پلوامہ ضلع میں استاد دھمکی آمیز پوسٹر چسپان کرنے کے الزام میں گرفتار:پولیس

سرینگر//جنوبی ضلع پلوامہ کے کاکا پورہ علاقے میں پولیس نے منگل کے روز ایک پرائیویٹ سکول کے استاد کو مبینہ طور مقامی آبادی کو ڈرانے اوردھمکانے والے پوسٹر چسپان کرکے کے الزام میں گرفتار کرلیا۔ پولیس نے ایک بیان میں کہا کہ کاکا پورہ گندی پورہ کے باشندوں نے ایک شکات درج کرائی جس میں انہوں نے کہا کہ اُن کے علاقے میں لشکراسلام کے پوسٹر چسپان کئے گئے ہیں ۔ ان پوسٹروں پر کچھ لڑکیوں اور سیکورٹی فورسز کے مخبروںکے نام دھمکی آمیز پیغامات درج تھے ۔ پولیس کے مطابق اس سلسلے میں ایف آئی آر نمبر69کے تحت معاملہ درج کرکے تحقیقات شروع کی گئی۔ تحقیقات کے دوران پولیس کے مطابق اس جرم میں ملوث مشتبہ شخص کی شناخت کی گئی۔ پولیس نے مذکورہ ملزم کی شناخت مزمل احمد ڈار ساکن گندی باغ کاکا پورہ کے طور کرتے ہوئے کہا کہ اُس کو گرفتار کیا گیا ہے۔ تحقیقات کے دوران پولیس کو معلوم ہوا ہے کہ ملزم کو چند ل

سرینگر میں شادی کی تقریب میں پٹاخے سرکنے کی پاداش میں دولہے کے خلاف مقدمہ درج

سری نگر// جموں و کشمیر پولیس نے سری نگر کے بتہ مالو علاقے میں شادی کی ایک تقریب کے دوران پٹاخے سر کنے کی پاداش میں دولہے کے خلاف مقدمہ درج کر لیا ہے۔  پولیس کی جانب سے منگل کو جاری ایک بیان میں کہا گیا ہے”پولیس تھانہ بتہ مالو نے شادی کی ایک تقریب کے دوران پٹاخوں کا استعمال کرنے کی پاداش میں دولہے کے خلاف مقدمہ درج کر لیا ہے“۔ مذکورہ دولہے کی شناخت بلال احمد شاہ ولد غلام محی الدین شاہ ساکن ریکہ چوک بتہ مالو سرینگر طور ہوئی ہے جس کے افراد خانہ اور قریبی رشتہ داروں نے گذشتہ رات ریکہ چوک بتہ مالو میں پٹاکے سرکے۔ پولیس بیان میں کہا گیا ہے کہ ضلع سری نگر کی حدود میں پٹاخوں کے استعمال پر پابندی عائد ہے۔  

بھارت میں ایمنسٹی انٹر نیشنل کی سرگرمیاں معطل

سرینگر//انسانی حقوق کی عالمی تنظیم ایمنسٹی انٹر نیشنل نے بھارت میں اپنی سرگرمیاں معطل کرتے ہوئے دعویٰ کیا ہے کہ اُس کے بھارتی چیپٹر کے اکاونٹس منجمد کئے گئے ہیں ۔ منگل کو ایمنسٹی انٹر نیشنل کے بھارتی چیپٹر نے کہا کہ اُن پر بے بنیاد الزامات عائد کئے جارہے ہیں۔ ایک بیان میں ایمنسٹی کے بھارتی چیپٹر نے کہا کہ انہیں بھارت میں اپنے اسٹاف ممبران (عہدیداروں) کو چھوڑنے اور تمام قسم کی مہم اور تحقیقی کام معطل کرنے پر مجبور کیا گیا ہے۔ بیان میں کہا گیا” حکومت کی جانب سے ایمنسٹی انٹر نیشنل کے بھارتی بینک اکاونٹس منجمد کرنے (جس کا علم10ستمبر ہوا) کی وجہ سے اُن کا کام مکمل طور پر رک گیا ہے۔  تاہم حکومت کا کہنا ہے کہ ایمنسٹی کو غیر ممالک سے غیر قانونی طور رقومات فراہم ہوتی ہیں جو قواعد و ضوابط کیخلاف ہے۔ ایمنسٹی کا الزام ہے کہ اُن پر ،انسانی حقوق کے اداروں اورکارکنان پر

