تازہ ترین

سلامتی کونسل میں اصلاحات کے سلسلے میں ہندوستان اپنے موقف پر قائم

نئی دہلی / واشنگٹن// ہندوستانی حکومت نے آج واضح کیا کہ اقوام متحدہ کی سلامتی کونسل (یواین ایس سی) کی توسیع اور مستقل رکنیت کی دعویداری کے تناظر میں اس کا رخ پہلے کی طرح ہی ہے ۔سرکاری ذرائع کی یہ وضاحت امریکہ کے اس مشورے کے سلسلے میں آئی ہے کہ ہندوستان کو اقوام متحدہ میں اصلاحات کے بارے میں بات کرتے ہوئے ویٹو پاور پر زور نہیں دینا چاہئے ۔ذرائع نے یواین آئی کو بتایا کہ ہندوستان نے بہت پہلے یہ واضح کر دیا تھا کہ اسے سلامتی کونسل میں موجودہ مستقل ارکان کی طرح ہی یکساں ذمہ داری،اختیارات اور استحقاق دیئے جانے چاہئے ۔اقوام متحدہ میں امریکہ کی سفیر نکی ھیلے نے کل کہا تھا کہ ان کا ملک اقوام متحدہ کی سلامتی کونسل میں زیادہ سے زیادہ رکن شامل کئے جانے کے لئے اصلاحات کے حق میں ہے لیکن ہندوستان کے لئے بہتر ہوگا کہ وہ ویٹو پاور کے معاملے پر دباؤ نہ ڈالے ۔محترمہ ہیلی نے واشنگٹن میں ہند امریکی دوستی ک

کوئی مسلم یا عیسائی دہشت گرد نہیں : دلائی لاما

امفال// تبتی مذہبی رہنما دلائی لاما نے بدھ کو کہا کہ کوئی مسلم یا عیسائی دہشت گرد نہیں ہے، کیونکہ جب کوئی دہشت گردی کوموقف بنا لیتا ہے تو وہ مذہبی نہیں ہے۔ دلائی لاما نے ان تین دن کے دورے پر منڈی پور کو بتایا کہ جب لوگ عسکریت پسند بن جاتے ہیں تو ان کا مسلم، عیسائی یا دوسری شناخت ختم ہوجاتی ہے۔  دلائی لاما نے یہ بھی کہا کہ وہ امریکہ کے صدر ڈونالڈ ٹراپ کے 'امریکہ پہلے' نعرہ پسند نہیں کرتے۔لامہ، غیر تشدد اور نوبل انعامات کے ایک پرستار نے کہا کہ تشدد کسی بھی مسئلے کا حل نہیں ہے. انہوں نے کہا کہ ہندستان، جو 1000 سال کی غیر متشدد روایت ہے، اس کی قدیم حکمت کے ساتھ عالمی سلامتی قائم کرنے کے لئے قائم کر سکتے ہیں۔دلی لاما کے مطابق، 'ہم نے اپنی اپنی مشکلات کوخود پیدا کیا ہے، ہمیں جذبات کو کنٹرول کرنا سیکھنا ہوگا۔ غصہ صحت کے لئے نقصان دہ ہے. دنیا میں 700 ملین افراد میں، 600 ملین ا

راہل کی آر ایس ایس رہنما کے قتل کی مذمت

نئی دہلی// کانگریس کے نائب صدر راہل گاندھی نے آر ایس ایس کے لیڈر رویندر گوسائی کے قتل کی سخت مذمت کی ہے ۔مسٹر گوسائي کا کل پنجاب کے لدھیانہ میں نامعلوم حملہ آوروں نے گولی مار کر قتل کر دیا تھا۔مسٹر گاندھی نے آج ٹویٹ کرکے کہا ''میں لدھیانہ میں آر ایس ایس لیڈر رویندر گوسائي کے قتل کی سخت مذمت کرتا ہوں۔ کسی بھی طرح کے تشدد کو قبول نہیں کیا جا سکتا۔ قصورواروں کو سزا ملنی چاہئے ''۔پولیس کے مطابق لدھیانہ کے گگین دیپ کالونی میں منگل کی صبح گوسائی کو نامعلوم افراد نے گولی مار کر قتل کردیا۔ یو این آئی۔  

