جنوبی ضلع شوپیان میں جواں سال پٹھواری حرکت قلب بند ہونے سے فوت

سرینگر//جنوبی ضلع شوپیان کے اگلر علاقے میں منگل کو ایک جواں سال پٹھواری کی حرکت قلب بند ہونے سے موت واقع ہوگئی۔ نیوز ایجنسی کے این او کے مطابق 33سالہ انعام الحق ساکن بلہ پورہ ،شوپیان کو اگلر کے ایک سیب کے باغ میں بیہوش پایا گیا۔ اُسے اسپتال لیجایا گیا جہاں ڈاکٹروں نے اُسے مردہ قرار دیا ۔  انعام محکمہ اریگیشن میں بحیثیت پٹھواری تعینات تھا۔  

وادی کشمیرمیں موسم خوشگوار،6فروری تک خشک رہنے کی پیشگوئی

سری نگر// وادی کشمیر میں موسم خوشگوار ہے اور لوگ خوش کن دھوپ سے لطف اندوز ہو رہے ہیں۔ محکمہ موسمیات کے ایک ترجمان کے مطابق وادی کشمیر میں 6 مارچ تک موسم خشک و خوشگوار رہنے کا امکان ہے۔ انہوں نے بتایا کہ وادی کشمیر میں 6 مارچ تک موسم خشک رہنے کی توقع ہے اور اس دوران دن اور رات کے درجہ حرارت میں بھی اضافہ درج ہوگا۔

ملک میں کورونا سے مرنے والوں کی یومیہ تعداد 100 سے کم ، فعال کیسوں میں بھی کمی

نئی دہلی// کچھ ریاستوں میں گذشتہ 24 گھنٹوں کے دوران کورونا کے کیسز میں ہوئے اچانک اضافہ کے بعد راحت کی بات یہ ہے کہ ملک بھر میں گذشتہ 24 گھنٹوں کے دوران کورونا سے ہونے والی اموا ت کی تعداد اور فعال کیسز دونوں میں کمی واقع ہوئی ہے۔ مسلسل چھ دن تک کورونا وائرس سے مرنے وا لوں کی تعداد 100 سے زائد رہنے کے بعد گزشتہ 24 گھنٹوں کے دوران ان میں کمی درج کی گئی ہے اور ان کی تعداد کم ہوکر 91 رہ گئی ہے اور اسی دوران نئے کیسز کے مقابلے میں صحتیاب ہونے والے افراد کی تعداد زیادہ رہنے سے پانچ دن بعد فعال کیسز میں کمی آئی ہے۔ دریں اثنا ملک میں اب تک ایک کروڑ 48 لاکھ 54 ہزار 136 افراد کو کورونا ٹیکے لگائے گئے ہیں۔  

سکولوں کے اوقات کار میں کوئی تبدیلی نہیں

سرینگر//ڈائریکٹوریٹ آف سکول ایجو کیشن نے منگل کو ان افواہوں کی تردید کی کہ وادی کشمیر میں سکولوں کے اوقات کار میں کوئی تبدیلی لائی گئی ہے۔ ڈائریکٹر سکول ایجو کیشن محمد یونس ملک کے مطابق سرینگر میونسپل حدود یا وادی کے دوسرے اضلاع میں قائم سکولوں کے اوقات کار میں کوئی تبدیلی نہیں لائی گئی ہے۔ واضح رہے کہ سرینگر کے میونسپل حدود میں سکولوں کے اوقات کار صبح10بجے سے بعد دوپہر3بجے تک جبکہ باقی ماندہ علاقوں کیلئے سکولوں کے اوقات کار صبح ساڑھے دس بجے سے ساڑھے تین بجے تک مقرر ہے۔  

جب میرے عمر رسیدہ والد کورونا ویکسین کراسکتے ہیں تو آپ کو بھی کرانا چاہئے: عمر عبداللہ

