تازہ ترین

لداخ میں 5.4 شدت کا زلزلہ، نقصان کی کوئی اطلاع نہیں

سری نگر// لداخ یونین ٹریٹری میں جمعہ کو زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے۔ ریکٹر اسکیل پر زلزلے کی شدت 5 اعشاریہ 4 ریکارڈ کی گئی ہے اور اس کا مرکز لداخ کا ہی کوئی علاقہ تھا جبکہ اس کی گہرائی دس کلو میٹر درج ہوئی ہے۔ محکمہ موسمیات کے علاقائی ناظم سونم لوٹس نے بتایا کہ لداخ میں جمعے کو سہ پہر چار بجکر 27 منٹ پر زلزلے کے جھٹکے محسوس کئے گئے۔  

معروف گلوکار ایس پی بالاسبرمنیم نہیں رہے

چنئی //کھنکتی وسریلی آواز سے گلوکاری کی دنیا میں الگ پہچان بنانے والے مقبول پلے بیک سنگر ایس پی بالا سبرمنیم کا جمعہ کو کوروناانفیکشن کے سبب انتقال ہوگیا۔وہ74برس کے تھے۔کورونا وائرس سے متاثر ہونے کے بعد بالا سبرمنیم کو پانچ اگست کو یہاں کے ایم جی ایم اسپتال میں داخل کرایا گیا تھا۔اسپتال نے آج دوپہر میڈیا کو بتایا کہ بالا سبرمنیم کاانتقال ہوگیا۔ اسپتال انتظامیہ نے کل شام صحت بلیٹن جاری کرکے مشہور گلوکار کی حالت انتہائی خراب ہونے کی اطلاع دی تھی۔  بالا سبرمنیم کے بیٹے ایس پی بی چرن نے والد کے انتقال کی اطلاع دیتے ہوئے کہا کہ انہوں نے دوپہر ایک بج کر چارمنٹ پر آخری سانس لی۔ موسیقی کی دنیا کے بے تاج بادشاہ کے انتقال کی خبر سے مداحوں میں غم کی لہر دوڑ گئی ہے۔ بالا سبرمنیم کی لاجواب وسریلی آواز نے دنیا بھرکے موسیقی مداحوں کو ان کا دیوانہ بنادیا تھا۔پانچ دہائیوں تک انہوں نے ا

بادی النظر میں بی ڈی سی چیئرمین کی ہلاکت میں لشکر ملوث: آئی جی پولیس

سری نگر// کشمیر پولیس زون کے انسپکٹر جنرل وجے کمار نے کہا ہے کہ وسطی ضلع کشمیر کے کھاگ علاقے میں دو روز قبل ہونے والی بلاک ڈیولپمنٹ چیئرمین بوپیندر سنگھ کی ہلاکت کے سلسلے میں دو مشتبہ افراد سے پوچھ گچھ چل رہی ہے۔ انہوں نے کہا کہ بادی النظر میں اس ہلاکت میں لشکر طیبہ سے وابستہ دو کمانڈورں کا ہاتھ ہے۔ موصوف انسپکٹر جنرل نے جمعہ کو یہاں پولیس کنٹرول روم میں منعقدہ ایک پریس کانفرنس سے خطاب کرتے ہوئے کہا: 'بی ڈی سی چیئرمین بوپیندر سنگھ کی ہلاکت کے سلسلے میں تفتیش چل رہی ہے۔  