سنتوشی کی بھوک سے موت کی جانچ کی ہدایت:پاسوان

نئی دہلی// صارفین امور،فود اینڈ سپلائی کے مرکزی وزیررام ولاس پاسوان نے جھارکھنڈ مین سنتوشی نام کی لڑکی کی بھوک سے ہوئی موت پر آج شدید افسوس کا اظہارکرتے ہوئے فوڈ سکریٹری روی کانت کو اس کی جانچ کرنے کی ہدایت دی ہے ۔مسٹر پاسوان نے یہاں بتایا کہ مرکزی حکومت اس پورے واقعہ کی جانچ کے لئے جلد ہی مرکزی ٹیم بھی بھیج رہی ہے ۔اتنا ہی نہیں ریاستی حکومت کوبھی اس سلسلے میں رپورٹ بھیجنے کے لئے کہا گیا ہے ۔انہوں نے کہا کہ غذائی سکیورٹی قانون نافذ ہونے کے بعد بھی تین ماہ تک راشن نہ ملنا تشویش کا باعث ہے ۔راشن نہ ملنے کی صورت میں ضرورت مندوں کوکم سے کم سرکاری امدادی قیمتوں (ایس ایس پی)کا سوا گنا غذائی سکیورٹی بھتہ دئے جانے کا قانون میں التزام ہے ۔مرکزی وزیر نے کہا کہ اس معاملے میں مرکزی حکومت سے جھارکھنڈ ریاست کو فی ماہ اناج مختص کیا گیا ہے ۔  

پاک افغان سرحد پر ڈرون حملے میں 20 ہلاک

پشاور// افغان سرحد سے ملحقہ قبائلی علاقے کرم ایجنسی کے ایک سرحدی گاؤں کے قریب پیر کی شب مبینہ امریکی ڈرون حملے میں ہلاک ہونے والوں کی تعداد 20 ہو گئی ہے۔کرم ایجنسی سے ملنے والی ابتدائی اطلاعات میں ڈرون حملے میں ہلاکتوں کی تعداد پانچ بتائی گئی تھی۔جس علاقے میں یہ میزائل حملہ کیا گیا وہاں تک میڈیا کے نمائندوں کی رسائی نہیں اس لیے آزاد ذرائع سے ان ہلاکتوں اور درست مقام کی تصدیق ممکن نہیں۔کرم ایجنسی کے مرکزی قصبے پاڑہ چنار میں ذرائع نے بتایا کہ غوز گڑھی نامی علاقے کے گاؤں پشخرام میں عسکریت پسندوں کے ایک مرکز پر مبینہ امریکی ڈرون طیاروں سے یکے بعد دیگرے کئی میزائل فائر کیے گئے۔میزائل حملوں کے نتیجے میں عسکریت پسندوں کا مرکز تباہ ہو گیا اورمیزائل لگنے کے بعد مرکز کے کئی حصوں میں آگ بھڑک اْٹھی تھی۔ذرائع کے مطابق سرحدی گاوں پشخرام میں ڈرون طیاروں سے داغے گئے میزائلوں کا ہدف پاکستان اور افغ

