تازہ ترین

شمالی کوریا کا ایک مرتبہ پھر امریکا کو چیلنج

پیانگ یانگ // امریکہ کو چیلنج کرتے ہوئے شمالی کوریا نے  بین الاقوامی دباؤ کے باوجود ایک اور بلیسٹک میزائل کا تجربہ کیا ہے۔اطلاعات کے مطابق میزائل تجربہ دارالحکومت کے شمالی علاقے میں کیا گیا ہے۔ اطلاعات کے مطابق اس میزائل تجربے کی اطلاع ایک ایسے وقت میں سامنے آئی ہے جب چند گھنٹے قبل ہی امریکی وزیر خارجہ ریکس ٹلرسن نے عالمی برادری سے شمالی کوریا کے جوہری پروگرام کو ختم کروانے میں مدد کرنے کا مطالبہ کیا تھا۔شمالی کوریا نے حالیہ مہینوں میں کئی بار میزائل کے تجربات کیے ہیں اور چھٹا جوہری تجربہ کرنے کی بھی دھمکی دے رکھی ہے۔خیال رہے کہ خطے میں کشیدگی پائی جاتی ہے جبکہ شمالی کوریا اور جنوبی کوریا کی جانب سے جنگی مشقیں بھی کی جارہی ہیں۔واضح رہے کہ گذشتہ دنوںشمالی کوریا کا ایک میزائل تجربہ مبینہ طور پر ناکام ہوا تھا جس کے بارے میں امریکہ اور جنوبی کوریا کا کہنا تھا کہ میزائل لانچ کے چند س

چین کی توہین کی: صدر ٹرمپ

واشنگٹن// امریکی صدر ڈونلڈ ٹرمپ نے شمالی کوریا کو ایک بار پھر کڑی تنقید کا نشانہ بناتے ہوئے کہا ہے کہ اس نے میزائل تجربہ کر کے چین اور اس کے صدر کی توہین کی ہے۔خیال رہے کہ جنوبی کوریا اور امریکی حکام کے مطابق شمالی کوریا نے ایک اور بیلسٹک میزائل کا تجربہ کیا جو کہ لانچ کے چند سیکنڈ بعد ہی پھٹ گیا۔امریکی صدر ڈونلڈ ٹرمپ نے اس میزائل تجربے کے بعد ایک ٹویٹ میں کہا: ’شمالی کوریا نے میزائل تجربہ کر کے جو ویسے تو ناکام رہا مگر چین اور اس کے صدر کی خواہشات کی توہین کی۔‘حال ہی میں صدر ٹرمپ نے چینی صدر سے ملاقات کی اور شمالی کوریا کے حوالے سے ان کی ’سخت کوششوں‘ کو سراہا تھا۔اس سے قبل خبررساں ادارے ہونہاپ نے جنوبی کوریا کی عسکری ذرائع کا حوالہ دیتے ہوئے بتایا تھا کہ شمالی کوریا کا بیلسٹک میزائل لانچ کے چند سیکنڈ بعد ہی پھٹ گیا جبکہ خبررساں ادارے روئٹرز نے امریکی حکومت کے ذ

سلامتی کونسل کواقدام کرنا ہوگا: ٹلرسن

واشنگٹن //امریکی وزیر خارجہ کا عہدہ سنبھالنے کے بعد، ریکس ٹِلرسن جمعے کے روز پہلی بار اقوام متحدہ پہنچے، جہاں اْنھوں نے سلامتی کونسل کے ایک اعلیٰ سطحی اجلاس کی صدارت کی، جس نشست میں شمالی کوریا کی جانب سے جوہری بم تشکیل دینے کے خدشات کو زیرِ غور لایا گیا۔ اْنھوں نے عالمی ادارے پر زور دیا کہ وہ اقدام کرے ’’قبل اِس کے کہ شمالی کوریا کوئی قدم اٹھائے‘‘۔بقول اْن کے، ’’شمالی کوریا کا جنوبی کوریا یا جاپان کے خلاف جوہری حملے کا خطرہ حقیقت ہے۔ شمالی کوریا کی جانب سے امریکہ پر حملے کی صلاحیت کا حصول محض وقت کا معاملہ ہو سکتا ہے‘‘۔اْنھوں نے کہا کہ ’’درحقیقت شمالی کوریا اس بات کا بارہا دعویٰ کر چکا ہے کہ وہ ایسے حملے کی منصوبہ سازی کر رہا ہے۔ ایسے بیانئے کو ذہن میں رکھا جائے تو امریکہ خاموش تماشائی نہیں رہ   

