ملک میں 926 پولیس اہلکاروں کوتمغے ، جموں کشمیر پولیس کو81بہادری کے میڈل

نئی دہلی// یوم آزادی کے موقع پر ملک بھر میں 926 پولیس اہلکاروں کو پولیس میڈل سے نوازا گیا ہے، جن میں سے 215 پولیس اہلکاروں کو بہادری کا میڈل، 80 اہلکاروں کوامتیازی کاموں کے لیے صدر جمہوریہ کا تمغہ اور 631 اہلکاروں کو خصوصی خدمات کے لیے صدرجمہوریہ کے تمغے کے لیے منتخب کیا گیا ہے۔ پولس اہلکاروں کے لیے میڈل کا اعلان جمعہ کو وزارت داخلہ نے کیا ۔ جموں وکشمیر پولس کو سب سے زیادہ 81 بہادری کے تمغے ملے ہیں، جبکہ سینٹرل ریزرو پولیس فورس کو 55 اور اترپردیش پولیس کو 23 ، دہلی پولیس کو 16 اور مہاراشٹر پولیس کو14 میڈل ملے ہیں۔ جھارکھنڈ پولیس 12 تمغے، آسام پولیس کو پانچ، چھتیس گڑھ اور اروناچل پردیش کی پولیس کو تین، تلنگانہ کو دو اور بارڈر سیکیورٹی فورس کو بہادری کا ایک تمغہ ملا ہے۔  

وسطی کشمیر کے بڈگام میں فوجی اہلکار کی خود کشی

سری نگر// وسطی ضلع بڈگام کے رنگریٹ علاقے میں جمعہ کی صبح ایک فوجی اہلکار نے مبینہ طور پر خود کشی کر کے اپنا کام تمام کر دیا۔ سرکاری ذرائع نے بتایا کہ اولڈ ایئر فیلڈ رنگریٹ میں ایک فوجی اہلکار نے اپنی ہی سروس رائفل سے اپنے آپ کو ہی نشانہ بنایا جس کے نتیجے میں اس کی بر سر موقع ہی موت واقع ہوئی۔ انہوں نے مہلوک فوجی اہلکار کی شناخت لانس نائیک اوم پرکاش کے طور کی ہے۔  

توہین عدالت معاملہ میں پرشانت بھوشن قصوروار قرار ، 20 اگست کوسزا کا اعلان

نئی دہلی// سپریم کورٹ نے جمعہ کو چیف جسٹس شرد اروند بوبڈے اور چار سابق چیف جسٹس کے خلاف توہین آمیز ریمارکس معاملہ میں معروف وکیل پرشانت بھوشن کو قصور وار قرار دیا۔ جسٹس ارون مشرا ، جسٹس بی آر گوئی اور جسٹس کرشن مراری پر مشتمل ڈویڑن بنچ نے اپنا حکم سنایا کہ بھوشن کو توہین عدالت کا قصوروار قرار دیا جاتا ہے۔ بنچ کی جانب سے جسٹس گوئی نے ایک مختصر حکم سناتے ہوئے کہا ” بھوشن کو توہین عدالت کا مرتکب پایا گیا ہے۔ عدالت 20 اگست کو ان کی سزا سنائے گی“۔ یاد رہے کہ بنچ نے 5 اگست کو اپنا فیصلہ محفوظ کر رکھ لیا تھا۔ عدالت نے ٹوئٹر پر بھوشن کے دو توہین آمیز ریمارکس پر 9 جولائی کو توہین عدالت کا معاملہ دائر کیا تھا اور 22 جولائی کو انہیں نوٹس جاری کیا تھا۔ ٹوئٹر نے اس معاملہ سے اپنا دامن بچاتے ہوئے بھوشن کے قابل اعتراض ٹوئٹس کو ہٹادیا تھا اور عدالت سے معافی مانگ لی تھی۔  پ