افغان پولیس کے تربیتی مرکز پر حملہ

کابل// افغانستان کے جنوبی مشرقی صوبے پکتیا میں منگل کی صبح خودکش بمباروں اور مسلح جنگجوؤں کے پولیس کے ایک تربیتی مرکز پر حملے میں صوبائی پولیس کے سربراہ سمیت کم ازکم 20 افراد ہلاک اور درجنوں زخمی ہوگئے ہیں۔محکمہ صحت عامہ کے عہدیدار ہدایت اللہ حمیدی نے فرانیسی خبر رساں ایجنسی کو بتایا کہ مرنے والوں میں خواتین اور بچے بھی شامل ہیں۔پکتیا پولیس کے سربراہ توریالی عبدیانی بھی اس حملے میں مارے گئے ہیں۔وزارت داخلہ نے ایک بیان میں بتایا کہ مرکزی شہر گردیز میں اس تربیتی مرکز کے قریب پہلے ایک خودکش بمبار نے بارودی مواد سے بھری گاڑی میں دھماکا کیا۔ جس کے بعد اسلحہ سے لیس متعدد حملہ آوروں نے مرکز پر حملہ کر دیا۔وزارت کے مطابق پکتیا پولیس کے صدر دفاتر سے کچھ ہی فاصلے پر واقع اس تربیتی مرکز میں گھس آنے والے حملہ آوروں اور سکیورٹی فورسز کے درمیان لڑائی جاری ہے۔طالبان نے ٹوئٹر پر ایک پیغام میں اس ح

آیوروید کی قیادت میں دنیامیں صحت کے شعبہ میں انقلاب آئے گا:مودی

نئی دہلی// وزیراعظم نریندر مودی نے آج کہا کہ ہندوستان آیوروید کے ذریعہ دنیا میں صحت کے شعبہ میں انقلاب لانے کی قیادت کرے گا۔مسٹر مودی نے یہاں دوسرے یوم آیوروید کے موقع پر ملک کے پہلے ''کل ہند آیورویدک ادارے '' کے افتتاح کے موقع پر اپنے خطاب میں کہا کہ جس طرح ہندوستان کی قیادت میں دنیا میں انفارمیشن ٹیکنولوجی میں انقلاب آیا ہے اسی طرح اب آیوروید کی قیادت میں دنیا میں صحت کے شعبہ میں بھی انقلاب آئے گا۔انہوں نے کہا کہ ہندوستان نے اپنی مہارت اور صلاحیتوں کے دم پر دنیا میں اطلاعات کے شعبہ میں انقلاب لانے میں قیادت کی ہے اور اب وہ اپنی روایتی ادویات کے طریقہ کار آیور ویدک کے دم پر دنیا میں صحت کے شعبہ میں انقلاب کی قیادت کرے گا۔آیوروید صرف ایک ادویات کا طریقہ کار نہیں ہے ،اس کے دائرے میں سماجی صحت اور ماحولیات کی صحت بھی آتی ہے ۔یہ ایک ایسا طریقہ کار ہے جو مکمل انسان

یوگی تنازعہ کے درمیان تاج محل دیکھنے جائیں گے

آگرہ// اتر پردیش کے وزیر اعلی یوگی ادتیہ ہناتھ تاج محل کو لے کر  تنازعات کے درمیان 26 اکتوبر کو اگرہ  جا ئیں گے ۔ یوگی اس دوران سیاحت ڈپرٹمنٹ کیایک پروگرام میں حصہ لیں گے۔ وزیراعلی بننے کے بعد، یوگی ادتیہ ناتھ پہلی بار تاج محل کو دیکھنے جائیں گے۔بی جے پی کے قانون سازی سنگیت سوم نے ایک نیا تنازعہ اٹھایا اور تاج محل کی تاریخ سے سوال کیا. انہوں نے تاریخی حقائق کو توڑا اور کہا کہ تاج محل ہندستانی  ثقافت پر ایک دھبہ  ہے اور یہ اس شہنشاہ نے  تعمیرکرایا  تھا  جس نے اپنے والد کو جیل میں بند کر دیا اور ہندوؤں کو نشانہ بنایا تھا۔اے آئی ایم آئی ایم کے سربراہ نے اس سوال کو مسترد کیا اور پوچھا کہ اگر حکومت تاج محل دیکھنے آنے والے سیاحوں سے یہ کہے کہ وہ تاج محل دیکھنے نہیں جائیں ۔  