سری نگر// جموں کشمیر نیشنل کانفرنس کے صدر و رکن پارلیمان ڈاکٹر فاروق عبد اللہ نے منگل کو صورہ میڈیکل انسٹی چیوٹ جاکر کورونا ویکسین کی پہلی خوراک لی۔ اس دوران نیشنل کانفرنس کے نائب صدر اور سابق وزیر اعلیٰ عمر عبداللہ نے لوگوں سے کورونا ویکسین کرانے کی تاکید کرتے ہوئے کہا ” جب میرے عمر رسیدہ والد ڈاکٹر فاروق عبداللہ کئی عارضوں میں مبتلا ہونے کے باوصف یہ ویکسین کراسکتے ہیں تو آپ لوگوں کو بھی کرانا چاہئے“۔ عمر نے شیر کشمیر انسٹی ٹیوٹ آف میڈیکل سائنسز صورہ کے اس عملے کا بھی شکریہ ادا کیا جنہوں نے ان کے والدین کو یہ ویکیسن دی۔ موصوف نے ان باتوں کا اظہار اپنے ایک ٹویٹ میں کیا۔  

سینئر وکیل کورونا مثبت ظاہر، ہائی کورٹ میں کام کررہے سبھی وکلا کو جانچ کی ہدایت

سرینگر//حکام نے منگل کو کہا کہ جموں کشمیر ہائی کورٹ کی سرینگر ونگ میں ایک سینئر وکیل کورونا مثبت ظاہر ہوئے ہیں جس کے بعد سبھی وکلاءکو کورونا جانچ کرانے کیلئے کہا گیا ہے۔ اس سلسلے میں رجسٹرار جوڈیشل سرینگر کی طرف سے ایک آرڈر جاری ہوا ہے جس میں بتایا گیا ہے کہ ایک سینئر وکیل کے کورونا مثبت آنے کے بعد ضروری بن گیا ہے کہ اس وائرس کو پھیلنے سے روکا جائے۔ اس لئے ہائی کورٹ میں کام کررہے سبھی وکلا ءکو فوری کورونا جانچ کرانی چاہئے۔ 

شوپیان ضلع میں ایک ہی کنبہ کے 7افراد چائے پینے کے بعد بیہوش

سرینگر//جنوبی ضلع شوپیان کے ناگہ بل، زورہ گاوں میں ایک ہی کنبہ کے سات افراد پر اسرار طور بیہوش ہوگئے ۔یہ واقعہ گذشتہ شام پیش آیا۔  اطلاعات کے مطابق مذکورہ بیہوش افراد کو فوری طور ضلع اسپتال شوپیان منتقل کیا گیا جہاں اُنہیں بعد میں ہوش آگیا۔ تاہم سپتالی ذرائع کے مطابق مذکورہ افراد کوصدر اسپتال سرینگر بھیجا گیا تاکہ اس بات کا پتہ لگایا جاسکے کہ انہوں نے ایسی کس چیز کا استعمال کیا تھا جس سے وہ بیہوش ہوئے تھے۔ مقامی ذرائع کے مطابق مذکورہ کنبہ کے افراد گذشتہ روز بعد دوپہر کی چائے پینے کے بعد اچانک بیہوش ہوگئے۔  

آئی پی ایس افسران کا ڈیپوٹیشن: سپریم کورٹ میں مرکز کے اختیارات چیلنج کرنے والی عرضی مسترد

نئی دہلی// سپریم کورٹ نے انڈین پولیس سروس (آئی پی ایس) افسروں کو اپنے پاس ڈیپوٹیشن پر بلانے کے مرکزی حکومت کے اختیار ات کو چیلنج کرنے والی ایک عرضی مسترد کر دی ۔ جسٹس ایل ناگیشورا راو¿ کی سربراہی میں بنچ نے مغربی بنگال کے رہنے والے اور پیشے سے ایک وکیل ابو سہیل کی عرضی ایک مختصر سماعت کے دوران مسترد کردی ۔  واضح رہے کہ حال ہی میں مغربی بنگال کے تین آئی پی ایس افسران کو مرکزی ڈیپوٹیشن پر بلانے کے بعد مرکزی اور ریاستی حکومت میں کھینچ تان ہے۔  عرضی گزار نے انڈین پولیس سروس (کیڈر) رولز 1954 کے رول 6 (1) کی آئینی جوازیت کو چیلنج کیا تھا ، جس کے تحت آئی پی ایس افسران کو ڈیپوٹیشن پر بلانے کا مرکز کو اختیار ہے۔  

