جموں کشمیر بینک کے سابق چیئر مین سمیت کئی افسران کیخلاف انسداد رشوت بیورو میں کیس درج

سرینگر//انسداد رشوت ستانی بیورو نے جمعرات کو جموں کشمیر بینک کے سابق چیئر مین اور دیگر کے خلاف ممبئی کی ایک کمپنی کو قواعد کی خلاف ورزی کرتے ہوئے ٹینڈر دیکر بینک کو 62956575روپے کا نقصان پہنچانے کی پاداش میں کیس درج کرلیا۔  ایک بیان میں انسداد رشوت ستانی بیورو نے کہا کہ اس سلسلے میں اُس وقت کے جے کے بینک ایگزیکٹیو پریزیڈنت سرجیت سنگھ سگھل،اُس وقت کے چیئر مین پرویز احمد،اُس وقت کے اسسٹنٹ وائس پریذیڈنٹ فیروز احمد کے علاوہ ممبئی کی کمپنی کے عہدیداروں ساحل وورا اور رشبھ وورا و دیگران کیخلاف ایف آئی درج کیا گیا ہے۔  یہ کیس ٹینڈروں کے خلاف قانون الاٹ کرنے سے متعلق ہے ۔ اس سے قبل بیورو نے مکمل ویری فکیشن انجام دی جس میں اس بات کا انکشاف ہوا کہ سال2015میں جموں کشمیر بینک میں ٹینڈروں کی الاٹمنٹ کے سلسلے میں قواعد و ضوابط کی خلاف ورزی کرکے بینک کو بھاری مالی نقصان سے دوچار

گاندربل میں جنگجوﺅں کی صف میں شامل ہونے کا منصوبہ بنارہا نوجوان گرفتار، والدین کے حوالے

سرینگر//وسطی کشمیر کے گاندربل ضلع میں پولیس نے ایک ایسے نوجوان کو حراست میں لینے کے بعد والدین کے حوالے کیا جو جنگجوﺅں کی صف میں شامل ہونے کا منصوبہ بنارہا تھا۔ پولیس نے کہا کہ فوج کی خفیہ ایجنسی کی طرف سے ملی اطلاع کی بنا پر 22سالہ عمر نذیر شیخ ولد نذیر احمد شیخ ساکن گاندربل کو حراست میں لیکر اُس سے مختصر پوچھ تاچھ کی گئی۔مذکورہ نوجوان نے پوچھ تاچھ اور اُس کے سوشل میڈیا اکاونٹس ،خاص کر وٹس ایپ اور ٹیلی گرام سے اس بات کی تصدیق ہوگئی کہ وہ جنگجو ﺅں کی صف میں شامل ہونے کی طرف راغب تھا۔ مذکورہ نوجوان کی ایس ایس پی گاندربل خلیل احمد پوسوال اور ماہرین نے مناسب کونسلنگ کی جس کے بعد اُسے والدین کے حوالے کیا گیا۔ پولیس کے مطابق مذکورہ نوجوان کے والدین نے پولیس کا شکریہ ادا کیا۔  

شمالی کشمیر کے نوجوان صحافی کادل کا دورہ پڑنے سے انتقال

سرینگر//شمالی کشمیر کے بارہمولہ ضلع سے تعلق رکھنے والے ایک نوجوان صحافی جمعرات کو دل کا دورہ پڑنے سے انتقال کرگئے۔ جاوید احمد ساکن وترگام رفیع آباد انگریزی روزنامہ رائزنگ کشمیر سے وابستہ تھے۔ جاوید ایک مسافر گاڑی میں سوار سرینگر کی طرف محو سفر تھے جب پٹن کے نزدیک وہ دل کا دورہ پڑنے سے بیہوش ہوگئے۔ اُنہیں نزدیکی اسپتال لیجایا گیا جہاں ڈاکٹروں نے اُنہیں مردہ قرار دیا۔ جاوید کی اچانک رحلت پر کشمیرکے صحافتی حلقوں میں رنج و غم کا اظہار کیا جارہا ہے ۔  

