آٹو اَپ ڈیٹ(Auto Update)

افسانچے

تاریخ    10 جنوری 2021 (00 : 01 AM)   


ذوالفقار علی
وقت وقت کی بات ہے ایک وقت تھا جب اسکول میں بچوں کو پیاسے کوے کی کہانی کو پڑھایا جاتا تھاکہ کس طرح اس کوے نے مٹکے میں کنکر ڈال کر پانی کی سطح کو اوپر کرکے اپنی پیاس بجھائی لیکن وقت بدلنے کے ساتھ ساتھ ہر چیز میں تغیر و تبدیل رونما ہوتا ہے۔ اس کا احساس اس وقت ہوا جب ایک روز پانی کی پوری ٹینک بھر کے اگلے روز چہرہ دھونے کو ایک گلاس پانی تک نہ تھا۔ اپنی یاداشت پہ شک ہونے لگا کہ کیا واقعی ٹینکی میں پانی بھرا تھایا کہیں خواب میں پانی بھرنا دیکھا تھا۔ لیکن حیرت اس وقت ہوئی جب کچھ دن گزرنے کے بعد بالکونی پر لگے نل سے پانی ٹپکنے کی آواز آئی ، دیکھنے کے لیے جب اٹھا تو شیشے سے ایک عجب منظر دیکھنے کو ملا کہ پیاسے کوے کی نسل بھی اپڈیٹ ہوچکی ہے جو کنکر ڈالنے کے بجائے اب خود نل کو کھول کر پانی پینے کی صلاحیت رکھتے ہیں۔ یہ کہتے ہوئے جاوید نے مختار سے فون کے وائی فائی کا پاس ورڈ شیئر کرکے اپنا فون اپڈیٹ کر لیا اور فون کے اپڈیٹ ہوتے ہی جب جاوید نے انٹرنیٹ کی سہولیت کا استعمال شروع کیا تو اسکرین پر سکرال کرتی ہوئی یہ خبر دیکھ کر خوف ذدہ ہوا کہ کرونا بھی فون کی طرح آٹو اپڈیٹ ہوکے کرونا ٹو(Corona 2) بن چکا ہے۔جو کہ پچھلے والے کرونا کے برعکس مزید خطرناک خصائص کا مالک بن چکا تھا۔
 
رابطہ؛ریسرچ اسکالر دہلی یونیورسٹی،موبائل نمبر؛9797954761
 

تازہ ترین