کپوارہ میں ایل او سی پر گولہ باری، کسی جانی یا مالی نقصان کی اطلاع نہیں

سری نگر// شمالی کشمیر میں ضلع کپوارہ کے کیرن سیکٹر میں لائن آف کنٹرول پر گذشتہ شب ہندوستان اور پاکستان کی فوج کے درمیان گولہ باری کا تبادلہ ہوا تاہم کسی جانی یا مالی نقصان کی کوئی اطلاع نہیں ہے۔ یاد رہے کہ کپوارہ کے ٹنگڈار سیکٹر میں ایل او سی پر 6 اگست کو طرفین کے درمیان گولہ باری کے نتیجے میں دو شہری ہلاک جبکہ چار زخمی ہوئے تھے۔ سرکاری ذرائع نے بتایا کہ کپوارہ کے کیرن سیکٹر میں ایل او سی گذشتہ شب پاکستانی فوج نے بھارت کی اگلی چوکیوں کو نشانہ بنا کر گولہ باری کی۔ انہوں نے کہا کہ پاکستانی گولہ باری سے متصل دیہات میں خوف وہراس پھیل گیا کیونکہ کچھ گولے پنز گام علاقے میں بھی گر گئے۔ ذرائع نے بتایا کہ لوگ رات کو سونے کی تیاریاں کر ہی رہے تھے کہ گولہ باری شروع ہوئی اور لوگوں نے گھر بار چھوڑ کر محفوظ مقامات میں پناہ لی۔ انہوں نے کہا کہ تاہم کسی بھی جانب کسی جانی یا مالی نق

نوگام حملہ جیش نے کیا:آئی جی کشمیر

سرینگر//پولیس کے انسپکٹر جنرل برائے کشمیر، وجے کمار نے جمعہ کو جنگجو تنظیم جیش محمد کو سرینگر نوگام حملے میں ملوث قرار دیا۔اس حملے میں دو پولیس اہلکار ہلاک اور ایک زخمی ہوگیا۔ نامہ نگاروں کے ساتھ بات کرتے ہوئے آئی جی کشمیر نے کہا کہ نوگام حملہ جیش سے وابستہ جنگجوﺅں نے کیا۔  آئی جی نے کہا” ملوث جنگجوﺅں کی شناخت کی گئی ہے“۔ نوگام میں جنگجوﺅں کا حملہ ایک ایسے وقت پر ہوا جب شہر سرینگر کے ساتھ ساتھ پوری وادی میں15اگست کے سلسلے میں سیکورٹی ہائی الرٹ پر ہے۔  

ملک میں کورونا وائرس کے 64553نئے کیس ، 1007 اموات

نئی دہلی// ملک میں کورونا انفیکشن کے تیزی سے بڑھتے ہوئے قہر کے درمیان گذشتہ 24 گھنٹوں کے دوران 64 ہزار سے زائد نئے کیس سامنے آئے اور 1007 افراد کی موت ہوگئی ۔ وزارت برائے صحت اور خاندانی بہبود کی جانب سے جمعہ کے روز جاری اعداد و شمار کے مطابق ایک ہی دن میں کورونا وائرس کے 64553کیس سامنے آنے سے متاثرین کی تعداد2461191 ہوگئی ، وہیں اس دوران 1007 افراد کی موت ہونے سے اموات کی تعداد 48040ہوگئی ہے تاہم راحت کی بات یہ ہے کہ ایک ہی دن میں 55573افراد کے صحت یاب ہونے سے اس وبا سے صحت یاب ہونے والوں کی تعداد 1751556پر پہنچ گئی۔  

سرینگر نوگام میں پولیس پارٹی پر جنگجوﺅں کا حملہ، 2اہلکار زخمی

سرینگر//مشتبہ جنگجوﺅں نے جمعہ کی صبح سرینگر کے نوگام علاقے میں پولیس پارٹی پر حملہ کیا جس کے نتیجے میں دو اہلکار زخمی ہوگئے۔ یہ واقعہ نوگام بائی پاس کے نزدیک پیش آیا جس میں نیوز ایجنسی جی این ایس کے مطابق دو پولیس اہلکار زخمی ہوگئے۔ زخمی اہلکاروں کو اسپتال پہنچایا گیا ہے۔ ذرائع کے مطابق فورسز نے واقعہ کے فوراً بعد علاقے کو محاصرے میں لیکر تلاشی آپریشن شروع کیا ہے۔  

