تازہ ترین

ایک دن میں کورونا کے سب سے زائد 97894 نئے کیس

مجموعی تعداد 52لاکھ کے پار،84ہزار اپنی جانیں گنوابیٹھے

تاریخ    18 ستمبر 2020 (00 : 02 AM)   


نئی دہلی//ملک میں کورونا وائرس کے کیسز میں دودن تک کچھ کمی رہنے کے بعد ایک مرتبہ پھر اضافہ ہوا ہے اور گذشتہ 24 گھنٹوں کے دوران پہلی مرتبہ کورونا کے 97،894 کیسز سامنے آئے جس سے متاثرین کی تعداد 51 لاکھ سے تجاوز کرگئی ہے ۔ وہیں راحت کی بات یہ ہے کہ اس دوران 82 ہزار سے زائد افراد صحت یاب بھی ہوئے ہیں ۔ مرکزی وزارت برائے صحت و خاندانی بہبود کی جانب سے جمعرات کو جاری اعداد و شمار کے مطابق ملک میں گذشتہ 24 گھنٹوں کے دوران کورونا کے ریکارڈ 97،894 نئے کیسز کے ساتھ متاثرہ افراد کی تعداد 51،18،254 ہوگئی ۔ اس دوران 1،132 متاثرہ مریضوں کی موت سے جاں بحق ہونے والوں کی تعداد 83،198 ہو گئی ہے اور 82،719 مریض صحت یاب ہو ئے ہیں ، جس سے کورونا سے صحت یاب ہونے والوں کی تعداد 40،25،080 ہو گئی ہے ۔ صحت یاب ہونے والوں کے مقابلے میں کورونا کے نئے کیسززیادہ ہونے سے ایکٹو کیسز 14،043 سے بڑھ کر 10،09،976 ہوگئے ہیں ملک میں ایکٹو کیسز 19.73 فیصد اور صحت یاب ہونے کی شرح 78.64 فیصد ہے ، جبکہ شرح اموات 1.63 فیصد ہے ۔ آندھرا پردیش میں اس دوران مریضوں کی تعداد 2074 کم ہونے سے ایکٹو کیسز 90،279 رہ گئے ۔ ریاست میں اب تک 5105 افراد کی موت ہوئی ہے ۔ وہیں مجموعی 4،97،376 افراد صحت یاب ہوئے ہیں ۔جنوبی ریاست کرناٹک میں گذشتہ 24 گھنٹوں کے دوران مریضوں کی تعداد میں 3،090 کا اضافہ ہوا ہے اور ریاست میں اب 1،01،645 ایکٹو کیسز ہیں ۔ ریاست مرنے والوں کی تعداد 7،536 تک پہنچ چکی ہے اور اب تک 3،75،809 افراد صحت یاب ہو ئے ہیں۔آبادی کے لحاظ سے ملک کی سب سے بڑی ریاست اترپردیش میں بھی اس دوران 333 مریضوں کی کمی ہوئی ہے ، جس سے وجہ سے ایکٹو کیسز 67002 ہو گئے ہیں اور اس وبا سے 4690 افراد کی موت ہو ئی ہے جبکہ 2،58،573 مریض صحت یاب ہو ئے ہیں ۔تمل ناڈو میں ایکٹو کیسز کی تعداد 46633 ہوگئی ہے اور 8559 افراد کی موت ہوئی ہے ۔ وہیں ریاست میں اب تک 4،64،668 افراد صحت یاب ہوئے ہیں۔تلنگانہ میں کورونا کے 30443 ایکٹوکیسز ہیں اور 1005 افراد کی موت ہو چکی ہے جبکہ اس وبا سے 1،33،555 افراد صحت یاب ہوئے ہیں۔اڈیشہ میں ایکٹو کیسز کی تعداد 32405 ہوگئی ہے اور 656 افراد کی موت ہوئی ہے جبکہ اس وبا سے 1،29،859 صحت یاب ہوئے ہیں ۔ کیرالہ میں ایکٹو کیسزکی تعداد 32775 ہوگئی ہے اور 480 افراد لقمہ اجل بن چکے ہیں جبکہ صحت یاب ہونے والوں کی تعداد بڑھ کر 84،608 ہوگئی ہے ۔ دارالحکومت دہلی میں اس دوران ایکٹو کیسز کی تعداد میں 1127 کا اضافہ ہونے سے یہ تعداد 30914 ہوگئی۔ وہیں کورونا کی وجہ سے جاں بحق ہونے والوں کی تعداد 4839 ہوگئی ہے اور اب تک 1،94،516 مریض صحت یاب ہوئے ہیں ۔مغربی بنگال میں کورونا وائرس کے 24147 ایکٹو کیسز ہیں اور 4123 افراد کی موت ہوئی ہے ، جبکہ اب تک 1،84،113 افراد صحت یاب ہوئے ہیں۔اس کے بعد پنجاب میں ایکٹو کیسز کی تعداد 21022 ہوگئی ہے اور کورونا سے نجات پانے والوں کی تعداد بڑھ کر 63،570 ہوگئی ہے جبکہ اب تک 2592 افراد کی موت ہو گئی ہے ۔ گجرات میں ایکٹو کیسز 16262 ہیں اور 3256 افراد کی موت ہو ئی ہے اور 98،029 افراد اس وبا سے صحت یاب ہوئے ہیں۔بہار میں 12959 ایکٹو کیسز ہیں ۔ ریاست میں 848 افراد لقمہ اجل بن چکے ہیں جبکہ 1،48،656 افراد اس وبا سے صحت یاب ہوئے ہیں۔ کورونا وبا سے اب تک مدھیہ پردیش میں 1844 ، راجستھان میں 1279 ، ہریانہ میں 1045 ، جموں و کشمیر میں 932 ، جھارکھنڈ میں 579 ، چھتیس گڑھ میں 611 ، اتراکھنڈ میں 447 ، پڈوچیری میں 418 ، گوا میں 319 ، تریپورہ میں 222 ، چندی گڑھ میں 104 ، ہماچل پردیش میں 91 ، انڈو مان اور نکوبار جزائر میں 52 ، منی پور میں 48 ، لداخ میں 46 ، میگھالیہ میں 29 ، سکم میں 19 ، ناگالینڈ میں 15 ، اروناچل پردیش میں 13 اور دادرا نگر حویلی اور دمن و دیو میں دو افراد کی موت ہوئی ہے ۔یواین آئی