سپریم کورٹ نے التجاءکواپنی ماں محبوبہ مفتی سے ملنے کی اجازت دیدی

سرینگر//سپریم کورٹ نے منگل کے روز جموں کشمیر کی انتظامیہ سے پیپلز ڈیمو کریٹک پارٹی (پی ڈی پی ) صدر محبوبہ مفتی کی پبلک سیفٹی ایکٹ کے تحت نظر بندی کیخلاف دائرترمیم شدہ درخواست کو لیکر جواب طلب کیا ۔ یہ ترمیم شدہ عرضی محبوبہ کی بیٹی التجاءمفتی نے دائر کی ہے۔ ایس کے کول اور ہرشی کیش رائے پر مشتمل بینچ نے عرضی پر شنوائی کے دوران کہا پی ڈی پی لیڈر کو حراست کے دوران پارٹی میٹنگوں میں شمولیت کے بارے میں حکام سے بات کرنی چاہئے۔ سپریم کورٹ نے تاہم التجاءاور اُن کے چاچا کو محبوبہ سے ملنے کی اجازت دیدی جو اپنی سرکاری رہائش گاہ کے اندر نظر بند ہے۔    

جنوبی ضلع اننت ناگ میں فورسز اور جنگجوﺅں کے مابین معرکہ آرائی

سرینگر//جنوبی ضلع اننت ناگ کے بجبہاڑہ مرہامہ علاقے میں منگل کو جنگجوﺅں اور فورسز کے مابین گولیوں کا تبادلہ ہوا ۔ اس واقعہ میں اگر چہ کسی کے زخمی یا ہلاک ہونے کی کوئی اطلاع نہیں ہے تاہم فورسز نے فوری طور پر علاقے کو محاصرے میں لیکر آپریشن شروع کردیا۔ نیوز ایجنسی جی این ایس کے مطابق جنگجوﺅں نے مرہامہ میں فوج کی ایک پارٹی پر گولیاں چلائیں جس کے بعد جنگجو وہاں سے رفو چکر ہوگئے تاہم پولیس اور فوج کی مشترکہ پارٹی نے اُنہیں تھوڑی ہی دور ی پر محاصرے میں لے لیا ۔ اس موقع پر طرفین میں گولیوں کا تبادلہ ہوا جو آخری اطلاعات ملنے تک جاری تھا۔  

پونچھ میں کراس ایل او سی گولہ باری، نصف درجن مویشی زخمی

جموں//جموں و کشمیر کے ضلع پونچھ کے منکوٹ سیکٹر میں لائن آف کنٹرول پر منگل کی صبح ہندوستان اور پاکستان کی افوج کے درمیان شدید گولہ باری کا تبادلہ ہوا۔ ایک دفاعی ترجمان نے بتایا کہ ضلع پونچھ کے منکوٹ سیکٹر میں ایل او سی پر منگل کی صبح قریب ساڑھے چار بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری شروع کر دی۔ انہوں نے کہا کہ وہاں تعینات بھارتی فوجی اہلکاروں نے حملے کا بھر پور جواب دیا۔ کراس ایل او سی کے اس واقعہ میں نصف درجن مویشیوں کے زخمی ہونے کی اطلاع موصول ہوئی ہے۔  