کورونا متاثرین میں 86,821کا اضافہ، تعداد63,12,585

نئی دہلی// ملک میں دو دن تک کورونا کی وبا کو مات دینے والوں کی تعداد انفیکشن کے نئے معاملوں سے زیادہ رہنے کے بعد پچھلے 24 گھنٹے کے دوران کورونا وائرس کے 86,821 نئے معاملے سامنے آئے،جس سے فعال معاملوں میں 264 کا اضافہ ہوا۔ مرکزی وزارت صحت اور خاندانی بہبود کی جانب سے جمعرات کو جاری اعدادو شمار کے مطابق کورونا کے متاثرین کی کل تعداد 63,12,585 پر پہنچ گئی ہے۔ اس دوران 85376 مریض صحتیاب ہوئے ہیں جس کے ساتھ ہی اب تک کورونا سے نجات پانے والوں کی تعداد 52,73,202 ہو گئی ہے۔

جموں میں فوجی افسر کی مبینہ خود کشی

جموں// جموں کے مضافاتی علاقہ گجن سو میں جمعرات کو ایک فوجی افسر نے اپنی ہی سروس رائفل سے اپنا کام تمام کر دیا ۔ سرکاری ذرائع کے مطابق جموں کے گجن سو علاقے میں گروڈا سرحد پر قائم ایک چوکی پر تعینات سب انسپکٹر نے اپنی ہی سروس رائفل سے اپنے آپ کو نشانہ بنا کر اپنی زندگی کا خاتمہ کر دیا۔ مہلوک فوجی افسرکی شناخت چکر پانی پرساد تیواری ساکن مدھیہ پردیش کے بطور ہوئی ہے۔  

سوپور میں خاتون مبینہ خود سوزی کی کوشش کے دوران جھلس کر زخمی

سرینگر//شمالی ضلع بارہمولہ کے سوپور علاقے میں جمعرات کو ایک خاتون اُس وقت جھلس کر زخمی ہوگئی جب اُس نے مبینہ طور خود سوزی کی کوشش کی۔ اطلاعات کے مطابق آج صبح ایک خاتون نے اپنے اُوپر مٹی کا تیل چھڑک کر خود کو آگ لگادی۔ اُسے زخمی حالت میں سب ضلع اسپتال سوپور پہنچایا گیا جہاں سے ڈاکٹروں نے اُسے اعلیٰ علاج و معالجہ کیلئے سمز صورہ منتقل کیا۔ پولیس نے اس ضمن میں کیس درج کرکے تحقیقات شروع کی ہے۔  

کنگن میں غیر قانونی دیودار کی لکڑی ضبط ،گاڑی بھی تحویل میں

کنگن//محکمہ جنگلات کی ایک ٹیم نے جمعرات کو پنزن کنگن میں سمگل کی جارہی دیودار کی عمارتی لکڑی ضبط کرلی۔یہ لکڑی ایک گاڑی میں لیجائی جارہی تھی اور اس ضمن میں محکمہ نے تحقیقات شروع کی ہے۔  کشمیر عظمیٰ کو ملی تفصیلات کے مطابق وسطی ضلع گاندربل کے پنزن کنگن میں محکمہ جنگلات کی ایک ٹیم نے بغیر نمبر ایک ٹاٹا سومو سے 48مکعب فٹ دیودار کی لکڑی برآمد کی۔ محکمہ نے بعد ازاں گاڑی اور لکڑی کو اپنی تحویل میں لیکر تحقیقات شروع کردی۔  