کورونا وائرس کے نئے536کیس،سرینگر میں سب سے زیادہ144

سرینگر//جموں کشمیر میں جمعرات کے روز کورونا وائرس میں مبتلاءمزید536کیس سامنے آئے۔ان میں124مسافر بھی شامل ہیں۔اس طرح مرکز کے زیر انتظام علاقے میں کورونا متاثرین کی مجموعی تعداد26949تک پہنچ گئی ہے۔ حکام کے مطابق آج وادی کشمیر میں438جبکہ صوبہ جموں میں98کیس سامنے آئے۔ سرکاری ذرائع نے کہا کہ آج بھی سرینگر میں سب سے زیادہ یعنی144کورونا کیس سامنے آئے جبکہ بارہمولہ میں46،پلوامہ میں33،کولگام میں14،شوپیان میں8،اننت ناگ میں16،بڈگام میں36،کپوارہ میں46،بانڈی پورہ میں54،گاندر بل میں41،جموں ضلع میں49،راجوری میں3،رام بن میں3،کٹھوعہ میں10،اُدھمپور میں1،سانبہ میں8،ڈوڈہ میں3،پونچھ میں5،ریاسی میں 15اورکشتواڑ ضلع میں1کیس ظاہر ہوا۔ سرینگر ضلع میں ابھی تک سب سے زیادہ 6577کورونا کیس سامنے آئے ہیں۔اس کے بعد بارہمولہ میں2303،پلوامہ میں1983،کولگام میں1674،بڈگام میں1677،شوپیان میں1545،اننت ناگ میں1680

پانپور کے نزدیک سڑک حادثہ،2افراد جاں بحق،2زخمی

سرینگر//سڑک کے ایک حادثے میں جمعرات کو پانپور کے نزدیک دو افراد جاں بحق جبکہ دیگر دو زخمی ہوگئے۔ اطلاعات کے مطابق یہ حادثہ اُس وقت پیش آیا جب شاہراہ پر ایک کار گالندر کے قریب ایک ڈھونے والی گاڑی (ڈمپر گاڑی) کے نیچے آگئی۔ ایس ایس پی اونتی پورہ طاہر سلیم کے مطابق کار میں سوار دو افراد موقعہ پر ہی جاں بحق ہوگئے جن میں سے ایک کی پہچان راجا احمد ولد جمیل احمد ساکن ریاسی کے طور ہوئی ہے۔دوسرے جاں بحق شخص کی شناخت فوری طور پر نہیں ہوسکی۔ زخمی افراد میں 25سالہ رفاقت احمد ولد بشیر احمد چاچی ساکن ڈانگر پورہ، نور پورہ اونتی پورہ اور مشتاق احمد کھانڈے ولد محمد رمضان ساکن تازی پورہ محمد پورہ کولگام شامل ہیں۔  

انڈر سیکریٹری عہدے کے اُوپر سبھی افسران کیلئے یوم آزادی تقاریب میں شمولیت لازم

سرینگر//جموں کشمیر حکومت نے جمعرات کو انڈر سیکریٹری عہدے کے اُوپر سبھی افسران کو ہدایت دی کہ وہ سرینگر اور جموں میں منعقد ہونے والی یوم آزادی کی تقاریب میںاپنی شمولیت کو یقینی بنائیں۔ نیوز ایجنسی جی این ایس کے مطابق اس سلسلے میں ایک سرکیولر جاری کیا گیا ہے جس میں بتایا گیا ہے ”یوم آزادی ایک اہم قومی تقریب ہے ۔یہ ہر سرکاری ملازم کا فرض ہے کہ وہ15اگست کے روز منعقد ہونے والی تقریب میں شامل رہے کیونکہ یہ دن ہمارے دیس کی تاریخ میں اہمیت رکھتا ہے“۔ سرکیولر کے مطابق”مرکزی زیر انتظام علاقے میں انڈر سیکریٹری عہدے کے سبھی افسران جو سرینگر میں ہیں یا جموں میں، کو چاہئے کہ وہ شیر کشمیر کرکٹ سٹیڈیم سرینگر یا پریڈ گراونڈ جموں میں اپنی حاضری کو اپنا فرض سمجھ لیں“۔ سرکیولر کے مطابق غیر حاضر رہنے والے کو اپنے سے بڑے افسر سے باضابطہ رخصت لینی ہوگی۔سبھی انتظامی سیک

