تازہ ترین

جموں کشمیر میں975 نئے کورونا کیس،مجموعی تعداد75070

سرینگر//جموں کشمیر میں گذشتہ24گھنٹوں کے دوران مزید975کورونا وائرس کے کیس سامنے آئے۔ ان میں42مسافر بھی شامل تھے۔ اس طرح مرکز کے زیر انتظام علاقے میں کورونا متاثرین کی مجموعی تعداد75070تک پہنچ گئی ہے۔ سرکاری ذرائع کے مطابق آج واد ی کشمیر میں407جبکہ جموں صوبہ میں568کیس سامنے آئے۔ضلع جموں میں سب سے زیادہ353کیس سامنے آئے۔ ضلع سطح کے اعداد و شمار کے مطابق آج سرینگر ضلع میں173،بڈگام48،بارہمولہ53،پلوامہ33،اننت ناگ16،بانڈی پورہ15،کپوارہ38،گاندر بل 23،کولگام 6اور شوپیان2 کیس ظاہر ہوئے۔ جموں ضلع میں353،راجوری میں27،اُدھمپورمیں41، کٹھوعہ میں12،ڈوڈہ میں18،سانبہ میں24،پونچھ میں27،رام بن میں12،ریاسی میں19 اور کشتواڑ میں35کیس سامنے آئے۔  

قبر کشائی کے بعد شوپیان مبینہ فرضی معرکہ آرائی کے مہلوکین کی میتیں لواحقین کو سونپی جائیں گی

سرینگر//انسپکٹر جنرل آپ پولیس کشمیر رینج وجے کمار نے بدھ کو کہا کہ شوپیان امشی پورہ مبینہ فرضی جھڑپ میں جوتین افرادہلاک ہوگئے اُن کی میتیں لواحقین کو سونپی جائیں گی۔ انہوں نے کہا کہ قبر کشائی کے بعد میتوں کو لواحقین کو سونپنے کا کام ضروری قانونی کارروائی کے بعد عمل میں لایا جائے گا۔ نیوز ایجنسی جی این ایس کے ساتھ بات کرتے ہوئے آئی جی کشمیر نے کہا کہ ضروری قانونی لوازمات پوری کرنے کے بعد قبرکشائی کرکے لاشوں کو نکال کر متعلقہ گھرانوں کو سونپی جائیں گی۔ آئی جی کشمیرکا یہ بیان متعلقہ گھرانوں کے مسلسل مطالبے کے بعد سامنے آیا جس میں وہ ابرار احمد، امتیاز احمد اور محمد ابرار نامی اُن نوجوانوں کی لاشیں لوٹانے کا اصرار کررہے تھے۔  مذکورہ تینوں نوجوان18جولائی کے روز امشی پورہ شوپیان میں ایک مبینہ فرضی جھڑپ میں جاں بحق کئے گئے۔ مذکورہ نوجوانوں کے گھروالوں نے اُن کے بارے میں د

سری نگر – لیہہ شاہراہ پر ٹریفک کی نقل وحمل بحال

سری نگر// وادی کشمیر کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر بدھ کو ٹریفک کی نقل و حمل بحال ہوئی۔ یاد رہے کہ زوجیلا پاس پر مٹی کے تودے گر آنے کے پیش نظر شاہراہ پر ٹریفک کی نقل و حمل کو بند کر دیا گیا تھا۔ ایک ٹریفک پولیس عہدیدار نے بتایا کہ 434 کلو میٹر طویل سری نگر – لیہہ شاہراہ پر آج ٹریفک کی نقل و حمل بحال کر دی گئی ہے۔  

مرکزی سرکار نے315کشمیری طالب علموں کو پاکستان جانے کی اجازت دیدی

سرینگر//حکومت ہند نے بدھ کو جموں کشمیر کے ایسے315طالب علموں کو واگہ سرحد عبور کرکے پاکستان جانے کی اجازت دیدی جو وہاں مختلف اداروں میں تعلیم حاصل کررہے ہیں۔ نیوز ایجنسی کے این او کے مطابق اس سے قبل حکومت پاکستان نے بھارت کو مذکورہ طالبان علم کی فہرست سونپتے ہوئے اُن کے سفر کی اجازت طلب کی تھی تاکہ وہ اپنی تعلیم جاری رکھ سکیں۔پاکستان نے ہی مذکورہ طالب علموں کیلئے سرحد عبور کرنے کیلئے30ستمبر کی تاریخ مقرر کی تھی۔ قابل ذکر ہے کہ کشمیر سے تعلق رکھنے والے طالب علموں کی بڑی تعداد پاکستان کے مختلف میڈیکل کالجوں میں زیر تعلیم ہے۔یہ طالبان علم کورونا سے پیدا صورتحال کی وجہ سے رواں سال کے اوال میں اپنے اپنے گھروں کو لوٹے تھے تاہم پاکستان میں اب تعلیمی سرگرمیاں بحال ہوئی ہیں اس لئے متذکرہ بالا کشمیری طالب علم بھی آج ہی پاکستان پہنچنے والے ہیں۔  

