تازہ ترین

سکولی عمارتوں کی تباہی دشمن کی کوشش تھی :ڈی جی

سرینگر// ریاستی پولیس سربراہ ایس پی وید نے ”دشمن“ کی طرف سے اسکولی عمارتوں کو تباہ کرنے کے مذموم عزائم کا ر فرما ہونے کا دعویٰ کرتے ہوئے کہا کہ وہ چاہتے ہیں کہ طلاب حصول تعلیم سے دور رہیں۔ پولیس سربراہ نے کہا کہ پولیس اہلکار کم از کم نقصان چاہتے ہیں۔انہوں نے کہا” اسکول کے عملہ اور دیگر لوگوں کو گزشتہ روز ہی اسکول سے باہر نکالا گیا۔ حملے میں ہلاک ہوئے سی آرپی ایف افسر کی اعزازی تقریب کے حاشیہ پرنامہ نگاروں سے بات کرتے ہوئے انہوں نے کہا” ہم چاہتے ہیں اسکول کی عمارت محفوظ رہے،کیونکہ دشمن کی یہی کوشش اور مذموم عزائم ہیں کہ بچے تعلیم کو خیر آباد کہیں،تاہم ہماری یہ یقین دہانی ہے کہ ایسی کوئی چیز بھی نہیں ہوگی“۔  

عید الفطر آج

 سرینگر//آج عیدالفطر کی تقریب سعید روایتی جوش و خروش اور عقیدت و احترام سے منائی جارہی ہے۔اس سلسلہ میں وادی کی تمام مسجدوں ، خانقاہوں، عید گاہوں اورزیارت گاہوں میں نماز عید کے بڑے بڑے اجتماعات منعقد ہو رہے ہیں۔ عید الفطر کی آمد پر وادی کے بازاروں میں پچھلے کئی دنوں سے حسب روایت کروڑوں روپے کی خرید و فروخت ہوئی اور تاہم گذشتہ برسوں کے دوران امسال خرید و فروخت کی گہماگہمی کم تھی۔ اس دوران ہر سال کی طرح اس بار بھی ذخیرہ اندوزی اور ناجائز منافع خوری کی وجہ سے لوگوں کو دودوہاتھوں لوٹ لیا گیااور عام استعمال کی چیزوں کی قیمتیں آسمان چھوتی نظر آئیں۔ عید الفطر کے سلسلے میں سب سے بڑی تقریب سرینگر کے تاریخی عید گاہ میں منعقد کرنے کا پروگرام بنایاگیاہے جس کیلئے پہلے ہی تیاریاں کی گئی ہیں۔ آثار شریف درگاہ حضرت بل میں عید نماز کا سب سے بڑا اجتماع منعقد ہوگا جہاںہزاروں عقیدتمندعید نماز میں شامل

گلمرگ میں قہر،گنڈولہ پر پیڑ گرنے سے 7لقمہ اجل

رینگر //سیاحتی مقام گلمرگ میں تیز آندھی سے گنڈولہ کیبل کار کے ایک کیبن پر بھاری درخت گرا، جس کے نتیجے میں ایک ہی کنبے کے 4افراد سمیت 7 لوگ مارے گئے۔معلوم ہوا ہے کہ اتوار بعد دوپہر گلمرگ میں تیز آندھی چلی جس کے باعث ایک درخت گنڈولہ کے ایک کیبن پر گرا ،جس کے نتیجے میں سیر و تفریح کےلئے دلی سے آیا ایک کنبہ صفحہ ہستی سے مٹ گیا۔بتایا جاتا ہے کہ اس دلدوز حادثے میں تین کشمیری بھی مارے گئے جن میں سے ایک گائیڈ کے طور پر مذکورہ کنبے کیساتھ تھا۔مرنے والوں کی شناخت جینت انراسکرشالیمار باغ دلی،اسکی اہلیہ منیشا،اسکی دو معصوم بیٹیاں اناگہ اور جانوی، مختار احمد گنائی ساکن چونٹی پتھری،فاروق احمد چوپان ساکن اباتو بارہمولہ اورجہانگیر احمد کھانڈے ساکن وارپورہ ٹنگمرگ کے بطور ہوئی ہے۔اس دلدوز حادثے کی وجہ سے گنڈولہ کئی گھنٹوں تک رک گیا اوت قریب چار گھنٹے کے بعد اسے دوبارہ قابل کار بنایا گیا تب تک درجنوں سیا