بابر قادری قتل کی تحقیقات کیلئے خصوصی ٹیم تشکیل:آئی جی کشمیر

سرینگر//انسپکٹر جنرل آف پولیس ،کشمیر رینج وجے کمار نے جمعہ کو بتایا کہ ایڈوکیٹ بابر قادری کے قتل کی تحقیقات کیلئے پولیس کی ایک خصوصی ٹیم تشکیل دی گئی ہے جس کی سربراہی ایس پی حضرت بل کررہے ہیں۔ معروف وکیل بابر قادری کو گذشتہ شام اُن کے گھر واقع حول سرینگر میں نامعلوم بندوق برداروں نے نزدیک سے گولیاں مار کر جاں بحق کیا۔ آئی جی کشمیر نے نامہ نگاروں کو بتایا کہ دو ماسک لگائے افراد ہاتھوں میں فائلیں لئے کسی کیس کو لیکر بات کرنے کے بہانے بابر قادری کے گھر پہنچے اور انہوں نے بابر پر پستول سے گولیاں چلاکر اُنہیں جاں بحق کیا۔ آئی جی کشمیر کے مطابق بابر کو گولیاں مارنے کے بعد دونوں افراد نے ہوا میں بھی گولیاں چلائیں اور جائے مقام سے فرار ہوئے۔    

بجبہاڑہ میں معرکہ آرائی کی جگہ پر دھماکہ ،4شہری زخمی

سرینگر//جنوبی کشمیر کے سرہامہ بجبہاڑہ علاقے میں جمعرات کو معرکہ آرائی کے مقام پر بارودی مواد پھٹنے سے چار شہری زخمی ہوگئے۔اس معرکہ آرائی میں دو جنگجو جاں بحق ہوگئے۔ نیوز ایجنسی کے این او کے مطابق معرکہ آرائی ختم ہونے کے فوراً بعد مقامی لوگ مذکورہ جگہ پر جمع ہوکر تباہ شدہ مکان کا ملبہ ہٹانے لگے جس کے دوران ایک زور دار دھماکہ ہوا اور اس کی زد میں آکر چار افراد زخمی ہوگئے۔ زخمیوں کی شناخت محمد یاسین راتھر ساکن سرہامہ،شاہد یوسف ساکن بنہ نامبل، عرفان احمد بٹ ساکن بنہ نامبل اور مدثر احمد ماگرے ساکن سرہامہ کے طور ہوئی ہے۔ اطلاعات کے مطابق یاسین اور شاہد کو علاج و معالجہ کیلئے سرینگر کے صدر اسپتال منتقل کیا گیا ہے۔  

ملک میں 86052 نئے کورونا کیس،متاثرین کی تعداد5818571

نئی دہلی// ملک میں لگاتار چھ دن تک کورونا وبا کو مات دینے والوں کی تعداد وائرس کے نئے کیسوں سے زیادہ رہنے کے بعد گزشتہ 24 گھنٹوں کے دوران ان میں کمی آئی اور اس دوران جہاں 81177 افراد شفایاب ہوئے، وہیں تقریبا پانچ ہزار مزید اضافہ سے 86052کیس رپورٹ ہوئے جن کے نتیجے میں فعال کیسوں میں3734 کا اضافہ ہوا۔ جمعہ کو مرکزی وزارت صحت کے جاری اعدادوشمار کے مطابق گذشتہ 24 گھنٹوں کے دوران کورونا وائرس کے 86052 نئے کیس سامنے آئے ، جس سے متاثرہ افراد کی مجموعی تعداد5818571 ہوگئی ہے۔ اسی عرصے کے دوران80177 مریض صحت یاب ہوئے ہیں۔ اس کے ساتھ ہی اب کورونا سے شفایابی حاصل کرنے والوں کی تعداد4756165 ہوگئی ہے۔ گزشتہ 24 گھنٹوں کے دوران ایکٹیو کیسز کی تعداد3734 کے اضافہ سے مجموعی تعداد970116 ہوگئی ہے۔ اس سے قبل مسلسل چھ دن تک کورونا سے صحت مند ہونے والوں کی تعداد میں اضافے سے ایکٹیو کیسوںمیں کمی واقع ہ