ملک میں کورونا کے 80 ہزار نئے کیس ، ہلاک شدگان کی مجموعی تعداد 94ہزارسے زیادہ

نئی دہلی// ملک میں گذشتہ 24 گھنٹوں کے دوران کورونا وائرس کے 80472 نئے کیس سامنے آنے سے متاثرین کی مجموعی تعداد 62 لاکھ سے تجاوز کرگئی ہے۔ تاہم اسی عرصہ کے دوران 86 ہزار سے زیادہ متاثرین جان لیوا کورونا وائر س سے شفایاب ہوئے، جس سے ایکٹیو کیسز سات ہزار سے زیادہ کم ہوگئے۔ مرکزی وزارت صحت و خاندانی بہبود کی جانب سے بدھ کے روز جاری تازہ ترین اعداد و شمار کے مطابق ملک میں کورونا وائرس کے متاثرین کی مجموعی تعداد اب6225764 ہوگئی ہے۔ گزشتہ 24 گھنٹوں کے دوران86428 مریض شفایاب ہوئے ہیں ، جس سے صحت مند ہونے والوں کی مجموعی تعداد5187826 ہوگئی۔ گذشتہ 24 گھنٹوں کے دوران ملک میں کورونا کے1179 مریضوں کی موت سے ہلاک شدگان کی مجموعی تعداد9749 ہوگئی ہے۔ ملک میں ایکٹیو کیسز کی شرح 15.11 فیصد،اموات کی شرح 1.57 فیصد ، جبکہ شفایاب ہونے والوں کی شرح 83.33 فیصد ہوگئی ہے۔  

کورونا مخالف ویکسین چند ہفتوں میں مل جائے گی: ٹرمپ کا دعویٰ

واشنگٹن// امریکی صدر ڈونلڈ ٹرمپ نے کہا ہے کہ ملک کورونا مخالف ویکسین بنانے سے صرف چند ہفتوں کے فاصلے پر ہے اور جلد ہی یہ ویکسین تیار کر لی جائے گی۔ ٹرمپ نے گذشتہ روز صدارتی انتخابات کے لئے ڈیموکریٹک پارٹی کے امیدوار جو بائیڈن کے ساتھ پہلی صدارتی بحث کے دوران یہ بات کہی۔ انہوں نے گفتگو کے دوران کہا ”اب ہم کورونا ویکسین سے صرف چند ہفتوں کے فاصلے پر ہیں۔“ اس کے جواب میں جو بائیڈن نے کہا ”میں ان پر یقین نہیں کرتا“۔ امریکہ میں جان لیوا کوروناوائرس سے 2.05 لاکھ سے زیادہ افراد ہلاک ہوچکے ہیں۔ امریکہ میں اس مہلک ترین وبا نے خوفناک شکل اختیار کرلی ہے اور اب تک 71 لاکھ سے زائد یادہ افراد اس وبا کی زد میں آچکے ہیں۔ امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کور

پلوامہ ضلع میں استاد دھمکی آمیز پوسٹر چسپان کرنے کے الزام میں گرفتار:پولیس

سرینگر//جنوبی ضلع پلوامہ کے کاکا پورہ علاقے میں پولیس نے منگل کے روز ایک پرائیویٹ سکول کے استاد کو مبینہ طور مقامی آبادی کو ڈرانے اوردھمکانے والے پوسٹر چسپان کرکے کے الزام میں گرفتار کرلیا۔ پولیس نے ایک بیان میں کہا کہ کاکا پورہ گندی پورہ کے باشندوں نے ایک شکات درج کرائی جس میں انہوں نے کہا کہ اُن کے علاقے میں لشکراسلام کے پوسٹر چسپان کئے گئے ہیں ۔ ان پوسٹروں پر کچھ لڑکیوں اور سیکورٹی فورسز کے مخبروںکے نام دھمکی آمیز پیغامات درج تھے ۔ پولیس کے مطابق اس سلسلے میں ایف آئی آر نمبر69کے تحت معاملہ درج کرکے تحقیقات شروع کی گئی۔ تحقیقات کے دوران پولیس کے مطابق اس جرم میں ملوث مشتبہ شخص کی شناخت کی گئی۔ پولیس نے مذکورہ ملزم کی شناخت مزمل احمد ڈار ساکن گندی باغ کاکا پورہ کے طور کرتے ہوئے کہا کہ اُس کو گرفتار کیا گیا ہے۔ تحقیقات کے دوران پولیس کو معلوم ہوا ہے کہ ملزم کو چند ل