وزیر اعلیٰ کا اظہار رنج ،5 لاکھ روپے ایکس گریشیا ریلیف کا اعلان

 سرینگر //وزیر اعلیٰ محبوبہ مفتی نے آج گلمرگ میں پیش آئے درد ناک حادثے پر گہرے رنج و غم کا اظہار کیا ہے ۔ حادثے میں وادی کی سیر پر آئے ہوئے ایک ہی کنبہ کے 4 افراد اور 3 مقامی نوجوان جانبحق ہو گئے جو کہ گلمرگ گنڈولہ کی سواری کر رہے تھے ۔ محبوبہ مفتی جو کہ بچاو¿ کارروائی کی بذات خود نگرانی کر رہی تھیں ، نے جانبحق ہوئے افراد کے لواحقین کو پانچ لاکھ روپے کی ایکس گریشیا ریلیف دینے کا اعلان کیا ۔ انہوں نے حادثے کی وجوہات کا پتہ لگانے کیلئے اعلیٰ سطحی جانچ کا بھی حکم دیا ۔محبوبہ مفتی نے حادثے میں جانبحق ہوئے تین مقامی نوجوانوں کے غمزدہ کنبوں سے بھی دُکھ کا اظہار کیا ۔ حادثے کی خبر ملنے کے فوراً بعد ڈویژنل کمشنر کی سربراہی میں اعلیٰ سطحی ٹیم نے موقعہ پر پہنچ کر بچاو¿ کارروائی کی نگرانی کی ۔ حادثے میں جانبحق ہوئے افراد کے جسدِ خاکی کو اُن کے گھر پہنچایا جا رہا ہے جبکہ زخمیو

نوشہرہ سیکٹر میں فائرنگ کا تبادلہ

نوشہرہ//حد متارکہ پر ہندوستان اور پاکستان کی فوجوں کے درمیان گولہ باری کے تبادلہ میں ایک نوجوان زخمی ہو گیا ۔ تازہ فائرنگ کے نتیجہ میں کئی سرحدی دیہات کے مکینوں نے محفوظ مقامات کی طرف نقل مکانی کا سلسلہ شروع کر دیا ہے ۔ قابل ذکر ہے کہ پچھلے قریب ڈیڑھ ماہ سے دو ہزار سے زائد افراد نوشہرہ میں قائم کئے گئے ریلیف کیمپوں میں پناہ گزیں ہیں۔ گولہ باری میں تین گائیں ہلاک اور ایک دیگر شدید طور پر زخمی ہو گئی ہیں۔دفاعی ذرائع نے بتایا کہ اتوار کی صبح 5بجے کے قریب حد متارکہ پرواقع کلسیاں میں پاکستانی فوج نے بھارتی فوج کی درگا اور ارجن چوکیوں پر 120ایم ایم اور 80ایم ایم مارٹر شیلوں سے گولہ باری کی جس کے نتیجہ میں 63آر آر کا جوان منوج تیواڑی زخمی ہو گیا۔ مارٹر کے گولے گینہیا گاﺅں میں بھی آن پڑے جس سے اندر پرکاش ولد ساﺅن مل کی تین گائیںہلاک جب کہ ایک زخمی ہو گئی ہے ۔ گولہ باری کا یہ سلسلہ شام پونے چار

رام منشی باغ سے سیمپورہ تک دفعہ144نافذ

 سرینگر//پانتہ چھوک میں جنگجوئوں اور فورسز کے مابین جاری تصادم آرائی کے بیچ سرینگر میں دفعہ144نافذ کیا گیا ہے ۔ ڈسٹرکٹ مجسٹریٹ سرینگر کے مطابق رام منشی باغ سے سیمپورہ تک دفعہ 144فافد العمل رہے گا ۔

