تازہ ترین

رافیل نڈال کا بھی یو ایس اوپن ٹورنامنٹ سے ہٹنے کا اعلان

تاریخ    6 اگست 2020 (00 : 03 AM)   


نیویارک/ٹینس کی نمبر ون خاتون کھلاڑی ایشلے بارٹی اور راجر فیڈرر کے بعد دفاعی چمپیئن رافیل نڈال نے بھی یو ایس اوپن ٹورنامنٹ سے ہٹنے کا اعلان کیا ہے ۔ انہوں نے منگل کو ٹویٹ کرکے اس بارے میں معلومات دیں۔نڈال نے کہا کہ کافی غوروخوص کے بعد میں نے اس سال یو ایس اوپن ٹورنامنٹ میں نہ کھیلنے کا فیصلہ کیا ہے ۔ کورونا کی وجہ سے دنیا بھر میں صورتحال بہت خراب ہے ۔کوویڈ 19 کے معاملات میں مسلسل اضافہ ہوتا جارہا ہے ۔ ایسا لگتا ہے کہ اس پر ہمارا کوئی کنٹرول نہیں ہے ۔ ان کا مزید کہنا تھا کہ میں یہ فیصلہ نہیں کرنا چاہتا تھا لیکن اس بار میں نے اپنے دل کی بات سنی اور میں اس وقت تک سفر نہیں کروں گا جب تک کہ حالات ٹھیک نہیں ہوں گے ۔ورلڈ نمبر 2 نڈال نے کورونا کی وجہ سے ٹینس کے بین الاقوامی شیڈول میں ہونے والی تبدیلی کو بھی تنقید کا نشانہ بنایا۔ 
 

تازہ ترین