دنیا میں کورونا وائرس سے 11.94 لاکھ سے زیادہ افراد ہلاک

واشنگٹن / ریو ڈی جنیرو / نئی دہلی// دنیا بھرمیں جان لیوا اور مہلک ترین عالمی وبا کورونا وائرس ’کووڈ19‘کا قہر جاری ہے اور اس جان لیوا وبا سے اب تک 11.94 لاکھ سے زیادہ افراد ہلاک جبکہ 4.59 کروڑ سے زیادہ افراد متاثر ہوئے ہیں۔ امریکہ کی جان ہاپکنز یونیورسٹی کے سائنس اینڈ انجینئرنگ سینٹر (سی ایس ایس ای) کے جاری تازہ ترین اعداد و شمار کے مطابق دنیا میں اب تک کورونا وائرس نے 45,932,219 افراد کو متاثر اور 1,194,089 افراد ہلاک کیا ہے۔ دنیا بھر میں اب تک جان لیوا وبا سے 33,259,067مریض شفایاب بھی ہوئے۔  

شمالی کشمیر کے پٹن میں شکاری کی لاش بر آمد

سرینگر//حکام نے کہا کہ شمالی ضلع بارہمولہ کے پٹن علاقے میں ہفتہ کو ایک شکاری کی لاش بر آمد کی گئی ہے۔ نیوز ایجنسی کے این او نے حکام کا حوالہ دیتے ہوئے لکھاکہ اعجاز احمد ڈار ولد غلام حسین ساکن چھینابل، پٹن اپنی ہی 12بور بندوق سے چلنے والی گولی کا شکار ہوا ہے۔  پولیس ذرائع کا حوالہ دیتے ہوئے نیوز ایجنسی نے لکھا کہ اعجاز کی لاش قانونی لوازمات کیلئے تحویل میں لی گئی ہے جس کے بعد اُسے لواحقین کے حوالے کیا جائے گا۔ پولیس نے تاہم معاملہ درج کرکے تحقیقات شروع کی ہے۔  

بندوق چھوڑنے والوں کی ہر ممکن مدد کی جائے گی: جموں کشمیر پولیس سربراہ

سری نگر// جموں و کشمیر پولیس کے سربراہ دلباغ سنگھ نے جنگجویت کا راستہ اختیار کرنے والے مقامی نوجوانوں سے قومی دھارے میں واپس لوٹنے کی اپیل کرتے ہوئے کہا ہے ” ہمارے جن بچوں نے غلط راستہ اختیار کیا ہے اگر وہ واپس آئیں گے تو انہیں کسی طرح کا کوئی نقصان نہیں ہوگا“۔ انہوں نے کہا کہ ان بچوں کی ہر طریقے سے مدد کی جائے گی۔ موصوف پولیس سربراہ نے ان باتوں کا اظہار ہفتہ کی صبح سری نگر کے مضافاتی علاقہ زیون میں 'راشٹریہ ایکتا دیوس' کے موقع پر منعقدہ ایک تقریب کے حاشیے پر نامہ نگاروں کے ساتھ بات کرتے ہوئے کیا۔  

لگاتار چھٹے دن ملک میں کورونا وائرس کے 50 ہزار سے کم کیس ظاہر

نئی دہلی// ملک میں لگاتار چھٹے دن کورونا وائرس کے نئے کیس50ہزار سے کم رپورٹ ہوئے ہیں اور اس جان لیوا وبا سے شفایاب ہونے والے مریضوں کی تعداد زیادہ رہنے سے اموات اور ایکٹیو کیسوں کی شرح میں کمی آرہی ہے۔ ہفتہ کو مرکزی وزارت صحت و خاندانی بہبود کی جانب سے جاری کردہ اعدادوشمار کے مطابق کورونا کو مات دینے والوں کی شرح 91.34 فیصد رہ گئی ہے ، جبکہ اموات کی شرح گھٹ کر 1.49 فیصد اورایکٹیو کیسز کی شرح 7.16 فیصد رہ گئی ہے۔ گذشتہ 24 گھنٹوں کے دوران ملک کے مختلف حصوں میں کورونا وائرس کے48268 نئے کیس رپورٹ ہوئے اور یہ لگاتار چھٹا دن ہے جب کووڈ 19 کے 50 ہزارسے کم کیس رپورٹ ہوئے ہیں۔  