جموں میں فیس بک پر فحش تصاویر بھیجنے والا گرفتار

جموں// جموں سائبر پولیس نے ایک خاتون کو فیس بک پر فحش تصاویر بھیجنے کی پاداش میں ایک شخص کو گرفتار کر لیا ہے۔ ایس پی آپریشنز اور سائبر سیل کے انچارج نریش سنگھ نے کہا کہ جموں سے تعلق رکھنے والی ایک خاتون نے سائبر پولیس اسٹیشن جموں میں ایک تحریری شکایت درج کی جس میں کہا گیا کہ فیس بک پر ایک نامعلوم خاتون کے نام سے چلنے والے ایک فیس اکاو¿نٹ ہولڈر کے ساتھ اُس کی دوستی ہوئی لیکن اس اکاو¿نٹ کو چلانے والے نے بعد میں انکشاف کیا کہ وہ خاتون نہیں بلکہ ایک مرد ہے اور اس کے ساتھ ہی اس نے بے ہودہ تبصرے اور فحش تصاویر بھیجنا شروع کیں۔ انہوں نے کہا کہ شکایات کی بنیاد پر کیس درج کر کے تحقیقات شروع کی گئی اور اس دوران دونوں کے الیکٹرانک اور فزیکل ڈاٹا کو جمع کیا۔  

ایک دن میں ریکارڈ66999 کورونا کیس ، ملک میں 942 اموات

نئی دہلی// ملک میں کورونا وائرس کی خوفناک صورتحال کے درمیان گذشتہ 24 گھنٹوں کے دوران 66 ہزار سے زائد نئے کیس سامنے آئے ہیں ، وہیں سب سے زیادہ 56383افراد اس وبا سے صحت باب ہوئے ہیں۔ مرکزی وزارت برائے صحت و خاندانی بہبود کی جاب سے جمعرات کے روز جاری اعداد و شمار کے مطابق ایک دن میں سب سے زائد 66999کورونا کے کیس سامنے آنے سے متاثرین کی تعداد بڑھ کر 2396638ہوگئی ہے۔  راحت کی بات ہے یہ ہے کہ اس دوران ایک ہی دن میں سب سے زیادہ 56383افراد کے صحت یاب ہونے سے صحت یاب ہونے والوں کی تعداد 1695982لاکھ ہوگئی۔  گزشتہ 24 گھنٹوں کے دوران 942 افراد کی ہلاکت سے ہلاکتوں کی تعداد 47033تک پہنچ گئی ہے۔ اس دوران ملک میں ایکٹو کیسز 9،674 بڑھ کر 6،53،622 ہو گئے ہیں۔ ملک میں اب ایکٹو کیسز 27.27 فیصد ، صحت یابی کی شرح 70.77 فیصد اور شرح اموات 1.96 فیصد ہے۔  

کرناہ سیکٹرمیں کراس ایل او سی فائرنگ میں زخمی شہری چل بسا

سرینگر//ضلع کپوارہ کے کرناہ علاقے میں ایک ہفتہ قبل کراس ایل او سی فائرنگ کے نتیجے میں زخمی شہری جمعرات کو زخموں کی تاب نہ لاکر سرینگر کے ایک اسپتال میںدم توڑ بیٹھا۔ حکام کے مطابق 60سالہ شہری کرناہ سیکٹرکے باغبالہ کچاڈیاں میں ہند۔پاک افواج کے درمیان ہوئی گولہ باری میں گذشتہ جمعہ کو زخمی ہوا تھا۔ حکام نے مذکورہ شہری کی شناخت محمد یعقوب ولد برکت اللہ میر کے طور کرتے ہوئے کہا کہ اُس کے علاوہ مذکورہ کراس ایل او سی فائرنگ کے واقعہ میں مزید دو شہری بھی زخمی ہوئے تھے۔ جن میں سے ایک اسپتال لیجاتے ہوئے دم توڑ بیٹھا تھا۔  مذکورہ شہری سکمز صورہ میں زیر علاج تھا جہاں اُس نے آج صبح آخری سانس لی۔  

