تازہ ترین

مکمل پی ایس ایل پاکستان منتقل کرنے کی تجویزمسترد

 کراچی/ پی ایس ایل مکمل طورپر پاکستان منتقل کرنے کی تجویز مسترد ہوگئی البتہ8 سے زائد میچزکرانے پر اتفاق ہوگیا ہے۔فرنچائزز کی جانب سے لاہور اور ملتان اسٹیڈیمز میں ہوٹل تعمیر کرنے کی پیشکش پر ایک کمیٹی غور کریگی، دوسری جانب پی سی بی فرنچائزز کی جانب سے عدم ادائیگی پر تنگ آ گیا، گذشتہ روز کے اجلاس میں ایک ٹیم نے مکمل ادائیگی کا چیک تھما دیا مگر دوسری ڈیفالٹر ہی رہی، اس پر اسے48 گھنٹوں میں رقم ادا کرنے یا معاہدہ ختم کرنے کی دھمکی دے دی گئی۔تفصیلات کے مطابق پی ایس ایل فرنچائزز اور پی سی بی حکام کا اہم اجلاس گذشتہ روز لاہور میں ہوا، اس موقع پر یو اے ای میں لیگز کی بھرمار کے سبب مکمل پی ایس ایل پاکستان منتقل کرنے کی تجویز زیرغور آئی مگر اسے منظوری نہ مل سکی، حکام کے خیال میں ابھی ملک میں سیکیورٹی صورتحال ایسی نہیں کہ غیرملکی کھلاڑیوں کو مکمل ایک ماہ تک یہاں رکھا جا سکے،چند روز کی بات ا

شعیب ملک تیز ترین پاکستانی ففٹی کے ریکارڈ سے ایک گیند دور رہ گئے

ایڈنبرا/ شعیب ملک پاکستان کی جانب سے تیز ترین ففٹی کے ریکارڈ سے ایک گیند دور رہ گئے۔اسکاٹ لینڈ کے خلاف ٹی ٹوئنٹی میچ میں انھوں نے 22 گیندوں پر 50 رنز مکمل کر لیے تھے، تیز ترین ففٹی کا ریکارڈ عمر اکمل کے پاس ہے، انھوں نے آسٹریلیا کے خلاف میچ میں صرف 21 گیندوں پر یہ سنگ میل عبور کر لیا تھا، اس فہرست میں محمد حفیظ اب تیسرے نمبر پر ہیں، انھوں نے بھارت کے خلاف میچ میں ففٹی کیلئے23 گیندیں صرف کی تھیں۔  

اسکاٹ لینڈ آسان حریف نہیں :سرفراز احمد

لندن// پاکستان کرکٹ ٹیم کے کپتان سرفراز احمد نے کہا ہے کہ ٹی ٹوئنٹی مشکل فارمیٹ ہے اور وہ اسکاٹ لینڈ کو آسان حریف نہیں سمجھ رہے ہیں۔پاکستان اور اسکاٹ لینڈ کے درمیان پہلا ٹی ٹوئنٹی کل ایڈنبرا میں کھیلا جائے گا ،آج بارش کے باعث پاکستان کو ٹریننگ کا پہلا سیشن وقت سے پہلے ختم کرنا پڑا ۔میڈیا رپورٹس کے مطابق سرفراز الیون اسکاٹ لینڈ کے خلاف پہلے ٹی ٹوئنٹی میچ کی تیاریوں کو حتمی شکل دینے کے لئے ابھی وارم اپ ہی کررہی تھی کہ بارش ہوگئی ،جس کے باعث کھلاڑی فیلڈنگ اور نیٹ پریکٹس نہ کرسکے اور کچھ دیر انتظار کے بعدتربیتی سیشن ختم کردیا ۔پریس کانفرنس میں کپتان سرفراز احمد نے کہا کہ اُن کی ٹیم اسکاٹ لینڈ کو آسان حریف نہیں سمجھ رہی، اسکاٹ لینڈ کا انگلینڈ کو ہرانا بڑی کامیابی ہے ۔انہوں نے مزید کہا کہ ٹی ٹوئنٹی ایک مشکل فارمیٹ ہے ، محمد عامر مکمل فٹ ہیں اور میچ کیلئے دستیاب ہوں گے ۔واضح رہے کہ پاکستان