سرینگر میں شادی کی تقریب میں پٹاخے سرکنے کی پاداش میں دولہے کے خلاف مقدمہ درج

سری نگر// جموں و کشمیر پولیس نے سری نگر کے بتہ مالو علاقے میں شادی کی ایک تقریب کے دوران پٹاخے سر کنے کی پاداش میں دولہے کے خلاف مقدمہ درج کر لیا ہے۔  پولیس کی جانب سے منگل کو جاری ایک بیان میں کہا گیا ہے”پولیس تھانہ بتہ مالو نے شادی کی ایک تقریب کے دوران پٹاخوں کا استعمال کرنے کی پاداش میں دولہے کے خلاف مقدمہ درج کر لیا ہے“۔ مذکورہ دولہے کی شناخت بلال احمد شاہ ولد غلام محی الدین شاہ ساکن ریکہ چوک بتہ مالو سرینگر طور ہوئی ہے جس کے افراد خانہ اور قریبی رشتہ داروں نے گذشتہ رات ریکہ چوک بتہ مالو میں پٹاکے سرکے۔ پولیس بیان میں کہا گیا ہے کہ ضلع سری نگر کی حدود میں پٹاخوں کے استعمال پر پابندی عائد ہے۔  

بھارت میں ایمنسٹی انٹر نیشنل کی سرگرمیاں معطل

سرینگر//انسانی حقوق کی عالمی تنظیم ایمنسٹی انٹر نیشنل نے بھارت میں اپنی سرگرمیاں معطل کرتے ہوئے دعویٰ کیا ہے کہ اُس کے بھارتی چیپٹر کے اکاونٹس منجمد کئے گئے ہیں ۔ منگل کو ایمنسٹی انٹر نیشنل کے بھارتی چیپٹر نے کہا کہ اُن پر بے بنیاد الزامات عائد کئے جارہے ہیں۔ ایک بیان میں ایمنسٹی کے بھارتی چیپٹر نے کہا کہ انہیں بھارت میں اپنے اسٹاف ممبران (عہدیداروں) کو چھوڑنے اور تمام قسم کی مہم اور تحقیقی کام معطل کرنے پر مجبور کیا گیا ہے۔ بیان میں کہا گیا” حکومت کی جانب سے ایمنسٹی انٹر نیشنل کے بھارتی بینک اکاونٹس منجمد کرنے (جس کا علم10ستمبر ہوا) کی وجہ سے اُن کا کام مکمل طور پر رک گیا ہے۔  تاہم حکومت کا کہنا ہے کہ ایمنسٹی کو غیر ممالک سے غیر قانونی طور رقومات فراہم ہوتی ہیں جو قواعد و ضوابط کیخلاف ہے۔ ایمنسٹی کا الزام ہے کہ اُن پر ،انسانی حقوق کے اداروں اورکارکنان پر

سپریم کورٹ نے التجاءکواپنی ماں محبوبہ مفتی سے ملنے کی اجازت دیدی

سرینگر//سپریم کورٹ نے منگل کے روز جموں کشمیر کی انتظامیہ سے پیپلز ڈیمو کریٹک پارٹی (پی ڈی پی ) صدر محبوبہ مفتی کی پبلک سیفٹی ایکٹ کے تحت نظر بندی کیخلاف دائرترمیم شدہ درخواست کو لیکر جواب طلب کیا ۔ یہ ترمیم شدہ عرضی محبوبہ کی بیٹی التجاءمفتی نے دائر کی ہے۔ ایس کے کول اور ہرشی کیش رائے پر مشتمل بینچ نے عرضی پر شنوائی کے دوران کہا پی ڈی پی لیڈر کو حراست کے دوران پارٹی میٹنگوں میں شمولیت کے بارے میں حکام سے بات کرنی چاہئے۔ سپریم کورٹ نے تاہم التجاءاور اُن کے چاچا کو محبوبہ سے ملنے کی اجازت دیدی جو اپنی سرکاری رہائش گاہ کے اندر نظر بند ہے۔    

