تازہ ترین

کورونا کا قہر | دنیا میں اموات کی تعداد41.76لاکھ سے متجاوز

تاریخ    29 جولائی 2021 (00 : 12 AM)   


یو این آئی
واشنگٹن//یو این آئی// کورونا وائرس (کووڈ ۔19) سے متاثر افراد کی تعداد پوری دنیا میں 19.52 کروڑ ہوگئی ہے اور اس کی وجہ سے 41.76 لاکھ سے زیادہ افراد ہلاک ہوچکے ہیں۔امریکہ کی جان ہاپکنز یونیورسٹی کے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 19 کروڑ 52 لاکھ 65 ہزار 112 ہوگئی ہے جبکہ 41 لاکھ 76 ہزار 605 افراد اس سے ہلاک ہوچکے ہیں۔امریکہ میں کورونا وائرس کی رفتار ایک بار پھر تیزی سے پھیل رہی ہے ۔ یہاں متاثرہ افراد کی تعداد 3.46 کروڑ سے تجاوز کرچکی ہے اور 6.11 لاکھ سے زیادہ افراد ہلاک ہوگئے ہیں۔ کورونا انفیکشن کے معاملے میں ہندوستان دنیا میں دوسرے اور ہلاک ہونے والے افراد کے لحاظ سے تیسرے نمبر پر ہے ۔ گذشتہ 24 گھنٹوں میں کورونا کے 43،654 نئے معاملوں کی آمد کے ساتھ ہی متاثرہ افراد کی تعداد تین کروڑ 14 لاکھ 84 ہزار 605 ہوگئی ہے ۔ اس دوران 41 ہزار 678 مریضوں کے صحتیاب ہونے کے ساتھ ہی مجموعی طور سے صحتیاب ہونے والوں کی تعداد بڑھ کر 3,06,63147 ہوگئی ہے ۔ متاثرہ افراد کے معاملے میں برازیل اب تیسرے نمبر پر ہے ، جہاں ایک بار پھر کورونا انفیکشن کے معاملات بڑھ رہے ہیں اور اب تک اس سے 1.97 کروڑ سے زیادہ افراد متاثر ہوئے ہیں جبکہ 5.51 لاکھ سے زیادہ مریض فوت ہوچکے ہیں۔ برازیل کورونا سے ہونے والی اموات کے معاملے میں دنیا میں دوسرے نمبر پر ہے ۔انفیکشن کے لحاظ سے روس چوتھے نمبر پر ہے جہاں کورونا سے متاثروں کی تعداد 60.94 لاکھ سے تجاوز کرچکی ہے اور 1.52 لاکھ سے زیادہ افراد اس کے انفیکشن کی وجہ سے ہلاک ہوچکے ہیں۔ ابھی تک فرانس میں 60.88 لاکھ سے زیادہ افراد کورونا وائرس سے متاثر ہوچکے ہیں جبکہ 1.11 لاکھ سے زیادہ مریض دم توڑ چکے ہیں۔ برطانیہ میں کورونا سے متاثرہ افراد کی تعداد 57.71 لاکھ سے تجاوز کر چکی ہے اور 129591 مریض فوت ہوچکے ہیں۔ ترکی میں کورونا سے متاثروں کی مجموعی تعداد 56.38 لاکھ سے تجاوز کرچکی ہے اور 51048 افراد لقمہ اجل بن چکے ہیں۔ اسی کے ساتھ ہی ارجنٹائن میں متاثرہ افراد کی تعداد بڑھ کر تقریبا 48.75 لاکھ ہوگئی ہے اور مرنے والوں کی تعداد 1,04,352 ہوگئی ہے ۔ کولمبیا میں کورونا وائرس سے 47.47 لاکھ سے زیادہ افراد متاثر ہوئے ہیں اور 119482 افراد اپنی زندگی سے ہاتھ دھو بیٹھے ہیں۔
 

مریم نواز کوروناکا شکار

لاہور// پاکستان میں مسلم لیگ ن  کی نائب صدر مریم نوازبھی کورونا وائرس کا شکار ہوگئیں، کورونا ٹیسٹ مثبت آگیا۔ن لیگ کی ترجمان مریم اورنگزیب نے تصدیق کرتے ہوئے بتایا کہ مریم نواز کا کورونا ٹیسٹ پازیٹو آگیاہے، جس کے بعد انہوں نے خود کو قرنطینہ کرلیا ہے۔ن لیگ کی ترجمان نے کہا کہ مریم نواز نے اپنے چاہنے والوں سے صحت یابی کیلیے دعائیں کرنے کی اپیل کی ہے، وہ گھر پر علاج کرارہی ہیں، انہیں بخار، کھانسی  اور فلو کی علامات ہیں۔