ایران اپنے دوست ملک کے استحکام، سکیورٹی کوبہت اہمیت دیتا ہے

تہران // ایرانی میڈیا کے مطابق ایرانی صدر حسن روحانی نے وزیر اعظم پاکستان میاں نواز شریف کے نام ایک پیغام میں کہا ہے کہ ایرانی سرحدی محافظوں کو ہلاک کرنے والے حملہ آوروں کو جلد گرفتار کیا جائے۔پیغام میں کہا گیا ہے کہ ایران اپنے دوست ملک کے استحکام، سکیورٹی اور ترقی کو بہت اہمیت دیتا ہے۔ایرانی صدر نے خطے میں پراکسی وارز کا تذکرہ کرتے ہوئے کہا 'بدقسمتی سے کچھ ممالک پراکسی وار کے ذریعے اسلامی ممالک میں یکجہتی کو نقصان پہنچانا چاہتے ہیں۔ کچھ ممالک جنگجوئوں کو استعمال کر کے اسلامی ممالک میں تشدد، عدم استحکام، غربت اور پسماندگی لانا چاہتے ہیں۔'انھوں نے اپنے پیغام میں کہا کہ 'بھرتی کیے گئے جنگجوئوںکے ہاتھوں سرحدی محافظوں کی ہلاکت پر افسوس ہے کہ جو حملے کرنے کے لیے پاکستان کی زمین استعمال کرتے ہیں۔محافظوں کی ہلاکت کا واقعہ بدھ کی شب پاکستان کی سرحد سے متصل ایرانی علاقے میرجاوا میں

پوتن دہشت گردی کیخلاف لڑائی کے بارے میں کریں گے مرکل اور ایرودوان سے بات چیت

ماسکو//روسی صدر ولادیمیر پوتن دو مئی کو سوچی شہر میں جرمنی کی چانسلر انجیلا مرکل سے جبکہ تین مئی کو ترکی کے صدر رجب طیب ایرودوان سے ملاقات کریں گے ۔روسی حکام نے آج یہ اطلاع دی۔سرکاری ذرائع کے مطابق پوتن دونوں رہنماؤں سے دہشت گردی کے خلاف لڑائی کے لئے کی جانے والے کوششوں پر بات چیت کریں گے ۔ پوتن جرمنی کی چانسلر مرکل سے مشرق وسطی کی صورت حال کے علاوہ یوکرین میں امن قائم کرنے کے تعلق سے بات چیت کریں گے ۔ روسی صدر پوتن ایرودوان سے شام کی صورت حال پر بھی بات چیت کریں گے ۔رائٹر۔  

شمالی کوریا کیساتھ بڑی جنگ چھڑ سکتی ہے: ڈونلڈٹرمپ

واشنگٹن //امریکی صدر ڈونلڈ ٹرمپ نے ایک بار پھر خبردار کیا ہے کہ شمالی کوریا کے میزائل اور جوہری پروگرام کی وجہ سے اس کے ساتھ ایک بڑی جنگ چھڑ سکتی ہے۔انہوں نے کہا کہ ان کی ترجیح اس تنازع کو سفارتی سطح پر حل کرنے کی ہے لیکن اس میں کامیابی ملنا بہت مشکل ہے۔ٹرمپ نے اس سلسلے میں چینی صدر شی جن پنگ کی تعریف کی اور کہا ہے کہ وہ شمالی کوریا پر دباؤ ڈالنے کے لیے پوری کوشش کر رہے ہیں۔انھوں نے کہا کہ 'وہ بہت اچھے انسان ہیں' جو اپنے ملک سے پیار کرتے ہیں۔ صدر ٹرمپ نے کہا کہ وہ اس بحران کو سفارتی سطح پر حل کرنا چاہتے ہیں لیکن یہ کافی مشکل عمل ہے اور اس پر بڑا بلکہ کافی بڑا تنازع بھی ممکن ہے۔انھوں نے یہ بھی کہا کہ اتنی کم عمر میں کم جانگ اْن کے لیے شمالی کوریا کا اقتدار سنبھالنا کافی مشکل رہا ہوگا۔شمالی کوریا کے مسئلے پر بات چیت کے لیے جمعہ کو ہی اقوام متحدہ میں جنرل اسبملی کا اجلاس ہورہا ہے

