تازہ ترین

ہندوپاک جنگ بندی | اوڑی میں 30برس بعد سیاحتی مقام پر چہل پہل

تاریخ    16 جون 2021 (00 : 01 AM)   


ظفر اقبال
اوڑی//اوڑی میں واقع رستم نامبلہ کے نزدیک سیاحتی مقام کی خوبصورتی سے لطف اندوز ہونے کیلئے تیس سال کے بعد لوگ کسی خوف کے بغیرسیر کرنے کیلئے آتے ہیں۔یہ سیاحتی مقام ہمیشہ ہند وپاک گولہ باری کی زد میں آتا تھا لیکن جنگ بندی معاہدے کے بعداب سیلانیوں نے پھر سے یہاں کا رخ کرنا شروع کردیا ہے۔ایک مقامی باشندے جاوید احمد میرنے بتایا کہ نامبلہ علاقے رستم کے قریب زبردست سیاحتی مقام ہے جہاں سیلانی محظوظ ہوسکتے ہیں ۔ انہوں نے اعلی حکام سے گزارش کی کہ اس جگہ کو وسعت دی جائے تا کہ لوگ زیادہ سے زیادہ آسکیں۔ میر نے کہا کہ اگر جنگ بندی معاہدے کی خلاف ورزی نہیں ہوئی تو یہاں ترقی اور خوشحالی دیکھنے کو ملے گی۔مقامی لوگوں نے ناظم سیاحت سے اپیل کی ہے کہ یہاں رہائش اوردیگر سہولیات کیلئے بندوبست کیا جائے ۔