری کو کافی سنگین حالت میں علاج کے لئے سنیچر کی شب اسپتال میں داخل کرایا گیا تھا۔ آج علاج کے دوران انہیں تین بار دل کا دورہ پڑا ۔ اس دوران دوپہر تقریباً ساڑھے چار بجے انہوں نے دم توڑ دیا۔  راحت اندوری کے انتقال کی خبر سے اندور سمیت ملک اور دنیا میں ان کے مداحوں میں غم کی لہر دوڑ گئی۔  

کورونا وائرس کے نئے564کیس،مجموعی تعداد25931

سرینگر//جموں کشمیر میں منگل کو 564نئے کورونا کیس سامنے آئے۔ ان میں سے وادی کشمیر میں431جبکہ جموں صوبے میں133کیس ظاہر ہوئے۔ان میں 88مسافر بھی شامل ہیں۔ سرکاری ذرائع کے مطابق جموں کشمیر میں کورونا وائرس متاثرین کی مجموعی تعداد25931تک پہنچ گئی ہے۔ آج ظاہر ہونے والے کورونا مثبت کیسوں کی تفصیلات دیتے ہوئے سرکاری ذرائع نے کہا کہ سرینگر میں80،بارہمولہ میں52،پلوامہ میں35،کولگام میں22،شوپیان میں0،اننت ناگ میں41،بڈگام میں39،کپوارہ میں32،بانڈی پورہ میں56،گاندربل میں45،جموں ضلع میں 30،راجوری میں0،رام بن میں5،کٹھوعہ میں7،ادھمپور میں4،سانبہ میں 3،ڈوڈہ میں2،پونچھ میں12،ریاسی میں6اورکشتواڑ ضلع میں5 کورونا کیس ظاہر ہوئے ہیں۔  

پونچھ میں سڑک حادثہ،کمسن بچے کی موت،2دیگر زخمی

سرینگر//ضلع پونچھ میں منگل کو ایک سڑک حادثے کے نتیجے میں ایک 15سالہ بچہ جاں بحق جبکہ دیگر دو زخمی ہوگئے۔ اطلاعات کے مطابق یہ حادثہ پونچھ ضلع کے اچھڈ پہلیاں علاقے میں پیش آیا جس میں عطا محمد نامی بچے کی موقع پر ہی موت واقع ہوگئی۔ ایس ایچ او مینڈھر منظور کوہلی کا حوالہ دیتے ہوئے نیوز ایجنسی جی ااین ایس نے لکھا ہے کہ زخمیوں کو سب ضلع اسپتال مینڈھر پہنچایا گیا ہے۔  

باپ کی املاک پربیٹی کا بیٹے کی طرح ہی یکساں حق: سپریم کورٹ

نئی دہلی// سپریم کورٹ نے منگل کو ایک دور رس نتائج والے اپنے فیصلہ میں کہا ہے کہ ہندو غیر منقسم خاندان کی آبائی املاک میں بیٹی کو بیٹے کی طرح ہی حقوق حاصل ہوں گے ، یہاں تک کہ اگر ہندووراثت (ترمیمی) ایکٹ2005 کے نفاذ سے قبل ہی اس کے والد کی موت کیوں نہ ہوگئی ہو۔  جسٹس ارون مشرا کی سربراہی والی ڈویڑن بنچ نے 2005 میں ہندو وراثت ایکٹ میں ہونے والی ترمیم کی وضاحت کرتے ہوئے کہا کہ اگر قانون میں ترمیم سے پہلے ہی کسی والد کی موت ہوگئی ہو تو بھی ان کی بیٹیوں کو باپ کی جائیداد میں برابر کا حصہ ملے گا۔ جسٹس مشرا نے اپنے فیصلے میں کہا کہ ایک بیٹی عمر بھر پیاری بیٹی ہوتی ہے۔ اسی لئے اسے باپ کی املاک میں مکمل حقوق حاصل ہیں۔ انہوں نے کہا ”ونس اے ڈاٹر، آل ویز اے ڈاٹر“۔ یاد رہے کہ 2005 میں ہندو وراثت ایکٹ 1956میں ترمیم کی گئی تھی ، اس کے تحت آبائی املاک میں بیٹیوں کو برابر کا

