تازہ ترین

پائین شہر میں کمین گاہ بر آمد کرنے کا دعویٰ

سرینگر //پولیس نے منگل کے روز جنوبی کشمیر کے ضلع پلوامہ سے گرفتار دو زیر زمین کارکنوں (او جی ڈبلیو) کے انکشاف کے بعد شہر سرینگر کے راجوری کدل علاقے میں عسکریت پسندوں کے ٹھکانے کا پردہ فاش کرنے کا دعویٰ کیا ہے۔   پولیس کے ایک ترجمان نے آج صبح ٹویٹ کیا کہ او جی ڈبلیو جوڑی کو مشترکہ طور پر سرینگر پولیس ، پلوامہ پولیس اور 50 آر آر نے گرفتار کیا ، پولیس کی پوچھ گچھ پر انکشاف ہوا کہ انھیں لشکر طیبہ کے کمانڈر ریاض ستھر گنڈ نے شہر کے علاقے میں ٹھکانہ بنانے کے لیے کہا تھا۔   پولیس نے بتایا کہ خفیہ اطلاع کے بعد ، سرینگر پولیس نے سی آر پی ایف کے ساتھ مل کر ایک محاصرہ شروع کیا اور اس علاقے میں ٹھکانہ دریافت کیا گیا۔   پولیس نے مزید کہا  "تاہم یہ خالی تھا اور گھر کے مالک سے پوچھ گچھ کی جا رہی ہے۔ مزید تفتیش جاری ہے۔"  

سپریم کورٹ میں پیگاسس جاسوسی معاملہ کی سماعت 13 ستمبر تک ملتوی

نئی دہلی // سپریم کورٹ نے مبینہ پیگاسس جاسوسی معاملہ کی عدالت کی نگرانی میں خصوصی تحقیقات سے متعلق درخواستوں کی سماعت منگل 13 ستمبر تک کیلئے ملتوی کر دی۔ چیف جسٹس این وی رمن ، جسٹس سوریہ کانت اور جسٹس اے ایس بوپنا کی ڈویژن بنچ نے مرکزی حکومت کی جانب سے پیش ہونے والے سالیسیٹر جنرل تشار مہتا کی درخواست پر سماعت 13 ستمبر تک ملتوی کرنے کا فیصلہ کیا۔ سماعت کے دوران مہتا نے کہا کہ انہیں اضافی حلف نامے کے لیے کچھ اور وقت درکار ہے کیونکہ وہ کسی وجہ سے متعلقہ افسران سے نہیں مل سکے ہیں۔  

مجھے ایک بار پھر خانہ نظر بند رکھا گیاہے : محبوبہ مفتی

سری نگر//پی ڈی پی صدر اور سابق وزیر اعلیٰ محبوبہ مفتی نے کہا ہے ” حکومت ہند ایک طرف افغان عوام کے حقوق کے بارے میں فکر مندی کا اظہار کرتی ہے جبکہ دوسری طرف کشمیریوں کو حقوق سے جان بوجھ کر محروم رکھا جا رہا ہے“۔ ان کا ساتھ ہی کہنا تھا ” مجھے آج ایک بار پھر خانہ نظر بند رکھا گیا ہے“۔ موصوفہ نے یہ باتیں منگل کے روز اپنے ایک ٹویٹ میں کہیں۔ ان کا ٹویٹ میں کہنا تھا: ’حکومت ہند ایک طرف افغان عوام کے حقوق کے بارے میں فکر مندی کا اظہار کرتی ہے جبکہ دوسری طرف کشمیریوں کو جان بوجھ کر ان حقوق سے محروم رکھ رہی ہے‘۔ انہوں نے ٹویٹ میں مزید کہا: ’مجھے آج ایک بار پھر خانہ نظر بند رکھا گیا کیونکہ انتظامیہ کے بقول کشمیر میں حالات نارمل نہیں ہیں۔ اس سے ان کے نارملسی کے جعلی دعوے بے نقاب ہوگئے‘۔  