جنوبی کشمیر کے بجبہاڑہ میں معرکہ آرائی،2جنگجو جاں بحق:پولیس

سرینگر//پولیس نے جمعہ کو کہا کہ جنوبی کشمیر کے اننت ناگ ضلع میں بجبہارہ کے سرہامہ علاقے میں سیکورٹی فورسز کے ساتھ معرکہ آرائی کے دوران لشکر طیبہ سے وابستہ دو جنگجو جاں بحق ہوگئے۔  ایک بیان میں پولیس نے کہا کہ سرہامہ میں گذشتہ شام دیر گئے معرکہ آرائی شروع ہوئی تھی جس کے دوران دو جنگجو جاں بحق ہوگئے جن کی شناخت ابھی نہیں ہوئی ہے۔ پولیس کے مطابق جائے تصادم پر اسلحہ و گولہ بارود بر آمد کیا گیا ہے۔ یہ معرکہ آرائی گذشتہ شام دیر گئے اُس وقت شروع ہوئی تھی جب پولیس ،فوج اور سی آر پی ایف نے مشترکہ طور سرہامہ میں تلاشی آپریشن شروع کیا۔ آپریشن کے دوران طرفین کا آمنا سامنا اور گولیوں کا تبادلہ ہوا جو دو جنگجوﺅں کی ہلاکت پر رک گیا۔ پولیس نے تاہم کہا کہ علاقے میں تلاشی آپریشن جاری ہے۔  

سوپور میں پولیس اے ایس آئی سڑک حادثے میں شدید زخمی

سرینگر//شمالی قصبہ سوپور میں جمعہ کی صبح پولیس کا ایک اسسٹنٹ سب انسپکٹر ایک سڑک حادثے میں زخمی ہوگیا۔ اطلاعات کے مطابق اے ایس آئی غلام نبی حجام اُس وقت شدید طور زخمی ہوگیا جب ایک گاڑی نے اُسے ماڈل ٹاﺅن کے نزدیک ٹکر ماری۔ زخمی پولیس آفیسر کو سب ضلع اسپتال سوپور پہنچایا گیا جہاں سے اُسے سکمز صورہ منتقل کیا گیا۔ اس سلسلے میں ایک کیس درج کیا گیا ہے۔  

سرینگر میں ایڈوکیٹ بابر قادری گولیاں مار کر جاں بحق

سرینگر// نامعلوم بندوق برداروں نے جمعرات کی شام وادی کے معروف وکیل بابر قادری کو سرینگر میںگولیاں مارکر جاں بحق کیا۔  نیوز ایجنسی جی این ایس کے مطابق یہ واقعہ شہر کے حول علاقے میں پیش آیا جہاں بابر پر نزدیک سے گولیاں چلائی گئیں۔ بابر کو گولیاں لگتے ہی سکمز صورہ پہنچایا گیا لیکن وہ زخموں کی تاب نہ لاکر دم توڑ بیٹھا۔ اسپتالی ذرائع نے بابر کے جاں بحق ہونے کی تصدیق کی ہے۔  

کپوارہ میں فوجی گاڑی کو حادثہ،مزدور جاں بحق،3فوجیوں سمیت7زخمی

سرینگر//شمالی ضلع کپوارہ میں جمعرات کو ایک فوجی گاڑی کو حادثہ پیش آنے کے نتیجے میں ایک مزدور جاں بحق جبکہ تین فوجی اہلکاروں سمیت 7افراد زخمی ہوگئے۔ نیوز ایجنسی جی این ایس کے مطابق یہ حادثہ کپوارہ قصبہ سے25کلو میٹر دوربری بہک میں پیش آیا۔ اس حادثے میںایک مزدور جس کی شناخت دولت حسین ولد امردین ساکن مرساری کے طور ہوئی، موقع پر ہی جاں جبکہ دیگر 7 افراد زخمی ہوگئے۔ زخمی ہونے والوں میں تین فوجی اہلکار بھی شامل ہیں جن کی شناخت صوبیدار این ایس نمبلکر، حوالدار ایس پی سنپ اور سپاہی سولے چندرکانت کے طور ہوئی ہے ۔زخمی اہلکاروں کو درگمولہ میں قائم فوجی اسپتال لیجایا گیا ہے۔ زخمی ہونے والے مزدوروں میں نوید احمد خان،جاوید احمد خان، اشفاق احمد خان ساکنان مارساری اور ارشاد احمد کٹاریہ ساکن تومنہ شامل ہیں جنہیں پہلے سب ضلع اسپتال کرالہ پورہ اور بعد میں ضلع اسپتال ہنداورہ لیجایا گیا۔