سابق صدر پرنب مکھر جی کی طبیعت نازک

نئی دہلی// فوج کے ریسرچ اینڈ ریفرل (آر آر) اسپتال میں داخل سابق صدر جمہوریہ پرنب مکھرجی کی ایمرجنسی سرجری کی گئی ہے جس کے بعد انھیں وینٹی لیٹر پر رکھا گیا ہے اور ان کی حالت سنگین بنی ہوئی ہے ،  اسپتال کی جانب سے جاری مکھرجی کے ہیلتھ بلیٹن میں کہا گیا ہے کہ پیر کو اسپتال میں داخل کیے جانے کے وقت مکھرجی کی حالت سنگین تھی اور ٹیسٹ میں پتہ چلا کہ ان کے دماغ میں ایک ’تھکَّہ‘ جمع ہوا ہے۔ ان کی نازک حالت کے پیش نظر فوراً ان کا آپریشن کیا گیا۔ آپریشن کے بعد ان کی طبیعت نازک بنی ہوئی ہے اور انھیں وینٹی لیٹر پر رکھا گیا ہے۔ مسٹر مکھرجی کے ٹیسٹ میں یہ بھی پتہ چلا تھا کہ وہ کورونا وائرس سے بھی متاثر ہیں۔  

کلسٹر یونیورسٹی سرینگر نے بی ایڈ فارم د اخل کرانے کی تاریخ16اگست تک بڑھائی

سرینگر//کلسٹر یونیورسٹی سرینگر نے بی ایڈ کیلئے آن لائن فارم جمع کرنے کی تاریخ میں16اگست تک توسیع کی ہے۔ یہ توسیع بی ایڈ کے 2019کے ریگولر بیچ، 2018-19کے بیک لاگ اور 2019کے دوسرے سمسٹر کے ایم ایڈ طالب علموں کیلئے کی گئی ہے ۔ اس سلسلے میں کلسٹر یونیورسٹی سرینگر کے کنٹرولر امتحانات کی جانب سے منگل کو ایک نوٹفکیشن جاری کی گئی۔ نوٹفکیشن کے مطابق طالب علموں کو فی سبجکٹ مبلغ325روپے کی فیس ادا کرنی پڑے گی۔اس کے علاوہ طالب علموں سے کسی طرح کے بھی چارجز نہیں لئے جائیں گے۔

ملک میں کورونا وائرس کے 53601 نئے کیس،مجموعی تعداد22.68لاکھ

نئی دہلی// ملک میں کورونا وائرس کے بڑھتے قہر کے درمیان گزشتہ 24 گھنٹوں کے دوران جان لیوا وبا کے 53 ہزار سے زیادہ نئے کیس رپورٹ ہونے سے متاثرین کی مجموعی تعداد 68.22 لاکھ سے متجاوز کر گئی ،وہیں اسی عرصہ کے دوران 47 ہزار سے زیادہ افراد صحت مند ہوئے ہیں۔ منگل کے روز وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران 53610افراد کورونا وائرس سے متاثر ہوئے ہیں ، جس سے متاثرین کی مجموعی تعداد 2268676ہوگئی ہے۔  

وائٹ ہاوس کے قریب فائرنگ ، ٹرمپ پریس بریفنگ چھوڑ کر چلے گئے

واشنگٹن // امریکی صدر ڈونلڈ ٹرمپ نے وائٹ ہاوس کے قریب فائرنگ کے بعد اچانک عالمی وبائی مرض کورونا وائرس سے متعلق پریس بریفنگ چھوڑ دی۔ مقامی میڈیا نے یہ اطلاع منگل کو دی۔ تاہم ٹرمپ باہر نکلنے کے بعد واپس آئے ، جس کے بعد انہوں نے صحافیوں کو بتایا کہ وائٹ ہاو¿س کے قریب فائرنگ کا کوئی واقعہ پیش آیا ہے ، جس کے بارے میں انٹیلی جنس اہلکار انہیں بریفنگ دے رہے تھے۔ انہوں نے کہا”حالات اب مکمل طور پر قابو میں ہےں۔ میں فوری اور انتہائی موثر انداز میں کام کرنے کے لئے حکام کا شکریہ ادا کرنا چاہتا ہوں۔“  ٹرمپ نے کہا”وائٹ ہاوس کے قریب حقیقت میں فائرنگ کا تبادلہ ہوا تھا اور کسی کو اسپتال لے جایا گیا ہے۔ میں اس شخص کی حالت نہیں جانتا لیکن ایسا لگتا ہے کہ اس شخص کو انٹیلی جنس افسران نے گولی مار دی ہے ، ا ہم دیکھیں گے یہ کیا ہوا ہے“۔  ٹرمپ کورونا وا

شمالی کشمیر کے کپوارہ ضلع میں تین مشتبہ جنگجو گرفتار

سرینگر//حکام نے منگل کو بتایا کہ فوج نے شمالی کشمیر کے ضلع کپوارہ میں ایک تلاشی آپریشن کے دوران تین مشتبہ جنگجوﺅں کو گرفتار کرلیا ہے۔ فوجی حکام نے کہا کہ پولیس اور فورسز نے مصدقہ اطلاع ملنے کے بعد گذشتہ روز لالپورہ علاقے کا محاصرہ کیا۔ انہوں نے مزید کہا کہ آپریشن کے دوران مشتبہ جنگجوﺅں کو کچھ ہتھیاروں سمیت دھر لیا گیا۔ اُن کا کہنا تھا کہ گرفتار شدگان سے بر آمد ہتھیاروں میں ایک اے کے47بندوق ،2پستول اور گولہ بارود شامل ہے۔  