جی ایس ٹی کے اطلاق پرتحفظات بدستور قائم

سرینگر// حکومت نے اشیاء اور خدمات ٹیکس(جی ایس ٹی) پر اتفاق رائے پیدا کرنے کیلئے کل جماعتی گروپ کی میٹنگ سابق نائب وزیر اعلیٰ مظفر حسین بیگ کی صدارت میںمنعقدہوئی ۔تاہم نیشنل کانفرنس اور کانگریس نے اس میٹنگ کا بائیکاٹ کیا۔ بھارت کی دیگر ریاستوں میںیکم جولائی سے یکساں محصول نظام کے لاگو ہونے سے قبل ہی ریاست میں سرکار کی طرف سے اس قانون کو لاگو کرنے کیلئے مختلف سیاسی جماعتوں کا ایک گروپ تشکیل دیا گیا تھا جس میں سابق وزیر خزانہ عبدالرحیم راتھر کے علاوہ محمد یوسف تاریگامی،نظام الدین بٹ،ایڈوکیٹ سنیل سیٹھی،اعجاز احمد خان،حکیم محمد یاسین، غلام حسن میر اور پون گپتا سمیت انجینئر رشید کو بھی شامل کیا گیا تھا۔ ذرائع کا کہنا ہے کہ اس سلسلے میں وزیر خزانہ ڈاکٹر حسیب درابو نے مشاورتی گروپ کے تمام ممبران کو جمعرات کو ہی مدعو کیا ۔ ذرائع کا کہنا ہے کہ میٹنگ میں نیشنل کانفرنس اور کانگریس کے نمائندوں نے ش

وزیر اعلیٰ اور گورنر کا کئی معاملات پر تبادلہ خیال

سرینگر//وزیر اعلیٰ محبوبہ مفتی نے راج بھون میں گورنر این این ووہرا کے ساتھ ملاقات کی ۔ گورنر اور وزیر اعلیٰ نے پولیس اہلکاروں پر ہو رہے لگاتار حملوں بشمول جامع مسجد علاقے میں ڈی ایس پی محمد ایوب پنڈت کے بیہمانہ قتل سے جُڑے معاملات اور ایسے واقعات سے متاثرہ افراد کے کنبوں کو امداد فراہم کرنے کیلئے اٹھائے جانے والے اقدامات کے بارے میں تبادلہ خیال کیا ۔ اس سے قبل مرکزی وزیر داخلہ سے ہوئی ملاقات کے پیش نظر گورنر نے وزیر اعلیٰ کے ساتھ فیلڈ میں کام کر رہے پولیس افسروں کو بلٹ پروف جیکٹ اور گاڑیاں اور دیگر حفاظتی ساز و سامان مہیا کرنے پر بھی تبادلہ خیال کیا۔ وزیر اعلیٰ نے جموں کشمیر میں جی ایس ٹی کو لاگو کرنے کیلئے کئے جا رہے اقدامات کے بارے میں گورنر کو جانکاری دی ۔دونوں نے اس بات پر اتفاق کیا کہ جی ایس ٹی کو لاگو کرنے میں تاخیر کی وجہ سے ریاست کے لوگوں کو نقصانات سے دو چار ہونا پڑے گا اور ری

ڈی ایس پی کی ہلاکت کامعاملہ

  سرینگر//شب قدر کے موقعہ پر جامع مسجد کے نزدیک سادہ کپڑوں میں ملبوس پولیس افسر کو زیر چوب مارنے کے واقعہ میں پولیس نے شہر خاص میں کئی جگہوں پر چھاپے مارے،جس کے دوران5افراد کی گرفتاری عمل میں لائی گئی ہے۔ ریاستی پولیس نے واقعہ کی جانچ پڑتال کیلئے خصوصی تحقیقاتی ٹیم بھی تشکیل دی ہے جبکہ ایس پی نارتھ کا تبادلہ کردیاگیا ہے۔ڈائریکٹرجنرل پولیس ڈاکٹرایس پی ویدنے کہا ہے کہ ڈی ایس پی محمدایوب پنڈت کے انسانیت سوزقتل میں ملوث افرادکوبخشانہیں جائیگا ۔محمدایوب پنڈت کی زیرچوب ہلاکت کے بعدملوث ملزمان کیخلاف بڑے پیمانے پرکارروائی شروع کردی گئی ہے ،اورابتک 12مشتبہ افراد میں سے 5کوپوچھ تاچھ کیلئے حراست میں لیاگیاہے ۔اس سلسلے میں ریاستی پولیس نے سپر انٹنڈنٹ عہدے کے افسر کی سربراہی میںایک خصوصی تحقیقاتی ٹیم کی تشکیل عمل میں لائی ہے تاکہ واقعہ کی سرعت کے ساتھ چھان بین ہو سکے۔ذرائع کا کہنا ہے کہ ا