ضلع پونچھ میں کنٹرول لائن پر گولہ باری، فوجی ہلاک، دوسرا زخمی

سرینگر//ضلع پونچھ میں کنٹرول لائن پر جمعرات کو بھارت اور پاکستان کی افواج کے مابین گولہ باری کے نتیجے میں ایک فوجی اہلکار ہلاک جبکہ دوسرا زخمی ہوگیا۔ یہ واقعہ گذشتہ رات ضلع پونچھ کے منکوٹ سیکٹر میں پیش آیا۔ نیوز ایجنسی جی این ایس کے مطابق کراس ایل او سی گولہ باری کے اس واقعہ میں سپاہی کرنیل سنگھ اور رائفل مین وریندر سنگھ زخمی ہوگئے جنہیں راجوری میں قائم فوجی اسپتال لیجایا گیا جہاں کرنیل سنگھ تھوڑی ہی دیر بعد دم توڑ بیٹھا جبکہ وریندر سنگھ کا علاج جاری ہے۔ دفاعی ذرائع کے مطابق پاکستان نے کسی اشتعال کے بغیر بھارتی چوکیوں کو نشانہ بنایا اور بھارتی افواج نے اس کا ”بھر پور“ جواب دیا۔  

جموں کشمیر میں975 نئے کورونا کیس،مجموعی تعداد75070

سرینگر//جموں کشمیر میں گذشتہ24گھنٹوں کے دوران مزید975کورونا وائرس کے کیس سامنے آئے۔ ان میں42مسافر بھی شامل تھے۔ اس طرح مرکز کے زیر انتظام علاقے میں کورونا متاثرین کی مجموعی تعداد75070تک پہنچ گئی ہے۔ سرکاری ذرائع کے مطابق آج واد ی کشمیر میں407جبکہ جموں صوبہ میں568کیس سامنے آئے۔ضلع جموں میں سب سے زیادہ353کیس سامنے آئے۔ ضلع سطح کے اعداد و شمار کے مطابق آج سرینگر ضلع میں173،بڈگام48،بارہمولہ53،پلوامہ33،اننت ناگ16،بانڈی پورہ15،کپوارہ38،گاندر بل 23،کولگام 6اور شوپیان2 کیس ظاہر ہوئے۔ جموں ضلع میں353،راجوری میں27،اُدھمپورمیں41، کٹھوعہ میں12،ڈوڈہ میں18،سانبہ میں24،پونچھ میں27،رام بن میں12،ریاسی میں19 اور کشتواڑ میں35کیس سامنے آئے۔  

قبر کشائی کے بعد شوپیان مبینہ فرضی معرکہ آرائی کے مہلوکین کی میتیں لواحقین کو سونپی جائیں گی

سرینگر//انسپکٹر جنرل آپ پولیس کشمیر رینج وجے کمار نے بدھ کو کہا کہ شوپیان امشی پورہ مبینہ فرضی جھڑپ میں جوتین افرادہلاک ہوگئے اُن کی میتیں لواحقین کو سونپی جائیں گی۔ انہوں نے کہا کہ قبر کشائی کے بعد میتوں کو لواحقین کو سونپنے کا کام ضروری قانونی کارروائی کے بعد عمل میں لایا جائے گا۔ نیوز ایجنسی جی این ایس کے ساتھ بات کرتے ہوئے آئی جی کشمیر نے کہا کہ ضروری قانونی لوازمات پوری کرنے کے بعد قبرکشائی کرکے لاشوں کو نکال کر متعلقہ گھرانوں کو سونپی جائیں گی۔ آئی جی کشمیرکا یہ بیان متعلقہ گھرانوں کے مسلسل مطالبے کے بعد سامنے آیا جس میں وہ ابرار احمد، امتیاز احمد اور محمد ابرار نامی اُن نوجوانوں کی لاشیں لوٹانے کا اصرار کررہے تھے۔  مذکورہ تینوں نوجوان18جولائی کے روز امشی پورہ شوپیان میں ایک مبینہ فرضی جھڑپ میں جاں بحق کئے گئے۔ مذکورہ نوجوانوں کے گھروالوں نے اُن کے بارے میں د

سری نگر – لیہہ شاہراہ پر ٹریفک کی نقل وحمل بحال

سری نگر// وادی کشمیر کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر بدھ کو ٹریفک کی نقل و حمل بحال ہوئی۔ یاد رہے کہ زوجیلا پاس پر مٹی کے تودے گر آنے کے پیش نظر شاہراہ پر ٹریفک کی نقل و حمل کو بند کر دیا گیا تھا۔ ایک ٹریفک پولیس عہدیدار نے بتایا کہ 434 کلو میٹر طویل سری نگر – لیہہ شاہراہ پر آج ٹریفک کی نقل و حمل بحال کر دی گئی ہے۔  

