تازہ ترین

سنئی میں رابطہ سڑک کی تعمیر شروع

تاریخ    16 ستمبر 2021 (00 : 01 AM)   


بختیار کاظمی
سرنکوٹ//سرنکوٹ کے سنئی علاقہ کے کئی دیہات ابھی تک سڑک جیسی بنیادی سہولیات سے محروم تھے تاہم عوامی مانگ و مشکل کو دیکھتے ہوئے محکمہ تعمیرات عامہ نے ایک رابطہ سڑک کی تعمیر شروع کر دی ہے ۔مقامی لوگوں نے بتایا کہ محلہ انعام والی، نلہ ہل، گائی، گیدر ،و ٹنڈ سیدا،ں سرووالی نالیاں ودیگر ملحقہ دیہات میں ابھی تک رابطہ سڑک تعمیر ہی نہیں کی گئی تھی جبکہ مقامی لوگ مشکلات میں بھی کئی کلو میٹر کا پیدل سفر کر کے سڑک میں پہنچتے تھے ۔انہوں نے بتایا کہ گزشتہ کئی دہائیوں سے ان علاقوں کو رابطہ سڑک کیساتھ جوڑنے کیلئے ضلع انتظامیہ سے رجوع کیا جاتا رہا جبکہ آخر میں محکمہ تعمیرات عامہ کی جانب سے رابطہ سڑک کی تعمیر شروع کی گئی ہے ۔مقامی لوگوں و پنچایتی اراکین نے محکمہ تعمیر ات عامہ کے ایگز یکٹو انجینئر اور جونیئر انجینئر کا شکریہ ادا کرتے ہوئے امید ظاہر کی کہ جلد ہی رابطہ سڑک کو مکمل کر کے عوام کو بہترین آمد ورفت کی سہولیت فراہم کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تازہ ترین