پاکستان، ایران اپنی سرزمین ایک دوسرے کے خلاف استعمال نہیں ہونے دیں گے: اعلامیہ

کوئٹہ// پاکستانی اور ایرانی حکام نے اس بات پر اتفاق کیا ہے کہ دونوں ملک اپنی سرزمین کسی کو بھی دہشت گردی کے لئے ہرگز استعمال کرنے کی اجازت نہیں دیں گے۔کمیش کا اجلاس گوادر میں منعقد ہوا۔ اجلاس میں سرحدی صورتحال، سیکیورٹی معاملات، امیگریشن، بارڈر ٹریڈ، راہداری سسٹم اور تجارت کے حجم کو بڑھانے سے متعلق امور اور ان سے متعلق مشترکہ تجاویز و فیصلے زیر غور آئے۔کوئٹہ میں صوبائی حکومت کے محکمہ تعلقات عامہ کی طرف سے جاری کئے گئے ایک بیان میں بتایا گیا ہے کہ پاکستان کے صوبہ بلوچستان اور ایران کے صوبہ سیستان بلوچستان کے درمیان پرانے روایتی اور ثقافتی تعلقات ہونے کے ساتھ ساتھ دونوں ملکوں کی ثقافت بھی مشترک ہے؛ اور یہ کہ، دونوں ممالک کے حکام اچھے تعلقات قائم کرنے پر متفق ہیں۔اجلاس میں اس بات پر زور دیا گیا کہ پاک ایران سرحد پر سیکیورٹی معاملات کو مزید بہتر بنانے کے لئے دونوں ممالک کے سیکیورٹی حکام ا

میانمار میںروہنگیا مسلمانوں کے خلاف مظالم کی تحقیقات شروع

میانمار// میانمار کی فوج کے عہدیداروں کا کہنا ہے کہ انہوں نے رخائین کی ریاست میں برمی فوج کے اہلکاروں کے طرز عمل سے متعلق تحقیقات شروع کی ہیں، جہاں فوجی اہلکاروں پر روہنگیا مسلمانوں پر وسیع پیمانے پر تشدد روا رکھنے کا ا لزام عائد کیا جاتا ہے۔ان واقعات کی وجہ سے رواں سال اگست کے بعد سے ہزاروں افراد ہمسایہ ملک بنگلادیش فرار ہونے پر مجبور ہوئے۔تاہم یہ واضح نہیں ہے کہ فوج کب اس تحقیقات کے نتائج کو منظر عام پر لائے گی۔میانمار کے فوجی عہدیداروں نے ایک بیان میں کہا ہے کہ "ہم سرکاری طور پر یہ رپورٹ اس وقت جاری کریں گے جب ہمارے پاس (اس بارے میں) مکمل معلومات ہوں گی۔"انسانی بحران کے گمبھیر ہونے پر اقوام متحدہ کے ایک سابق سیکرٹری جنرل نے یہ اپیل کی ہے کہ نقل مکانی کرنے والے روہنگیا مسلمانوں کو رخائین کی ریاست میں واپس آنے کی اجازت دی جائے۔کوفی عنان جنہوں نے حال ہی میں میانمار میں رخائی