زوجیلا میں پسیاں گرآنے کے بعد سرینگر۔ لداخ شاہراہ پر ٹریفک معطل

کنگن//زوجیلا علاقے میں پسیاں گرآنے کے نتیجے میں سرینگر۔ لداخ شاہراہ پر گذشتہ شام سے ٹریفک کی آمد رفت بند ہے۔  کشمیر عظمیٰ کو منگل کے روز ملی تفصیلات کے مطابق انڈیا گیٹ زوجیلا کے مقام پر گذشتہ شام 7بجے کے قریب پسیاں گرآنے کے نتیجے میں سرینگر ۔لداخ شاہراہ دونوں طرف کی ٹریفک کیلئے بند ہوگئی ہے جس کی وجہ سے شاہراہ کے دونوں طرف سینکڑوں گاڑیاں درماندہ ہوکر رہ گئی ہیں۔  ٹریفک پولیس کے ایک افسر نے کشمیر عظمیٰ کو بتایا کہ شاہراہ پر پسیاں ہٹانے کے لئے بارڈر روڈس آرگنائزیشن نے ہنگامی بنیادوں پر کام شروع کیا ہے اور اس کیلئے مشینوں کے علاوہ مزدوروں کی خدمات حاصل کی گئی ہیں۔  

ملک میں کوروناکے 70589 نئے کیس، متاثرین کی تعداد 6145292

نئی دہلی//ملک میں گزشتہ 24گھنٹوں کے دوران 84 ہزار سے زائد مریضوں نے کورونا کو شکست دی جس سے صحت مند ہونے والوں کی تعداد 51لاکھ کے پار پہنچ گئی اور اس دوران وائرس کے تقریبا 70ہزارنئے کیسوں کے مقابلہ میں کورونا وائرس سے شفایایب ہونے والوں کی تعداد زیادہ ہونے سے ایکٹیو کیسز میں تقریباً 15ہزار کی کمی آئی۔ مرکزی وزارت صحت و خاندانی بہبود کی جانب سے منگل کے روز جاری تازہ ترین اعداد و شمار کے مطابق گذشتہ 24 گھنٹوں کے دوران 84877مریض صحت مند ہوئے جس سے کورونا سے شفایاب ہونے والوں کی مجموعی تعداد5102398 ہوگئی ہے۔ جان لیوا کورونا کے70589 نئے کیسزکے ساتھ ہی متاثرین کی مجموعی تعداد بڑھ کر 6145292ہوگئی ہے اور اس کے مقابلے میں ، فعال کیسوں کی تعداد میں15064 کی کمی واقع ہوئی ہے اور اب یہ تعداد947576 ہے۔  

کورونا وائرس سے دس لاکھ سے زائد ہلاکتیں انتہائی تکلیف دہ: گوٹریس

اقوام متحدہ//اقوام متحدہ کے سکریٹری جنرل انتونیو گوٹریس نے کورونا وائرس کی وبا سے دنیا بھر میں 10 سے زائد ہلاکتوں کو ایک’انتہائی تکلیف دہ سنگ میل‘ قرار دیتے ہوئے کہا ہے کہ یہ اعداد و شمار قلب و ذہن کو سن کردینے والاہے۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کی جانب سے جاری تازہ ترین اعدادوشمار کے مطابق کورونا سے اب تک دنیا بھر میں 10 لاکھ 555 افراد ہلاک ہوچکے ہیں ، جبکہ 3کروڑ 32 لاکھ 73 ہزار 720 افراد اس جان لیوا وبا کی زد میں آچکے ہیں۔  گوٹریس نے اپنے ایک بیان میں کہا”ہماری دنیا انتہائی تکلیف دہ سنگ میل پر پہنچ چکی ہے۔ کوڈ۔19 وبانے 10 لاکھ افراد کو ہلاک کیا۔ یہ قلب و ذہن کو سن کردینے والا ہے۔ ہمیں کبھی بھی کسی شخص کی زندگی سے محروم نہیں ہونا چاہئے۔ وہ والدین ، شریک حیات ، بہن بھائی ، دوست اور ساتھی کارکن تھے۔ اس