مرکزی سرکار نے315کشمیری طالب علموں کو پاکستان جانے کی اجازت دیدی

سرینگر//حکومت ہند نے بدھ کو جموں کشمیر کے ایسے315طالب علموں کو واگہ سرحد عبور کرکے پاکستان جانے کی اجازت دیدی جو وہاں مختلف اداروں میں تعلیم حاصل کررہے ہیں۔ نیوز ایجنسی کے این او کے مطابق اس سے قبل حکومت پاکستان نے بھارت کو مذکورہ طالبان علم کی فہرست سونپتے ہوئے اُن کے سفر کی اجازت طلب کی تھی تاکہ وہ اپنی تعلیم جاری رکھ سکیں۔پاکستان نے ہی مذکورہ طالب علموں کیلئے سرحد عبور کرنے کیلئے30ستمبر کی تاریخ مقرر کی تھی۔ قابل ذکر ہے کہ کشمیر سے تعلق رکھنے والے طالب علموں کی بڑی تعداد پاکستان کے مختلف میڈیکل کالجوں میں زیر تعلیم ہے۔یہ طالبان علم کورونا سے پیدا صورتحال کی وجہ سے رواں سال کے اوال میں اپنے اپنے گھروں کو لوٹے تھے تاہم پاکستان میں اب تعلیمی سرگرمیاں بحال ہوئی ہیں اس لئے متذکرہ بالا کشمیری طالب علم بھی آج ہی پاکستان پہنچنے والے ہیں۔  

ملک میں کورونا کے 80 ہزار نئے کیس ، ہلاک شدگان کی مجموعی تعداد 94ہزارسے زیادہ

نئی دہلی// ملک میں گذشتہ 24 گھنٹوں کے دوران کورونا وائرس کے 80472 نئے کیس سامنے آنے سے متاثرین کی مجموعی تعداد 62 لاکھ سے تجاوز کرگئی ہے۔ تاہم اسی عرصہ کے دوران 86 ہزار سے زیادہ متاثرین جان لیوا کورونا وائر س سے شفایاب ہوئے، جس سے ایکٹیو کیسز سات ہزار سے زیادہ کم ہوگئے۔ مرکزی وزارت صحت و خاندانی بہبود کی جانب سے بدھ کے روز جاری تازہ ترین اعداد و شمار کے مطابق ملک میں کورونا وائرس کے متاثرین کی مجموعی تعداد اب6225764 ہوگئی ہے۔ گزشتہ 24 گھنٹوں کے دوران86428 مریض شفایاب ہوئے ہیں ، جس سے صحت مند ہونے والوں کی مجموعی تعداد5187826 ہوگئی۔ گذشتہ 24 گھنٹوں کے دوران ملک میں کورونا کے1179 مریضوں کی موت سے ہلاک شدگان کی مجموعی تعداد9749 ہوگئی ہے۔ ملک میں ایکٹیو کیسز کی شرح 15.11 فیصد،اموات کی شرح 1.57 فیصد ، جبکہ شفایاب ہونے والوں کی شرح 83.33 فیصد ہوگئی ہے۔  

کورونا مخالف ویکسین چند ہفتوں میں مل جائے گی: ٹرمپ کا دعویٰ

واشنگٹن// امریکی صدر ڈونلڈ ٹرمپ نے کہا ہے کہ ملک کورونا مخالف ویکسین بنانے سے صرف چند ہفتوں کے فاصلے پر ہے اور جلد ہی یہ ویکسین تیار کر لی جائے گی۔ ٹرمپ نے گذشتہ روز صدارتی انتخابات کے لئے ڈیموکریٹک پارٹی کے امیدوار جو بائیڈن کے ساتھ پہلی صدارتی بحث کے دوران یہ بات کہی۔ انہوں نے گفتگو کے دوران کہا ”اب ہم کورونا ویکسین سے صرف چند ہفتوں کے فاصلے پر ہیں۔“ اس کے جواب میں جو بائیڈن نے کہا ”میں ان پر یقین نہیں کرتا“۔ امریکہ میں جان لیوا کوروناوائرس سے 2.05 لاکھ سے زیادہ افراد ہلاک ہوچکے ہیں۔ امریکہ میں اس مہلک ترین وبا نے خوفناک شکل اختیار کرلی ہے اور اب تک 71 لاکھ سے زائد یادہ افراد اس وبا کی زد میں آچکے ہیں۔ امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کور