ملک میں کورونا وائرس کے 31222 نئے کیس اور 290 مریضوں کی موت

نئی دہلی // گزشتہ 24 گھنٹوں کے دوران ملک میں ہلاکت خیز کورونا وائرس کے 31222 نئے کیسرپورٹ، 42942 افرادجان لیوا وبا سے شفایاب اور 290 مزید لوگوں نے اس وبا کی وجہ سے اپنی جانیں گنوائیں۔ نئے کیسز سے زیادہ صحت یاب ہونے والے افراد کی تعداد کے سبب ایکٹیو کیسز میں کمی آئی ہے۔ پیر کے روز ملک میں ایک کروڑ 13 لاکھ 53 ہزار 571 افراد کو کورونا کی ویکسین دی گئی۔ اب تک 69 کروڑ 90 لاکھ 62 ہزار 776 افراد کو ویکسین دی جا چکی ہے۔ مرکزی وزارت صحت کی جانب سے منگل کی صبح جاری کردہ تازہ ترین اعداد و شمار کے مطابق گزشتہ 24 گھنٹوں میں کورونا کے 31222 نئے کیسز کی رپورٹ کے ساتھ ملک متاثرین کی تعداد تین کروڑ 30 لاکھ 58 ہزار 843 ہو گئی ہے۔ اسی دوران 42942 مریضوں کی شفا یابی کے بعد اس وبا کو شکست دینے والے افراد کی مجموعی تعداد تین کروڑ 22 لاکھ 24 ہزار 937 ہو گئی ہے۔ اسی عرصے میں ایکٹیو کیسز12010 سے گھ

کشمیر میں پانچ روز بعد ٹرین سروس بحال

سری نگر// وادی کشمیر میں منگل کو پانچ روز بعد ریل سروس بحال ہوگئی۔ واضح رہے کہ بزرگ حریت لیڈر سید علی گیلانی کے یکم ستمبر کی شام حیدر پورہ میں واقع اپنی رہائش گاہ پر انتقال کے پیش نظر وادی میں احتیاطی طور پر ٹرین سروس کو بند کر دیا گیا تھا۔ ریلوے ذرائع نے بتایا کہ منگل کے روز وادی میں تمام ٹریکوں پر ریل سروس بحال ہوئی ہے۔ انہوں نے کہا کہ بڈگام – سری نگر تا بارہمولہ ٹریک پر بھی ٹرین سروس بحال ہوئی ہے اور بڈگام تا بانیہال ٹریک پر بھی سروس بحال ہوئی ہے۔ ان کا کہنا تھا کہ ٹرین سروس کو بحال کرنے کا فیصلہ پولیس اور صوبائی انتظامیہ کی کلیئرنس کے بعد ہی لیا گیا ہے۔ ادھر وادی کے دو اضلاع سری نگر اور بڈگام میں منگل کو مسلسل چھٹے روز بھی موبائل انٹرنیٹ خدمات بند رہیں۔ کشمیر زون پولیس کے انسپکٹر جنرل وجے کمار کا کہنا ہے کہ ان دو اضلاع میں موبائل انٹرنیٹ کی بحالی کے با

رام بن میں دو مال بردار گاڑیوں کی ٹکر،ایک شخص جاں بحق، دو زخمی

بانہال//ضلع رام بن میں بیٹری چشمہ کے نزدیک منگل کی صبح جموں سے سرینگر کی طرف آنے والے دو مال بردار گاڑیوںکے آپس میں ٹکرانے کے نتیجے میں ایک شخص کی موت واقع ہوگئی جبکہ اس حادثے کے نتیجے میں دو افراد زخمی ہوگئے۔ بتایا جاتا ہے کہ ٹکرانے کے بعد دونوں گاڑیاں سرینگر۔جموں شاہراہ سے لڑھک کر کم از کم تین سو فٹ گہری کھائی میں جاگریں۔ اس حادثے میںایک شخص کی موت واقع ہوگئی جبکہ دو دیگر زخمی ہوگئے جو ضلع ہسپتال رام بن میں زیر علاج ہیں۔  

افغانستان میں حکومت سازی کی تیاریاں مکمل: طالبان

کابل//طالبان نے کہا ہے کہ افغانستان میں نئی حکومت کے قیام کا اعلان کرنے کے لیے تیاریاں مکمل کرلی گئی ہیں۔ طالبان کے ترجمان احمد اللہ متقی نے یہ اطلاع دی۔  انہوں نے ٹوئٹر پر لکھا ”اسلامی حکومت کے اعلان کی تیاریاں مکمل ہیں۔ حکومت سازی کا اعلان جلد کیا جائے گا“۔ اس سے قبل طالبان کے ترجمان ذبیح اللہ مجاہد نے کہا تھا کہ تکنیکی ایشوزکو چھوڑ کرافغانستان میں حکومت سازی کے بارے میں فیصلہ کا عمل مکمل ہو گیا ہے۔  