راہل اسی ماہ بن سکتے ہیں کانگریس صدر

نئی دہلی// کانگریس کے نائب صدر راہل گاندھی کو پارٹی صدر بنانے کا پرزور مطالبہ اسی ماہ پورا ہوجانے کی امید ہے ۔کانگریس ذرائع کے مطابق پارٹی میں جاری تنظیمی الیکشن کے تحت پارٹی صدر کا الیکشن 30 اکتوبر تک مکمل ہوجائے گا۔موصولہ اشاروں کے مطابق پارٹی کارکنوں کی مانگ کے مطابق اس مرتبہ صدر کا عہدہ مسٹر گاندھی کو سونپا جاسکتا ہے ۔ کانگریس صدر سونیا گاندھی بھی اس طرح کا اشارہ دے چکی ہیں۔پارٹی کے انتخابی افسر اور ممبر پارلیمنٹ ایم رام چندرن پیر کو یہاں محترمہ گاندھی سے ان کی رہائش گاہ پر ملاقات کی۔ سمجھا جاتا ہے کہ انہوں نے پارٹی تنظیم کے الیکشن اور صدر کے عہدہ کے الیکشن کے لئے تاریخ مقرر کرنے کے بارے میں محترمہ گاندھی سے بات چیت کی۔مسٹر گاندھی کو کانگریس کی کمان سونپنے کا مطالبہ طویل عرصے سے کیا جارہا ہے ۔ پارٹی صدر سونیا گاندھی نے دو دن قبل اشارہ دیا تھا کہ کانگریس کی کمان جلد ہی مسٹر گاندھی ک

حکومت میں ہمت ہے تو یونیسکو کی فہرست سے تاج محل کو نکلوا دے :اویسی کا چیلنج

حیدرآباد// حیدرآبادکے رکن پارلیمنٹ و صدر کل ہند مجلس اتحاد المسلمین اسد الدین اویسی نے اترپردیش کے وزیر سنگیت سوم کی جانب سے تاج محل پر کئے گئے تبصرہ پر ردعمل ظاہر کرتے ہوئے چیلنج کیا کہ اگرتاج محل غداروں نے تعمیر کیا ہے تو حکومت ، تاج محل کا مشاہدہ کرنے کے لئے ہندوستان آنے والوں سے یہ کہہ دے کہ اس عمارت کا مشاہدہ نہ کیاجائے ۔اگر حکومت میں ہمت ہے تو وہ یونیسکو سے یہ کہہ دے کہ اس کی عالمی ثقافتی ورثہ کی حامل عمارتوں کی فہرست سے تاج محل کو نکال دیا جائے ۔صدر مجلس نے دارالسلام میں میڈیا سے بات کرتے ہوئے کہاکہ اگرواقعی یہ عمارتیں غداروں نے تعمیرکی ہیں تو پھر وزیراعظم نریندر مودی کیوں لال قلعہ سے قومی پرچم لہراتے ہیں ۔وہ لال قلعہ سے جھنڈا لہرانا چھوڑ دیں۔انہوں نے کہاکہ کیا وزیراعظم مودی دہلی کے حیدرآباد ہوز میں بیرونی مندوبین کی میزبانی چھوڑ دیں گے جس کو غداروں نے تعمیرکیا ہے ۔انہوں نے کہاک

بی جے پی کو کرارا جھٹکا: گروداس پور لوک سبھا سیٹ پر کانگریس کا قبضہ

گروداس پور// پنجاب میں گروداس پور لوک سبھا سیٹ کیلئے گزشتہ 11اکتوبر کو ہوئے انتخابات میں کانگریس کے امیدوار سنیل جاکھڑ نے اپنے قریبی حریف بھارتیہ جنتاپارٹی کے سورن سلاریا کو ایک لاکھ90ہزار سے زائد ووٹوں سے ہراکر جیت لی ہے ۔آج صبح آٹھ بجے اس سیٹ کیلئے سخت سیکورٹی کے درمیان ووٹوں کی گنتی شروع ہوئی ۔اس ضمنی الیکشن میں اہم مقابلہ ریاست میں برسراقتدار کانگریس کے ریاستی صدر اور امید وار سنیل جاکھڑ،بھارتیہ جنتا پارٹی -شرومنی اکالی دل اتحاد کے امیدوار سورن سلاریا کے درمیان تھا۔عام آدمی پارٹی کی جانب سے میجر جنرل (رٹائرڈ)سریش کمار کھجریا ،میگھ دیشم پارٹی کی سنتوش کماری،شرومنی اکالی دل(امرتسر) کے کلونت سنگھ ،ہندوستان شکتی سینا کے راجندر سنگھ کے علاوہ پانچ آزاد امیدوار بھی میدان میں تھے ۔یہ سیٹ بھارتیہ جنتا پارٹی کے چار بار رکن پارلیمنٹ رہے ونود کھنہ کے انتقال سے خالی ہوگئی تھی۔اس ضمنی انتخابات م