پلوامہ ضلع میں استاد دھمکی آمیز پوسٹر چسپان کرنے کے الزام میں گرفتار:پولیس

سرینگر//جنوبی ضلع پلوامہ کے کاکا پورہ علاقے میں پولیس نے منگل کے روز ایک پرائیویٹ سکول کے استاد کو مبینہ طور مقامی آبادی کو ڈرانے اوردھمکانے والے پوسٹر چسپان کرکے کے الزام میں گرفتار کرلیا۔ پولیس نے ایک بیان میں کہا کہ کاکا پورہ گندی پورہ کے باشندوں نے ایک شکات درج کرائی جس میں انہوں نے کہا کہ اُن کے علاقے میں لشکراسلام کے پوسٹر چسپان کئے گئے ہیں ۔ ان پوسٹروں پر کچھ لڑکیوں اور سیکورٹی فورسز کے مخبروںکے نام دھمکی آمیز پیغامات درج تھے ۔ پولیس کے مطابق اس سلسلے میں ایف آئی آر نمبر69کے تحت معاملہ درج کرکے تحقیقات شروع کی گئی۔ تحقیقات کے دوران پولیس کے مطابق اس جرم میں ملوث مشتبہ شخص کی شناخت کی گئی۔ پولیس نے مذکورہ ملزم کی شناخت مزمل احمد ڈار ساکن گندی باغ کاکا پورہ کے طور کرتے ہوئے کہا کہ اُس کو گرفتار کیا گیا ہے۔ تحقیقات کے دوران پولیس کو معلوم ہوا ہے کہ ملزم کو چند ل

سرینگر میں شادی کی تقریب میں پٹاخے سرکنے کی پاداش میں دولہے کے خلاف مقدمہ درج

سری نگر// جموں و کشمیر پولیس نے سری نگر کے بتہ مالو علاقے میں شادی کی ایک تقریب کے دوران پٹاخے سر کنے کی پاداش میں دولہے کے خلاف مقدمہ درج کر لیا ہے۔  پولیس کی جانب سے منگل کو جاری ایک بیان میں کہا گیا ہے”پولیس تھانہ بتہ مالو نے شادی کی ایک تقریب کے دوران پٹاخوں کا استعمال کرنے کی پاداش میں دولہے کے خلاف مقدمہ درج کر لیا ہے“۔ مذکورہ دولہے کی شناخت بلال احمد شاہ ولد غلام محی الدین شاہ ساکن ریکہ چوک بتہ مالو سرینگر طور ہوئی ہے جس کے افراد خانہ اور قریبی رشتہ داروں نے گذشتہ رات ریکہ چوک بتہ مالو میں پٹاکے سرکے۔ پولیس بیان میں کہا گیا ہے کہ ضلع سری نگر کی حدود میں پٹاخوں کے استعمال پر پابندی عائد ہے۔  

