تازہ ترین

وینٹی لیٹروں کی خریداری میں بڑے پیمانے پر دھاندلی ہوئی: کانگریس

تاریخ    6 جولائی 2020 (00 : 02 AM)   


نیوز ڈیسک
نئی دہلی// کانگریس نے الزام لگایا کہ حکومت نے وینٹی لیٹروں کی خریداری میں بڑے پیمانہ پر گڑبڑی کی ہے اور کورونا وبا کے دور میں ملک کے عوام کے ساتھ دھوکہ کیا ہے۔کانگریس کے ترجمان گورو ولبھ نے اتوارکو یہاں پریس کانفرنس میں کہا کہ ملک میں کورونا متاثرین کی تعدادا چھ لاکھ 73ہزار سے زیادہ ہوچکی ہے۔ وبا کا قہر اتنا زیادہ ہے کہ گزشتہ چوبیس گھنٹوں میں ریکارڈ تعداد میں اس بیماری سے لوگوں کی موت ہوئی ہے اور مرنے والوں کی تعداد 20ہزارکے قریب پہنچ گئی ہے۔انہوں نے کہاکہ پبلک سیکٹر کی کمپنیوں نے وزیراعظم کیئر فنڈ میں پیسہ ڈالا ہے اور 31مارچ کو چالیس ہزار وینٹی لیٹروں کی خریداری کا حکومت نے آرڈر دیا لیکن اسے اب بتانا چاہئے کہ کیا اس فنڈ سے یہ وینٹی لیٹر خریدے گئے۔