راہل کی مودی کو ٹرمپ سے پھر گلے ملنے کی صلاح

نئی دہلی// کانگریس نائب صدر راہل گاندھی نے امریکی صدر ڈونلڈ ٹرمپ کے پاکستان کے تئیں تبدیل ہوتے موقف کے مدنظر وزیر اعظم نریندر مودی کو جلد سے جلدمسٹر ٹرمپ کو گلے لگانے کی صلاح دی ہے ۔مسٹر گاندھی نے کہا کہ وزیر اعظم کو کسی تاخیر کے بغیر اس سمت فورا پہل کرنی چاہئے اور جلد ہی مسٹر ٹرمپ سے گلے ملنا چاہئے ۔کانگریس نائب صدر نے ٹوئیٹ کیاکہ ''مودی جی جلدی کرو، لگتا ہے صدر ٹرمپ کو پھر سے گلے لگانے کی ضرورت ہے ۔ ''انھوں نے کہاکہ اس ٹوئیٹ کے ساتھ صدر ڈولنڈ ٹرمپ کا وہ ٹوئیٹ بھی پوسٹ کیا ہے جس میں انھوں نے کہا کہ ''پاکستان اور اسکے رہنماؤں کے ساتھ پہلے سے زیادہ اچھے رشتے بنانے شروع کردئے ہیں ۔میں کئی موقعوں پر ملے انکے تعاون کے لئے انکا شکریہ اداکرتاہوں ۔''ایک دیگرٹوئیٹ میں مسٹرگاندھی نے پارٹی کارکنوں کو مہاراشٹر کے ناندیڑ کے بلدیاتی انتخابات میں کانگریس کو ملی زبردست

اے پی جے عبدالکلام کے 86 ویں یوم پیدائش پر خراج عقیدت

نئی دہلی// نئے ہندوستان کی تعمیر کیلئے نوجوان طبقہ کو تحریک دینے والے مرحوم صدر جمہوریہ ڈاکٹر اے پی جے عبدالکلام کو ایک لاکھ سے زائد لوگوں نے پرکشش اور رنگ برنگے پوسٹ کارڈوں پر پینٹنگ کے ذریعہ خراج عقیدت پیش کی ہے ۔ ڈاکٹر کلام کی 86ویں یوم پیدائش پر ان پوسٹ کارڈوں میں 214بہترین پوسٹ کارڈوں کی ایک انوکھی کتاب-'ڈریم مشن' کے نام سے شائع کی گئی ہے جس کا آج آن لائن اجرا پڈو چیری کی گورنر کرن بیدی اور مشہور کرکٹر متالی راج نے کیا۔اس کتاب کا دیباچہ مسز کرن بیدی نے لکھا ہے ۔ گزشتہ دوسال سے 'لیٹر فارمز' نامی تنظیم پوسٹ کارڈ کے ذریعہ ڈاکٹر کلام کی خدمات کو اجاگر کرنے کیلئے ایک مہم چلارہی ہے جس کے تحت ملک کے مختلف حصوں سے ہر ہفتہ ہزار وں پوسٹ کارڈ مذکورہ تنظیم کو مل رہے ہیں۔ان پوسٹ کارڈوں پر بچوں ،بوڑھوں اور خواتین سے لیکر سبھی طبقہ اور مذاہب و زبانوں کے لوگوں نے ڈاکٹر کلام کے لئے