جنوبی ضلع اننت ناگ میں فورسز اور جنگجوﺅں کے مابین معرکہ آرائی

سرینگر//جنوبی ضلع اننت ناگ کے بجبہاڑہ مرہامہ علاقے میں منگل کو جنگجوﺅں اور فورسز کے مابین گولیوں کا تبادلہ ہوا ۔ اس واقعہ میں اگر چہ کسی کے زخمی یا ہلاک ہونے کی کوئی اطلاع نہیں ہے تاہم فورسز نے فوری طور پر علاقے کو محاصرے میں لیکر آپریشن شروع کردیا۔ نیوز ایجنسی جی این ایس کے مطابق جنگجوﺅں نے مرہامہ میں فوج کی ایک پارٹی پر گولیاں چلائیں جس کے بعد جنگجو وہاں سے رفو چکر ہوگئے تاہم پولیس اور فوج کی مشترکہ پارٹی نے اُنہیں تھوڑی ہی دور ی پر محاصرے میں لے لیا ۔ اس موقع پر طرفین میں گولیوں کا تبادلہ ہوا جو آخری اطلاعات ملنے تک جاری تھا۔  

پونچھ میں کراس ایل او سی گولہ باری، نصف درجن مویشی زخمی

جموں//جموں و کشمیر کے ضلع پونچھ کے منکوٹ سیکٹر میں لائن آف کنٹرول پر منگل کی صبح ہندوستان اور پاکستان کی افوج کے درمیان شدید گولہ باری کا تبادلہ ہوا۔ ایک دفاعی ترجمان نے بتایا کہ ضلع پونچھ کے منکوٹ سیکٹر میں ایل او سی پر منگل کی صبح قریب ساڑھے چار بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری شروع کر دی۔ انہوں نے کہا کہ وہاں تعینات بھارتی فوجی اہلکاروں نے حملے کا بھر پور جواب دیا۔ کراس ایل او سی کے اس واقعہ میں نصف درجن مویشیوں کے زخمی ہونے کی اطلاع موصول ہوئی ہے۔  

زوجیلا میں پسیاں گرآنے کے بعد سرینگر۔ لداخ شاہراہ پر ٹریفک معطل

کنگن//زوجیلا علاقے میں پسیاں گرآنے کے نتیجے میں سرینگر۔ لداخ شاہراہ پر گذشتہ شام سے ٹریفک کی آمد رفت بند ہے۔  کشمیر عظمیٰ کو منگل کے روز ملی تفصیلات کے مطابق انڈیا گیٹ زوجیلا کے مقام پر گذشتہ شام 7بجے کے قریب پسیاں گرآنے کے نتیجے میں سرینگر ۔لداخ شاہراہ دونوں طرف کی ٹریفک کیلئے بند ہوگئی ہے جس کی وجہ سے شاہراہ کے دونوں طرف سینکڑوں گاڑیاں درماندہ ہوکر رہ گئی ہیں۔  ٹریفک پولیس کے ایک افسر نے کشمیر عظمیٰ کو بتایا کہ شاہراہ پر پسیاں ہٹانے کے لئے بارڈر روڈس آرگنائزیشن نے ہنگامی بنیادوں پر کام شروع کیا ہے اور اس کیلئے مشینوں کے علاوہ مزدوروں کی خدمات حاصل کی گئی ہیں۔  

ملک میں کوروناکے 70589 نئے کیس، متاثرین کی تعداد 6145292

نئی دہلی//ملک میں گزشتہ 24گھنٹوں کے دوران 84 ہزار سے زائد مریضوں نے کورونا کو شکست دی جس سے صحت مند ہونے والوں کی تعداد 51لاکھ کے پار پہنچ گئی اور اس دوران وائرس کے تقریبا 70ہزارنئے کیسوں کے مقابلہ میں کورونا وائرس سے شفایایب ہونے والوں کی تعداد زیادہ ہونے سے ایکٹیو کیسز میں تقریباً 15ہزار کی کمی آئی۔ مرکزی وزارت صحت و خاندانی بہبود کی جانب سے منگل کے روز جاری تازہ ترین اعداد و شمار کے مطابق گذشتہ 24 گھنٹوں کے دوران 84877مریض صحت مند ہوئے جس سے کورونا سے شفایاب ہونے والوں کی مجموعی تعداد5102398 ہوگئی ہے۔ جان لیوا کورونا کے70589 نئے کیسزکے ساتھ ہی متاثرین کی مجموعی تعداد بڑھ کر 6145292ہوگئی ہے اور اس کے مقابلے میں ، فعال کیسوں کی تعداد میں15064 کی کمی واقع ہوئی ہے اور اب یہ تعداد947576 ہے۔  