راجوری میں منشیات فروش کے گھر سے بھاری نقدی رقم برآمد: پولیس

جموں// جموں و کشمیر پولیس نے پنجاب پولیس کی مدد سے ضلع راجوری کے نوشہرہ علاقے میں ایک منشیات فروش کے گھر سے ساڑھے انتیس لاکھ روپے نقدی برآمد کئے ہیں۔ پولیس ذرائع نے بتایا کہ جموں و کشمیر پولیس اور پنجاب پولیس کی ایک مشترکہ ٹیم نے اتوار کی رات ضلع راجوری کے نوشہرہ علاقے میں کئی مقامات پر چھاپے ڈالے۔ انہوں نے کہا کہ چھاپوں کے دوران ایک منشیات فروش کے گھرسے ساڑھے انتیس لاکھ روپے نقدی برآمد کئے گئے۔  

طالبان کا پنج شیر میں فتح کے بعد مکمل قبضے کا دعویٰ

کابل// افغانستان پرحکومت کرنے والی تنظیم طالبان نے پیر کو شمال مشرقی صوبہ پنج شیر میں مزاحمتی فورسیز پر فتح کا اعلان کرتے ہوئے کہا کہ پورے صوبہ پر قبضہ کر لیا گیا ہے۔ طالبان کے ترجمان ذبیح اللہ مجاہد نے ایک ٹویٹ میں کہا ”کرائے کے دشمنوں کا آخری گڑھ صوبہ پنج شیر مکمل طور پر فتح کرلیا گیا ہے۔ ترجمان نے طالبان اور مزاحمتی گروپ کے درمیان رات بھرجاری شدید لڑائی کے بعد صوبے پر قبضے کرنے کا دعویٰ کیا ۔  

ملک میں کورونا وائرس کے 38948 نئے کیس، 219 اموات

سرینگر//گزشتہ 24 گھنٹوں کے دوران بھارت میں کورونا وائرس کے 38948 نئے کیسوں کی تصدیق ہوئی ہے۔ اس دوران 219 اموات بھی ہوئیں جس کے بعد اموات کی مجموعی تعداد 440752 تک پہنچ گئی ہے۔ دریں اثناءملک میں جان لیوا اور ہلاکت خیز کورونا وائرس سے صحت یاب ہونے والوں کی تعداد نئے کیسز سے زیادہ تھی اور اس دوران 44 ہزار لوگوں نے اس وبا کو شکست دی۔ اتوار کو ملک میں 25 لاکھ 23 ہزار 89 افراد کو کورونا کی ویکسین دی گئی۔ اب تک 68 کروڑ 75 لاکھ 41 ہزار 768 افراد کو ویکسین دی جا چکی ہے۔  

افغانستان:پنج شیر مزاحمتی محاذ کا ترجمان طالبان کے ساتھ لڑائی کے دوران ہلاک

کابل//پنج شیر مزاحمتی محاذ کے ترجمان فہیم دشتی طالبان کے ساتھ لڑائی کے دوران مارے گئے ہیں۔ افغان خبر رساں ایجنسی خامہ پریس نے پیر کی صبح اپنی رپورٹ میں یہ اطلاع دی۔  مزاحمتی محاذ کے قریبی ذرائع نے بتایا کہ”پنج شیر مزاحمتی محاذ کے ترجمان فہیم دشتی طالبان کے ساتھ لڑائی میں مارے گئے ہیں ‘ ‘۔ بعد ازاں قومی مزاحمتی محاذ نے بھی کمانڈر عبدالودود زارا کے ساتھ دشتی کی موت کی باضابطہ تصدیق کی۔  

غیر سبسڈی رسوئی گیس سلنڈرکی قیمت میں 25 روپے کا اضافہ

نئی دہلی// حکومت نے ستمبر کے پہلے ہی دن ایک بار پھر بغیر سبسڈی والے ایل پی جی سلنڈر کی قیمت میں 25 روپے فی سلنڈر کا اضافہ کر دیا ہے۔ انڈین آئل کارپوریشن لمیٹڈ (آئی او سی ایل) نے بدھ کے روز بغیر سبسڈی والے 14.2 کلو ایل پی جی سلنڈر کی قیمت میں 25 روپے کا اضافہ کیا۔ اس کی وجہ سے دہلی میں بغیر سبسڈی والے ایل پی جی سلنڈر کی قیمت بڑھ کر 884.5 روپے فی سلنڈر ہوگئی ہے۔  