جنوبی کشمیر کے اونتی پورہ میں لشکر طیبہ کی دو کمین گاہیں تباہ:پولیس

سرینگر//جموں کشمیر پولیس نے جمعرات کو دعویٰ کیا کہ اُنہوں نے جنوبی کشمیر میں اونتی پورہ علاقے میں لشکر طیبہ سے وابستہ جنگجوﺅں کی دو کمین گاہوں کا پتہ لگاکر اُنہیں تباہ کیا۔ پولیس ترجمان نے ایک بیان میں کہا کہ پولیس اور فوج نے گذشتہ رات بدرو اور بارسو کے جنگلی علاقے میں مشترکہ تلاشی آپریشن انجام دیا۔یہ آپریشن علاقے میں لشکر جنگجوﺅں کی موجودگی کی اطلاع کے بعد شروع کئے گئے تھے۔ ترجمان نے کہا کہ آپریشنوں کے دوران آج علی الصبح لشکر کمین گاہوں کا پتہ لگاکر ان کو تباہ کیا گیا۔مذکورہ کمین گاہوں سے قابل اعتراض چیزیں اور دھماکہ خیز مواد کے علاوہ اسلحہ بھی بر آمد کیا گیا۔برآمد کی گئی چیزوں میں 1918گولیاں،2گرینیڈ،یو بی جی ایل تھرور،4یو بی جی ایل گرینیڈ،جیلی ٹن ،پائب بم، کوڈ شیٹ شامل ہیں۔ اس سلسلے میں زیر نمبر106ایف آئی آر درج کرکے تحقیقات شروع کی گئی ہے۔  

دنیا بھر میں 2کروڑ سے زائد افراد کورونا وائرس سے متاثر: ڈبلیو ایچ او

سرینگر//عالمی ادارہ صحت( ڈبلیو ایچ او) نے بتایا ہے کہ گذشتہ 24 گھنٹوں کے دوران دنیا بھر میں عالمی وبا کورونا وائرس کے 214985نئے کیسوں کی تصدیق ہونے کے بعد کورونا کی گرفت میں آئے لوگوں کی تعداد دو کروڑ سے تجاوز کرگئی ہے۔ ڈبلیو ایچ او نے گذشتہ روزیہ اطلاع فراہم کرتے ہوئے بتایا کہ دنیا بھر میں اب تک 20162474افراد کورونا وائرس سے متاثر ہو چکے ہیں اور اس دوران ہلاک شدگان کی تعداد 737417 ہوگئی ہے۔ واضح ر ہے کہ ڈبلیو ایچ او نے 11 مارچ کو کورونا وائرس کو عالمی وبا قرار دے دیا تھا۔ کورونا وائرس سے دنیا میں سب سے زائد متاثرامریکہ ہے جبکہ دوسرے مقام پر برازیل اور تیسرے مقام پر ہندوستان ہے۔  

سوپور میں فوج کی گشتی پارٹی پر جنگجوﺅں کا حملہ،اہلکار زخمی

سرینگر// شمالی کشمیر کے سوپور میں بدھ کے روز جنگجوﺅں نے فوج کی ایک گشتی پارٹی پر گولیاں چلائیں۔یہ واقعہ ہائیگام علاقے میں پیش آیا جس کے نتیجے میں ایک فوجی اہلکار زخمی ہوگیا۔ حکام نے تاہم فوجی اہلکار کے زخمی ہونے کی تصدیق نہیں کی ہے  اطلاعات کے مطابق مذکورہ گشتی پارٹی کا تعلق فوج کی 52آر آر سے تھا۔ اطلاعات کے مطابق فورسز نے واقعہ کے بعد علاقے کو محاصرے میں لیکر تلاشی آپریشن شروع کیا ہے۔ مزید تفصیلات کا انتظار ہے۔

