سرینگر//وزیراعلیٰ عمر عبد اللہ نے کھلن مرگ میں بھاری پسیاں گر آنے کے نتیجے میں ہوئی فوجی اہلکاروں کی ہلاکت پرافسوس کا اظہار کیا ہے۔اس واقعہ کی اطلاع جونہی وزیراعلیٰ کو دی گئی تو اُنہوں نے فوری طور پر وزیرمملکت برائے سیاحت ناصراسلم وانی کوبذاتِ خود گلمرگ جانےکی ہدایت کی تاکہ وہ بچاﺅ کارروائیوں کا جائزہ لیں۔وزیراعلیٰ نے ڈویژنل کمشنر کو بھی اس سلسلے میں آگاہ کیا اور اُنہیں ضروری اقدامات اُٹھانے کےلئے کہاگیا۔وزیراعلیٰ نے ہلاک شدگان کے پسماندگان سے دلی ہمدردی کا اظہار کیا۔دن بھروزیراعلیٰ بچاﺅ کارروائیوں سے متعلق جانکاری حاصل کرتے رہے۔