تازہ ترین

بڈگام ڈی سی آفس سے تیندوے کو پکڑا گیا، داچھی گام منتقل

تاریخ    16 جون 2021 (00 : 01 AM)   


ارشاد احمد
 سرینگر//12دن کی طویل تلاشی کارروائی کے بعد بڈگام میں ’ مشتبہ آدم خور‘ تیندوا پکڑا گیا ۔اسکے چائوںکے نشانات اور نقل و حرکت اس بات کا اشارہ کرتے ہیں کہ یہ وہی تیندو تھا جس نے اومپورہ میں4سالہ بچی کو جاں بحق کیا تھا۔اومپورہ ہاؤسنگ کالونی میں بچیکو تیندوے نے 3 جون کومکان کے صحن سے اٹھایا تھا اور اگلے دن اس کی لاش قریبی جنگل کی نرسری میں ملی تھی۔ تیندوے کو ڈی سی آفس بڈگام کے احاطے میں منگل کی صبح پکڑا گیا۔چیف وائلڈ لائف وارڈن کشمیر ، راشد نقاش نے بتایا کہ تیندوے کی موجودگی کے بعد یہاں عملے کو تعینات کیا گیا تھا۔نقاش نے بتایا کہ صبح تیندوے کو پکڑنے کے بعد ، تازہ نمونے ڈی این اے سیمپلنگ کے لئے بھیجے جارہے ہیں جو پہلے سے ہی سائٹ سے لئے گئے تھے۔چیف وائلڈ لائف وارڈن نے مزید بتایا کہ تیندوے کو داچھی گام لیجایا جائے گا ۔

تازہ ترین