کورونا وائرس سے دس لاکھ سے زائد ہلاکتیں انتہائی تکلیف دہ: گوٹریس

اقوام متحدہ//اقوام متحدہ کے سکریٹری جنرل انتونیو گوٹریس نے کورونا وائرس کی وبا سے دنیا بھر میں 10 سے زائد ہلاکتوں کو ایک’انتہائی تکلیف دہ سنگ میل‘ قرار دیتے ہوئے کہا ہے کہ یہ اعداد و شمار قلب و ذہن کو سن کردینے والاہے۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کی جانب سے جاری تازہ ترین اعدادوشمار کے مطابق کورونا سے اب تک دنیا بھر میں 10 لاکھ 555 افراد ہلاک ہوچکے ہیں ، جبکہ 3کروڑ 32 لاکھ 73 ہزار 720 افراد اس جان لیوا وبا کی زد میں آچکے ہیں۔  گوٹریس نے اپنے ایک بیان میں کہا”ہماری دنیا انتہائی تکلیف دہ سنگ میل پر پہنچ چکی ہے۔ کوڈ۔19 وبانے 10 لاکھ افراد کو ہلاک کیا۔ یہ قلب و ذہن کو سن کردینے والا ہے۔ ہمیں کبھی بھی کسی شخص کی زندگی سے محروم نہیں ہونا چاہئے۔ وہ والدین ، شریک حیات ، بہن بھائی ، دوست اور ساتھی کارکن تھے۔ اس

کورونا کے 824نئے معاملے، جموں337کے ساتھ سر فہرست

سرینگر//جموں کشمیر میں پیر کے روز کورونا وائرس متاثرین کے 824کیس سامنے آئے اور اس طرح مرکز کے زیر انتظام علاقے میں کورونا متاثرین کی مجموعی تعداد73014تک پہنچ گئی۔ آج ظاہر ہونے والے کیسوں میں284وادی کشمیر جبکہ جموں صوبے میں540کیس ظاہر ہوئے۔ ان میں 82مسافر بھی شامل ہیں۔ اعداد و شمار کے مطابق سرینگر ضلع میں105،بڈگام میں27،بارہمولہ میں26،پلوامہ میں33،اننت ناگ میں18،بانڈی پورہ میں9،کپوارہ میں44،گاندر بل میں13،کولگام میں1 اور شوپیان میں8کیس سامنے آئے۔ جموں ضلع میں آج سب سے زیادہ337،راجوری میں52،ا‘دھمپور میں38،کٹھوعہ میں37،ڈوڈہ میں11،سانبہ میں29،پونچھ میں10،رام بن میں1ریاسی میں14اور کشتواڑ میں11کورونا کیس سامنے آئے۔  

دنیا میں کورونا وائرس سے 3.33 کروڑ افراد متاثر ،10لاکھ سے زیادہ ہلاکتیں

واشنگٹن / ریو ڈی جنیرو / نئی دہلی// مہلک ترین اور جان لیوا عالمی وباکورونا وائرس (کووڈ-19) سے متاثرہ افراد کی تعداد تین کروڑ سے تجاوز کرچکی ہے ، جبکہ اس وبا کی زد میں آکر ہلاک ہونے والوں کی تعداد 10لاکھ سے زائد ہوچکی ہے۔ امریکہ کی جان ہاپکنز یونیورسٹی کے سائنس اور انجینئرنگ سینٹر (سی ایس ایس ای) کی جانب سے جاری اعداد و شمار کے مطابق کورونا نے اب تک دنیا بھر میں33,311,251 افراد کو متاثر کیا ہے جبکہ ہلاک شدگان کی تعداد 1,002,452 ہوچکی ہے کورونا وائرس کے پھیلاو¿ کے بعد سے امریکہ متاثرہ ممالک کی فہرست میں پہلے مقام پر ہے اور اس ملک میں اب تک جان لیوا وبا سے متاثرہ افراد کی تعداد 71.14 لاکھ سے تجاوز کر چکی ہے اور اب تک 2.04 لاکھ سے زیادہ افراد اپنی زندگیوں سے ہاتھ دھو بیٹھے ہیں۔  

