موسم میں تبدیلی

ڈوڈہ کے بیشتر علاقوں میں پانی، بجلی و سڑک رابطے بحال

تاریخ    25 جنوری 2021 (00 : 01 AM)   


اشتیاق ملک
ڈوڈہ //ہفتہ کے روز ہوئی برفباری کے بعد اتوار کو موسم خوشگوار رہا جس دوران لوگوں نے راحت کی سانس لی۔ اطلاعات کے مطابق ہفتہ کے روز ڈوڈہ کے بالائی علاقوں میں تازہ برفباری ہوئی جس کے نتیجے میں معمولات زندگی متاثر ہوئی تاہم اتوار کو موسم خوشگوار رہا۔ اس دوران اگر چہ چند حصوں کو چھوڑ کر بیشتر علاقوں میں بجلی بحال رہی، تاہم متعدد دیہات میں پانی کی سپلائی ٹھپ ہے جبکہ اندرونی دیہات کی رابطہ سڑکوں پر بھاری پھسلن کی وجہ سے ٹریفک نظام معطل رہا۔ موسم خوشگوار ہوتے ہی پانی، بجلی کی بحالی و سڑکوں سے برف ہٹانے کا عمل شروع کیا گیا۔ ڈی ڈی سی ممبران معراج ملک،ندیم شریف نیاز، چوہدری محمد اقبال کوہلی نے انتظامیہ سے برف متاثرہ علاقوں میں بنیادی سہولیات کی فراہمی کو یقینی بنانے کا مطالبہ کیا ہے۔ انہوں نے راشن، ادویات و دیگر غذائی اجناس کی سپلائی وافر مقدار میں دستیاب رکھنے پر بھی زور دیا ہے۔

تازہ ترین