تازہ ترین

مزید خبریں

تاریخ    16 جون 2021 (00 : 01 AM)   


نیوز ڈیسک

کشتواڑ میں 300لیٹر لہن تباہ ،10لیٹر شراب ضبط

عاصف بٹ
کشتواڑ// ناجائز شراب کی فروخت کے خلاف ضلع میں مہم جاری رکھتے ہوئے کشتواڑ پولیس نے کشتواڑ کے پوچھال علاقے میںتین سو لیٹر لہن کو تباہ کردیا۔کشتواڑ پولیس کوملی ایک مخصوص اطلاع پر ایس ایچ او انسپکٹر عابد بخاری کی سربراہی میں کشتواڑ پولیس کی ٹیم نے علاقے  میںچھاپہ مارا اور پوچھال علاقے میںدو افراد کو گرفتار کیاجن سے10لیٹر دیسی شراب ضبط اور 300لیٹر لہن موقع پر ہی تباہ کردی گئی ۔ گرفتار افراد کی شناخت کھوف ولد رام ناتھ ار بریا لال ولد دیوان چند ساکنہ پوچھال کے طور ہوئی۔اس سلسلے میں پولیس نے پولیس سٹیشن کشتواڑ میں ایف آئی آر نمبر 135/2021زیر دفعہ 48اے ایکسائز ایکٹ کے تحت مقدمہ درج کیا گیا اور مزید تفشیش شروع کردی گئی۔
 

محکمہ تعمیرات عامہ گول کاکارنامہ | ہفتے قبل نالیوںسے نکالاگیا ملبہ سڑک سے نہیں اٹھایا

زاہدبشیر
گول//ویسے تو گول میں لنک روڈ سڑکوںکی حالت ابتر سے عوام کافی پریشان ہے۔ محکمہ تعمیرات عامہ نے ایک ہفتے قبل گول سلبلہ روڈ پرکئی جگہوں پرنالیاں صاف کیں لیکن نالیوںسے جوملبہ اٹھایاگیاوہ سڑک پررکھا اور ابھی تک نہیں اٹھا۔ تمام ملبہ آہستہ آہستہ واپس نالیوںمیں جا رہاہے اوراس طرح کاکام کرنا عوام کواورسڑکوں پرچلنے والوں کومزیدمصیبتوں میں ڈالناہے۔ سڑک میںملبہ کی وجہ سے جہاں گاڑیوں کوچلنے میں دقتوںکاسامناکرنا پڑ رہاہے وہیں راہگیروں کوبھی کافی پریشانیوںکاسامناکرنا پڑرہاہے۔ اگرچہ اس مصیبت کاشکار یہاںکی انتظامیہ خود بھی ہے لیکن اس کے باوجود محکمہ ٹس سے مس نہیں ہورہاہے۔ضلع ترقیاتی کمشنر رام بن مسرت الاسلام سے لوگوں نے مطالبہ کیاکہ جلدازجلد سڑکوں کے کنارے ملبے کواٹھوایاجائے تاکہ لوگوں کوپریشانیوں کاسامنا نا کرناپڑے۔
 

چنگا ککوٹی سڑک کی سروے پر چنگا بھلیسہ میں احتجاج | عوام نے خستہ حال سڑک پر محکمہ کو بنایا ہدف تنقید بنایا

اشتیاق ملک
ڈوڈہ //ڈوڈہ کی سب ڈویڑن گندوہ کے واقع گاؤں صوتی میں چنگا ککوٹی سڑک کی غلط سروے کو لے کر عوام نے احتجاج کیا جس دوران انہوں نے کہا کہ جہاں چار کلومیٹر تعمیر ہوئی سڑک خستہ حال ہو چکی ہے وہیں دو مزید دوکلومیٹر کے لئے محکمہ تعمیرات عامہ عوام کی مرضی کے خلاف سروے کررہا ہے۔سیاسی و سماجی کارکن عبدالکریم ملک کی قیادت میں مظاہرین نے نعرہ بازی کرتے ہوئے کہا کہ سڑک کا کام 2008 سے شروع کیا گیا ہے لیکن ابھی تک صرف چار کلومیٹر تعمیر ہوئی ہے اور گذشتہ برس مزید دوکلومیٹر پروجیکٹ کو منظوری دی گئی ہے۔مظاہرین نے کہا کہ ڈھیرے سے براہ راست آگے کی طرف سروے کی جائے بصورت دیگر وہ عدالت کا رخ کرنے پر مجبور ہوں گے۔
 