سونہ مرگ کی پہاڑوں پر تازہ مگرہلکی برفباری

کنگن//وسطی ضلع گاندربل میںصحت افزا مقام سونہ مرگ اور اس کے مضافاتی علاقوں کی اونچی پہاڑں پر تازہ برفباری سے ایک بار پھر سردی کی لہر دوڑ گئی ہے۔ کشمیر عظمیٰ کو ملی تفصیلات کے مطابق سنیچر وار کی صبح سونہ مرگ ، گگن گیر، زوجیلا، منی مرگ، گنڈ، کلن، اور اسکے مضافاتی علاقوں کی اونچی پہاڑوں پر تازہ مگر ہلکی برفباری ہوئی جس کے نتیجے میں سردی کی لہر میں اضافہ ہوگیا۔  اس دوران 434کلو میٹر طویل سرینگر۔ لداخ شاہراہ پر گاڑیوں کی آمدورفت بلا خلل جارہی رہی ۔ محکمہ موسمیات نے پیشگوئی کی ہے کہ4 نومبر تک موسم خشک رہنے کا امکان ہے۔  

ترکی میں زلزلہ سے ہلاک شدگان کی تعداد بڑھ کر 20 ، زخمیوں کی تعداد 786

انقرہ// ترکی کے شہر ازمیر میں جمعہ کے روز آنے والے شدید زلزلے کے نتیجے میں ہلاک شدگان کی تعداد بڑھ کر 20 اور زخمیوں کی تعداد 786 ہوگئی ہے۔ ترکی کے صدر رجب طیب اردگان نے یہ اطلاع استنبول میں ٹیلی ویڑن خطاب میں دی۔  اردگان نے کہا کہ زلزلہ کے سبب تباہ شدہ 17 عمارتوں کے ملبہ سے لوگوں کو نکالنے کے لئے امدادی سرگرمیاں جاری ہیں۔ ترکی کے مغربی علاقے میں واقع ازمیر شہر میں زلزلے کے شدید جھٹکے محسوس ہوئے اور اس سے متعدد عمارتوں اور دیگر عمارتوں کو شدید نقصان پہنچا۔ ترکی کی ہنگامی ایجنسی نے بتایا کہ زلزلہ کے جھٹکے ازمیر شہر میں محسوس کیے گئے اور ریکٹر اسکیل پر اس کی شدت 6.6 بتائی جارہی ہے۔ امریکی محکمہ ارضیاتی سروے (یو ایس جی ایس) کے مطابق زلزلے کی شدت ریکٹر اسکیل پر 7.0 ریکارڈ کی گئی۔ ترکی اور یونان اس سے متاثر ہوئے ہیں۔ زلزلے کا مرکز بحر ایجیئر میں بتایا جارہا ہے۔ ماہرین کا

دہلی میں فضائی آلودگی انتہائی سنگین

نئی دہلی//ملک کی دارالحکومت دہلی کے عوام کو جمعہ کے روز لگاتار دوسرے دن بھی آلودگی کی سنگینی کا سامنا کرنا پڑا ۔دہلی آلودگی کنٹرول کمیٹی (ڈی پی سی سی) کے اعداد و شمار کے مطابق دہلی میں ہوا کا معیار اب بھی انتہائی خراب ہے اور یہ ’سنگین‘ زمرے میں ہے۔ کمیٹی کے مطابق ائر کوالٹی انڈیکس (اے کیو آئی ) آنند وہار میں 408 ، دوارکا سیکٹر 8 میں 405 ، علی پور میں 403 ، جہانگیرپوری میں 423 ریکارڈ کیا گیا جو سنگین زمرہ میں آتا ہے۔ سنٹرل آلودگی کنٹرول بورڈ (سی پی سی بی) کے مطابق آج صبح بوانا میں اے کیوآئی 447 تھی۔ پٹپڑ گنج میں 404 اور وزیر پور میں 411 تھی۔ ان چاروں مقامات پر انڈیکس ’سنگین‘ زمرہ میں ہے۔ ہوا کے معیار کو صفر سے 50 کے درمیان اے کیو آئی ’اچھا‘ ، 51 اور 100 کے درمیان ’اطمینان بخش‘ ، 101 اور 200 کے درمیان ’معتدل ‘ ، 201 سے 300 &