ملک میں کورونا متاثرین کی مجموعی تعداد ایک کروڑ 10لاکھ 96 ہزار سے متجاوز

نئی دہلی// چار دن بعد ملک میں کورونا وائرس کے نئے کیس کم ہوکر 16 ہزار سے نیچے آگئے ہیں اور گذشتہ 24 گھنٹوں کے دوران ، 15،510 کیسز کی رپورٹ ہے ، حالانکہ شفایاب مریضوں کی تعداد کم رہنے سے ایکٹیو کیسز کی تعداد میں اضافہ ہوا ہے۔ دریں اثنا ، ملک میں اب تک ایک کروڑ 43 لاکھ ایک ہزار 266 افراد کو اینٹی کورونا ویکسین دی جاچکی ہے۔ پیر کی صبح مرکزی وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران کورونا وائرس کے 15،510 نئے کیس سامنے آئے ہیں ، جس سے متاثرہ افراد کی تعداد 1 کروڑ 96 لاکھ سے زیادہ ہوگئی ہے۔  

سری نگر میں مدھیہ پردیش کے سیاح کی حرکت قلب بند ہونے سے موت واقع

سری نگر// گرمائی دارلحکومت سری نگر میں پیر کی صبح مدھیہ پردیش سے تعلق رکھنے والے ایک سیاح کی حرکت قلب بند ہونے سے موت واقع ہوئی۔ سرکاری ذرائع نے بتایا کہ سری نگر کے منور آباد میں واقع ایک ہوٹل میں مدھیہ پردیش سے تعلق رکھنے والے ایک سیاح کو پیر کی صبح اپنے کمرے میں بے ہوش پایا گیا۔ انہوں نے بتایا کہ سیاح کو بے ہوشی کے عالم میں ہی خیبر ہسپتال منتقل کیا گیا جہاں اس کی حرکت قلب بند ہونے سے موت واقع ہوئی۔  

سرینگر میں فورسز اہلکار کا اقدام خود کشی،داخل اسپتال

سرینگر//سرینگر میں پیر کو ایک ایس ایس بی اہلکار نے اپنی سروس رائفل سے خود پر گولی چلاکر خود کشی کی کوشش کی تاہم وہ اس کوشش میں زخمی ہوگیا۔ نیوز ایجنسی کے این او کے مطابق گگن جاہ ولد سبودھ جاہ نامی یہ اہلکار سٹیٹ موٹر گیراج بمنہ میں تعینات تھا جہاں اُس نے خود کشی کی کوشش کی۔ زخمی جاہ کو فوری طور اجے وی سی بمنہ پہنچایا گیا جہاں اُس کا علاج و معالجہ جاری ہے۔  

جنوبی کشمیر کے ترال میں جنگجوﺅں کا اعانت کار گرینیڈ سمیت گرفتار:پولیس

سرینگر//پولیس نے پیر کو کہا کہ جنوبی ضلع پلوامہ کے ترال علاقے میں جیش سے وابستہ جنگجوﺅں کے ایک اعانت کار کو گرفتار کیا گیا ہے۔ نیوز ایجنسی جی این ایس کے مطابق پولیس نے ایک بیان جاری کرتے ہوئے کہا کہ مزمل قادر بٹ ساکن لارو جاگیر، ترال کو آج صبح فوج، سی آر پی ایف اور پولیس کی مشترکہ کارروائی کے دوران گرفتار کیا گیا۔ پولیس کے مطابق گرفتار شدہ سے ایک گرینیڈ اور قابل اعتراض مواد بھی بر آمد کیا گیا۔مزمل جیش کے کمانڈروں کے ساتھ رابطے میں تھا۔ اس ضمن میں ایف آئی آر نمبر13درج کرکے مزید تحقیقات شروع کی گئی ہے۔  

وزیر اعظم مودی نے ایمز جا کر کورونا ویکسین کی پہلی خوراک لی

نئی دہلی // وزیر اعظم نریندر مودی نے پیر کے روز یہاں واقع آل انڈیا انسٹی ٹیوٹ آف میڈیکل سائنسز (ایمز) جا کر کورونا وائرس ( کووڈ 19) سے بچاو¿ کے لئے ویکسین کی پہلی خوراک لی۔ اس کی اطلاع مودی نے ٹویٹ کر کے دی اور لوگوں سے ویکسین لگوانے کی اپیل کی ہے۔ انہوں نے ٹویٹ میں کہا” آج ایمس جا کر ویکسین کا پہلا ڈوز لیا“۔  