 بٹوت فروٹ و سبزی منڈی میں تجارتی سرگرمیوں کا افتتاح 

رام بن//چیئر پرسن ضلعی ترقیاتی کونسل رام بن ڈاکٹر شمشاد شان نے بی ڈی سی چیئرپرسن بٹوت راجیشور بھگت ، صدر میونسپل کمیٹی بٹوت رویندر سنگھ اور ڈی ڈی سی ممبر جگویر داس موجودگی میں بٹوت فروٹ و سبزی منڈی میں تجارتی سرگرمیوں کا افتتاح کیا۔تحصیلدار بٹوت محبوب خان ، پی ڈی ڈی کے ایگزیکٹو انجینئر نثار حسین ، ایگزیکٹو انجینئر پی ایم جی ایس وائی کمل کشور گپتا ، اے ایم او سنیل بخشی ، پی آر آئی ، صدر ایف اینڈ وی منڈی ایسوسی ایشن جگدیش چند ، متعدد کسان ، باغبانی اور تاجرو نمایاں شہری اس موقع پر بھی موجودتھے۔افتتاحی تقریب ،جوبٹوت منڈی کے پھلوںو سبزیوں کے کسانوں اور تاجروں کی انجمن کی طرف سے منعقد کی گئی تھی،کے بعد چیئرپرسن نے کاشتکاروں پرمنڈی کو اپنی سبزیوں اور پھلوں کی پیداوار کو منظم انداز میں بیچ کر اس سے فوائد حاصل کرنے پر زور دیا۔انہوں نے ضلع میں کسانوں کے لئے پہلی منڈی سہولت تیار کرنے پر باغبانی منصوبہ بندی اور مارکیٹنگ کارپوریشن کی بھی تعریف کی۔ انہوں نے مزید کہا کہ یہ اس علاقے میں مرکزی طور پر واقع ہے جو سبزیوں اور پھلوں کی بھی ایک بڑی پیداوار ہے۔انہوں نے مقامی انتظامیہ کو یہ ہدایت بھی کی کہ وہ اس بات کو یقینی بنائے کہ تمام کاشتکار اور باغبان منڈی میں اپنی کاشت کی پیداوار لائیں۔ انہوں نے اس علاقے کے دکانداروں اور مقامی تاجروں سے بھی کہا کہ وہ اس منڈی سے پھل اور سبزیاں خریدیں تاکہ اسے کامیاب بنایا جاسکے۔مقامی لوگوں کے ذریعہ اجاگر ہونے والے مسائل کے جواب میں ، چیئر پرسن نے یقین دہانی کرائی کہ منڈی کے رجسٹرڈ الاٹیز کو ان کی تجارت میں آسانی کے لئے دکانوں کی الاٹمنٹ سے متعلق یہ معاملہ متعلقہ حکام کے ساتھ اٹھایا جائے گا۔بعد میں انہوں نے پی آر آئی اور مقامی لوگوں کی شکایات کو بھی سنا اور وہاں موجود افسران کو ہدایت کی کہ وہ تمام تر حقیقی مسائل کو ترجیحی بنیادوں پر حل کریں۔
 

ڈی سی رام بن کاچندرکوٹ میں زیر تعمیر یاتری نواس کے کام جائزہ 

رام بن// ڈپٹی کمشنر رام بن مسرت الاسلام نے چندرکوٹ کا دورہ کیا اور زیر تعمیر شری امر ناتھ جی شرائن بورڈیاتری نواس پر زیر تعمیر کام کی پیشرفت کا معائنہ کیا۔ایڈیشنل ڈپٹی کمشنر ہربنس لال شرما اور دیگر متعلقہ افسران بھی ان کے ہمراہ تھے۔تعمیراتی کام پر پیشرفت کے بارے میں جائزہ لینے کے علاوہ ڈی سی نے ذمہ داریوں / سرگرمیوں کے تبادلے سے متعلق امور پر بھی ٹھیکیدار اور سائٹ انجینئرز کے ساتھ تفصیل سے تبادلہ خیال کیا۔سائٹ انجینئر اسسٹنٹ ایگزیکٹیو انجینئر CPWD سرجیت کمار نے ڈی سی کو مطلع کیا کہ یاتری نواس کمروں پر 40 فیصد کام مکمل ہوچکا ہے۔ انہوں نے کہا کہ 9 ہاسٹلریوں کی فاؤنڈیشن کا کام مکمل طور پر مکمل ہوچکا ہے اور دو ہاسٹلریوں کے ایل اے ایس بی کا کام پہلے ہی شروع کردیا گیا ہے ، جبکہ ایک ہاسٹلری پر گراؤنڈ فلور پر اسٹیل فریمنگ مکمل کرلی گئی ہے۔مزید یہ بھی بتایا گیا کہ 30 جون سے قبل ہاسٹلریوں کا 50 فیصد ایس اے ایس بی کے حوالے کیا جائے گا۔ڈی سی نے سائٹ انجینئرز کو ہدایت کی کہ وہ کام کو تیز کریں اور حکومت کی طرف سے جاری کردہ ٹائم لائن کے مطابق یاتری نواس کو مکمل کریں۔ انجینئرز نے کچھ مقامی مسائل پر روشنی ڈالی اور ڈی سی نے ان میں سے بیشتر کو موقع پر ہی حل کیا اور دیگر امور حل کرنے کے لئے متعلقہ افسران کو ضروری ہدایات دیں۔ڈی سی نے تعمیراتی ایجنسی کو مقررہ ٹائم لائن میں وقاری منصوبے کی تکمیل میں ضلعی انتظامیہ کے مکمل تعاون کی یقین دہانی کرائی۔ڈی سی نے تعمیراتی ایجنسیوں کو ہدایت کی کہ کووڈ مثبت معاملات میں حالیہ اضافے کے پیش نظر مہلک انفیکشن کے پھیلاؤ پر قابو پانے کے لئے کووڈ ایس او پیز / ہدایات پر سختی سے عمل کیا جائے۔
 