حاجن کے 5نوجوانوں پر سیفٹی ایکٹ،کوٹ بلوال جیل منتقل

  بانڈی پورہ //حاجن کے پانچ نوجوانوں کو پبلک سیفٹی ایکٹ کے تحت کوٹ بلوال جیل جموں بھیج دیا گیاہے جن کو پولیس نے 2 جون کو لشکر طیبہ کے ساتھ بالائی سطح پر کام کرنے کے الزام میں گرفتار کیا تھا ۔ ذرائع کے مطابق سنیچر کو ڈپٹی کمشنر بانڈی پورہ نے پولیس کی سفارش پرحاجن کے پانچ نوجوانوں کو پبلک سیفٹی ایکٹ کے تحت کوٹ بلوال جموں بھیجنے کا حکم دیا ہے۔گرفتار شدگا ن میں بشیر احمد میر ولد عبدالاحد پہاری بل حاجن، محمد یونس بٹ ولد سنااللہ ،شبیر احمد ڈار ولد عبدالمجید ساکنان چندر گیر حاجن، ہلال احمد پرے ولد غلام احمد ساکن کوچک محلہ حاجن، سنااللہ ڈار ولد غلام احمد ساکن گنڈجہانگیر حاجن  شامل ہیں، پولیس نے ان نوجوانوں کو ایک جنگجو تنظیم کیساتھ وابستہ جتلایا ہے۔  

محمد یاسین ملک پھر گرفتار

سرینگر//لبریشن فرنٹ چیئرمین محمد یاسین ملک کو سنیچر کو ایک بار پھر گرفتار کرلیا گیا ہے۔ پولیس کی بھاری جمعیت نے ان کے گھر کا گھیرائو کیا اور انہیں گرفتار کرلینے کے بعد فوراً سرینگر سینٹرل جیل منتقل کیا ۔ انہیں جوڈیشل ریمانڈ پر سینٹرل جیل منتقل کیا گیا ہے۔فرنٹ چیئرمین نے کہا کہ خیر سگالی کے جذبے کے تحت عید جیسے متبرک تہواروں پر قیدیوں کو رہاکیا جاتا رہاہے لیکن آر ایس ایس کی حمایت یافتہ پی ڈی پی سرکار نے اب کی بار نئی قسم کی اخلاقیات وضع کرتے ہوئے قیدیوں کو رہا کردینے کے بجائے اس مبارک موقع پر مذید قیدیوں سے جیلوں اور تھانوں کو بھرنے کا کام شروع کیا ہے۔یاسین ملک نے کہا کہ کشمیر کو ایک قتل گاہ میں تبدیل کردیا گیا ہے۔ انہوں نے کہا کہ ریاستی دہشت گردی کے ان سخت اقدامات کا واحد مقصد ہمارے جذبۂ آزادی کو کمزور اور ختم کرنا ہے لیکن بھارت اور اسکے ریاستی گماشتوں کو یاد رکھنا چاہئے کہ ظلم و جب

بانڈی پورہ میں حادثہ

بانڈی پورہ // ترکہ پورہ بانڈی پورہ میں اس وقت صف ماتم بچھ گئی جب 45سالہ مزدور ایچ ٹی ترسیلی لائن کی کرنٹ لگنے سے موقعہ پر ہی لقمہ اجل بن گیا ۔ محمد یوسف بٹ ولد عبدالغفار ساکن ترکہ پورہ زیر تعمیر جامع مسجد میں کام ررہا تھا، اس دوران مذکورہ مزدور ترسیلی لائن چھونے سے موقعہ پر ہی مارا گیا۔لوگوں کا کہنا ہے کہ محکمہ بجلی کی لاپرواہی سے بوسیدہ ترسیلی لائنیں بستیوں  سے گزر کر لوگوں کے لئے جان لیوا بن رہی ہے۔ لوگوں نے محکمہ بجلی کے خلاف زبردست احتجاج کرکے مطالبہ کیا ہے کہ محکمہ بجلی جاں بحق مزدور کے حق میں معاوضہ ادا کرے۔