فنشر کے کردار کو تبدیل کرنے پرسوچ رہے ہیں دھونی

نئی دہلی//ہندوستانی کرکٹ ٹیم کے تجربہ کار وکٹ کیپر بلے باز اور آئی پی ایل میں چنئی سپر کنگ کے کپتان مہندر سنگھ دھونی نے تسلیم کیا ہے کہ عمر بڑھنے کے ساتھ ان کے کھیل میں تبدیلی آ رہی ہے اور وہ اب ٹوئنٹی 20 کرکٹ کے بلے بازی آرڈر میں اوپری نمبر پر کھیلنے پر زیادہ غور کر رہے ہیں۔دھونی نے مانا کہ نچلے آرڈر پر کھیلنا فطاور ٹیم کے لئے اہم وقت پر بلے بازی آرڈر میں اترنے کے لیے کھلاڑی میں زیادہ صلاحیت ہونی چاہیے اور عمر اور وقت کے ساتھ نچلے آرڈر پر ان کے کھیل کی سطح کچھ کم ہوئی ہے ۔چنئی کو آئی پی ایل 2018 میں خطاب دلوانے میں اہم کردار ادا کرنے والے ٹیم کے کپتان نے کہا کہ میرے دماغ میں یہ صاف تھا کہ مجھے بلے بازی آرڈر میں اوپر کھیلنا ہے کیونکہ میری عمر ہو گئی ہے ۔36 سالہ کھلاڑی نے یہاں ایک پروگرام میں کہا کہ مجھے میچ جیتنے کی ذمہ داری لینی تھی، لیکن اگر میں نچلے آرڈر پر اترتا تو میرے پاس زیادہ

ورلڈ کپ کے بعد لیونل میسی کا انٹرنیشنل فٹبال چھوڑنے پرغور

ماسکو/ لیونل میسی نے ورلڈ کپ کے بعد ریٹائرمنٹ پر غور شروع کردیا۔ارجنٹائن کی ٹیم گزشتہ دن میگا ایونٹ میں شرکت کیلئے روس پہنچ گئی، اسٹار پلیئر کو ورلڈ کپ کے بعد ملک کی نمائندگی جاری رکھ پانے پر غیریقینی سے دوچار ہیں، وہ اس سے قبل 2016 میں بھی انٹرنیشنل فٹبال سے دور ہوئے تھے لیکن پھر عوامی دبائو کے پیش نظر انھیں اپنا فیصلہ تبدیل کرنا پڑگیا تھا، 2014 کے فائنل میں جرمن ٹیم نے ارجنٹائن کو شکست سے دوچار کیا تھا۔میسی نے کہا کہ میں نہیں جانتا کہ میرا مستقبل کیا ہوگا لیکن اس کا انحصار حالیہ ایونٹ میں ہماری پرفارمنس پر ہوگا، ارجنٹائن کی ٹیم اپنی مہم کا آغاز 16 جون کو ماسکومیں آئس لینڈ کیخلاف کرے گی۔دوسری جانب کرسٹیانو رونالڈو، نیمار محمد صالح، مسعود اوزل، پال پوگبا، گریزمین، ڈیوڈ سلوا، ہیمز روڈریگوئز جیسے کھلاڑی بھی روس پہنچ گئے ہیں۔ ورلڈ کپ فٹ بال کا جنون عروج پر ہے ۔ٹیموں کی روس آمد جاری ہے

دون انٹرنیشنل کے دو طلباء 12ویں جونیئر نیشنل رول بال چمپئن شپ کیلئے منتخب

سرینگر//دون انٹرنیشنل سکول سرینگر کے دو طلباء سکیٹروں کو 12ویں جونیئر نیشنل رول بال چمپئن شپ2018کیلئے منتخب کیا گیا ہے۔ دونوں طلباء نے جموں میں29مئی کو ایم اے سٹیڈیم ہوئی سلیکشن میں حصہ لیا تھا جبکہ جموںوکشمیر سپورٹس کونسل نے 30مئی کو سکریننگ کی تھی۔اس دوران دون انٹرنیشنل کے 10ویں جماعت کے انعام الشوکت اور شیخ عبیداللہ ہنومان گڑھ راجستھان میں منعقد ہونے والی12ویں جونیئر نیشنل رول بال چمپئن شپ کیلئے منتخب ہوگئے۔ دون انٹرنیشنل سکول کے چیئرمین شوکت احمد خان نے دونوں طلباء اور کوش ایم اشرف ڈیجو کو مبارکباد پیش کی اور دونوں طلباء کیلئے نیک خواہشات کا اظہار کیا ہے۔   