ملک میں کورونا وائرس کے60963متاثرین کا اضافہ

نئی دہلی// ملک میں کورونا وائرس کے بڑھتے قہرکے درمیان اس جان لیوا وبا سے شفایابی حاصل کرنے والوں کی تعداد میں بھی تیزی سے اضافہ ہورہا ہے اور گذشتہ 24 گھنٹوں کے دوران 56 ہزار سے زیادہ افراد کی شفایابی کے بعد اب تک تقریبا 16.40 لاکھ صحت مند ہوئے ہیں۔  بدھ کے روز صحت اور خاندانی بہبود کی مرکزی وزارت کی جانب سے جاری تازہ ترین اعداد و شمار کے مطابق گذشتہ 24 گھنٹوں میں 56110افراد جان لیوا وائرس سے شفا یاب ہوئے ہیں جس سے صحت مند افراد کی مجموعی تعداد 1639600ہوگئی ہے۔  اسی عرصہ کے دوران60963افراد جان لیوا وبا کی زد میں آئے ہیں ، جس سے متاثرہ افراد کی مجموعی تعداد 663948ہوچکی ہے اور834 اموات سے ہلاک شدگان کی مجموعی تعداد 46091ہوگئی ہے۔  

پلوامہ تصادم میں حزب کمانڈر آزاد لیلہ ہاری جاں بحق:پولیس سربراہ

سرینگر//ڈائریکٹر جنرل پولیس دلباغ سنگھ نے بدھ کو بتایا کہ پلوامہ میں تصادم میں جو جنگجو جاں بحق ہوگیا وہ حزب المجاہدین کا ایک کمانڈر ، آزاد لیلہ ہاری تھا۔ نیوز ایجنسی جی این ایس کے مطابق دلباغ سنگھ نے کہا کہ آزاد لیلہ ہاری پولیس کانسٹیبل انوپ سنگھ کی ہلاکت میں ملوث تھا جس کو22مئی2020کے روز پرژھو پلوامہ میں ہلاک کیا گیا۔ انہوں نے کہا کہ آزاد پہلے پی ایس اے کے تحت گرفتار بھی تھا اور وہ جنگجوﺅں کا بالائے زمین کارکن بھی رہا ہے۔  یاد رہے کہ کامرازی پورہ پلوامہ میں آج صبح ایک مختصر تصادم میں ایک فوجی اہلکار بھی ہلاک ہوگیا۔  

شمالی کشمیر کے حاجن میں لشکر جنگجو گرفتار

سرینگر//سیکورٹی فورسز نے بدھ کو شمالی کشمیر میں بانڈی پورہ ضلع کے حاجن میں لشکر طیبہ سے وابستہ ایک جنگجو کو گرفتار کیا۔ نیوز ایجنسی جی این ایس کے مطابق 13آر آر سے وابستہ فوج اور پولیس اہلکاروں نے لشکر سے وابستہ جنگجو کی گرفتاری عمل میں لائی۔ گرفتار جنگجو کی شناخت جہانگر عرف عاقب ساکن کرالہ گنڈ ہندوارہ کے طور ہوئی ہے۔

پلوامہ میں فائرنگ کی جگہ سے جنگجو کی لاش بر آمد

سرینگر//جنوبی ضلع پلوامہ میں اُس مقام سے ایک جنگجو کی لاش بر آمد ہوئی ہے جہاں بدھ کی صبح فورسز اور جنگجوﺅں کے درمیان گولیوں کا تبادلہ ہوا تھا۔ یہ واقعہ ضلع کے کامرازی پورہ علاقے میں پیش آیا اور اس میں ایک فوجی اہلکار ہلاک جبکہ دوسرا زخمی ہوگیا۔ جاں بحق جنگجو کی شناخت تاہم فوری طور پر معلوم نہیں ہوئی ہے۔ نیوز ایجنسی جی این ایس کے مطابق آخری اطلاعات موصول ہونے تک علاقے میں فورسز آپریشن جاری تھا۔   اس سے قبل کامرازی پورہ میں فورسز کے تلاشی آپریشن کے دوران جنگجوﺅں اورفورسز کے درمیان گولیوں کا تبادلہ ہوا۔  

تازہ ترین