سامبورہ معرکہ میں جاں بحق لشکر کمانڈر فورسز پر کئی حملوں میں ملوث تھا: ڈی جی پی

سرینگر//جموں کشمیر پولیس کے ڈائریکٹر جنرل دلباغ سنگھ نے پیر کے روز کہا کہ سامبورہ پانپور میں جو دو جنگجو گذشتہ روز فورسز کے ساتھ معرکہ آرائی کے دوران جاں بحق ہوگئے ، وہ کئی حملوں میں ملوث تھے۔ اس معرکہ آرائی میں لشکر سے وابستہ دو جنگجو جاں بحق ہوگئے جن میں اعجاز احمد ریشی بھی شامل تھا۔  نیوز ایجنسی کے این او کے مطابق انہوں نے اعجاز کی ہلاکت کو ”بہت بڑی کامیابی“ قرار دیتے ہوئے کہا کہ وہ لشکر کا سب سے زیادہ وقت تک زندہ رہنے والا کمانڈر تھا۔ دلباغ سنگھ کے مطابق اعجازپہلے ایک بالائے زمین کارکن تھا جس نے بعد میں جنگجوﺅں کی صف میں باضابطہ طور شمولیت اختیار کی۔انہوں نے کہا اعجاز حزب کمانڈر برہان وانی سے بھی پہلے جنگجوﺅں کی صف میں شامل ہوا تھا۔ دلباغ سنگھ نے پولیس سٹیشن اونتی پورہ میں ایک پریس کانفرنس کے دوران اعجاز کو ”خطر ناک جنگجو“ قرار دیتے ہوئے

بابر قادری قتل کیس میں اہم سراغ مل گئے:دلباغ سنگھ

سرینگر//جموں کشمیر پولیس سربراہ دلباغ سنگھ نے پیر کے روز کہا کہ ایڈوکیٹ بابر قادری قتل معاملے میںپولیس کو اہم سراغ حاصل ہوئے ہیں۔انہوں نے اُمید ظاہر کی کہ یہ کیس عنقریب حل کیا جائے گا۔ نیوز ایجنسی کے این او کے مطابق پولیس سربراہ دلباغ سنگھ نے ایڈو کیٹ بابر قادری کی ہلاکت کے بارے میں نامہ نگاروں کو بتایا”ہم نے پہلے ہی پولیس کی ایک خصوصی تحقیقاتی ٹیم تشکیل دے رکھی ہے“۔ انہوں نے مزید کہا ”ہمیں بابر قادری قتل کیس کے سلسلے میں اہم سراغ ہاتھ لگے ہیں اور اُمید ہے کہ اس کیس کو بہت جلد حل کیا جائے گا“۔ ایڈو کیٹ بابر قادری کو 24ستمبر کے روز نامعلوم بندوق برداروں نے حول سرینگر میں نزدیک سے گولیاں مار کر جاں بحق کردیا۔ بعد ازاں پولیس نے ایک خصوصی تحقیقاتی ٹیم تشکیل دیکر کیس کی تحقیقات شروع کی۔  

ملک میں 82170 نئے کورونا کیس، متاثرین کی تعداد 60.74 لاکھ

نئی دہلی// ملک میں گذشتہ 24 گھنٹوں کے دوران متاثرہ افراد کے 82 ہزار سے زیادہ نئے معاملے سامنے آنے سے متاثرین کی تعداد 60.74 لاکھ سے تجاوز کر چکی ہے جبکہ کورونا کے انفیکشن سے 74 ہزار سے زائد افراد صحت مند ہوچکے ہیں جس کے نتیجے میں صحت مند افراد کی تعداد 50.16 لاکھ ہوگئی ہے۔ مرکزی وزارت صحت اور خاندانی بہبود کی پیر کے روز جاری کردہ اعداد و شمار کے مطابق ، گذشتہ 24 گھنٹوں کے دوران82170 نئے معاملوں کے ساتھ اس کے متاثرہ افراد کی تعداد بڑھ کر 6074702ہوگئی۔ اس عرصہ کے دوران74892 مریض ٹھیک ہوئے ہیں ، جنہیں ملا کر اب تک5016520 افراد کورونا کی وبا سے نجات پا چکے ہیں۔