جزیرہ نما کوریا کے حالات بے قابو ہوسکتے ہیں:چین

بیجنگ//چین نے کہا ہے کہ جزیرہ نما کوریا میں بڑھتی کشیدگی کی وجہ سئ حالات مزید خراب ہو سکتے ہیں اور اس کے بے قابوہونے کے امکان سے بھی انکار نہیں کیا جا سکتا ہے ۔چین کے وزیر خارجہ وانگ یی نے اقوام متحدہ میں ایک پروگرام سے الگ روس کے ایک سینئر سفارتکار سے کل کہا کہ جزیرہ نما کوریا میں کشیدگی میں مسلسل اضافہ ہوتا جا رہا ہے اور اگر حالات میں جلد بہتری نہیں آئی توحالات بے قابو ہونے کا خطرہ ہے ۔ غور طلب ہے کہ شمالی کوریا کے ایٹمی اور میزائل پروگرام کی وجہ سے جزیرہ نما کوریا کے دونوں ممالک کے درمیان شدید کشیدگی کا ماحول ہے ۔ امریکہ نے بھی اپنے ساتھی جنوبی کوریا میں تھاڈ میزائل کی تعیناتی شروع کردی ہے جس کی چین مخالفت کر رہا ہے ۔  

چینی بحریہ کی مغربی بحرالکاہل کے علاقے میں جنگی مشق

بیجنگ//چین کی بحریہ نے دو جاپانی جزائر کے درمیان واقع میاکو اسٹریٹ سے گزرتے ہوئے ایک بار دوبارہ مغربیبحرالکاہل کے علاقے میں جنگی مشق کی۔ چین کی سرکاری خبر رساں ایجنسی ژنہوا نے اس بات کی اطلاع دی۔ چینی بحریہ اور فضائیہ نے حالیہ مہینوں میں بحر اوقیانوس میں ایک سیریز کے تحت کئی بار جنگی مشق کی ہے ۔ قابل ذکر ہے کہ چین اپنے پانی کے علاقے سے دور اپنی جنگی صلاحیت کو تیار کرنا چاہتا ہے ۔ ژنہواکے مطابق بحریہ نے جنگی مشق کے تحت مواصلات، بیڑے کے قیام کی تبدیلی، متحدہ تحقیقاتی اور ریسکیو آپریشن کے علاوہ متعددفوجی ضرورتوں کو انجام دینے کے لئے اس پر عمل کیا۔ چینی بیڑے کے عملے کے سربراہ مسٹرچین ڈینن نے کہا کہ اس جنگی مشق کا مقصد سمندر میں دور علاقے تک تربیت اور ہنگامی صلاحیتوں کو بہتر بنانا ہے ۔ مسٹرڈینن نے ژنہواسے بات چیت میں کہا کہ بحریہ کی اس مشق کا مقصد مواصلات اور باہمی اعتماد کو بڑھانا، امن اور

ملک اور عوام کی سلامتی کو برقرار رکھنے کی صلاحیت رکھتے ہیں: سعودی عرب

ریاض //سعودی عرب کے ولی عہد اور وزیر داخلہ شہزادہ محمد بن نایف نے کہا ہے کہ اس وقت ہمیں مادر وطن کی وحدت کو برقرار رکھنے کا بڑا چیلنج درپیش ہے۔انھوں نے عرب اور قومی اتحاد کی ضرورت پر زور دیتے ہوئے کہا ہے کہ اس کو ذاتی ،نسلی ،فرقہ ورانہ مفادات یا کسی نظریاتی اتحاد سے بالاتر ہونا چاہیے۔وہ الریاض میں خلیج تعاون کونسل (جی سی سی) کے وزارتی اجلاس میں تقریر کررہے تھے۔انھوں نے کہا کہ ’’ہم اپنے ممالک اور عوام کی سلامتی اور استحکام کو برقرار رکھنے کی صلاحیت رکھتے ہیں اور ان کی ترقی اور خوش حالی کو بڑھا سکتے ہیں۔ہماری اس جدید دنیا میں کسی بھی ملک کے لیے سب سے بڑا چیلنج اس کی قومی وحدت کو برقرار رکھنا اور اس کو اندرونی یا بیرونی خطرات سے بچانا ہے‘‘۔انھوں نے کہا:’’قومی اتحاد سے مراد ان کی یہ ہے کہ مادر وطن سے وفاداری ذاتی ،گروہی ،نسلی یا فرقہ وار مفادات سے بالاتر