سینسیکس عروج پر پہنچنے کے بعد زوال کا شکار ، نفٹی میں بھی گراوٹ

ممبئی // غیر ملکی بازاروں میں جاری تیزی کے باوجود مقامی سطح پر اگست میں پروڈکشن میں سرگرمیاں سست پڑنے سے ناامید سرمایہ کاروں کے اونچی قیمتوں میں شیئروں کو فروخت کرنے سے بدھ کے روز سنسیکس 214.18 پوائنٹس گر کر ایک بار پھر عروج سے نیچے چلا گیا۔ اور نفٹی بھی چوٹی سے پھسل گئی بی ایس ای کا 30 حصص والا انڈیکس 214.18 پوائنٹس گر کر 57338.21 پر آگیا لیکن 57 ہزار سے اوپر رہنے میں کامیاب رہا۔ اسی طرح ، نیشنل اسٹاک ایکسچینج (این ایس ای) کا نفٹی بھی 55.95 پوائنٹس کی گراوٹ سے 17076.25 پوائنٹس پر آگیا۔ بڑی کمپنیوں کے برعکس ، چھوٹی اور درمیانی درجے کی کمپنیوں میں مضبوط خریداری رہی۔ اس دوران بی ایس ای مڈ کیپ 219.15 چھلانگ لگا کر 24072.58 تک پہنچ گیا۔ اسی طرح اسمال کیپ 59.95 پوائنٹس کے اضافے سے 26979.89 پوائنٹس رہا۔ بی ایس ای میں مجموعی طور پر 3330 کمپنیوں کا کاروبار ہوا جن میں سے 1513 فائدہ میں

ضلع پونچھ میں ریچھ کے حملے میں خاتون شدید زخمی

پونچھ // ضلع پونچھ کے ساوجیاں گھڑیاںعلاقے میں بدھ کو ریچھ کے حملے میں ایک خاتون شدید زخمی ہو گئی ۔زخمی خاتون کو ابتدائی علاج کے بعد ضلع اسپتال پونچھ منتقل کیا گیا ہے۔  پولیس ذراع کے مطابق منڈی تحصیل کے علاقہ ساوجیاں گھڑیاں میں ایک خاتون ، جس کی شناخت حنیفہ بیگم زوجہ عبدلکبیر ساکن اوڑی پورہ ساوجیاں کے طور پر ہوئی ہے، پر ریچھ نے گگڑیاں کے مقام پر اچانک حملہ کر کے اُسے شدید زخمی کر دیا ۔ زخمی خاتون کو پہلے ساوجیاں سب سنٹر میں لیجایا گیا جہاں سے اُسے بہتر علاج کے لیے ضلع ہسپتال پونچھ لے جایا گیا ۔  

وسطی ضلع گاندر بل میں اسلحہ و گولہ بارود بر آمد: سی آر پی ایف

سری نگر// سیکورٹی فورسز نے وسطی کشمیر کے ضلع گاندربل کے صدر باغ جنگلی علاقے میں بدھ کی صبح ایک آپریشن کے دوران اسلحہ و گولہ بارود بر آمد کیا ہے۔ سی آر پی ایف کے ایک ترجمان نے اپنے بیان میں کہا کہ سی آر پی ایف کی 118 بٹالین اور گاندربل پولیس کی ایک مشترکہ ٹیم نے بدھ کی علی الصبح گابدربل کے صدر باغ جنگل علاقے کا تلاشی آپریشن شروع کر دیا۔ انہوں نے کہا کہ آپرشن کے دوران بھاری مقدار میں اسلحہ و گولہ بارود بر آمد کیا گیا۔  