کورونا کے 824نئے معاملے، جموں337کے ساتھ سر فہرست

سرینگر//جموں کشمیر میں پیر کے روز کورونا وائرس متاثرین کے 824کیس سامنے آئے اور اس طرح مرکز کے زیر انتظام علاقے میں کورونا متاثرین کی مجموعی تعداد73014تک پہنچ گئی۔ آج ظاہر ہونے والے کیسوں میں284وادی کشمیر جبکہ جموں صوبے میں540کیس ظاہر ہوئے۔ ان میں 82مسافر بھی شامل ہیں۔ اعداد و شمار کے مطابق سرینگر ضلع میں105،بڈگام میں27،بارہمولہ میں26،پلوامہ میں33،اننت ناگ میں18،بانڈی پورہ میں9،کپوارہ میں44،گاندر بل میں13،کولگام میں1 اور شوپیان میں8کیس سامنے آئے۔ جموں ضلع میں آج سب سے زیادہ337،راجوری میں52،ا‘دھمپور میں38،کٹھوعہ میں37،ڈوڈہ میں11،سانبہ میں29،پونچھ میں10،رام بن میں1ریاسی میں14اور کشتواڑ میں11کورونا کیس سامنے آئے۔  

دنیا میں کورونا وائرس سے 3.33 کروڑ افراد متاثر ،10لاکھ سے زیادہ ہلاکتیں

واشنگٹن / ریو ڈی جنیرو / نئی دہلی// مہلک ترین اور جان لیوا عالمی وباکورونا وائرس (کووڈ-19) سے متاثرہ افراد کی تعداد تین کروڑ سے تجاوز کرچکی ہے ، جبکہ اس وبا کی زد میں آکر ہلاک ہونے والوں کی تعداد 10لاکھ سے زائد ہوچکی ہے۔ امریکہ کی جان ہاپکنز یونیورسٹی کے سائنس اور انجینئرنگ سینٹر (سی ایس ایس ای) کی جانب سے جاری اعداد و شمار کے مطابق کورونا نے اب تک دنیا بھر میں33,311,251 افراد کو متاثر کیا ہے جبکہ ہلاک شدگان کی تعداد 1,002,452 ہوچکی ہے کورونا وائرس کے پھیلاو¿ کے بعد سے امریکہ متاثرہ ممالک کی فہرست میں پہلے مقام پر ہے اور اس ملک میں اب تک جان لیوا وبا سے متاثرہ افراد کی تعداد 71.14 لاکھ سے تجاوز کر چکی ہے اور اب تک 2.04 لاکھ سے زیادہ افراد اپنی زندگیوں سے ہاتھ دھو بیٹھے ہیں۔  

سامبورہ معرکہ میں جاں بحق لشکر کمانڈر فورسز پر کئی حملوں میں ملوث تھا: ڈی جی پی

سرینگر//جموں کشمیر پولیس کے ڈائریکٹر جنرل دلباغ سنگھ نے پیر کے روز کہا کہ سامبورہ پانپور میں جو دو جنگجو گذشتہ روز فورسز کے ساتھ معرکہ آرائی کے دوران جاں بحق ہوگئے ، وہ کئی حملوں میں ملوث تھے۔ اس معرکہ آرائی میں لشکر سے وابستہ دو جنگجو جاں بحق ہوگئے جن میں اعجاز احمد ریشی بھی شامل تھا۔  نیوز ایجنسی کے این او کے مطابق انہوں نے اعجاز کی ہلاکت کو ”بہت بڑی کامیابی“ قرار دیتے ہوئے کہا کہ وہ لشکر کا سب سے زیادہ وقت تک زندہ رہنے والا کمانڈر تھا۔ دلباغ سنگھ کے مطابق اعجازپہلے ایک بالائے زمین کارکن تھا جس نے بعد میں جنگجوﺅں کی صف میں باضابطہ طور شمولیت اختیار کی۔انہوں نے کہا اعجاز حزب کمانڈر برہان وانی سے بھی پہلے جنگجوﺅں کی صف میں شامل ہوا تھا۔ دلباغ سنگھ نے پولیس سٹیشن اونتی پورہ میں ایک پریس کانفرنس کے دوران اعجاز کو ”خطر ناک جنگجو“ قرار دیتے ہوئے