مزید470کورونا کیس،متاثرین کی تعداد 25ہزار سے متجاوز

سرینگر//جموں کشمیر میں پیر کے روز کورونا وائرس کے مزید470کیس سامنے آئے۔اس طرح مرکزی زیر انتظام علاقے میں کورونا متاثرین کی مجموعی تعداد25ہزار سے تجاوز کرگئی۔آج ظاہر ہونے کیسوں میں107مسافر بھی شامل ہیں۔ وادی کشمیر سے 368جبکہ جموں صوبے سے102کیس سامنے آئے ہیں۔ نیوز ایجنسی جی این ایس کے مطابق آج ایک بار پھر سرینگر میں سب سے زیادہ یعنی115کورونا کیس ظاہر ہوئے۔ ضلع بارہمولہ میں41،پلوامہ میں 30،کولگام میں10،شوپیان میں14، اننت ناگ میں 16،بڈگام میں31،کپوارہ میں17،بانڈی پورہ میں79،گاندربل میں15،جموں ضلع میں 58،راجوری میں5،رام بن میں16،کٹھوعہ میں8،ادھمپور میں2،سانبہ میں5،ڈوڈہ میں4،ریاسی میں2 اور کشتواڑ میں2کیس ظاہر ہوئے ہیں۔  

شاہ فیصل کا اپنی ہی بنائی پارٹی کی صدارت سے استعفیٰ، جاوید مصطفے میر بھی مستعفی

سرینگر//سابق آئی اے ایس آفیسر شاہ فیصل ،جنہوں نے گذشتہ برس سرکاری نوکری چھوڑ کر سیاست میں چھلانگ لگائی تھی، نے اپنی ہی بنائی پارٹی کی سربراہی سے استعفیٰ دیدیا۔ ایک پارٹی بیان میں بتایا گیا ہے کہ جموں کشمیر پیپلز مومنٹ کی ایک میٹنگ کے دوران شاہ فیصل نے بتایا کہ وہ اس پوزیشن میں نہیں ہیں کہ پارٹی کی سربراہی کریں اس لئے اُنہیں پارٹی صدارت سے رخصت دی جانی چاہئے۔  پارٹی بیان کے مطابق شاہ فیصل کی درخواست کو مد نظر رکھتے ہوئے اُنہیں پارٹی ذمہ داریوں سے آزاد کیا گیا۔بیان میں مزید کہا کہ پارٹی کے نائب صدر فیروز پیرزادہ کو پارٹی کا قائمقام صدر بنایا گیا ہے جو پارٹی کیلئے صدارتی انتخابات تک یہ ذمہ داری سنبھالیں گے۔ پارٹی نے چیئر مین جاوید مصطفے میر کا استعفیٰ بھی منطور کرلیا اور اُنہیں پارٹی سے وداع کیا۔جاوید مصطفے میر نے گذشتہ برس پی ڈی پی چھوڑکر شاہ فیصل کی پیپلز مومنٹ میں شمول

نیشنل کانفرنس کا لیہہ یونٹ بی جے پی میں ضم

لیہہ// لداخ یونین ٹیریٹری میں نیشنل کانفرنس کی لیہہ یونٹ نے بھارتیہ جنتا پارٹی (بی جے پی) میں شمولیت اختیار کی ہے۔ لیہہ میں پارٹی کے ہیڈکوراٹر پرمنعقدہ ایک سادہ تقریب کے دوران نیشنل کانفرنس کے قریب 66 کارکنوں بشمول کونسلر پی وانگڈن شونو نے ’بھارت ماتا کی جے‘ کے نعروں کی گونج میں بی جے پی میں شمولیت اختیار کی ۔ تقریب کی صدارت بی جے پی کے رکن پارلیمان اور یونین ٹیریٹری لداخ کے صدر جمیانگ سیرنگ نمگیال نے کی۔  

سابق صدر پرنب مکھرجی کاکورونا ٹیسٹ رپورٹ مثبت

نئی دہلی// سابق صدر پرنب مکھرجی کورونا انفیکشن سے متاثر ہو گئے ہیں۔  مکھرجی نے خود پیر کو ٹویٹ کرکے اس کی اطلاع دی ۔ انہوں نے لکھا ” آج مجھے کورونا مثبت پایا گیا ہے۔ میری ان تمام لوگوں سے گذارش ہے، جو گزشتہ ہفتہ میرے رابطے میں آئے ، وہ اپنے آپ گوشہ تنہائی اختیار کرلیں اور کووڈ۔19 کی جانچ کروائیں“۔ واضح رہے کہ کورونا وائرس ملک بھر میں انتہائی تیزی کے ساتھ پھیلتا جارہا ہے جس سے عوام و خواص حلقوں کے اندر انتہائی تشویش کی لہر دوڑ گئی ہے۔  

