فٹ بال دہلی لانچ کرے گا کیپٹل کپ

تاریخ    30 مئی 2020 (00 : 03 AM)   


یو این آئی
نئی دہلی// فٹ بال دہلی نے دارالحکومت کی فٹ بال کا اعزاز لوٹانے کے لئے کیپٹل کپ شروع کرنے کا فیصلہ کیا ہے ۔فٹ بال دہلی کی ایگزیکٹو کمیٹی کی جمعرات کو ہوئی میٹنگ میں یہ فیصلہ کیا گیا کہ کیپٹل کپ کو شروع کیا جائے جس میں دارالحکومت کی فٹ بال میں ڈیورنڈ کپ اور ڈي سي ایم ٹورنامنٹ کے وقت فٹ بال ماحول لوٹایا جا سکے ۔فٹ بال دہلی اس آل انڈیا ٹورنامنٹ کو منعقد کرنے کے لئے آل انڈیا فٹ بال فیڈریشن (اے آئی ایف ایف) کو خط لکھے گا کہ وہ اسے اس ٹورنامنٹ کے لئے ونڈو پیش کرے ۔ فٹ بال دہلی کے صدر شاجي پربھاکرن نے بتایا کہ اس ٹورنامنٹ میں آئی ایس ایل / آئی لیگ کی چار چار ٹیموں کو مدعو کیا جائے گا، ساتھ ساتھ مقامی کلبوں کو فروغ دینے کے لئے دہلی کے چار کلب بھی اس ٹورنامنٹ میں کھیلیں گے ۔پربھاکرن نے بتایا کہ فٹ بال دہلی کیپٹل کپ کو شروع کرنے کے لئے مرکزی وزارت کھیل، ہندستانی کھیل اتھارٹی اور ریاستی حکومت سے بات کرے گی تاکہ اس کا انعقاد بڑے سطح پر کیا جا سکے اور دارالحکومت کی فٹ میں یہ باقاعدہ حصہ بن سکے ۔ایگزیکٹو کمیٹی نے یہ بھی فیصلہ کیا کہ فٹ بال کمیونٹی اور اسٹیک ہولڈرز کو شامل کرنے کے لئے ڈیجیٹل ہب لانچ کیا جائے ۔
 

تازہ ترین