پتنی ٹاپ سیاحتی مقام میں صفائی ستھرائی مہم شروع

ادہم پور// پتنی ٹاپ ڈیولپمنٹ اتھارٹی (پی ڈی اے) کے ذریعہ چیف ایگزیکٹو آفیسر ٹھاکر شیر سنگھ کی سربراہی میں پتنی ٹاپ میں ایک صفائی ستھرائی مہم کا انعقاد کیا گیا۔اس مہم میں PDA کے افسران / عہدیداروں نے بھر پور جوش و ولولہ کے ساتھ شرکت کی۔ سی ای او نے سرکلر روڈ پتنی ٹاپ کا پاڈورڈو تک وسیع دورہ کیا۔ جنگل کے علاقے میں کھانا پکانے والے کچھ سیاحوں کو دیکھنے پر انہوں نے پی ڈی اے عملے کو ایل پی جی گیس سلنڈر اوردیگر سامان ضبط کرنے کی ہدایت کی جس کے بعد دو سلنڈر اور ایک گیس چولہے کو موقع پر ہی ضبط کرلیا گیا۔سیاحوںسے کہا گیا کہ وہ کھانا کھلے میں نہ پکائیں اور کووڈ 19 ایس او پیز پر عمل کریں۔ اس معاملے کو ڈی ایف او بٹوت کے ساتھ بھی اٹھایا گیا تھا جن کو عملہ کی تعیناتی کرنے کے لئے کہا گیا ہے تاکہ اس طرح کی تمام سرگرمیوں کی صحیح جانچ پڑتال کی جاسکے۔سی ای او نے دکانداروں اور کھوکھا والوں کو مشورہ دیا کہ وہ ایس او پیز پر سختی سے عمل کریں اور کووڈ کے مناسب طرز عمل پر عمل کریں۔
 

وزیر اعظم پیکیج کے تحت تعینات ملازمین 

 رہائش کے معاملہ کو حکومت سنجیدگی سے لے:سنجے دھر

جموں//ڈس پلسیڈ کشمیری پنڈت صوبہ کشمیر سے اپنی پارٹی ریاستی کارڈی نیٹر سنجے دھرنے حکومت ِ جموں وکشمیر سے اپیل کی ہے کہ وزیر اعظم روزگار پیکیج کے تحت تعینات ملازمین جوکہ ٹرانزٹ کیمپوں سے باہر رہائش پذیر ہیں، کی رہائش کے معاملہ کو سنجیدگی سے لیاجائے۔ ایک بیان میں سنجے دھر نے کہاکہ بڑی تعداد میں پی ایم پیکج ملازمین خاص طور سے خواتین اور معذور ٹرانزٹ کیمپوں سے باہر کرایے پر رہنے پر مجبور ہیں۔ اُن کی شکایت ہے کہ وہ اتنا زیادہ کرایہ ادا نہیں کرسکتے، یہ حکومت کی اخلاقی نااہلی ہے کہ وہ اِن ملازمین کی مشکلات حل کرنے میں ناکام رہی ہے۔ دھرنے لیفٹیننٹ گورنر سے اپیل کی ہے کہ اِس معاملہ کو سنجیدگی سے لیا جائے اور ٹرانزٹ کیمپوں میں مطلوبہ رہائشی کوارٹرز کی تعمیر کی جائے۔ 
 

