تازہ ترین

غلاف کعبہ کی تیاری میں 200 کاری گرمصروف

تاریخ    24 فروری 2021 (00 : 01 AM)   


یو این آئی
مکہ مکرمہ// سعودی حکام نے کہا ہے کہ بیت اللہ کے لیے دنیا کے مہنگے ترین غلاف کی تیاری کے لیے باقاعدہ 8 شعبے قائم ہیں اور ان میں 200 پیشہ ور ماہر کاری گر عظیم خدمت انجام دے رہے ہیں۔ عرب ٹی وی کے مطابق غلاف کعبہ کی تیاری کا کام شاہ عبدالعزیز کمپلیکس کے زیر انتظام ہے۔ اس کے لیے کپڑے کی تیاری سے تکمیل اور تبدیلی تک 8 مراحل میں کام کیا جاتا ہے۔ غلاف کعبہ کی تیاری کے لیے ایک وسیع و عریض کارخانہ قائم ہے، جہاں کپڑے کا تجزیہ، رنگنا، لیبارٹری کے مرحلے سے گزارنا، خودکار طریقے سے سلائی، پرنٹنگ اور سونے کے دھاگے سے کڑھائی کی جاتی ہے۔ آخر میں مختلف حصوں کو جوڑا جاتا ہے، جس کے بعد غلاف تبدیل کیا جاتا ہے۔