تازہ ترین

منٹو سرکل کالوآلوچی باغ میں پانی کی قلت

گرمیوں کے ایام میں آبادی شدیدمشکلات سے دوچار

تاریخ    31 جولائی 2020 (00 : 03 AM)   


نیوز ڈیسک
سرینگر//منٹو سرکل کالونی آلوچی باغ میں پینے کے پانی کی عدم دستیابی کے باعث آبادی کو شدید پریشانیوں کا سامنا ہے ۔لوگوں کا الزام ہے کہ محکمہ جل شکتی علاقے میں پانی کی سپلائی بحال کرنے میں مکمل طور پر ناکام ہو چکا ہے ۔انہوں نے بتایا کہ علاقے میں گرمیوںکے ان ایام میں پینے کے صاف پانی کی قلت ہے جس کے نتیجے میںلوگوں کو مشکلات کا سامنا ہے ۔انہوں نے بتایا کہ علاقے میں کئی ماہ سے پینے کے صاف پانی کی سپلائی متاثر ہے۔انہوںنے کہا کہ اگرچہ کالونی میں محکمہ جل شکتی نے پانی کی پائیپیں بچھائی ہیں تاہم ان میں پانی نہیں آتا ہے ۔لوگوں نے کہا کہ اگرچہ انہوں نے کئی مرتبہ محکمہ کو آگاہ کیا کہ علاقے میںپینے کے صاف پانی کی سپلائی کو یقینی بنایاجائے تاہم آج تک ایسا نہیںکیا گیا ۔ مقامی لوگوں نے مطالبہ کیا کہ علاقے میں جلد از جلد پینے کے صاف پانی کی سپلائی کو بحال کیا جائے ۔
 

تازہ ترین