ترال معرکہ آرائی میں جاں بحق جنگجو البدر سے وابستہ تھا:پولیس

سرینگر//جنوبی کشمیر کے ترال علاقے میں جمعرات کی صبح جو جنگجو فورسز کے ساتھ معرکہ آرائی میں جاں بحق ہوا وہ البدر تنظیم سے وابستہ تھا۔ ایک سینئر پولیس آفیسر کا حوالہ دیتے ہوئے نیوز ایجنسی جی این ایس نے لکھا کہ عرفان احمد ڈار ساکن گڈی کل نامی یہ جنگجو معرکہ آرائی کے دوران ابتدائی فائرنگ میں ہی جاں بحق ہوگیا اور اس نے اسی سال20اگست کو جنگجوﺅں کی صف میں شمولیت اختیار کی تھی۔ مذکورہ پولیس آفیسر کا مزید کہنا تھا کہ ایک شہری کے ذریعے عرفان کو سرنڈر کرنے کی پیشکش کی گئی جو اس نے مسترد کی۔ اطلاعات کے مطابق فوج اور پولیس نے آج صبح مچہامہ نامی علاقے کا محاصرہ کرکے تلاشی آپریشن شروع کیا جس کے دوران ایک معرکہ آرائی میں عرفان نامی جنگجو جاں بحق ہوگیا۔

ملک میں86508 نئے کورونا متاثرین، تعداد5732519

نئی دلی// مرکزی وزارت برائے صحت اور خاندانی بہبود کی جانب سے جمعرات کو جاری اعدادوشمار کے مطابق گذشتہ 24 گھنٹوں کے دوران ملک میں کورونا کے 86508 نئے کیس سامنے آئے ، جس سے متاثرہ افراد کی مجموعی تعداد5732519 ہوگئی۔ وہیں اس مہلک وائرس کی وجہ سے 1129 مریضوں کی ہلاکت سے ہلاک شدگان کی تعداد 91،149 ہوگئی۔  دنیا بھر میں کورونا وائرس (کووڈ 19) وبا سے اب تک تقریبا 9.75 لاکھ افراد ہلاک ہوچکے ہیں ، جب کہ تقریبا 3.17 کروڑ افراد متاثر ہوئے ہیں۔ دنیا میں عالمی طاقت تصور کئے جانے والے امریکہ میں کورونا سے متاثرہ افراد کی تعداد6933548 تک پہنچ چکی ہے اور اب تک 201844افراد ہلاک ہو چکے ہیں۔  

دنیا میں کورونا وائرس سے 9.75 لاکھ اموات ، 3.17 کروڑ متاثر

واشنگٹن / ریو ڈی جنیرو / دنیا بھر میں کورونا وائرس (کووڈ 19) وبا سے اب تک تقریبا 9.75 لاکھ افراد ہلاک ہوچکے ہیں ، جب کہ تقریبا 3.17 کروڑ افراد متاثر ہوئے ہیں۔ جان ہاپکنز یونیورسٹی کے سینٹر برائے سائنس اور انجینئرنگ (سی ایس ایس ای) کی جانب سے جاری اعداد و شمار کے مطابق کورونا سے دنیا بھر میں31779835 افراد متاثر اور975104 افراد ہلاک ہوئے ہیں۔ دنیا میں عالمی طاقت تصور کئے جانے والے امریکہ میں کورونا سے متاثرہ افراد کی تعداد6933548 تک پہنچ چکی ہے اور اب تک 201844افراد ہلاک ہو چکے ہیں۔  