فاروق عبداللہ کو حضرت بل جانے سے روکنا مداخلت فی الدین: پیپلز الائنس

سری نگر// پیپلز الائنس برائے گپکار اعلامیہ نے جموں و کشمیر انتظامیہ کی طرف سے نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ کو جمعہ کے روز نماز ادا کرنے کے لئے حضرت بل جانے سے روکنے کے اقدام کی شدید الفاظ میں مذمت کی ہے۔ الائنس کے ترجمان اور پیپلز کانفرنس کے صدر سجاد غنی لون نے اپنے ایک بیان میں انتظامیہ کی اس حرکت کو مداخلت فی الدین قرار دیتے ہوئے کہا ” ہم اس کی شدید الفاظ میں مذمت کرتے ہیں“۔ انہوں نے کہا”فاروق عبداللہ صاحب کو عید میلاد النبی (ص) کی مناسبت سے حضرت بل ایک مذہبی اجتماع میں شرکت کرنے کے لئے جانا تھا لیکن انہیں گھر سے باہر نہیں جانے دیا گیا“۔  

شمالی کشمیر کے ہندوارہ میں جنگجوﺅں کے دو اعانت کار گرفتار:پولیس

سرینگر//پولیس نے جمعہ کو بتایا کہ شمالی کشمیر کے ہندوارہ میں جنگجوﺅں کے دو اعانت کاروں کی گرفتاری عمل میں لائی گئی ہے۔ نیوز ایجنسی جی این ایس کے مطابق پولیس نے کہا کہ علاقے میں جنگجوﺅں کی نقل و حرکت کے بارے میںایک مصدقہ اطلاع کے بعد فوج ،پولیس اور سی آر پی ایف نے ہندوارہ میں ناکہ لگاکرگاڑیوں اور راہگیروں کی تلاشی شروع کی۔ تلاشی کے دوران چنار پارک ہندوارہ میں موٹر سائیکل پر سوار دو افراد کو رکنے کا اشارہ کیا گیا لیکن انہوں نے فورسز کا اشارہ نظر انداز کرکے بھاگنے کی کوشش کی اور بعد میں اُنہیں تعاقب کے بعد دھر لیا گیا۔ گرفتار شدگان کی شناخت لیاقت احمد میر ولد عبد الاحد میر اور عاقب رشید میر ولد عبد الرشید میر ساکنان ہائن ترہگام، کپوارہ کے طور کی گئی ہے اور اُن کی تحویل سے اسلح و گولہ بارود بھی بر آمد کیا گیا ہے۔ دونوں کی پوچھ تاچھ سے پولیس کو معلوم ہوا ہے کہ وہ لشکر طیبہ س

ملک میں ایکٹیو کوروناکیسوں کی تعداد 6 لاکھ سے کم ، شفایابی کی شرح 91 فیصد سے متجاوز

نئی دہلی// گذشتہ 24 گھنٹوں کے دوران کورونا وائرس کے نئے کیسز کے مقابلہ میں اس جان لیوا وبا کے مریضوں کی شفایابی میں اضافے سے ملک میں ایکٹیو کیسز کی تعداد چھ لاکھ سے نیچے آگئی ہے اور شفایابی کی شرح 91 فیصد سے تجاوزکرگئی ہے۔ 21 ستمبر تک ملک میں 10.03 لاکھ سے زائد ایکٹیو کیسز تھے، تب سے اس کی تعداد میں مسلسل کمی آرہی ہے اور اب یہ مزید کم ہوکر چھ لاکھ سے بھی کم رہ گئی ہے۔ لگاتار دو دن کی تیزی کے بعد وائرس کے یومیہ کیسز میں معمولی کمی آئی ہے۔ ایک دن میں ملک کے مختلف حصوں میں کووڈ 19 کے مزید 48648نئے کیسز رپورٹ ہوئے۔ ایک روز قبل جمعرات کو یہ تعداد49881 ، بدھ کے روز43843 اور منگل کو36470 نئے کیس سامنے آئے تھے۔ مرکزی وزارت صحت و خاندانی بہبود کی جانب سے جمعہ کے روز جاری تازہ ترین اعدادوشمار کے مطابق گذشتہ 24 گھنٹوں کے دوران کورونا سے 57386مریض شفایاب ہوئے ہیں ، جس سے وبا سے شفایابی

قاضی گنڈ ہلاکتیں؛جنگجوﺅں نے گاڑی میں آکر بھاجپا کارکنوں کو حملے کا نشانہ بنایا:آئی جی کشمیر