سری نگر میں نامعلوم افراد کے ہاتھوں اپنی پارٹی کے لیڈر کی گاڑی نذر آتش

سری نگر// گرمائی دار الحکومت سری نگر کے چنکرال محلہ حبہ کدل میں گذشتہ شام دیر گئے نامعلوم افردا نے جموں وکشمیر اپنی پارٹی کے ایک لیڈر کی گاڑی کو نذر آتش کر دیا۔ سرکاری ذرائع نے بتایا کہ حبہ کدل کے چنکرال محلے میں منگل کی شام دیر گئے نامعلوم افراد نے جموں و کشمیر اپنی پارٹی کے سیکریٹری ضلع سری نگر جیلانی کمار ولد عبدالحمید کمار کی سکار پیو گاڑی کو آگ لگادی۔ انہوں نے کہا کہ گرچہ فائر ٹنڈرس اور مقامی لوگوں نے آگ کو قابو میں کر لیا لیکن گاڑی کو شدید نقصان پہنچنے سے نہ بچا سکے۔  

سوشل میڈیا پر60 کشمیری نوجوانوں کے لاپتہ ہونے کی خبر جعلی ہے: آئی جی پی کشمیر

سرینگر // جموں و کشمیر پولیس نے بدھ کو کشمیر میں گزشتہ دو مہینوں میں تقریبا ساٹھ نوجوانوں کے لاپتہ ہونے کے بارے میں این ڈی ٹی وی کی رپورٹ کو غلط قرار دیا اور "سوشل میڈیا پلیٹ فارمز" کی رپورٹ کو "مکمل طور پر جعلی" قرار دیا۔ آئی جی پی کشمیر وجے کمار کا حوالہ دیتے ہوئے پولیس نے ایک ٹویٹ میں کہا”کچھ سوشل میڈیا پلیٹ فارپر بتایا جاتا ہے کہ افغانستان کے طالبان کے قبضے کے دوران 60 نوجوان وادی کشمیر کے مختلف حصوں سے غائب ہو گئے ہیں۔ یہ مکمل طور پر جعلی خبر ہے“۔  پیر کو این ڈی ٹی وی نے ایک سینئر پولیس افسر کے حوالے سے بتایا تھا کہ کشمیر میں گزشتہ دو مہینوں میں تقریبا 60 نوجوان اپنے گھروں سے لاپتہ ہوئے ہیں۔ رپورٹ میں یہ بھی کہا گیا تھا کہ 300 کے قریب عسکریت پسندوں نے کنٹرول لائن کے اس پار حالیہ طالبان کے افغانستان پر قبضے کے بعد حوصلہ افزائی پاکر ک

ملک میں 41965 نئے کورونا وائرس کیس،460ہلاکتیں

سرینگر//بھارت میں گذشتہ 24 گھنٹوں کے دوران کورونا وائرس کے 41965 نئے کیس اور سامنے آئے جبکہ اس دوران یہاں 460 افراد وائرس کی وجہ سے جاں بحق ہوگئے ۔ وزارتِ صحت کے مطابق کورونا ہلاکتوں کی مجموعی تعداد 439020 تک پہنچ گئی ہے۔ گذشتہ 24گھنٹوں کے دوران 33964 متاثرین صحتیاب بھی ہوئے ہیں جس کے بعد کورونا سے صحت یاب ہونے والوں کی مجموعی تعداد 31993644 ہوگئی ہے۔ 

طالبان کو منظوری دینے کی جلد بازی نہیں: امریکہ

واشنگٹن// امریکی حکومت اور بین الاقوامی برادری طالبان کو افغانستان کی تسلیم شدہ حکومت کے طور پر منظوری دینے کی جلد بازی میں نہیں ہے۔ وائٹ ہاو¿س کی پریس سکریٹری جین ساکی نے منگل کو یہ بات کہی۔  ساکی نے پریس کانفرنس کے دوران کہا ”کسی بھی دیگر حالات کی طرح یہ حالات پر منحصر ہوگا۔ امریکی حکومت اور بین الاقوامی برادری منظوری دینے کی جلد بازی میں نہیں ہے“۔  

ضلع راجوری میں بی ایس ایف اہلکار کی لاش پر اسرار حالت میں بر آمد

جموں// ضلع راجوری کے سندر بنی علاقے میں منگل کی صبح بارڈر سیکورٹی فورس (بی ایس ایف) کے ایک اہلکار کی لاش پر اسرار حالت میں پائی گئی۔ سرکاری ذرائع نے بتایا کہ ضلع راجوری کے سندر بنی علاقے میں صبح قریب ساڑھے نو بجے ایک بی ایس ایف اہلکار کو دوران ڈیوٹی مردہ پایا گیا۔ معاملے کی تحقیقات جاری ہے۔