مامر کنگن میں ناصاف پانی کی فراہمی سے لوگ پریشان

تاریخ    13 اگست 2020 (00 : 02 AM)   


غلام نبی رینہ
کنگن//مامرکنگن میں ناصاف پانی سپلائی ہونے کی وجہ سے لوگ تشویش میں مبتلا ہیں۔ مامر کنگن کے لوگوں نے کشمیر عظمیٰ کو بتایا کہ علاقے میں دس برس قبل ایک فلٹریشن پلانٹ تعمیر کیا گیا جس کے بعد مامر کنگن کے لوگوں سے کہا گیا تھا کہ ان کو اسی فلٹریشن پلانٹ سے پینے کا صاف پانی فراہم کیا جائے گا۔ ایک مقامی شہری ثناء اللہ نے کشمیر عظمیٰ کو بتایا کہ ابھی تک مامر کو اس فلٹریشن پلانٹ سے پینے کا صاف پانی فراہم نہیں کیا جارہا ہے۔انہوں نے بتایا کہ معمولی بارشوں کی وجہ سے ان کے علاقے کوناصاف پانی سپلائی ہوتا ہے ۔انہوں نے کہا کہ مارچ میں ضلع ترقیاتی کمشنر گاندربل نے جل شکتی محکمہ کے افسران کے ہمراہ فلٹریشن پلانٹ کا معائنہ کیا اور لوگوں کو یقین دلایا کہ مامر علاقے کو اسی فلٹریشن پلانٹ سے پینے کا صاف پانی فراہم کیا جائے گا مگر آج تک اس فلٹریشن پلانٹ سے وہ وعدہ وفا نہیں ہوا۔
 

تازہ ترین