غیر قانونی تارکین وطن کا معاملہ

واشنگٹن//سان فرانسسکو کے ایک وفاقی جج نے غیر قانونی تارکین وطن کے لئے محفوظ سمجھے جانے والے شہروں کے لیے وفاقی فنڈز روکنے سے متعلق صدر ڈونلڈ ٹرمپ کے ایک حکمنامے کو معطل کر دیا ہے۔امریکی ڈسٹرکٹ جج ولیم اورک نے منگل کو ایک عارضی حکمنامہ جاری کیا جو اس وقت تک موثر رہے گا جب کہ ٹرمپ کیحکمنامے کی ایک شق پر عدالت میں کارروائی ہو گی۔25 جنوری کو جاری کئے گئے اس ایکزیکٹیو آرڈر میں وفاقی فنڈنگ کو ان شہروں کے لئے روک دینے کے لئے کہا گیا تھا۔سان فرانسسکو اور اس کے قریب واقع سانتا کلارا کاؤنٹی نے اپنے دلائل میں کہا کہ اس حکمنامے سے اربوں ڈالر کے وفاقی فنڈز خطرے میں پڑ گئے ہیں۔صدر ٹرمپ نے کہا تھا کہ غیر قانونی تارکین وطن کو سہولتیں فراہم کرنے والے شہر اپنے ان اقدامات کی وجہ سے امریکی لوگوں اور خود ہماری جمہوریہ کے ڈھانچے کو بے پناہ نقصان پہنچاتے ہیں۔جسٹس ڈپارٹمنٹ کے وکلاء نے کہا کہ فنڈز کی مقدار ک

امریکہ نے تھاڈ میزائل شکن نظام جنوبی کوریا میں منتقل کرنا شروع کر دیا

شمالی کوریا کے ساتھ بڑھتی ہوئی کشیدگی کے تناظر میں امریکی فوج نے بدھ کو میزائل شکن دفاعی نظام "تھاڈ" کے کچھ آلات جنوبی کوریا میں اس کی تنصیب کی جگہ پر منتقل کرنا شروع کر دیے ہیں۔جنوبی کوریا کی وزارت دفاع نے ایک بیان میں کہا کہ "جنوبی کوریا اور امریکہ نے شمالی کوریا کے جوہری اور میزائل خطے کے ردعمل میں تھاڈ نظام ابتدائی آپریشنل صلاحیت پر کام شروع کر دیا تھا۔"ٹرمینل ہائی آلٹیٹیوڈ ایریا ڈیفنس سسٹم "تھاڈ" کے اولین آلات مارچ میں جنوبی کوریا بھیجے گئے تھے۔ وزارت دفاع کا بدھ کو کہنا تھا کہ دیگر آلات سیونگجو کاونٹی میں تنصیب کے مقامات پر پہنچا دیے گئے ہیں۔جنوبی کوریا اور امریکہ کا کہنا ہے کہ تھاڈ نظام کا واحد مقصد شمالی کوریا کے میزائلوں کے خطرے کا مقابلہ کرنا ہے۔گو کہ چین تھاڈ کی یہ کہہ کر مخالفت کرتا ہے کہ یہ اس کی سلامتی کے لیے خطرہ ہے، لیکن اس نے شمالی کو