سرینگر//پولیس نے جمعہ کو دعویٰ کیا کہ اُنہوں نے اُس گاڑی کو بر آمد کیا ہے جس کو جنگجوﺅں نے گذشتہ شام جنوبی ضلع کولگام کے قاضی گنڈ علاقے میں بھاجپا کے تین کارکنوں کو ہلاک کرنے کیلئے استعمال کیا تھا۔ نامہ نگاروں کے ساتھ بات کرتے ہوئے پولیس کے انسپکٹر جنرل برائے کشمیر وجے کمار نے کہا کہ ایسا لگتا ہے کہ جنگجوﺅں نے مذکورہ حملہ کیلئے پہلے سے ہی منصوبہ بندی کی تھی۔ نیوز ایجنسی جی این ایس کے مطابق آئی جی نے کہا”ابھی تک نثار احمد کھانڈے، عباس شیخ ساکن کھڈونی اور ایک غیر مقامی جنگجوﺅں کے ملوث ہونے کی بات سامنے آئی ہے“۔ آئی جی نے وضاحت کرتے ہوئے کہا ” جنگجو ایک کار میں آئے جو ایک مقامی شہری الطاف کی ہے۔وہ بھاجپا یوتھ جنرل سیکریٹری کی گاڑی کے قریب پہنچے اور اندھا دھند گولیاں چلائیں جس سے بھاجپا کارکنان زخمی ہوئے اور بعد میں دم توڑ بیٹھے۔“ یاد رہے کہ گذشتہ شا

عوامی اتحاد وفد کا دورہ لداخ ،مقامی لیڈران و عوام سے ملاقاتیں

سرینگر//عوامی اتحاد برائے گپکار اعلامیہ سے وابستہ لیڈران کا ایک وفد جمعہ کو لداخ پہنچا جہاں وفدکو مقامی لیڈران سے ملاقات کا پروگرام ہے۔ فورم کا وفد عمر عبد اللہ،غلام نبی لون ہانجورہ،ناصر اسلم وانی،مظفر شاہ اور وحید پرہ پر مشتمل ہے۔ دراس پہنچنے پر وفد کا گرمجوشی سے استقبال کیا گیا۔ وفد نے لوگوں سے اگست4،2019کی صورتحال بحال کرانے کی جد و جہد میں اُن کا تعاون طلب کیا۔ عمر عبد اللہ نے دراس اور کرگل کے عوام کو بتایا کہ وہ اکیلے نہیں ہیں بلکہ لیہہ،کرگل اور جموں کشمیر کے لوگ مل کر اس جد و جہد میں شامل ہیں۔  عمر اس سلسلے میں سماجی ویب سائٹ ٹویٹر پر بھی تفاصیل ڈالیں۔ قابل ذکر ہے کہ دفعہ370کی منسوخی کے بعد یہ مین اسٹریم لیڈران کا پہلا دورہ لداخ ہے۔  

فاروق عبد اللہ کو نماز کیلئے درگاہ حضرت بل جانے کی اجازت نہیں،رہائش گاہ بند: این سی

سرینگر//نیشنل کانفرنس نے جمعہ کو بتایا کہ پارٹی کے صدر ڈاکٹر فاروق عبد اللہ کی رہائش گاہ واقع گپکار کو محاصرے میں لیکر اُسے درگاہ حضرت بل جانے سے روکا گیا ہے جہاں اُسے عید میلاد النبی کے موقع پر نماز ادا کرنی تھی۔ پارٹی ترجمان نے ٹویٹ کرتے ہوئے کہا کہ انتظامیہ نے فاروق کی رہائش گاہ کو بند کیا ہے اور اُنہیں درگاہ جانے کی اجازت نہیں دی گئی ہے۔پارٹی نے انتظامیہ کے اس اقدام کی مذمت کی ہے۔ پارٹی نے انتظامیہ کے اس اقدام کو بنیادی حقوق کی پامالی سے تعبیر کیا ہے۔  

سرینگر میں دریائے جہلم سے عدم شناخت لاش بر آمد

سرینگر//سرینگر کے چھتہ بل علاقے میں جمعہ کو دریائے جہلم سے ایک عدم شناخت لاش بر آمد ہوئی۔ نیوز ایجنسی کے این او کے مطابق پولیس نے کسی مرد کی لاش دریا سے بگیاس چھتہ بل میں بر آمد کی۔ حکام نے بتایا کہ یہ لاش 50سال کے آس پاس کسی نا معلوم شخص کی ہے۔  