ایشیا کپ ویمنز ٹی 20 فائنل میں بنگلا دیش نے بھارت کو شکست دے دی

کوالالمپور/کپتان ھرمن پریت کور کی اکیلے جدوجہد خاتون ایشیا کپ ٹوئنٹی 20 کے اتوار کو ہوئے فائنل میں ناکافی ثابت ہوئی اور اچھی تال کے باوجود ہندوستانی کرکٹ ٹیم بنگلہ دیش کے ہاتھوں تین وکٹ کی شکست کے ساتھ خطاب گنوا بیٹھی۔ہندوستانی ٹیم کو آغاز سے ہی خطاب کا دعویدار مانا جا رہا تھا لیکن فائنل میں بنگلہ دیشی خواتین کرکٹ ٹیم نے گیند اور بلے سے آل راؤنڈ کھیل دکھاتے ہوئے ایشیا کپ اپنے نام کر لیا۔بنگلہ دیش کی کپتان سلمی خاتون نے ٹاس جیتنے کے بعد ہندستان کو پہلے بلے بازی کا موقع دیا جو خراب کارکردگی کی وجہ سے مقررہ اوورز میں نو وکٹ گنوا کرصرف 112 رن ہی بنا سکیں۔زبردست گیند بازی کے بعد بنگلہ دیشی خواتین نے تسلی بخش بیٹنگ بھی کی اور 20 اوورز میں سات وکٹوں کے نقصان پر 113 رنز بنا کر جیت اور خطاب اپنے نام کر لی۔ بنگلہ دیش کے لیے نگار سلطانہ نے 27 رنز اور رومانا احمد نے 23 رن بنائے ۔ہندستانی ٹیم کے لی

آغا سید مہدی میموریل ٹی 20کرکٹ ٹورنامنٹ میں اتوار کودو میچ کھیلے گئے

سرینگر /بڈگام کے سپورٹس سٹیڈیم میں کھیلے جارہے آغا سید مہدی میموریل ٹی 20کرکٹ ٹورنامنٹ کے سلسلے میں آج دو میچ کھیلے گئے ۔ دن کے پہلے میں گرین لینڈ ہمہامہ کا مقابلہ حسن آباد کرکٹ کلب کے ساتھ ہو۔ گرین لینڈ ہمہامہ پہلے کھیلتے ہوئے کُل 48رن سکور کرکے آل آئوٹ ہوگئی۔جس کے جواب میں حسن آباد سی سی نے یہ میچ 10وکٹوں سے جیت لیا۔ دوسرے میچ میں سوپور کا مقابلہ آر سی سی بڈگام کے ساتھ ہوا جس میں بڈگام کی ٹیم نے 9اعشاریہ 2اوورز میں 186رن بنائے ۔ سکور کا تعاقب کرتے ہوئے برینڈ مین سوپور کی ٹیم 20اوورمیں صرف 133رن بناسکی اور اس طرح سے بڈگام آر سی سی نے یہ میچ اپنے نام کرلیا۔ مین آف دی میچ ایم ایل اے آغا سید روح اللہ مہدی دئے گئے جنہوں نے 54رن بنائے۔  