پاکستان میں اے ٹی سی نے مشرف کی مچلکہ رقم ضبط کی

اسلام آباد// پاکستان میں انسداد دہشت گردی عدالت(اے ٹی سی)نے ججوں کو زبردستی یرغمال بنائے جانے کے معاملے میں سابق فوجی حکمران جنرل پرویز مشرف کو ضمانت پر رہا کئے جانے کے عوض میں ان کے ضمانت کاروں کی جانب سے جمع کرائی گئی دس لاکھ روپے کی مچلکہ رقم کو ضبط کرلی ہے ۔ روزنامہ دی ڈان کے مطابق اسلام آباد ہائی کورٹ نے جون 2013 میں ملک کے سابق فوجی حکمران کو اس معاملے میں رہا کیا تھا اور انہیں پانچ لاکھ روپے کے دو مچلکہ بھرنے کی ہدایت بھی دی تھی۔ان کی طرف سے دو ضمانت کاروں مشتاق احمد اورراشد محمود نے مچلکہ کی رقم کے طورپر اپنی جائیداد کے دستاویز عدالت میں جمع کرائے تھے ۔لیکن جمعہ کو عدالت میں کارروائی کے دوران دونوں ضمانت کاروں نے اپنی جائیداد سے منسلک کاغذات واپس کرنے کا مطالبہ کیا تھا اور یہ کہا تھاکہ اس کے عوض میں وہ دس لاکھ روپے عدالت میں جمع کرادیں گے جنہیں عدالت چاہے تو ضبط کرسکتی ہے ۔&n

عالمی معیار حاصل کرنے کیلئے یونیورسٹیاں باہمی مسابقت کریں:مودی

پٹنہ// وزیر اعظم نریندر مودی نے ملک کی تمام یونیورسٹیوں کو عالمی معیار کا بننے کے لئے باہمی مسابقت کرتے ہوئے مرکزی حکومت کی اس اسکیم کا فائدہ اٹھانے کے لئے اپیل کی جس کے تحت اس کے لئے اگلے پانچ سال میں بیس منتخب یونیورسٹیوں کو دس ہزا ر کروڑ روپے دئے جائیں گے ۔مسٹر مودی نے یہاں پٹنہ یونیورسٹی کی صدسالہ تقریب سے خطاب کرتے ہوئے کہا کہ ایک وقت پوری دنیا کی حصول علم کے لئے اپنی طرف راغب کرنے والے ہندوستان کی ایک بھی یونیورسٹی اب دنیا کی پانچ سو چوٹی کے تعلیمی اداروں میں شامل نہیں ہے ۔ انہوں نے کہا کہ ان کی حکومت نے ملک کے دس نجی اور دس سرکاری یونیورسٹیوں کو عالمی معیار کا بنانے کا ہدف رکھا ہے ۔ ایسی یونیورسٹیوں کو اگلے پانچ سال میں دس ہزار کروڑ روپے دئے جائیں گے ۔ ان بیس یونیورسٹیوں کی فہرست میں شامل ہونے کے لئے ملک کی تمام یونیورسٹیوں کو مسابقت کرنی ہوگی۔اس سے پہلے وزیر اعلی نتیش کمار نے و

کیجریوال کی مسروقہ کارغازی آباد سے برآمد

 نئی دہلی/غازی آباد، 14 اکتوبر (یو این آئی) دہلی کی وزیر اعلی اروند کیجریوال کی نیلے رنگ کی مسروقہ فیوریٹ ویگن آر آج صبح غازی آباد سے برآمد کرلی گئی۔ دہلی سے یہ کار جمعرات کو چوری ہوگئی تھی۔ مسٹر کیجریوال کے ''عام آدمی'' کی شبیہ بن کر ابھرنے والی یہ کار جسے وزیر اعلی بننے سے پہلے وہ بکثرت استعمال کرتے تھے ضلع غازی آباد کے موہن نگر علاقے میں پائی گئی۔ اس کار کو دہلی سکریٹریٹ کے سامنے سے چرایا گیا تھا ۔ دہلی پولیس کو اس چوری کی سی سی ٹی وی تصاویر مل گئیں جن میں کہا جاتا ہے کہ ملزم یعنی مبینہ چور ی کرنے والے کو دیکھا جاسکتا ہے ۔غازی آباد کے پولیس سربراہ آکاش تومڑ نے بتایا کہ صاحب آباد تھانہ کو کل رات یہ اطلا ع ملی کہ موہن نگر علاقے میں نیلے رنگ کی کوئی کار موجود ہے ۔ اس اطلا ع پر پولیس وہاں پہنچی اور DL9C/G9769 نمبر کی کار اپنی تحویل میں لے لی۔مسٹر تومڑ نے

