دیوسر میں نقلی پولیس آفیسر پولیس کے ہتھے چڑھ گیا

تاریخ    25 جنوری 2021 (00 : 01 AM)   


عارف بلوچ
اننت ناگ//دیوسر پولیس نے روپے بٹورنے والے ایک نقلی پولیس آفیسر کو گرفتار کیا ۔گل محمد شان ولد عبدالکریم شان ساکن کیلم کی طرف سے پولیس میں تحریری شکایت درج کی گئی کہ ایک شخص، جس نے خود کو پولیس کا ایک آفیسر جتلایا، اس کے پاس آیا اور بیٹے کی رہائی کے عوض ایک لاکھ روپے کا تقاضا کیا۔شکایت میں بتایا گیا کہ اس نے 5ہزار روپے پیشگی ادائیگی کے طور پر دیئے اور کیس بند کرنے کو کہا۔ تاہم معاملہ جوں کا توں رہا ، جس کے مجبوراً اسے پولیس کا سہارا لینا پڑا۔پولیس نے شکایت کا فوری نوٹس لیتے ہوئے معاملے کی نسبت کیس زیر نمبر05/2021  زیر دفعہ420آئی پی سی درج کیا ۔پولیس نے بعد میں خود کو نقلی پولیس آفیسر جتلانے والے عمر بشیر ڈار ولد بشیر احمد ڈار ساکن برازلو کولگام کو حراست میں لیا جس نے پوچھ گچھ کے دوران اعتراف جرم کیا ۔
 

تازہ ترین