افغانستان کے ہاتھوں بنگلہ دیش کو کلین سوئپ شکست

ڈھاکہ/افغانستان نے سنسنی خیز مقابلے کے بعد بنگلادیش کو تیسرے ٹی ٹوئنٹی میچ میں ایک رنز سے شکست دے دی جس کے بعد سیریز بھی 0-3 سے اپنے نام کرلی۔افغانستان نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 145 رنز بنائے جس کے جواب میں بنگال ٹائیگرز 6 وکٹوں پر 144 رنز بناسکے۔افغانستان کی جانب سے نپی تلی بولنگ کرائی گئی اور جلد بازی کا مظاہرہ کرتے ہوئے تین بنگلادیشی بلے باز رنز آؤٹ ہوئے۔ بلیو کیپس کے مجیب الرحمان، کریم جنت اور راشد خان نے ایک ایک وکٹ حاصل کی۔بنگلادیش کے اوپننگ بلے باز لٹن داس 12 اور تمیم اقبال 5 رنز بناکر آؤٹ ہوئے جس کے بعد نئے آنے والے بلے باز سومیا سرکار بھی 15 رنز بنا کر رنز آؤٹ ہوئے۔بنگال ٹائیگرز کی جانب سے مشفق الرحیم 46 اور محمد اللہ 45 رنز کے ساتھ نمایاں رہے۔اس سے قبل افغانستان نے پہلے بیٹنگ کرتے ہوئے 6 وکٹوں پر 145 رنز بنائے جس میں محمد شہزاد کے 2

فٹبال ورلڈکپ سے قبل کرپشن کا بڑا اسکینڈل سامنے آگیا

لندن/ فٹبال ورلڈکپ کے آغاز سے پہلے دنیا کے مقبول ترین کھیل میں بھی کرپشن اسکینڈل سامنے آگیا۔فٹ بال کے کھیل  میں بھی ایک بڑے اسٹنگ آپریشن نے کئی چہروں کو بے نقاب کردیا، اسٹنگ آپریشن کی ویڈیو میں افریقن فٹبال کے ریفری اور حکام کو میچز سے پہلے ڈالرز اور تحائف لیتے دیکھا جاسکتا ہے، ان میں ایک ریفری ایسا بھی شامل ہے جس نے ورلڈکپ میں بھی ذمہ داری نبھانی تھی۔ویڈیو میں مکالمہ سنا جاسکتا ہے جس میں کرپٹ ریفری نے کہا کہ تحفہ دینے کا شکریہ، اس سے بھی زیادہ اہم آپ سے دوستی ہونا ہے۔ اسٹنگ آپریشن نے افریقن فٹبال کے مستقبل پر سوالیہ نشان لگادیا ہے۔ افریقن فٹبال حکام نے چند روز بعد 2026 کی میزبانی کے لیے اپنا ووٹ بھی کاسٹ کرناہے۔  

کشمیر ہارورڈ انٹر سکول کرکٹ ٹورنامنٹ

ٹی آر سی گرائونڈ سرینگر میں بُد ھ کے روز کورارٹر فائنل جیتنے کے بعد ایس پی ہائر سکنڈری سکول اور سپرنگ بڈس سکول بڈگام نے کشمیر ہارورڈ انڈر 16کرکٹ ٹورنامنٹ کے سیمی فائنل میں جگہ بنالی ہے۔ ایس پی سکول نے سٹیٹ کرکٹ اکیڈمی آف سپورٹس کونسل کو دو وکٹوں سے شکست دی ۔ سٹیٹ کرکٹ اکیڈمی نے پہلے بلے بازی کرتے ہوئے آل آئوٹ ہوکر 19اووروں کُل 113رن اسکور کئے۔ جس کے جواب میں ایس پی سکول نے یہ ہدف 18اعشاریہ 3اوورز میں 8وکٹ گنوانے پر پورا کیا۔ شاکر کو مین آف دی میچ قرار دیا گیا۔ ایک اور میچ میں سپرنگ بڈس بڈگام نے بسکو سکول کو ہرادیا۔ پہلے بلے بازی کرتے ہوئے بسکو سکول کی ٹیم مقررہ اووروں میں 7وکٹوں کے نقصان پر 102رن اسکور کرسکی۔ حسین نے سب سے زیادہ 23رن اسکور کئے جبکہ عثمان شفیع نے 20رن بنائے۔ سپرنگ بڈس کیلئے جنید اور طاہر نے دو دو وکٹیں حاصل کیں۔ دوسری اننگ میں بلے بیٹنگ کرتے ہوئے سپرنگ بڈس نے یہ ٹا

