پانپور میں12غیر قانونی تعمیراتی ڈھانچے منہدم

تاریخ    19 مئی 2020 (00 : 03 AM)   
(فائل فوٹو)

سید اعجاز
پلوامہ //ضلع انتظامیہ پلوامہ نے پانپور میں 12غیر قانونی تعمیراتی ڈانچوں کو منہدم کر کے یہاں سرکاری اراضی کے ایک پلاٹ سے قبضہ ختم کیاہے ۔ضلع انتظامیہ پلوامہ نے تجاوزات کے خلاف انہدامی مہم جاری رکھتے ہوئے پانپور کے تل باغ علاقے میں غیر قانونی طور تعمیرکی گئی 12دکانیں منہدم کیں۔ڈپٹی کمشنر پلوامہ ڈاکٹر راگو لنگر نے اپنے ماتحت عملے کے ہمراہ تل باغ پانپور پہنچ کر یہ کارروائی عمل میں لائی ۔ انہوں نے بتایاکہ کارروائی کے دوران اراضی کے ایک بڑے حصے سے ناجائز قبضہ بھی ہٹا لیا گیا ۔انتظامیہ کے ایک سینئرافسر نے بتایا کہ اس موقع پر کچھ لوگوں نے پتھرائو کرنے کی کوشش کی اورکچھ وقفہ کے لئے انہدامی کارروائی کو روکنا پڑا تھا اور بعد میں فورسز کی مزید نفری کو یہاں لایا گیا اور کاروائی دوبارہ شروع کی گئی ۔انکے ہمراہ تحصیلدار پانپور ،ڈی ایس پی اور سیول انتظامیہ کے دیگر افسران بھی تھے۔
 

تازہ ترین