بابر قادری قتل کیس میں اہم سراغ مل گئے:دلباغ سنگھ

سرینگر//جموں کشمیر پولیس سربراہ دلباغ سنگھ نے پیر کے روز کہا کہ ایڈوکیٹ بابر قادری قتل معاملے میںپولیس کو اہم سراغ حاصل ہوئے ہیں۔انہوں نے اُمید ظاہر کی کہ یہ کیس عنقریب حل کیا جائے گا۔ نیوز ایجنسی کے این او کے مطابق پولیس سربراہ دلباغ سنگھ نے ایڈو کیٹ بابر قادری کی ہلاکت کے بارے میں نامہ نگاروں کو بتایا”ہم نے پہلے ہی پولیس کی ایک خصوصی تحقیقاتی ٹیم تشکیل دے رکھی ہے“۔ انہوں نے مزید کہا ”ہمیں بابر قادری قتل کیس کے سلسلے میں اہم سراغ ہاتھ لگے ہیں اور اُمید ہے کہ اس کیس کو بہت جلد حل کیا جائے گا“۔ ایڈو کیٹ بابر قادری کو 24ستمبر کے روز نامعلوم بندوق برداروں نے حول سرینگر میں نزدیک سے گولیاں مار کر جاں بحق کردیا۔ بعد ازاں پولیس نے ایک خصوصی تحقیقاتی ٹیم تشکیل دیکر کیس کی تحقیقات شروع کی۔  

ملک میں 82170 نئے کورونا کیس، متاثرین کی تعداد 60.74 لاکھ

نئی دہلی// ملک میں گذشتہ 24 گھنٹوں کے دوران متاثرہ افراد کے 82 ہزار سے زیادہ نئے معاملے سامنے آنے سے متاثرین کی تعداد 60.74 لاکھ سے تجاوز کر چکی ہے جبکہ کورونا کے انفیکشن سے 74 ہزار سے زائد افراد صحت مند ہوچکے ہیں جس کے نتیجے میں صحت مند افراد کی تعداد 50.16 لاکھ ہوگئی ہے۔ مرکزی وزارت صحت اور خاندانی بہبود کی پیر کے روز جاری کردہ اعداد و شمار کے مطابق ، گذشتہ 24 گھنٹوں کے دوران82170 نئے معاملوں کے ساتھ اس کے متاثرہ افراد کی تعداد بڑھ کر 6074702ہوگئی۔ اس عرصہ کے دوران74892 مریض ٹھیک ہوئے ہیں ، جنہیں ملا کر اب تک5016520 افراد کورونا کی وبا سے نجات پا چکے ہیں۔  

پولیس کا بڈگام ضلع میں اسلحہ وگولہ بارود برآمد کرنے کا دعویٰ

سری نگر// پولیس نے وسطی ضلع بڈگام کے چاڈورہ علاقے میں اسلحہ و گولہ بارود برآمد کرنے کا دعویٰ کیا ہے۔ سرکاری ذرائع نے بتایا کہ چاڈورہ کے قاضی پورہ علاقے میں پیر کی صبح فوج، سی آر پی ایف اور پولیس کی ایک مشترکہ ٹیم نے تلاشی آپریشن کے دوران اسلحہ وگولہ باردو کے علاوہ کچھ قابل اعتراض مواد بھی برآمد کیا۔ انہوں نے کہا کہ برآمد شدہ اسلحہ میں 5 یو بی جی ایل اور 150 راو¿نڈس شامل ہیں۔  

ڈوبنے کے100دن بعد دریائے جہلم سے بجبہاڑہ کی بچی کی لاش بر آمد

سرینگر//جنوبی ضلع اننت ناگ کے بجبہاڑہ علاقے میں پیر کو اُس13سالہ بچی کی لاش بر آمد ہوئی جو دریائے جہلم میں ڈوبنے کے بعد لاپتہ ہوئی تھی۔ نیوز ایجنسی کے این او کے مطابق نگہت جان دختر غلام حسن ڈار ساکن جعفر پورہ مرہامہ کی لاش آج بوسیدہ حالت میں بر آمد ہوئی۔ وہ رواں برس 16جون کو دریائے جہلم میں ڈوبنے کے بعد سے لاپتہ تھی  