اپنی پارٹی ضلع کمیٹی اودھم پور کی تشکیل

جموں//اپنی پارٹی نے ضلع کمیٹی اودھم پور کو پارٹی صدر سید محمد الطاف بخاری کی منظوری کے بعد تشکیل دی ہے ۔ صوبائی صدر جموں منجیت سنگھ نے ضلع کمیٹی اودھم پور کے نئے عہدیداران کے ناموں کا اعلان کیا ہے۔ ہنس راج ڈوگرہ کو ضلع صدر، رامیش منہاس کو نائب صدر، کیول کرشن کمانڈو کا نائب صدر، جگدیو سنگھ کو نائب صدر، ست پال چلوترہ کو جنرل سیکریٹری، اشونی بھٹ اور اشوک کمار کو سیکریٹری ، دھرم چند کو سیکریٹری، محمد اکرم کو سیکریٹری، سردار رنجیت سنگھ دتہ کو سیکریٹری بنایاگیاہے۔

 18 سال یا اس سے اوپر کے افراد کے لئے

سانبہ میں ٹیکہ کاری مہم آج سے شروع ہوگی: ڈی سی

سانبہ//45 اور اس سے اوپر کی عمر کے 100 فیصد ٹیکہ کاری کے بعد سانبہ انتظامیہ نے باضابطہ طور پر اعلان کیا ہے کہ ضلع میں 18 سے 44 سال تک کی عمر کے لوگوں کیلئے ٹیکہ کاری کی مہم آج یعنی16جون سے شروع ہوگی۔ڈپٹی کمشنر انوردھا گپتا نے میڈیا افراد کو بریفنگ دیتے ہوئے اعلان کیا کہ 18 سال یا اس سے زیادہ عمر کے افراد کے لئے ویکسی نیشن مہم بدھ سے نامزد 15 ویکسی نیشن مراکز سے شروع ہوگی۔ڈپٹی کمشنر نے کہا ’’18 سال اور اس سے زیادہ عمر کے زمرے کو کل سے ویکسین لگوائے جائیں گے جس کے لئے ایک وسیع پیمانے پر آرڈر بھی جاری کردیا گیا ہے"۔ انہوں نے کہا کہ ٹیکہ کاری مراکز ، جن میں دکاندار ، میڈیا پرسن ، اسٹریٹ وینڈر (ریڈی والا اور فراری والا) ، ریسٹورینٹ کے کارکنان ، صنعتی کارکنان ، وکلاء اور دیگر شامل ہیں ، میں ٹیکہ لگانے کے لئے ہائی رسک گروپ کو ترجیح دی جائے گی۔انہوں نے مزید کہا کہ ہائی رسک گروپ کے علاوہ 18 سال یا اس سے زیادہ عمر کے عمومی افراد بھی ویکسی نیشن لے سکتے ہیں ، لیکن Cowin ایپ کے ذریعہ پہلے سے رجسٹریشن لازمی ہے۔ ڈپٹی کمشنر نے یہ بھی بتایا کہ 18+ زمرہ کی عمر کی ویکسی نیشن مہم کا ایک ہفتے کے بعد جائزہ لیا جائے گا ، اگر ضرورت ہو تو مزید ضروری کارروائی کی جائے گی۔ انہوں نے مزید کہا ، "ٹیکہ کاری مراکز اس طرح قائم کیے گئے ہیں کہ ضلع کے زیادہ سے زیادہ علاقوں کا احاطہ کیا جائے"۔ڈپٹی کمشنر نے عوام سے اپیل کی کہ وہ ٹیکہ لگانے والے مراکز میں کووڈ سیفٹی پروٹوکول پرعمل کرکے چہرہ ماسک پہن کر اور معاشرتی فاصلے کو برقرار رکھیں۔
 