چین کا مقامی ساختہ طیارہ بردار بحری جہاز تیار

 بیجنگ//چین نے مقامی سطح پر تیار کردہ طیارہ بردار بحری جہاز بدھ کو باضابطہ طور پر سمندر میں اتارا ہے۔یہ اس نوعیت کا چین کا دوسرا اور مقامی طور پر تیار کیا گیا پہلا بحری جہاز ہے۔سرکاری میڈیا کے مطابق شمال مشرقی بندرگاہ ڈالیان میں اس بحری جہاز کو "خشکی سے پانیوں میں منتقل کیا گیا"۔چین کا طیارہ بردار بحری جہاز ایک ایسے وقت سمندر میں اتارا گیا ہے جب امریکہ اور شمالی کوریا کے درمیان حالیہ دنوں میں انتہائی کشیدگی دیکھی جا رہی ہے۔امریکہ نے اپنے جنگی بحرے بیڑے اور آبدوز کو جزیرہ نما کوریا میں متعین کیا ہے جس پر پیانگ یانگ کی طرف سے شدید تحفظات کا اظہار کیا گیا اور چین نے فریقین کو کشیدگی میں اضافے سے گریز کا مشورہ دیا ہے۔اس سے قبل چین نے اپنا پہلا طیارہ بردار بحری جہاز "لیااوننگ" (سویت یونین ساختہ) یوکرائن سے خرید کر اسے مرمت کے بعد بحال کیا تھا۔چینی میڈیا کے مطابق اب

اسرائیل میں پہلی بارعرب شرعی خاتون جج تعینات

مقبوضہ بیت المقدس//اسرائیلی خاتون وزیر انصاف ایلیت شاکید نے ایک بیان میں کہا ہے کہ ملک کی تاریخ میں پہلی بار ایک مسلمان عرب خاتون کو جج تعینات کیا گیا ہے جو اسرائیل میں مقیم مسلمانوں کے اسلامی شرعی کیسز نمٹائے گی۔’جیوش ہوم‘ کی خاتون رہ نما شاکید نے کہا کہ مسلمان خاتون جج کی تعیناتی ججوں کی ایک کمیٹی کی طرف سے کی گئی ہے۔ کمیٹی نے ملکی تاریخ میں ھنا خطیب کو پہلی اسلامی شرعی جج تعینات کیا ہے۔خیال رہے کہ جسٹس حناء خطیب نے ایل ایل بھی کررکھا ہے۔ وہ شمالی الخلیل میں طمرہ قصبے میں ایک اسلامی فیملی امور سے متعلق قانون کی ماہر سمجھی جاتی ہیں۔ وہ شادی شدہ ہیں اور چار بچوں کی ماں ہیں۔اسرائیلی خاتون وزیر قانون کا کہنا ہے کہ ہم نے ملک میں پہلی بار ایک مسلمان خاتون جج کو اسلام کے شرعی امور سے متعلق کیسز نمٹانے کے لیے مقرر کیا ہے۔ اسرائیل کی تاریخ میں یہ اپنی نوعیت کا منفرد واقعہ ہے۔اسرائ

ترکی میں ’گولن تحریک کے ایک ہزار حامی‘ گرفتار

انقرہ//ترکی میں پولیس نے ایک ہزار افراد کو حکومت کے مخالف رہنما فتح اللہ گولن کی تحریک سے روابط کے الزام میں گرفتار کر لیا ہے۔ترک حکومت امریکہ میں مقیم فتح اللہ گولن پر گذشتہ برس صدر اردوغان کے خلاف ناکام فوجی بغاوت کروانے کا الزام لگاتی ہے۔یہ گرفتاریاں ترک صدر کے متنازع ریفرینڈم میں کامیابی کے بعد ملک میں ان کے مخالفین پر پہلا بڑا کریک ڈاؤن ہے اور اس کا ہدف ملک کی پولیس فورس میں فتح اللہ گولن کے حامی ملازمین تھے۔اس ریفرینڈم کے بعد صدر اردوغان اب ملک کے ایک انتہائی بااختیار سربراہِ مملکت بن سکتے ہیں۔ترک حکام کے مطابق پولیس کو ابھی مزید 2200 افراد کی تلاش ہے جن میں سے اکثریت کا تعلق ترک پولیس فورس ہی ہے۔ترکی کے وزیرِ داخلہ سلیمان سوئلو کا کہنا ہے کہ 'ملک کے 72 صوبوں سے اب تک 1009 خفیہ 'امام' حراست میں لیے جا چکے ہیں۔'انھوں نے اس کارروائی کو ترکی کے لیے ایک اہم قدم قرار