شمالی کشمیر کے لولاب میں حادثہ، نوجوان لقمہ اجل، دو دیگر زخمی

سرینگر//شمالی ضلع کپوارہ کے لولاب علاقے میں جمعرات کو ایک25سالہ نوجوان جاں بحق اور دو دیگر اُس وقت زخمی ہوگئے جب ایک ٹریکٹر، جس میں وہ سوار تھے اُلٹ گیا۔ نیوز ایجنسی جی این ایس کے مطابق یہ حادثہ لولاب کے تھاین کلاروس میں آج صبح پیش آیا۔  جاں بحق نوجوان کی شناخت فاروق احمد میر ولد غلام قادر میر ساکن تھاین کلاروس کے طور ہوئی ہے جبکہ زخمیوں میں 24سالہ منظور احمد ڈار ولد غلام سول ڈار اور بشیر احمد میر ولد محمد اکبر میر شامل ہیں جنہیں علاج و معالجہ کیلئے اسپتال پہنچایا گیا ہے۔  

وسطی کشمیر کے بڈگام میں جنگجویانہ حملے میں زخمی سی آر پی ایف اہلکار چل بسا

سری نگر// وسطی ضلع بڈگام کے بادی پورہ چاڈورہ میں جمعرات کی صبح جنگجوﺅں نے سینٹرل ریزرو پولیس فورس (سی آر پی ایف) کی ایک پارٹی پر حملہ کر کے ایک اہلکار کو ہلاک کر دیا۔ حملہ آور مہلوک اہلکار سے اس کی سروس رائفل بھی چھین کر لے گئے ہیں۔ سرکاری ذرائع نے بتایا کہ بادی پورہ چاڈورہ میں جمعرات کی صبح قریب پونے آٹھ بجے موٹر سائیکل پر سوار جنگجوﺅں نے 117 بٹالین سی آر پی ایف کے اہلکاروں کی طرف پہلے گرینیڈ پھینکا اور پھر اندھا دھند فائرنگ کی۔ اس حملے میں مذکورہ اہلکار زخمی ہوگیا اور اسے 92بیس اسپتال منتقل کیا گیا جہاں وہ بعد میں زخموں کی تاب نہ لاکر دم توڑ بیٹھا۔  

سرینگر کے مختلف مقامات پر این آئی اے کے تازہ چھاپے

سرینگر//قومی تحقیقای ایجنسی (این آئی اے ) نے جمعرات کی صبح سرینگر کے متعدد علاقوں میں چھاپے مارے۔ نیوز ایجنسی کے این او کے مطابق این آئی اے کے ہمراہ سی آر پی ایف اور پولیس اہلکار بھی تھے اور انہوں نے ظہور احمد بٹ ساکن وزیر باغ،بشیر احمد لون ساکن ہوکر سر، عارف احمد مسگر اور فضل حق ساکنان باغ سندر چھتہ بل کے مکانات پر چھاپے مارے۔بتایا جاتا ہے کہ مذکورہ سبھی شہری کراس ایل او سی تجارت کے ساتھ وابستہ رہے ہیں۔ یاد رہے کہ این آئی اے اور انفورسمنٹ ڈائریکٹوریٹ نے کم و بیش30 کشمیری تاجروں اور علیحدگی پسندوں کو گرفتار کر رکھا ہے اور ان پر جنگجوﺅں کی فنڈنگ کا الزام ہے۔ کراس ایل او سی تجارت مارچ2019سے معطل ہے۔  

وسطی کشمیر کے چاڈورہ میں جنگجو سی آر پی ایف اہلکار کو زخمی کرکے اس کی بندوق لیکر فرار

سرینگر//وسطی کشمیر میں ضلع بڈگام کے چاڈورہ علاقے میں جمعرات کی صبح جنگجوﺅں کے حملے میں ایک سی آر پی ایف اہلکار زخمی ہوگیا اور حملہ آور اُس کی بندوق چھین کر فرار ہوگئے۔ یہ واقعہ چاڈورہ کے کیسر ہامہ علاقے میں پیش آیا جس کے بعد فورسز کی بھاری جمعیت نے علاقے کو محاصرے میں لیکر تلاشی آپریشن شروع کیا۔  نیوز ایجنسی جی این ایس کے مطابق جنگجوﺅں نے سی آر پی ایف پارٹی کو حملے کا نشانہ بناکر ایک اہلکار کو زخمی کردیا۔اس موقع پر جنگجوﺅں نے مذکورہ اہلکار کی بندوق چھین لی اور راہ فرار اختیار کی۔ زخمی اہلکار کو 92بیس اسپتال منتقل کیا گیا ہے۔  