پونچھ ضلع میں ایل او سی پر پھر آر پارگولہ باری

جموں// جموں و کشمیر کے ضلع پونچھ میں لائن آف کنٹرول پر پیر کی صبح ہندوستان ور پاکستان کی فوج کے درمیان گولہ باری کا تبادلہ ہوا تاہم کسی بھی جانب کسی جانی یا مالی نقصان کی کوئی اطلاع نہیں ہے۔ ایک دفاعی ترجمان نے بتایا کہ پونچھ کے بالاکوٹ سیکٹر میں ایل او سی پر پیر کی صبح قریب دس بجکر پندرہ منٹ پر پاکستانی فوج نے بلا کسی اشتعال کے بھارتی چوکیوں کو نشانہ بنا کر گولہ باری شروع کی۔ انہوں نے کہا کہ وہاں تعینات بھارتی فوج نے اس حملے کا بھر پور اور موثر جواب دیا تاہم فی الوقت کسی بھی جانب کسی جانی یا مالی نقصان کی کوئی اطلاع نہیں ہے۔

گاندربل ضلع میں مسافر بس کو حادثہ پیش،12افراد زخمی

سرینگر//وسطی ضلع گاندربل کے بدرکنڈ علاقے میں پیر کو اُس وقت 12مسافر زخمی ہوگئے جب ایک مسافر بس، جس میں وہ سوار تھے، حادثے کا شکار ہوئی۔ اطلاعات کے مطابق مذکورہ مسافر بس کنگن سے گاندر بل کی طرف جارہی تھی جب وہ اُلٹ گئی اور جس کے نتیجے میں ڈرائیور سمیت12افراد زخمی ہوگئے۔ جائے حادثے پر فوری طور بچاﺅ کارروائی عمل میں لائی گئی اور سارے زخمیوں کو نزدیکی اسپتال پہنچایا گیا۔ حکام کے مطابق تین زخمیوں کی حالت نازک ہے۔  

ملک میں کورونا مریضوں کی تعداد میں62ہزار کا اضافہ،1007مزیدہلاک

سرینگر//ملک میں کورونا کی وبا کے بڑھتے خطرے کے درمیان اس بیماری سے مزید62064کیس سامنے آئے ہیں۔گذشتہ24گھنٹوں کے دوران کورونا سے مزید1007افراد ہلاک ہوئے ہیں۔ صحت و خاندانی بہبود کی ترقی کی وزارت کی جانب سے پیر کو جاری اعدادو شمار کے مطابق پچھلے 24 گھنٹوں میں 54,859 لوگ انفیکشن سے ٹھیک ہوئے ہیں جس سے ٹھیک ہونے والوں کی کل تعداد 15,35,743 ہوگئی ہے۔  اسی مدت میں 1007 لوگوں کی موت ہونے سے ہلاک شدگان کی تعداد 44,386 ہوگئی۔ملک میں فعال معاملوں کی تعداد اب 6,34,945 ہوگئی ہے۔ کورونا سے سب سے متاثر مہاراشٹر میں فعال معاملوں کی تعداد 1490 سے گھٹ کر 1,45,865 ہوگئے اور 390 لوگوں کی موت ہونے سے ہلاک شدگان کی تعداد 17,757 ہوگئی۔اس دوران 13,348 لوگ ٹھیک ہوئے جس سے ٹھیک ہوئے لوگوں کی تعداد بڑھکر 3,51,710 ہوگئی۔ملک میں سب سے زیادہ فعال معاملے اسی ریاست میں ہیں۔ آندھرا پردیش میں مریضو

کورونا وائرس نے کشمیر وادی میں مزید4افرادکی جان لی

سرینگر//وادی کشمیر میں پیر کے روز کورونا وائرس نے مزید چار افراد کی جان لی۔  نیوز ایجنسی کے این او نے حکام کا حوالہ دیتے ہوئے لکھا ہے کہ آج جاں بحق ہونے والے افراد میں رعنا واری سرینگر کا ایک47سالہ شہری ، پالہ پورہ سرینگر کا ایک45سالہ شہری،آرمپورہ گاندربل کا ایک55سالہ شہری اور بڈگام کی ایک 65سالہ خاتون شامل ہے۔ حکام کے مطابق مذکورہ چاروں افراد کئی امراض میں مبتلاءتھے اور علاج و معالجہ کے دوران اُن کے کورونا ٹیسٹ رپورٹ مثبت ظاہر ہوئے تھے۔