کووڈ ایس او پیز کی خلاف ورزی پر38ہزار کا جرمانہ

 1042 ٹیکے لگائے گئے ، 1145 نمونے جمع ہوئے

رام بن//ضلع رام بن میں کووڈ پروٹوکول کے نفاذ کے لئے مہم کو جاری رکھتے ہوئے انفورسمنٹ ٹیموں نے متعدد خلاف ورزی کرنے والوں کو چہرے کے ماسک پہنے بغیر گھومنے اور جسمانی فاصلہ برقرار نہ رکھنے پر جرمانہ عائد کیا۔ انفورسمنٹ ٹیموں نے اپنے اپنے دائرہ اختیار میں معائنے کے دوران 37ہزار900 روپے جرمانہ وصول کیااور یوں1 اپریل 2021 سے اب تک 13لاکھ 70ہزار500روپے  جرمانے کی کل رقم وصول ہوئی ہے۔انفورسمنٹ افسران نے لوگوں سے اپیل کی کہ وہ چہرے کے ماسک پہنیں اور جسمانی فاصلہ برقرار رکھیں اس کے علاوہ وہ اپنے قریبی سی وی سی میں کوویڈ ویکسی نیشن ڈوز لیں۔ڈسٹرکٹ امیونائزیشن آفیسررام بن ڈاکٹر سریش نے مطلع کیا کہ18-44 سال کے اندر تمام ترجیحی گروپوں کی ٹیکہ کاری کاکل ضلع میں آغاز ہوا اور منگل کے روز ضلع میں1042 افراد کو پہلی اور دوسری کوویڈ ویکسین کی خوراکیں فراہم کی گئیں۔چیف میڈیکل آفیسرر ام بن ڈاکٹر محمد فرید بھٹ کی طرف سے جاری کردہ روزانہ بلیٹن کے مطابق محکمہ صحت نے 1145 نمونے جمع کیے ہیں جن میں 229 آر ٹی-پی سی آر اور 916 آر اے ٹی نمونے شامل ہیں ، اس کے علاوہ ضلع میں ٹیکہ لگانے والے مراکز میں 1042 افراد کو کوڈ ویکسین فراہم کی گئی ہے۔
 

کشتواڑ ضلع میں کورونا کے کل 167مثبت معاملے سرگرم 

18سے44سال کی عمر والے افراد کیلئے ٹیکہ کاری مہم شروع: ڈی سی

عاصف بٹ
کشتواڑ//ضلع ترقیاتی کمشنر کشتواڑ اشوک شرما نے میڈیا بریفنگ میں بتایا کہ ضلع انتظامیہ نے محکمہ صحت کے اشتراک سے 18سے 44 سال کی عمر والے افراد کے لئے ٹیکہ کاری مہم شروع کردی ۔انہوں نے بتایا کہ انتظامیہ ویکسین کی مسلسل فراہمی کو یقینی بناتے ہوئے ضلع بھر میں ٹیکہ کاری پوائنٹس میں اضافہ کرکے ٹیکے لگانے کی مہم کو بڑھانے جارہی ہے۔ ضلع ترقیاتی کمشنر نے عوام سے خاص طور پر عمر کے مناسب افراد سے اپیل کی کہ جنھیں کووڈ انفیکشن کا سب سے زیادہ خطرہ ہے، وہ وائرس کے پھیلا کو موثر طریقے سے روکنے کے لئے ترجیحی بنیادوں پر اپنے آپ کو ویکسین کے لگائیں۔ ضلع کشتواڑ میں آج تک 45سال اور اس سے زیادہ عمر کے افراد کی ویکسی نیشن مہم میں 74فیصد کوریج ریکارڈ کی گئی ہے ، اس کے علاوہ ضلع میں گھر گھر ٹیکہ کاری مہم چلائی جارہی ہے تاکہ کلین سوئپ موڈ میں بچ جانے والے مستفید افراد کو بھی ٹیکا لگایا جاسکے۔انہوں نے بتایا کہ اس وقت 13 مائیکرو کنٹینمنٹ زون کو ڈی نوٹیفائی کردیا گیا ہے جبکہ مائیکرو کنٹینمنٹ زون کے باقی حصے کو ڈی نوٹیفائی کیا جائے گا۔ کرونا وائرس کی دوسری لہر میں اب تک 1521کیس رپورٹ ہوئے ہیں جن میں سے 1340اس وبائی بیماری سے صحتیاب ہوچکے ہیںجبکہ اس وقت کل 167مثبت معاملے سرگرم ہیں۔انہوں نے بتایا کہ ضلع میں پائی جانے والی کل اموات کا تعلق ہے تو 17مریض بوڑھے عمر رسیدہ افراد کی کرونا سے موت ہوئی ہے ۔ ایس ڈی ایموں کی زیر نگرانی میں متعلقہ تحصیلداروں اور بی ڈی او ضلع میںٹیکہ کاری اور کووڈ کے اقدامات پر پیشرفت پر کڑی نظر رکھے ہوئے ہیں۔ آج تک کرونا  مثبت مریضوں میں 859کووڈ کٹ جن میں ضروری ادویات اور آکسی میٹر شامل ہیں، تقسیم کیے جاچکے ہیں۔ انہوں نے عوام سے اپیل کی کہ وہ کرونا مناسب طرز عمل پر قائم رہیں اورایس او پیز پر عمل کریں تاکہ اس وبائی وائرس سے جلد نجات مل سکے۔
 

تازہ ترین