کچ نمبل چھترگل رابطہ سڑک کھنڈرات میں تبدیل

تاریخ    14 اگست 2020 (00 : 02 AM)   


ارشاد احمد
گاندربل//ضلع گاندربل میں چھوٹی بڑی بیشتر رابطہ سڑکیں کھنڈرات میں تبدیل ہوگئی ہیں۔ کچ نمبل سے چھتر گل 2 کلومیٹر رابطہ سڑک جگہ جگہ اکھڑ جانے سے ناقابل آمدورفت ہے۔ مقامی آبادی کے مطابق برسوںسے اس رابطہ سڑک کی مرمت نہیں کی گئی ہے ۔سڑک سے  میکڈم مکمل طور پر اکھڑ چکا ہے جس کے نتیجے میں سڑک پر بڑے بڑے کھڈ بن چکے ہیں اور اب اس پر سفر کرنا وبال جان بنا ہوا ہے۔مقامی شہری منظور احمد نے بتایا ــ’’سڑک اس قدر خستہ ہے کہ ہماری ذاتی گاڑیوں کو ہفتہ میں ایک مرتبہ ورکشاپ لینا پڑتاہے ‘‘۔پی ایم جی ایس وائی کے چیف انجینئررئوف احمد نے کہا کہ اس سلسلے میں مکمل پروجیکٹ رپورٹ اعلیٰ حکام کو روانہ کی گئی ہے‘‘۔
 

تازہ ترین