روہنگیا مسلمانوں پر زیادتی کے خلاف میانمار کی فوج کی تفیش کا آغاز

ینگون// میانمار میں فوج نے روہنگیا مسلمانوں کے خلاف کارروائی کے دوران فوجیوں کی زیادتیوں کی داخلی جانچ شروع کردی ہے ۔کمانڈر ان-چیف کی آفس نے کل بتایا کہ اس کیلئے لیفٹنٹنٹ جنرل ایئے ون کی قیادت میں ایک کمیٹی تشکیل دی گئی ہے جس نے اپنا کام شروع کردیا ہے ۔سینئر جنرل من آنگ ہلائنگ نے فیس بک پر ایک بیان پوسٹ کیا ہے جس کے مطا بق کمیٹی تفتیش کرے گی۔'' کیا فوجیوں نے ضابطہ اخلا ق پر عمل کیا ہے ؟ کیا انہوں نے مہم کے دوران صحیح طریقے سے احکامات پر عمل کیا ہے ؟اس کے بعد (کمیٹی)پوری تفصیلات جاری کرے گی''۔قابل غور ہے کہ میانمار سے بنگلہ دیش نقل مکانی کرنے والے بیشتر روہنگیا مسلمانوں نے میانمار کی فوج پر قتل،عصمت دری اور آگ لگانے کا الزام لگایا ہے ،لیکن وہاں کی فوج نے ان سبھی الزامات کو خارج کیا ہے اور کہا کہ روہنگیائی مسلمانوں کے خلاف کارروائی بودھ اکثریت والے میانمار کے آئین کے مطاب

پنجاب میں قریب 20کروڑ روپے کی ہیروئن برآمد

جالندھر// بورڈر سکیورٹی فورس نے پنجاب میں فیروز پور سیکٹر کی عبوری سرحد چوکی جان محمد کے علاقے میں اسمگلروں کے ساتھ مڈبھیڑ کے دوران چار کلو ہیروئن برآمد کی ہے جس کی قیمت بین الاقوامی بازار میں 20کروڑ روپے ہونے کا اندازہ ہے ۔بی ایس ایف کے ترجمان ڈائریکٹر جنرل آف پولیس آر ایس کٹاریا نے آج یہاں تایا کہ سرحد پار سے منیشات کی اسمگلنگ روکنے کے لئے پنجاب فرنٹیئر کے ڈائریکٹر جنرل مکل گوئل کی ہدایت کے مطابق سرحد پر سخت نگرانی کی جارہی ہے ۔امگلروں کے ذریعہ ہیروئن کی اسمگلنگ کی خفیہ اطلاع کی بنیاد پر جوان کل دیر رات گھات لگائے ہوئے تھے ۔جوانوں نے سرحد پر اسمگلروں کی کچھ مشتبہ سرگرمیاں دیکھیں۔ان کے للکارنے پر اسمگلروں نے فائرنگ شروع کردی۔جوانوں کی جوابی کارروائی پر اسمگلر واپس پاکستان کی سرحد میں داخل ہوگئے ۔مڈبھیڑ کے بعد علاقے کی تلاشی لینے پر چار پیکٹ ہیروئن کے برآمد ہوئے ۔مسٹر کٹاریا نے بت