پونچھ میں آر پار فائرنگ و گولہ باری

پونچھ//ضلع پونچھ کے شاہ پور سیکٹر میں ہفتہ کے روز کنٹرول لائن پر آر پار فائرنگ ہوئی جس میں چھوٹے اور خود کار ہتھیاروں کے علاوہ مارٹر گولوں کا بھی استعمال کیا گیا۔ حد متارکہ پر کیرنی میںسنیچر کی صبح 8 بجے سے پاکستانی رینجرس کی جانب سے جنگ بندی کی خلاف ورزی کی گئی اس دوران موٹار اور دیگر ہتھیاروں کا استعمال کرتے ہوئے فوج کی پکٹوں اور رہائشی علاقوں کو نشانہ بنایا گیاجس کے بعد فوج کی جانب سے بھی جوابی کارروائی کی گئی اور پاکستان کی کئی پکٹوں پر گولے برسائے گئے۔ اس دوران حد متارکہ کے قریب آباد رہائشی علاقوں کے لوگ اپنے گھروں محصور ہو گئے اور ان پر سخت خوف طاری ہو گیا ۔ یہ سلسلہ دوپہر تین بجے تک جاری رہا اور اس کے بعد خاموشی چھا گئی۔  

سرینگر اور جموں میں رسہ کشی ختم

سرینگر // سمارٹ سٹی کی فرست میں شامل ہونے کیلئے سرینگر اور جموں کے درمیان 2برسوں سے چلی آرہی محاذآرائی اُس وقت ختم ہو گئی جب مرکزی حکومت نے حساس ریاست کے دونوں شہروں کو اس فہرست میں شامل کرنے کا اعلان کیا ہے ۔معلوم رہے کہ مرکزی سرکار نے 25 جون 2015 کو سمارٹ سٹی مشن متعارف کیا تھا اس دوران ریاستی حکومت نے جموں اور سرینگر دونوں شہروں کو سمارٹ سٹی ‘ پروجیکٹ کے تحت لانے کی سفارش کی تھی۔ جموں اور سرینگر شہر کو سمارٹ سٹی کا درجہ دینے کا معاملہ کئی بار ایوان اسمبلی میں بھی چھایا رہا جبکہ جموں اور سرینگر میں سمارٹ سٹی کے معاملے پر زبردست سیاست بھی گرم رہی اور لیڈان کی آپسی رسہ کشی بھی دیکھنے کو ملی۔ 2برس تک سمارٹ سٹی پر سیاست گرم رہنے کے بعد بلا آخر مرکزی سرکار نے جموں اور سرینگر دونوں شہروں کو سمارٹ سٹی بنانے کا اعلان کر دیا ۔ اور اس طرح پہلے سے ہی نامزد شہروں کی فرست میں مزید 30نام

یوم کشمیر اور یوم القدس پر جنوب و شمال میں احتجاج

سرینگر// یوم کشمیر،شہری ہلاکتوں اور یوم القدس کی مناسبت سے جنوب و شمال میں احتجاجی مظاہرے اور جلوس برآمد ہوئے جبکہ سنگبازی اور ٹیر گیس شلنگ کے علاوہ پیلٹ بندوق کا استعمال کیا گیا ،جس میں20افراد زخمی ہوئے۔شہر میںسات پولیس تھانوں کے تحت آنے والے علاقوں میںپلوامہ میں جاںبحق ہوئے جنگجوئوں اور نوجوان چھوٹا گیلانی کی یاد میں دوسر ے روز بھی ہڑتال رہی جبکہ ریل خدمات جمعہ مسلسل دوسرے روزبھی معطل رکھی گئی۔میر واعظ عمر فاروق کو ممکنہ احتجاجی مظاہروں میں شرکت سے روکنے کیلئے خانہ نظر بند رکھا گیا،تاہم محمد یاسین ملک چرار شریف پہنچنے میں کامیاب رہے۔ شہر خاص سیل  پلوامہ میں شہری ہلاکتوں کے خلاف  احتجاج جبکہ جمعتہ الوداع کو یوم کشمیر اور یوم القدس کے طور منانے کی کال کے پیش نظر انتظامیہ نے شہر خاص کے5پولیس تھانوں کے تحت آنے والے علاقوں میں بندشیں عائد کیں،جبکہ سیول لائنز کے2پولیس

