تازہ ترین

باپ بیٹے سمیت چار کوہ پیمائوں نے مہا دیو چوٹی سرکی

تاریخ    7 جولائی 2020 (00 : 03 AM)   


غلام محمد
سوپور//پیکس الپائین ایڈونچرکلب سوپور نے مہادیوچوٹی کوسرکرنے کیلئے ایک مہم کاانعقاد کیا۔اس مہم کی خاص بات یہ تھی کہ اس میں باپ اور بیٹاسمیت چار افرادحصہ لے رہے تھے۔باپ کی عمر63برس جبکہ بیٹے کی عمر40برس ہے۔4 جولائی کوکوہ پیمائوں کی اس ٹیم نے لدواس سے اپنی کوہ پیمائی شروع کی اورندی نالوں اورچھوٹی وادیوں کو عبور کرتے ہوئے داراپہنچ گئے اور دوسرے دن کوہ پیمائوں نے چوٹی کوسر کیااور واپس آگئے ۔لدواس میں ظہرانے کے بعد ٹیم نے ہارون کی طرف اُترناشروع کیااور ہارون سے سوپور کاسفر کیا۔ٹیم میں جمشیدحسین خان اوران کے فرزندشرجیل عباس خان کے علاوہ 40برس کے شفقت مسعودی اورشاداب ہمایوں شامل تھے۔

تازہ ترین