راجوری میں جنگجوﺅں کی کمین گاہ سے اسلح و گولہ بارود بر آمد

سرینگر//سیکورٹی فورسز نے جمعہ کو ضلع راجوری کے گمبھیر مگھلان علاقے میں جنگجوﺅں کی ایک کمین گاہ کا پتہ لگاکر اس میں موجود اسلح و گولہ بارود بر آمد کیا۔ ایس ایس پی راجوری چندن کوہلی کے مطابق ایک صدقہ اطلاع ملنے کے بعد علاقے میں تلاشی آپریشن کے دوران ایک زیر زمین کمین گاہ کا پتہ لگا۔یہ آپریشن پولیس اور فوج نے مشترکہ طور عمل میں لایا اور کمین گاہ سے 2اے کے47بندوقیں،2میگزین،270گولیاں،2چینی ساخت کے پستول،2میگزین،75پیکا گولیاں،12کمبل،10ڈیٹو نیٹراور6کلو گرام دھماکہ خیز مواد بر آمد کیا گیا۔ آخری اطلاعات ملنے تک علاقے میں تلاشی آپریشن جاری تھا۔

لعنت ہے ہم پر اگر آج بھی ہم اقتدار کے پیچھے بھاگیں گے: عمر عبداللہ

سری نگر// نیشنل کانفرنس کے نائب صدر و سابق وزیر اعلیٰ عمر عبداللہ نے جمعرات کوکہا ”اگر ہم موجودہ سیاسی حالات میں بھی اقتدار کے پیچھے بھاگیں گے تو وہ ہمارے لئے لعنت ہے“۔ انہوں نے کہا” موجودہ حالات آپسی چھوٹی سیاسی لڑائیوں میں الجھے رہنے کے نہیں بلکہ ہمیں آج اپنے تشخص اور زمین کے لئے لڑائی لڑنی ہے“۔ نیشنل کانفرنس لیڈر پارٹی صدر دفتر پر ایک تقریب کے دوران اظہار خیال کررہے تھے۔ ان کا مزید کہنا تھا ” سال گذشتہ کے اوائل میں ہم سب جماعتیں الگ الگ راستوں پر چل رہی تھیں لیکن آج ہم ایک ہی پلیٹ فارم پر جمع ہونے کے لئے مجبور ہوئے ہیں“۔ عمر نے مزید کہا کہ یہاں کی سیاسی جماعتوں کو بہت پہلے متحد ہونا چاہئے تھا تاکہ حالات وہاں نہیں پہنچتے جہاں آج ہیں۔  

اراضی قوانین کی مخالفت کرنے والے اپنے ووٹ بینک کو غیر محفوظ محسوس کر رہے ہیں: جیتندر سنگھ

جموں// وزیر اعظم کے دفتر میں وزیر مملکت ڈاکٹر جیتندر سنگھ نے کہا ہے کہ نئے اراضی قوانین کے خلاف وہی لوگ آواز اٹھا رہے ہیں جو اپنے ووٹ بینک کو خطرے میں محسوس کر رہے ہیں۔ انہوں نے کہا کہ نئے اراضی قوانین سے جموں و کشمیر کے اقتصادی حالات مزید بہتر ہوں گے اور اعلیٰ تعلیمی ادارے بھی مزید مستحکم ہوں گے۔ نیشنل کانفرنس کے نائب صدر و سابق وزیر اعلیٰ عمر عبداللہ کے بیان کہ ’کشمیر کو فروخت کیا جا رہا ہے‘، کے ردعمل میں مرکزی وزیر نے کہا”کیا گپکار کے بنگلے برائے فروخت ہیں، کیا ان بنگلوں میں رہائش پذیر لوگ باہر کے کسی شخص کو ان میں رہنے کی اجازت دیتے ہیں“۔  

