بائیڈن کی حلف برداری تقریب سے قبل واشنگٹن کے 13 میٹرو اسٹیشن بند

تاریخ    14 جنوری 2021 (26 : 01 PM)   


یو این آئی
واشنگٹن //امریکہ کے دارالحکومت واشنگٹن کے میٹرو حکام نے نو منتخب صدر جو بائیڈن کی حلف برداری کی تقریب سے قبل 13 میٹرواسٹیشن بند کرنے کا فیصلہ کیا ہے۔
ٹریفک انتظامیہ نے ایک بیان میں کہا ہے کہ 15 جنوری سے 21 جنوری تک 13 میٹرو اسٹیشن بند رہیں گے اور ٹرین سروس مخصوص طے شدہ اوقات کے مطابق جاری رہے گی۔ اس کے علاوہ 26 بس روٹس کے آس پاس کے سکیورٹی دائرے کو بھی بڑھایا جائے گا۔
 بائیڈن کی حلف برداری کی تقریب 20 جنوری ہو گی۔
 واضح رہے کہ 6 جنوری کو امریکی پارلیمنٹ کیپیٹل ہل پر انتخابی نتائج سے ناراض ٹرمپ کے حامیوں کے حملے میں کم از کم پانچ افراد ہلاک ہوگئے تھے۔
 

تازہ ترین