سب سے زیادہ آمدنی والے 10کھلاڑی کون؟

لندن/دنیا کے امیر ترین کھلاڑیوں کی فہرست جاری کردی گئی ہے۔ جس میں باکسرفلائیڈ مے ویدر ٹاپ پر ہیں جبکہ میسی نے رونالڈو کو پیچھے چھوڑ دیا۔برطانوی میڈیا کے مطابق فوربس فہرست میں ٹاپ 10میں 4فٹبالرز شامل ہیں۔ امیر کھلاڑیوں میں باکسرفلائیڈ مے ویدرکی پہلی پوزیشن، میسی اور رونالڈو کی دوسری اور تیسری پوزیشن ہے۔غیرملکی میڈیا کے مطابق امیرکھلاڑیوں کی فہرست میں کوئی خاتون شامل نہیں۔فہرست کے مطابق ٹاپ ٹین کھلاڑیوں میں فلائیڈ مے ویدر کی آمدنی 285 ملین، لیونل میسی 111ملین، کرسٹیانو رونالڈو 108ملین ، کونر مک گریگر 99ملین، نیمار 90 ملین، لی بورن جیمز 85.5 ملین، راجر فیڈرر 77.2ملین، اسٹیفن کری 76.9 ملین، میٹ ریان 67.3 ملین جبکہ میتھیو اسٹیفورڈ 59.5 ملین ڈالر ہے۔  

فیفا ورلڈ کپ دیکھنے کیلئے شائقین کی بڑی تعداد روس پہنچ گئی

زیورخ// رواں برس روس میں منعقد ہونے والے فیفا ورلڈ کپ 2018 کی تیاریاں زور و شور سے جاری ہیں جس میں بس 9 دن باقی رہ گئے ہیں اسی سلسلے میں ورلڈ کپ 2018 کا جنون بھی عروج پر ہے۔منچلوں کی بڑی تعداد روس میں موجود ہے جبکہ دیگر ممالک سے بھی ایک سے ڈیڑھ ملین تک شائقین روس کا رْخ کر رہے ہیں، صرف یہی نہیں گھروں میں ٹیلی ویڑن اسکرین کے سامنے موجود تین ملین سے ذائد شائقین بھی بے تابی سے فیفا ورلڈ کپ کا انتظار کر رہے ہیں۔عالمی کپ کا ابتدائی میچ 14 جون 2018 کو ممکنہ طور پر روس اور جرمنی کے درمیان کے درمیان ماسکو کے لزہنیکی فٹبال اسٹیڈیم میں کھیلا جائے گا جبکہ ٹورنامنٹ کا فائنل بھی 15 جولائی 2018 کو اسی اسٹیڈیم میں کھیلا جائے گا۔فیفا ورلڈ کپ 2018 کے لیے ا?فیشل فٹ بال ٹیلسٹار 18کی رونمائی بھی کر دی گئی ہے۔ٹیلسٹار فٹ بال پہلی بار 1970 کے ورلڈ کپ میں استعمال ہوا تھا۔یہ فٹ بال کلاسک فٹ بال کو جدید پینل ڈی

آئی سی سی کیخلاف بیان کا معاملہ، محمد حفیظ کلیئر قرار

کراچی// پاکستان کرکٹ بورڈ نے محمد حفیظ کو آئی سی سی کے خلاف بیان دینے کے معاملے میں کلیئر قرار دے دیاہے۔محمد حفیظ کا کہنا تھا کہ ان کا مقصد آئی سی سی پر تنقید کرنا نہیں بلکہ انہوں نے تو بولنگ ایکشن ٹیسٹ کو بہتر بنانیکے لیے تجاویز دی تھیںاور بدقسمتی سے ان کے بیان کو توڑ مروڑ کر پیش کیا گیا۔ذرائع کا کہنا ہے کہ پی سی بی نے محمد حفیظ کو آئی سی سی کے خلاف بیان دینے پر شوکازتو دیا ہی تھا لیکن آج انہیں ذاتی طور پر بھی طلب کیا۔ٹیسٹ آل راوونڈر 3 رکنی کمیٹی کے سامنے پیش ہوئے اور اپنا موقف بیان کیا جسے تسلیم کرتے ہوئے پی سی بی نے محمد حفیظ کو کلیئر قرار کردیا۔  