ڈوگرہ دور کے بعد پہلی بار

سرینگر// ریاست کی سب سے بڑی اور تاریخی جامع مسجد سرینگر ڈوگرہ دور کے بعد پہلی مرتبہ جمعتہ الوداع کے موقعہ پر مقفل رکھی گئی۔ وادی میں گزشتہ برس ریکارڑ19ہفتوں تک جامع مسجد سرینگر کو انتظامیہ کی طرف سے سیل کرنے اور نماز پر پہرے لگانے کے علاوہ عید الضحیٰ کے موقعہ پر مقفل کرنے کے بعد مخلوط سرکار نے جمعتہ الوداع کے موقعہ پر ایک مرتبہ پھر اس تاریخی مسجد کو سیل کیا،جس کی وجہ سے لوگ نماز جمعہ یہاں ادا نہیں کرسکے۔ انتظامیہ نے شہر خاص کے5پولیس تھانوں کے تحت آنے والے علاقوں میں غیر اعلانیہ کرفیو نافذ کیا،جس کے ساتھ ہی تاریخی جامع مسجد سرینگر میں جمعتہ الوداع کی نماز ادا نہ ہو سکی۔مسجد کے ارد گر اضافی فورسز اہلکاروں کو تعینات کیا گیا تھا جبکہ چاروں اطراف سے تار بندی کی گئی تھی۔جامع مسجد کی طرف جانے والے راستوں پر رکاوٹیں کھڑی کی گئی تھی اور کسی بھی شخص کو اس طرف جانے کی اجازت نہیں دی گئی۔ پولیس او

بھاجپا کا پی ڈی پی کو انتباہ

جموں//مخلوط سرکار میں شامل بھارتیہ جنتا پارٹی نے متنبہ کیا ہے کہ اگر جموں کشمیر میں یکم جولائی سے جی ایس ٹی لاگو نہیں ہو پاتا ہے تو وہ محبوبہ مفتی والی حکومت سے حمایت واپس لینے میں کسی قسم کی ہچکچاہٹ کا مظاہرہ نہیں کرے گی۔ نائب وزیر اعلیٰ ڈاکٹر نرمل سنگھ نے یہاں منعقدہ ایک سیمینار سے خطاب کے دوران کہا کہ انہوں نے اپنی اتحادی جماعت پی ڈی پی پر واضح کر دیا ہے کہ اگر یکم جولائی تک ملک کی دیگر 28ریاستوں کی طرح جموں کشمیر میں جی ایس ٹی نافذ نہیں ہو پایا تواتحاد قائم نہیں رہ پائے گا۔ نائب وزیر اعلیٰ نے بتایا کہ حکومت جی ایس ٹی لاگو کرنے کیلئے پر عزم ہے لیکن اپوزیشن اور کچھ شر پسند عناصر نے اسے ریاست کی مخصوص شناخت کے ساتھ منسلک کر کے کنفیوژن پیدا کر دیا ہے۔ ڈاکٹر سنگھ نے کہا کہ بی جے پی کو جموں خطہ میں 24نشستوں کے ساتھ بھر پور عوامی فتویٰ ملا تھا جس کے بعد نظریاتی اختلافات کے باوجود ہم نے پی