تین دن سے ملک میں یومیہ 16 ہزار سے زیادہ کورونا وائرس کے نئے کیس

نئی دہلی// تین دن سے ملک میں کورونا وائرس کے 16 ہزار سے زیادہ نئے کیسز رپورٹ ہورہے ہیں ، جبکہ فعال کیسز میں بھی اضافہ ہو رہا ہے جس سے اس کی شرح بڑھ کر 1.44 فیصد ہوگئی ہے۔ دریں اثنا ملک میں اب تک ایک کروڑ 42 لاکھ 42 ہزار 547 افراد کو اینٹی کورونا ویکسین دی جاچکی ہے۔ گذشتہ 24 گھنٹوں کے دوران ملک میں کورونا وائرس کے 16،488 نئے کیسز رپورٹ ہوئے ہیں ، جس سے متاثرین کی تعداد ایک کروڑ 10 لاکھ 79 ہزار سے تجاوز کرچکی ہے۔ اس سے قبل 25 فروری کو 16،738 اور 26 فروری کو 16،577 کیسزرپورٹ ہوئے تھے۔ ہفتہ کی صبح وزارت صحت کے جاری کردہ اعداد و شمار کے مطابق گذشتہ 24 گھنٹوں کے دوران 12،771 مریض صحت مند ہوئے اوراب تک ملک میں ایک کروڑ سات لاکھ 63 ہزار 451 افراد شفایاب ہوچکے ہیں۔ ایکٹیو کیسز کی تعداد 3604 سے بڑھ کر 1.59 لاکھ سے زائد ہوگئی ہے۔ اسی عرصے کے دوران اس جان لیوا وباسے 113مریضوں کی موت سے

رام بن میں آتشزدگی کی شبانہ واردات، کم سے کم پانچ دکان خاکستر

جموں// ضلع رام بن کے گاندھری علاقے میں آگ کی ایک شبانہ واردات میں کم سے کم پانچ دکان خاکستر ہوگئے۔ سرکاری ذرائع نے بتایا کہ ضلع رام بن کے گاندھری علاقے میں گذشتہ شب دیر گئے ایک دکان سے آگ نمودار ہوئی جس کے شعلوں نے چشم زدن میں متصل دکانوں کو بھی اپنی لپیٹ میں لے لیا۔ انہوں نے بتایا کہ آگ کی اس واردات میں کم سے کم پانچ دکان مکمل طور پر خاکستر ہوگئے اور ان دکانوں میں کچھ گیس سیلنڈر بھی پھٹ گئے۔

کشمیرکے بالائی علاقوں میں تازہ برف باری، میدانی علاقوں میں بارشیں

سری نگر// محکمہ موسمیات کی پیش گوئی کے عین مطابق وادی کشمیر کے بالائی علاقوں میں تازہ برف باری جبکہ میدانی علاقوں میں رک رک کر بارشوں کا سلسلہ جاری ہے۔ محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران موسم خراب رہنے کا ہی امکان ہے۔ انہوں نے بتایا کہ وادی کے بالائی علاقوں میں ایک فٹ تک برف باری ہوسکتی ہے۔  

تودے گر آنے کے بعد سرینگر۔جموں شاہراہ ٹریفک کیلئے بند

سرینگر//سرینگر ۔جموں شاہراہ پر سنیچر کی صبح سے بھاری بارش کے نتیجے میں پسیاں گر آئیں اور پتھر کھسکنے لگے، جس کے بعد مذکورہ شاہراہ کو گاڑیوں کی آمد روفت کیلئے بند کیا گیا۔حکام کے مطابق یہ تودے ضلع رام بن میں گر آئے ہیں۔ حکام کے مطابق بانہال علاقے میں آج صبح تین بجے سے بارش میں شدت آنے کے بعد زمینی تودے گر آئے جس کے نتیجے میں گاڑیوں کی نقل و حمل روک دی گئی۔ حکام کا کہنا ہے کہ آج پروگرام کے مطابق جموں سے سرینگر کی طرف ٹریفک کو چلنے کی اجازت تھی۔ انہوں نے مزید کہا کہ شاہراہ بند ہونے کے بعد رام بن،چندرکوٹ،اُدھمپور اور نگروٹہ علاقوںمیں گاڑیوں کو روکا گیا ہے۔  