دون انٹرنیشنل کے 3طلاب ورلڈ کراٹے چمپئن شپ کیلئے منتخب

سرینگر//دون انٹرنیشنل کے 3طلاب ورلڈ کراٹے چمپئن شپ میں بھارت کی نمائندگی کریں گے۔ افراہ رفیق، پیرزادہ بسارت  اور عبداللہ نے کولکتہ میں 25مئی سے 28مئی تک منعقدہ نیشنل کراٹے چمپئن شپ میں چاندی کے تمغے حاصل کئے اور ساتھ ہی انہیں ملک کی نمائندگی کرنے کیلئے ورلڈ چمپئن شپ کیلئے منتخب کیا گیا۔ دون انٹرنیشنل کے چیئرنین شوکت حسین خان نے طلاب کو مبارک باد پیش کی اور طلباء کے انسٹرکٹروں کی کوششوں کو سراہا۔     

پاکستان ٹیم اتنی آسان نہیں تھی جتنی کہی جارہی تھی: انگلش کپتان

لندن/انگلش کرکٹ ٹیم کے کپتان جو روٹ کا کہنا ہے کہ انہیں اپنے کھلاڑیوں پر فخر ہے، پاکستان ٹیم اتنی آسان نہیں تھی جتنی کہی جارہی تھی، اس ٹیم کا بولنگ اٹیک خطرناک تھا۔لیڈز ٹیسٹ میں کامیابی کے بعد پریس کانفرنس کرتے ہوئے انگلش کپتان جو روٹ نے کہا کہ ایک ہفتہ ہم نے مشکل اور کرب میں گذرا لیکن اسی ٹیم نے ہمیں جتوایا جس پر تنقید ہورہی تھی، میں نے اپنے کھلاڑیوں سے جو مانگا انہوں نے مجھے فیلڈ میں ڈیلیور کردیا۔انہوں نے کہا کہ اس کارکردگی کو طویل المعیاد بنیادوں پر دکھانے کی ضرورت ہے، ہر ٹیسٹ میں ہی امتحان سے گزرنا ہوتا ہے، پاکستان کا لارڈز ٹیسٹ جیتنا ہمارے لیے اچھنبے کی بات نہیں تھی، ہمیں علم تھا کہ پاکستانی ٹیم متوازن ہے، وہ انگلش کنڈیشنز کو سامنے رکھ کر کئی اچھے بولروں کے ساتھ یہاں آئے تھے، ہمیں اندازہ تھا کہ پاکستان ہمیں حیران کرسکتا ہے۔جوروٹ نے کہا کہ لارڈز میں شکست کے بعد ایک ہفتہ ہمارے لیے

میسی اور نیمار کا ہر گول بھرے گا بھوکے بچوں کا پیٹ

لندن/فٹ بال کی دنیا کے دو عظیم کھلاڑی لیونل میسی اور نیمار جونیئر ہر گول اسکور کرنے پر ہزاروں بھوکے بچوں کے پیٹ بھرنے کا سبب بنیںگے۔ذرا ئع کے مطابق مشہور امریکی کمپنی ماسٹر کارڈ نے اعلان کیا ہے کہ ارجنٹائن کے فٹ بال لیجنڈ لیونیل میسی اور برازیل کے سپر اسٹار نیمار جونیئر فیفا ورلڈ کپ میں جب وہ اپنی ٹیموں کے لیئے گول کریں گے تو کمپنی لاطینی امریکا اور کریبئن ریجن میں انعام کے طور پر ہر گول کے عوض 10 ہزار طالب علم بچوں کو مفت کھانا فراہم کرے گی۔ذرائع نے مزید بتایا کہ دونوں عظیم کھلاڑیوں نے اس مہم میں شرکت پر خوشی کا اظہار کیا ہے اور اس عزم کا اظہار کیا ہے کہ وہ ان بچوں کے لیے مزید اور کچھ کرنا چاہتے ہیں۔ دوسری جانب ماسٹر کارڈ کمپنی کی ریجنل اسپوکس پرسن آنا ویرال کا کہناتھا کہ لاطینی امریکامیں 4 کروڑ افراد کو بھوک کا سامنا ہے جبکہ ان بھوکے افراد میں زیادہ تر کم سن بچے ہوتے ہیں اور ہماری ک