جموں کشمیر کے وسائل اور زمین کی لوٹ کی اجازت نہیں دیں گے: محبوبہ

سرینگر//سابق وزیر اعلیٰ اور پیپلز ڈیمو کریٹک پارٹی کی صدر محبوبہ مفتی نے جمعرات کو کہا کہ وہ کسی کو بھی جموں کشمیر کے وسائل اور زمین کی ”لوٹ“ کی اجازت نہیں دیں گی۔ انہوں نے اپنی رہائش گاہ پر نامہ نگاروں کو بتایا”ہم خاموش رہنے کے بجائے کسی کو بھی ہماری زمین اور وسائل لوٹنے کی اجازت نہیں دیں گے“۔ محبوبہ نے مرکز پر الزام عائد کیا کہ اُسے کشمیری عوام نہیں بلکہ یہاں کے وسائل پیارے ہیں۔ انہوں نے مرکز کو متنبہ کرتے ہوئے کہا”ہم صرف ٹویٹر سیاست دان نہیں، آج آپ نے ہمیں طاقت کے بل پر روک لیا لیکن اگلی بار ایسا نہیں ہوگا“۔ انہوں نے کہاکہ مرکز آئے دنوں نئے احکامات صادر کرکے جموں کشمیر کے لوگوں پر دباو ڈال رہی ہے۔محبوبہ نے وضاحت کرتے ہوئے کہا”اگر اُن کے پاس اتنی ہی طاقت ہے تو وہ چین کو لداخ میں بھارتی سر زمین سے کیوں نہیں نکالتے۔وہ چین کے سام

دنیا میں کورونا وائرس کی وجہ سے 11.73 لاکھ سے زیادہ افراد ہلاک

واشنگٹن / ریو ڈی جنیرو / نئی دہلی// دنیا میں کورونا وائرس (کووڈ-19) کی وبا کی وجہ سے اب تک 11.73 لاکھ سے زیادہ افراد ہلاک ہوچکے ہیں اور متاثرہ افراد کی کل تعداد 4.44 کروڑ کو عبور کرچکی ہے۔ جان ہاپکنز یونیورسٹی کے سائنس اور انجینئرنگ کے مرکز (سی ایس ایس ای) کے جاری کردہ اعداد و شمار کے مطابق ، کورونا وائرس سے 44482604 افراد متاثر اور 1173292افراد کو ہلاک ہوگئے ہیں۔ کورونا سے سب سے زیادہ متاثر امریکہ میں انفیکشن کی وجہ سے اب تک227673 افراد لقمہ اجل بن چکے ہیں اور متاثرہ افراد کی تعداد8855433 تک جا پہنچی ہے۔ ہندوستان میں ، پچھلے 24 گھنٹوں میں کورونا انفیکشن کی وجہ سے مزید 517 افراد کی موت ہوگئی ، جس سے ہلاک شدگان کی مجموعی تعداد 120526ہوگئی ، جب کہ اس وبا کے49881 نئے معاملوں کے ساتھ متاثرہ افراد کی تعداد 80.40 لاکھ سے زیادہ ہوگئی ہے۔  

ضلع گاندربل میں محکمہ پی ڈی ڈی کیخلاف احتجاج، شاہراہ پر ٹریفک میں رکاوٹ

کنگن//وسطی ضلع گاندربل میںتحصیل گنڈ کے گگن گیر علاقے میں جمعرات کومحکمہ بجلی کے خلاف احتجاجی مظاہرہ ہوا جس کے سرینگر۔ لداخ شاہراہ پر ایک گھنٹے تک ٹریفک کی نقل و حمل میں خلل پڑا۔  کشمیر عظمیٰ کو ملی تفصیلات کے مطابق چونہ دجی گگن گیر علاقے میں اس وقت سرینگر ۔لداخ شاہراہ پر ٹریفک کی آمدورفت بند ہو گئی جب چونہ دجی گوجر پتی کے مرد وزن نے محکمہ بجلی کے خلاف احتجاجی دھرنا دیا ۔ مظاہرین کا کہنا تھا کہ 100گھرانوں پر مشتمل آبادی کے لئے محکمہ نے 100KV بجلی ٹرانسفارمر نصب کیا ہے اور اسی ٹرانسفارمر سے نزدیکی سی آر پی ایف کیمپ کو بھی بجلی سپلائی کی جارہی ہے جس کی وجہ سے وہاں اکثر بجلی متاثر رہتی ہے اور مقامی بستی کے لوگوں کو مشکلات کا سامنا کرنا پڑرہا ہے۔ مظاہرین کا مطالبہ تھا کہ مقامی بستی میں 250KV بجلی ٹرانسفارمر نصب کیا جائے تاکہ لوگوں کو مشکلات کا سامنا نہ کرنا پڑے۔  ب

تازہ ترین