’شمالی کوریا کی فوجی مشق‘

پیانگ یانگ //جنوبی کوریا کے ذرائع ابلاغ کے مطابق شمالی کوریا نے اپنی افواج کے 85ویں یومِ تاسیس کے موقع پر بڑے پیمانے پر جنگی مشق کی ہے۔اطلاعات کے مطابق شمالی کوریا کی فوج نے اس مشق کے لیے توپخانے کے متعدد یونٹس وونسان کے علاقے میں بھیجے۔شمالی کوریا ماضی میں اپنی افواج کی سالگرہ کے موقع پر میزائل تجربے کرتا رہا ہے اور اس بار یہ خدشہ ظاہر کیا جا رہا ہے کہ ایسا کوئی تجربہ خطے میں پہلے سے کشیدہ صورتحال کو مزید خراب نہ کر دے۔اسی تناظر میں امریکہ کی جنگی آبدوز یو ایس ایس مشی گن بھی جنوبی کوریا پہنچی ہے جبکہ جنوبی کوریا نے کہا ہے کہ اس کی بحریہ جزیرہ نما کوریا کے قریب پہنچنے والے امریکی جنگی بحری جہازوں کے ساتھ مشقیں کرے گی۔حالیہ ہفتوں کے دوران شمالی کوریا اور امریکہ کے درمیان شدید بیان بازی کے بعد کوریائی جزیرہ نما میں کشیدگی میں اضافہ ہوا ہے۔امریکی صدر ڈونلڈ ٹرمپ نے پیر کو شمالی کوریا کو د

کیمیائی حملے کے جواب میں شام پر امریکہ کی وسیع تر پابندیاں

واشنگٹن //امریکہ نے رواں ماہ کے اوائل میں مشتبہ کیمیائی حملے کے جواب میں شامی حکومت کے اہلکاروں پر 'وسیع' پابندی عائد کر دی ہے۔امریکی وزارت خزانہ نے شام کے سائنٹفک سٹڈیز اینڈ ریسرچ سینٹر (ایس ایس آر سی) کے 271 ملازمین کی تمام املاک کو منجمد کرنے کا حکم جاری کیا ہے۔امریکہ کا خیال ہے کہ باغیوں کے قبضے والے قصبے خان شیخون میں جو 80 سے زیادہ ہلاکتیں ہوئی ہیں وہ اعصاب پر اثر انداز ہونے والے عوامل سے ہوئی ہیں۔ جبکہ شام نے اسے جھوٹ قرار دیا ہے۔شام کے صدر بشارالاسد نے چار اپریل کو خان شخون میں رونما ہونے والے واقعات کو مغرب کی کارستانی بتائی ہے تاکہ امریکہ کو شامی حکومت کے ایئر بیس پر میزائل حملے کا بہانہ مل سکے۔خیال رہے کہ اس واقعے کے چند روز بعد حکومتی ایئربیس شعیرات پر امریکہ نے حملہ کیا تھا۔امریکی وزارت خزانہ نے پیر کو اپنے ایک بیان میں کہا کہ ایس ایس آر سی کے 271 ملازمین اس غیر

جنگ زدہ یمن کی مالی مدد میں خلیجی ممالک سب سے آگے

صنعاء //یمن کے وزیراعظم احمد عبید بن دغر نے باغیوں کے ہاتھوں تباہ ملک کی مالی معاونت کیحوالے سے خلیجی ممالک کی خدمات کو شاندار خراج تحسین پیش کیا ہے۔ ان کا کہنا ہے کہ جنگ زدہ یمن کی مالی امداد میں خلیجی ممالک سب سے آگے ہیں۔ جتنی مالی امداد خلیجی ریاستوں کی طرف سے کی گئی دوسرے ممالک کی طرف سے نہیں کی گئی۔ اطلاعات کے مطابق ملک کے عبوری دارالحکومت عدن میں خلیجی مماک کے سفیروں سے ملاقات کے دوران وزیر اعظم بن دغر نے کہا کہ یمنی عوام کی مالی مدد میں خلیجی ممالک اور شاہ سلمان ریلیف سینٹر سب سے آگے رہے ہیں۔ انسانی امداد کارروائیوں میں متحدہ عرب امارات کے ہلال احمر، کویت اور قطر کے امدادی ادارے بھی پیش پیش رہے۔یمنی وزیراعظم کا کہنا تھا کہ ملک میں باغیوں کے خلاف جاری آپریشن میں عرب ممالک نے خود کو جسد واحد کے طور پر تسلیم کرایا ہے۔ یمنی عوام خلیجی ملکوں کی انسانی امداد، صحت اور ریلیف کے شعبوں