جنوبی کشمیر کے ترال میں معرکہ آرائی، ایک جنگجو جاں بحق،فورسزآپریشن جاری

سرینگر//جنوبی ضلع پلوامہ کے ترال علاقے میں جمعرات کی صبح ایک جنگجو اُس وقت جاں بحق ہوگیا جب جنگجوﺅں اور فورسز کے مابین معرکہ آرائی ہوئی۔یہ واقعہ ترال کے مچہامہ علاقے میں پیش آیا جہاں فورسز آپریشن جاری ہے۔ ذرائع کے مطابق جنگجوﺅں اور فورسز کے مابین معرکہ آرائی کے ابتدائی مرحلے پر ایک جنگجو جاں بحق ہوگیا جس کی شناخت ہونا ابھی باقی ہے۔ اس سے قبل فوج، پولیس اور سی آر پی ایف نے مچہامہ کو محاصرے میں لیکر تلاشی آپریشن شروع کیا جس کے دوران طرفین کا آمنا سامنا ہوا اور معرکہ آرائی شروع ہوگئی۔

اُوڑی بونیار میں12سالہ بچہ دریائے جہلم میں ڈوبنے کے بعد لاپتہ

اُوڑی//شمالی ضلع بارہمولہ کے اُوڑی میں بدھ کو ایک12سالہ بچہ دریائے جہلم میں ڈوب کر لاپتہ ہوگیا۔یہ واقعہ اُوڑی کے بونیار علاقے میں پیش آیا۔ جاں بحق بچے کی شناخت شاہد احمد ولد مرحوم نور محمد کنیال ساکن نوشہرا ،اُوڑی کے طور ہوئی ہے۔ ایک پولیس آفیسر نے بتایا کہ مذکورہ بچہ اپنے دوستوں کے ہمراہ نہا رہا تھا جس کے دوران وہ غرقآب ہوکر لاپتہ ہوگیا۔ ایس ڈی پی او اُوڑی جنید والی کے مطابق بچے کی تلاش جاری ہے۔  

راجیہ سبھا کی کاروائی کورونا وبا کے پیش نظر غیر معینہ مدت کے لئے ملتوی

نئی دہلی// کورونا کی وبا کی وجہ سے پیدا ہونے والی غیر معمولی صورتحال کے پیش نظر راجیہ سبھا کے 252 ویں اجلاس کی کارروائی بدھ کو مقررہ مدت سے قبل غیر معینہ مدت تک ملتوی کردی گئی۔ راجیہ سبھا کے چیئرمین ایم وینکیا نائیڈو نے مان سون اجلاس کی کارروائی غیر معینہ مدت تک ملتوی کرنے سے قبل اپنے اختتامی بیان میں کہا ہے کہ کورونا کی وبا کی وجہ سے پیدا ہونے والے غیر معمولی حالات کے پیش نظر ایوان کی کارروائی متعینہ مدت یکم اکتوبر سے پہلے آج ہی ملتوی کی جارہی ہے۔ سیشن کا آغاز 14 ستمبر کو خصوصی حفاظت اور صحت سے متعلق احتیاطی تدابیر کے ساتھ کیا گیا تھا۔  نائیڈو نے کہا کہ متعینہ شیڈول کے مطابق اس اجلاس میں ایوان کی 18 میٹنگیں ہونی تھیں لیکن صرف 10 میٹنگیں ہوسکی ہیں۔ انہوں نے اجلاس کی کاروائی پر اطمینان کا اظہار کیا لیکن ایوان میں حزب اختلاف کے رویے پر بھی تشویش کا اظہار کیا۔ انہوں نے امید ظ

تازہ ترین