بھارت میں ایمنسٹی انٹر نیشنل کی سرگرمیاں معطل

سرینگر//انسانی حقوق کی عالمی تنظیم ایمنسٹی انٹر نیشنل نے بھارت میں اپنی سرگرمیاں معطل کرتے ہوئے دعویٰ کیا ہے کہ اُس کے بھارتی چیپٹر کے اکاونٹس منجمد کئے گئے ہیں ۔ منگل کو ایمنسٹی انٹر نیشنل کے بھارتی چیپٹر نے کہا کہ اُن پر بے بنیاد الزامات عائد کئے جارہے ہیں۔ ایک بیان میں ایمنسٹی کے بھارتی چیپٹر نے کہا کہ انہیں بھارت میں اپنے اسٹاف ممبران (عہدیداروں) کو چھوڑنے اور تمام قسم کی مہم اور تحقیقی کام معطل کرنے پر مجبور کیا گیا ہے۔ بیان میں کہا گیا” حکومت کی جانب سے ایمنسٹی انٹر نیشنل کے بھارتی بینک اکاونٹس منجمد کرنے (جس کا علم10ستمبر ہوا) کی وجہ سے اُن کا کام مکمل طور پر رک گیا ہے۔  تاہم حکومت کا کہنا ہے کہ ایمنسٹی کو غیر ممالک سے غیر قانونی طور رقومات فراہم ہوتی ہیں جو قواعد و ضوابط کیخلاف ہے۔ ایمنسٹی کا الزام ہے کہ اُن پر ،انسانی حقوق کے اداروں اورکارکنان پر

سپریم کورٹ نے التجاءکواپنی ماں محبوبہ مفتی سے ملنے کی اجازت دیدی

سرینگر//سپریم کورٹ نے منگل کے روز جموں کشمیر کی انتظامیہ سے پیپلز ڈیمو کریٹک پارٹی (پی ڈی پی ) صدر محبوبہ مفتی کی پبلک سیفٹی ایکٹ کے تحت نظر بندی کیخلاف دائرترمیم شدہ درخواست کو لیکر جواب طلب کیا ۔ یہ ترمیم شدہ عرضی محبوبہ کی بیٹی التجاءمفتی نے دائر کی ہے۔ ایس کے کول اور ہرشی کیش رائے پر مشتمل بینچ نے عرضی پر شنوائی کے دوران کہا پی ڈی پی لیڈر کو حراست کے دوران پارٹی میٹنگوں میں شمولیت کے بارے میں حکام سے بات کرنی چاہئے۔ سپریم کورٹ نے تاہم التجاءاور اُن کے چاچا کو محبوبہ سے ملنے کی اجازت دیدی جو اپنی سرکاری رہائش گاہ کے اندر نظر بند ہے۔    

جنوبی ضلع اننت ناگ میں فورسز اور جنگجوﺅں کے مابین معرکہ آرائی

سرینگر//جنوبی ضلع اننت ناگ کے بجبہاڑہ مرہامہ علاقے میں منگل کو جنگجوﺅں اور فورسز کے مابین گولیوں کا تبادلہ ہوا ۔ اس واقعہ میں اگر چہ کسی کے زخمی یا ہلاک ہونے کی کوئی اطلاع نہیں ہے تاہم فورسز نے فوری طور پر علاقے کو محاصرے میں لیکر آپریشن شروع کردیا۔ نیوز ایجنسی جی این ایس کے مطابق جنگجوﺅں نے مرہامہ میں فوج کی ایک پارٹی پر گولیاں چلائیں جس کے بعد جنگجو وہاں سے رفو چکر ہوگئے تاہم پولیس اور فوج کی مشترکہ پارٹی نے اُنہیں تھوڑی ہی دور ی پر محاصرے میں لے لیا ۔ اس موقع پر طرفین میں گولیوں کا تبادلہ ہوا جو آخری اطلاعات ملنے تک جاری تھا۔  

پونچھ میں کراس ایل او سی گولہ باری، نصف درجن مویشی زخمی

جموں//جموں و کشمیر کے ضلع پونچھ کے منکوٹ سیکٹر میں لائن آف کنٹرول پر منگل کی صبح ہندوستان اور پاکستان کی افوج کے درمیان شدید گولہ باری کا تبادلہ ہوا۔ ایک دفاعی ترجمان نے بتایا کہ ضلع پونچھ کے منکوٹ سیکٹر میں ایل او سی پر منگل کی صبح قریب ساڑھے چار بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری شروع کر دی۔ انہوں نے کہا کہ وہاں تعینات بھارتی فوجی اہلکاروں نے حملے کا بھر پور جواب دیا۔ کراس ایل او سی کے اس واقعہ میں نصف درجن مویشیوں کے زخمی ہونے کی اطلاع موصول ہوئی ہے۔  

تازہ ترین