تازہ ترین

رمضان روحانی لمحات سے لبریز مہینہ

جسموں کے ساتھ ساتھ روحوں کو بھی پاک کریں

21 مئی 2020 (00 : 03 AM)   
(      )

انجینئر شاہ خالد
رمضان المبارک کے اس بابرکت مہینے میں قرآن مجید کا نزول ہوا ہے۔ قرآن مجید نے تمام مسلمانوں کے لئے اس مہینے میں روزے رکھنے کا حکم دیا ہے اور اسے اسلام کا ستون قرار دیا ہے۔ لہٰذا مسلمان عبادت کے طور پر روزہ رکھتے ہیں اور صدقات دے کر محتاجوں، غریبوں، اور یتیموں کے ساتھ ہمدردی کا اظہار کرتے ہیں۔ اس کے علاوہ رمضان المبارک ،کو صبر سیکھنے، بری عادات اور افکار کو توڑنے اور کچھ اور تریقے جو اسلام میں ممنوع ہے، ان سے کنارہ کش ہونے کا آسان اور صیح طریقہ ہے۔
رمضان المبارک کے دوران پوری دنیا کی مختلف ثقافتوں کی مختلف روایات ہیں۔چاہے وہ خاص پکوانے بنانے کی ہو ، یا اپنے اہل خانہ اور دوستوں کے ساتھ افطار کرنے کی تاہم ، عالمگیر افراتفری کے اس موجودہ غیر یقینی صورتحال کے بیچ اس سال رمضان المبارک یقینی طور پر مختلف نظر آرہا ہے کیونکہ حکومت کی جانب سے کوڈ 19 کے پھیلائوکو روکنے کے پیش نظر مساجدوں اور مزارات پر معاشرتی اجتماعات پر پابندی عائد کی گئی ہیں۔ تو یہ رمضان انوکھا، خاص اور خدائی الہام ہے۔
رمضان المبارک کے ان بابرکت ایام میں ہمیں یاد رکھنا چاہئے کہ ہمارے معاشرے میں لوگوں کا ایک طبقہ ایسا بھی ہے جو دن کو کماتے ہیں او رشام کو کھاتے ہیںلیکن ستم ظریفی یہ ہیں کہ ایسے گھرانے اس وقت پریشانی اور مخمصے کا شکار ہے۔ موجودہ حالات کی اگر عکاسی کریں تو ایسا لگتاہے کہ ایسے گھرانوں میںکئی دنوں سے چولہابھی نہیں جلاہوگا اور اگر چولہاجلا بھی ہوگا، تو بنا دودھ کے چائے، اور بنا تیل کے سالن بنا ہوگا۔ رمضان المبارک کے یہ با سعادت ایام ہمیں یہ موقع فراہم کرتے ہے کہ ہم محتاج افراد میں محض خیراتی عطیات ہی نہیں بلکہ اس سے زیادہ معالی معاونت کر کے اللہ سبحانہ و تعالیٰ کی رضا اور خوشنودی حاصل کریں، کیونکہ یہ بات فراموش نہیں ہونی چاہیے کہ رمضان المبارک کے خوشگوار مہینے کے فلسفہ میں دو اہم پیغامات شامل ہیں، پہلا ، اللہ سبحانہ وتعالی کی عبادت اور دوسرا ، دوسرے انسانوں کے درد و غم کا ادراک۔
ہم سب اس حقیقت سے بخوبی واقف ہیں کہ وادی کشمیر پریشان کن دور سے گزر رہی ہے۔ مروجہ اداس صورتحال ، تنازعات ، انتشار ، غیر یقینی صورتحال حالیہ تناسب میں ایک اہم تشویش ہے تاہم رمضان المبارک کا یہ مبارک مہینہ اللہ رب العزت سے گناہوں سے معافی مانگنے اور اس صورتحال پر قابو پانے کے لئے ایک سنہری موقع فراہم کرتا ہے۔ رمضان المبارک کا مہینہ انتہائی روحانی لمحات کا مجموعہ ہے جو اللہ رب العزت کی نعمتوں کا احساس دلاتا ہے۔ یہ عبادت ، عکاسی ، قربانی ، صدقہ ، خوشی اور غور و فکر کا متبرک اور سعادت بھرا مہینہ ہے۔ اس مہینے کی اہمیت خالصتا روحانی ہے جو ہماری زندگیوں میںخوشیاں لاتا ہے تاہم خوشی عید کے دن کی روانگی پر نہیں ہے ، بلکہ یہ وہ خوشی ہے جو انسان روزے اور صداقات کی ادائیگی کے ایک اہم کام کو کامیابی کے ساتھ مکمل کرنے کے بعد محسوس کرتا ہے۔ واقعی یہ خوشگوار مہینہ تروتازہ روحانیت کی روشنی کے ساتھ روشن پذیر ہے۔
 امسال رمضان المبارک گذشتہ برسوں سے کچھ مختلف ہے ، لیکن پھر بھی یہ نعمت اور عفو و درگزر کا مہینہ ہے۔ آئیے ہم اس بابرکت اور رحمتوں برے ایام میں آپسی اختلافات کو بھلا دیں اور اتحاد قائم کرکے اللہ سبحانہ وتعالیٰ سے ان بابرکت ایام میں رحمتوں کے نزول کے لئے دعا گو ہوجائیں اور اس خوشگوار مہینے کو مذہبی جوش وجذبہ کے ساتھ مشترکہ طور پر منائیں۔ اللہ سبحانہ وتعالیٰ اس رحمتوں والے مہینے کے طفیل پوری امت مسلمہ کو ایمان اور عافیت عطا فرمائے اور اس رمضان المبارک کے اصل فلسفے کو سمجھنے کی توفیق عطا فرمائے۔آمین
رابطہ:کاکہ پورہ پلوامہ کشمیر
peerzadakhalid1545@gmail.com
 فون  9697368676