جموں چیمبر نے الٹی میٹم دیدیا

 جموں// جموں کے تاجروں نے ریاست میں’’جی ایس ٹی‘‘ کے اطلاق میں تاخیر کرنے پر حکومت کو الٹی میٹم دیا ہے کہ اگر فوری طور پر اس قانون کو لاگو نہیں کیا گیا تو وہ ایجی ٹیشن شرع کرینگے۔جموں چیمبر آف کامرس اینڈ انڈسٹریز نے سرکار کو باور کیا ہے کہ جی ایس ٹی کو لاگو نہ کرنے کا مطلب تجارت کو تباہی کے دہانے پر پہنچانا ہے اور اگر فوری طور پر اس سلسلے میں کوئی قدم نہیں اٹھایا گیا تو چیمبر ایجی ٹیشن کیلئے تیار ہے،جس کی تمام تر ذمہ داری ریاستی سرکار پر ہوگی۔جموں چیمبر آف کامرس اینڈ انڈسٹریز  کے صدر راکیش گپتا نے نائب وزیر اعلیٰ ڈاکٹر نرمل سنگھ کے ساتھ اپنے وفد کے ہمراہ میٹنگ کے بعد نامہ نگاروں سے بات کرتے ہوئے کہا کہ جی ایس ٹی اقتصادی اور مالی خوشحالی کا مسئلہ ہے،اور چیمبر کسی بھی سیاست دان کو لوگوں کے روزگار سے کھلواڑ کرنے کی اجازت نہیں دے گا۔انہوں نے کہا کہ جموں چ

معروف مزاحمتی نوجوان چھوٹا گیلانی

 سرینگر// کاکہ پورہ پلوامہ میں فورسز اور عسکریت پسندوں کے درمیان معرکہ آرائی کے بعد احتجاجی مظاہروں میں پلوامہ کا معروف مزاحمتی نوجوان اورچھوٹا گیلانی کے نام سے مشہور توصیف احمد بٹ فورسز کا نشانہ بن گیا جبکہ رشتہ داروں نے ہدف بنا کر پیلٹ اور بلٹ مارنے کا الزام عائد کیاہے۔اسکی نمازہ جنازہ میں ہزاروں لوگوں نے شرکت کی اور تین مقامات پر اسکی 6بار نمازہ جنازہ پڑھائی گئی۔کاکہ پورہ میں شبانہ جھڑپ کے دوران لشکر طیبہ کے3عساکر جان بحق ہوئے،جس کے بعد سنیچر کو علاقے میں احتجاجی مظاہرین اور فورسز کے درمیان جھڑپوں کا سلسلہ شروع ہوا۔ جھڑپوں میں توصیف احمد بٹ ولد غلام حسن بٹ نامی ایک 25سالہ نوجوان جاں بحق ہوا۔چھوٹا گیلانی کے نام سے مشہور توصیف کیپیٹ میں پیلٹ جبکہ اس کی گردن  میں گہرا زخم لگا تھااور احتجاج کے دوران زخمی ہونے کے بعد جب انہیں اسپتال پہنچایا گیا تو ڈاکٹروں نے اس کو مردہ قرار دی

پھر پیلٹ کا وار،7 نوجوان داخل اسپتال

سرینگر // پلوامہ اور سوپور میں جنگجوئوں کی ہلاکت کے بعد ہوئے مظاہروں میں پیلٹ لگنے سے11افراد زخمی ہوئے، جنہیں صدر اسپتال میں داخل کیاگیا ہے۔ ان میں سے  7افراد آنکھوں میں پیلٹ لگنے سے مضروب ہوئے ہیں جبکہ ایک نوجوان کی دونوں آنکھیں متاثر ہوئی ہیں۔اسپتال ذرائع سے معلوم ہوا ہے کہ جمعرات کو اسپتال میں داخل کئے گئے زخمی نوجوانوں میں سے محمد عمر ولد عبدالمجید ساکن کاکہ پورہ پلوامہ، منصور احمد پنڈت ولد گلزار احمد پنڈت، عادل احمد ساکن کاکہ پورہ، زاہد احمد ساکن پانپور، ساحل شفیع ولد محمد شفیع ڈار ساکن کاکہ پورہ اور عامر اشرف ولد محمد اشرف بٹکاکہ پورہ پلوامہ شامل ہیں۔ اسپتال ذرائع نے بتایا ’’ توحید بشیر اور زاہد احمد ڈار کی بائیں آنکھوں میں جبکہ منصور احمد اور عمر کی دائیں آنکھوں میں پیلٹ ذرائع نے بتایا کہ عادل احمد ، ساحل شفیع اور عمر اشرف فورسز اہلکاروں کی مارپیٹ سے زخمی ہو