تازہ ترین

سوڈان نے ایتھوپیا کے 61قیدیوں کو آزاد کردیا

تاریخ    15 اپریل 2021 (00 : 01 AM)   


یو این آئی
صنعا//سوڈانی حکومت نے سرحد سے پکڑے 61 ایتھپیائی قیدیوں کو ایتھوپیا کے حوالے کردیا۔غیر ملکی خبررساں ادارے کے مطابق سوڈانی فوج نے بیان جاری کیا ہے کہ اس نے 61 قیدیوں کو ایتھوپیا کے حوالے کردیا ہے جنھیں پچھلے کچھ مہینوں میں سرحد پار کرنے پر حراست میں لیا گیا تھا۔سوڈانی مسلح افواج نے ملک کے مشرقی شہر القدرائف کے قریب کلابات بارڈر کراسنگ پر 61 قیدیوں کو ایتھوپیا کی حکومت کے حوالے کیا ہے۔بیان میں مزید کہا گیا کہ یہ ترسیل دونوں اطراف کے نمائندوں کی موجودگی میں کی گئی ہے۔حالیہ مہینوں میں خرطوم کے ٹگرے کے سرحدی علاقے پر کنٹرول کے اعلان کے بعد سوڈان اور ایتھوپیا کی سرحدوں پر کشیدگی بڑھ گئی ہے۔ ایتھوپیا نے سوڈانی فوج پر الزام لگایا تھا کہ وہ اْس کے علاقے میں گھْس کر مہاجرین کیمپوں کو ضبط کررہی ہے تاہم خرطوم نے اس الزام کی تردید کی ہے۔