تازہ ترین

بارہمولہ میں شادی کی بڑی تقریبات پر پابندی عائد،صرف8مہمانوں کو شرکت کی اجازت

تاریخ    11 جولائی 2020 (00 : 04 PM)   


نیوز ڈیسک
سرینگر//ضلع انتظامیہ بارہمولہ نے کورونا وائرس کے پھیلاﺅ سے پیدا صورتحال سے نمٹنے کیلئے پورے ضلع میں شادی کی بڑی تقریبات پر پابندی عائد کی ہے۔یہ احکامات دیگر تقریبات پر بھی نافذ ہونگے۔
یہ فیصلہ ضلع میں کورونا کے بڑھتے کیسوں کی وجہ سے لیا گیا ہے۔
بارہمولہ میونسپل کونسل کے صدر کی طرف سے جاری ایک بیان میں بتایا گیا ہے کہ بارہمولہ میں کورونا کے پھیلاﺅ کی وجہ سے لوگوں میں تشویش پائی جارہی ہے اس لئے پابندیاں عائدکرنا ضروری بن گیا ہے۔
آرڈر کے مطابق شادی کی تقریبات میں صرف آٹھ مہمانوں کو شامل ہونے کی اجازت ہوگی۔شادی کی طرح ہی کسی دوسری تقریب میں بھی صرف آٹھ مہمانوں کو شرکت کی اجازت ہوگی اور یہ آرڈر اگلے احکامات تک نافذ رہے گا۔آرڈر میں بتایا گیا ہے کہ خلاف ورزی کرنے والے کیخلاف قانونی کارروائی کی جائے گی۔