شمالی کوریا کے خلاف نئی پابندی عائد کی جائے :ٹرمپ

واشنگٹن//امریکہ کے صدر ڈونالڈ ٹرمپ نے کہا ہے کہ اقوام متحدہ کی سیکورٹی کونسل کو شمالی کوریا کے خلاف نئی پابندیاں عائد کرنے کیلئے تیار رہنا چاہئے ۔مسٹر ٹرمپ نے اقوام متحدہ کی سیکورٹی کونسل کے 15 سفیروں کے ساتھ کل یہاں ایک میٹنگ میں کہا کہ شمالی کوریا کی جانب سے چھٹے نیوکلیائی بم کا تجربہ کئے جانے کے اندیشہ کے دوران سیکورٹی کونسل کو پیونگ یونگ کے خلاف نئی پابندی لگانے کیلئے تیار رہنا چاہئے ۔انہوں نے کہاکہ شمالی کوریا مسلسل نیوکلیائی اور بیلسٹک میزائل پروگرام چلا رہا ہے ۔ ایسی صورت میں ضروری ہے کہ اس کے خلاف مزید سخت پابندی عائد کی جائے ۔ انہوں نے کہاکہ یہ دنیا کیلئے حقیقی خطرہ ہے ۔    

فرانس الیکشن میں لا پین نے نیشنل فرنٹ کی صدارت چھوڑ دی

پیرس //فرانس میں انتہائی دائیں بازو نظریات کی حامل صدارتی امیدوار ماری لا پین نے اپنی سیاسی جماعت نیشنل فرنٹ کی صدارت کا عہدہ چھوڑنے کا اعلان کر دیا ہے۔لا پین کی جانب سے یہ اعلان فرانسیسی انتخابات کے دوسرے مرحلے میں پہنچنے کے بعد کیا گیا ہے جہاں ان کا سامنا امینیول میکروں سے ہوگا۔پہلے مرحلے میں امینیول میکروں نے 24 فیصد ووٹ جبکہ ماری لا پین 21.3 فیصد ووٹ حاصل کیے تھے۔ابتدائی اندازوں کے مطابق امینیول میکروں دوسرے مرحلے میں پسندیدہ ترین امیدوار ہیں جبکہ لا پین کا کہنا ہے کہ 'ہم جیت سکتے ہیں، ہم جیتیں گے۔'انھوں نے اپنا پارٹی عہدہ چھوڑنے کا اعلان کرتے ہوئے جس فرانسیسی اصطلاح کا استعمال کیا اس سے ظاہر ہوتا ہے کہ یہ فیصلہ عارضی ہے۔انھوں نے ٹی وی چینل فرانس ٹو کو بتایا کہ فرانس ایک 'فیصلہ کن لمحے' کی جانب بڑھ رہا ہے۔ماری لا پین کا کہنا تھا کہ 'آج شام سے میں نیشنل فرنٹ کی

فرانس صدارتی انتخابات:ووٹنگ کا آغاز، 11 امیدواروں کے درمیان مقابلہ

فرانس //فرانس میں صدارتی انتخابات میں ووٹنگ کا آغاز ہو گیا ہے جبکہ تین روز قبل پیرس پولیس پر ہونے والے قاتلانہ حملے کے بعد سکیورٹی کے سخت انتظامات کیے گئے ہیں۔اتوار کو ہونے والے انتخابات کے لیے ملک بھر میں تقریباً 50 ہزار پولیس اہلکار اور سات ہزار فوجی تعینات کیے گئے ہیں۔خیال رہے کہ فرانس میں ہونے والے ان صدارتی انتخابات میں کل 11 امیدواروں کے درمیان مقابلہ ہے جن کا تعلق مختلف نظریات کی حامل جماعتوں سے ہے۔اگر کوئی بھی امیدوار 50 فیصد سے زیادہ ووٹ نہ لے سکا تو یہ انتخاب دوسرے مرحلے میں چلا جائے گا جس کے دوران پہلے اور دوسرے نمبر پر آنے والے دو امیدواروں کے درمیان مقابلہ ہو گا۔فرانس میں مقامی وقت کے مطابق صبح آٹھ بجے پولنگ کا آغاز ہوا۔ ووٹنگ فرانس کے وقت کے مطابق شام آٹھ بجے تک جاری رہے گی۔اِن انتخابات کو یورپ کے مستقبل کے لیے بہت اہم قرار دیا جا رہا ہے جس میں اس وقت چار امیدواروں ص