اب تک ملک میں سات کروڑ سے زائد کورونانمونوں کی جانچ

نئی دہلی// ملک میں عالمی وباکووڈ- 19 کے 27 ستمبر تک 7 کروڑ سے زائد نمونوں کی جانچ کی جاچکی ہے۔ انڈین کونسل آف میڈیکل ریسرچ (آئی سی ایم آر) کے پیر کو جاری اعداد و شمار کے مطابق 27 ستمبر کو ملک میں کورونا وائرس کے 709394نمونوں کا ٹیسٹ کیا گیا اور ان کی مجموعی تعداد71967230 تک پہنچ گئی۔ ملک میں بڑے پیمانے پر کورونا وائرس کے پھیلاو¿ کو روکنے کے لئے 24 ستمبر کو ایک دن میں ریکارڈ1492409 نمونوں کاٹیسٹ کیا گیاتھا۔

میکسیکومیں بار کے اندر اندھا دھند فائرنگ ، 11 افراد ہلاک

میکسیکو سٹی// میکسیکو کے صوبہ گیاناجواتو میں ایک بارمیں اندھادھند فائرنگ کے ایک واقعہ میں چار خواتین سمیت 11 افراد ہلاک ہوگئے۔ مقامی انتظامیہ کے مطابق کچھ حملہ آور صوبہ ذرال ڈیل پروگریسونامی شہر کے ایک بار میں اچانک پہنچے اور انہوں نے صارفین اور اس کے ملازمین پراندھادھند فائرنگ شروع کردی۔ اس حملے میں سات مرد اور چار خواتین ہلاک ہوگئے۔  

سرہامہ معرکہ آرائی کے مقام پر دھماکے میں زخمی نوجوان چل بسا

سرینگر//جنوبی ضلع اننت ناگ کے سرہامہ بجبہاڑہ میں معرکہ آرائی کے مقام پر دھماکے سے زخمی ایک نوجوان پیر کو زخموں کی تاب نہ لاکر دم توڑ بیٹھا۔ نیوز ایجنسی کے این او کے مطابق یہ معرکہ آرائی گذشتہ جمعہ کو ہوئی تھی اور اس کے مقام پر بعد ازاں ایک دھماکہ ہوا تھا جس میں چار افراد زخمی ہوئے تھے جن میں یاسین احمد راتھر نامی زخمی آج دم توڈ بیٹھا۔ یاسین سکمز صورہ میں زیر علاج تھا جہاں وہ گذشتہ رات تقریباً ساڑھے تین بجے جاں بحق ہوگیا۔ سرہامہ انکاونٹر میں دو جنگجو جاں بحق ہوئے تھے۔  

شمالی ضلع کپوارہ میں جنگجو ﺅں کا اعانت کار گرفتار، ہتھیار بر آمد: پولیس

سرینگر//پولیس نے ہفتے کے روز دعویٰ کیا کہ اُنہوں نے شمالی کشمیر کے ہندوارہ میں جنگجو ﺅں کے ایک اعانت کارکو گرفتار کرلیا۔پولیس کے مطابق یہ گرفتاری ضلع کپوارہ کے مندی گام کرالہ گنڈ علاقے مین عمل میں لائی گئی۔ اپنے بیان میں پولیس نے کہا کہ ایک مصدقہ اطلاع ملنے کے بعد پولیس، فوج اور سی آر پی ایف نے مشترکہ کارروائی کرتے ہوئے مندی گام کے میوہ باغات میں تلاشی آپریشن شروع کیا۔ نیوز ایجنسی جی این ایس کے مطابق تلاشی کے دوران ایک شخص کو مشکوک حالت میں دیکھا گیا جس نے فورسز کو دیکھتے ہی بھاگنے کی کوشش کی لیکن اُسے دبوچ لیا گیا۔ گرفتار شدہ کی شناخت عقیل احمد پرے ولد ولی محمد پرے ساکن مندی گام کرالہ گنڈ کے طور ہوئی ہے۔ پولیس بیان کے مطابق اُس کی تحویل سے ہتھیار بھی بر آمد کئے گئے ہیں۔  

تازہ ترین