روسی بلی فاتح سائیڈز کے حوالے سے پیشگوئی کرے گی

سینٹ پیٹرزبرگ/ فٹبال ورلڈ کپ میں روسی بلی فاتح سائیڈز کے حوالے سے پیشگوئی کرے گی۔فٹبال ورلڈ کپ کے دوران روسی بلی فاتح سائیڈز کے حوالے سے پیشگوئی کرے گی، اس کا نام ایشلیس اور ٹھکانہ سینٹ پیٹرزبرگ کا ہیرمیٹیج میوزیم ہے جہاں پر اس کی ٹریننگ بھی ہو رہی ہے، اس سے قبل یہ بلی کنفیڈریشن کپ کے مقابلے میں بھی درست پیشگوئی کرچکی ہے، اسے دراصل پال دی آکٹوپس کی جگہ کیلئے تیار کیا جا رہا ہے جو گزشتہ ورلڈ کپ میں جرمن میچز کے بارے میں بالکل درست پیشگوئی کرتا رہا، آخر میں اس نے اسپین کی فتح کیلئے پیشگوئی کردی تھی۔  

ارباز خان نے کیا قبول ، 6 سال سے کر رہے تھے آئی پی ایل میں سٹے بازی

ممبئی/آئی پی ایل سٹے بازی کے ایک معاملے میں نام آنے کے بعد سلمان خان کے بھائی اور بالی ووڈ اداکار ارباز خان ٹھانے اینٹی اکزارشن سیل میں اپنا بیان درج کرا دیا ہے۔اس دوران ارباز نے کئی اہم انکشاف کئے ہیں۔ نیوز 18 انڈیا کے مطابق ارباز خان نے پوچھ گچھ میں بتایا کہ گزشتہ 6 سالوں سے وہ آئی پی ایل میں بیٹنگ کر رہے ہیں۔ گزشتہ سال آئی پی ایل میں 2 کروڑ 75 لاکھ  کی بیٹنگ وہ ہارے لیکن اس کے بعد وہ کئی میچوں میں سونو جالان کے ذریعہ جیتے بھی۔پوچھ گچھ کے دوران ارباز خان نے بتایا کہ شادی میں ہوئی ان بن سے وہ کافی ڈپریشن میں بھی تھے اور مالی طور پر بھی کچھ سالوں سے کمزور تھے۔ ارباز خان نے پوچھ گچھ میں بتایا کہ وہ شوقیا طور پر سٹے بازی کرتے تھے۔ اسے لے کر گھر میں بھی انہیں کھری کھوٹی سنی پڑتی تطی۔ انکی سابق بیوی اور والد بھی انہیں سٹے بازی سے روکتے تھے۔ پوچھ گچھ میں ارباز خان نے بتایا کہ گزشتہ

فٹ بال ورلڈ کپ 2018،روس کی حکومت کا بڑا اعلان

اسلام آباد/روس کی حکومت نے ایک بڑا اعلان کیا ہے ، جس کے تحت پاکستانی شائقین بغیر ویزا کے روس کا سفر کرسکیں گے۔فٹ بال ورلڈ کپ 2018کے پیش نظر روس نے میچ کے ٹکٹ کو ویزے کا اسٹیٹس دے دیا ہے یعنی جس کے پاس بھی میچ کا ٹکٹ ہوگا وہ بغیر ویزا کے روس کا سفر کرسکے گا۔تفصیلات کے مطابق،پاکستانی فٹ بال شائقین کے لیے ایک اچھی خبر ہے۔روس کی حکومت نے ایک نئی پالیسی متعارف کرائی ہے ، جس سے مستفید ہوکر شائقین، روس میں رواں ماہ فٹ بال ورلڈ کپ 2018کے میچز بغیر ویزا کے براہ راست دیکھ سکیں گے۔میچز میں زیادہ سے زیادہ شائقین کی شرکت یقینی بنانے کے لیے روس کی حکومت نے پہلی مرتبہ اپنی ویزا پالیسی میں نرمی کی ہے اور میچ کے ٹکٹ کو ویزے کا اسٹیٹس دے دیا ہے یعنی جس کسی کے پاس بھی میچ کا ٹکٹ ہوگا وہ بغیر ویزا کے روس میں داخل ہوسکے گا۔یہاں یہ بتانا بھی ضروری ہے کہ اہم میچز کے آن لائن ٹکٹس پہلے ہی فروخت ہوچکے ہیں اور