امریکہ سعودی عرب کیلئے پالیسی میں اہم تبدیلیاں کرے گا: بائیڈن

واشنگٹن//امریکی صدر جو بائیڈن نے کہا ہے کہ کالم نگار جمال خشوگی کے قتل پر امریکہ سعودی عرب کے لئے اپنی پالیسی میں نمایاں تبدیلی لائے گا۔ جو بائیڈن نے یہ بات ’یونی ویڑن‘ نیوز چینل کو انٹرویو دیتے ہوئے کہی۔ انہوں نے کہا ”میں نے کل سعودی عرب کے شاہ سے بات کی تھی ، شہزادہ سے نہیں۔ میں نے انھیں واضح کردیا کہ قوانین تبدیل ہو رہے ہیں ، اور ہم آج اور پیر کے روز اہم تبدیلیوں کا اعلان کرنے جارہے ہیں۔ اور حقیقت میں یہ یقینی بنائیں گے کہ اگر وہ ہم سے تعلقات بنانا چاہتے ہیں تو انہیں انسانی حقوق کی خلاف ورزیوں کے معاملوں سے نمٹنا ہوگا“۔  

بی ڈی او تلیل کادوران ڈیوٹی اچانک انتقال

سرینگر//رورل ڈیولپمنٹ محکمہ کا ایک آفیسر جمعہ کو شمالی ضلع بانڈی پورہ گریز کے تلیل علاقے میں دوران ڈیوٹی اچانک جاں بحق ہوگیا ۔ محمد سلیم درزی جس کی عمر48برس تھی، تلیل کے بلاک ڈیولپمنٹ آفیسر کے طور تعینات تھا۔وہ جنوبی ضلع اننت ناگ کے اچھہ بل کا شہری تھا جو نماز جمعہ کیلئے وضو کی تیاری کرنے کے دوران اچانک گر کر انتقال کرگیا۔ سلیم کو نزدیکی اسپتال لیجایا گیا تاہم ڈاکٹروں نے اُسے مردہ قرار دیا۔ بی ایم او حاجن ڈاکٹر طاہرہ کے مطابق سلیم کی میت کا گریز میں پوسٹ مارٹم کرایا جائے گا تاکہ اُس کے انتقال کی وجوہات کا پتہ لگایا جاسکے۔ دریں اثناءضلع کمشنر بانڈی پورہ اویس احمد نے محمد سلیم کے اچانک انتقال پر گہرے دکھ کا اظہار کرتے ہوئے کہا کہ وہ خصوصی ہیلی کاپٹر کا انتظام کررہے ہیں تاکہ مرحوم کی میت کو گھر لیجایا جائے۔  

جموں وکشمیر میں عنقریب ’کھیلو انڈیا‘ مراکز قائم کئے جائیں گے: کرن رجیجو

سری نگر// مرکزی وزیر کھیل کرن رجیجو نے کہا ہے کہ جموں وکشمیر میں عنقریب بین الاقوامی سطح کے ’کھیلو انڈیا‘ مراکز قائم کئے جائیں گے۔ انہوں نے کہا کہ وادی کے شہرہ آفاق جھیل ڈل میں آنے والے موسم گرما میں آبی کھیلوں کا انعقاد کیا جائے گا۔ ان کا کہنا تھا کہ کشمیری کھلاڑیوں کی اولپمک کھیلوں میں شرکت کو یقینی بنائیں جائے گا تاکہ وہ بھی اولمپک سطح کے اعزارات حاصل کر سکیں۔ وزیر موصوف جمعہ کو شمالی کشمیر میں واقع عالمی شہرت یافتہ سیاحتی گلمرگ میں کھلاڑیوں سے خطاب کررہے تھے جہاں آج وزیر اعظم نریندر مودی کے ہاتھوں ’کھیلو انڈیا‘ سرمائی کھیلوں کا افتتاح ہوا۔  

تازہ ترین