تازہ ترین

۔250افراد ہلاک، 1000سے زائد زخمی

بیروت//شامی فوج نے دمشق کے قریب غوطہ علاقے میں باغیوں کو نشانہ بنا کر مسلسل دو دن سے کئے گئے فضائی حملے میں 250 افراد ہلاک ہو گئے ۔راحت رساں تنظیموں کے کارکنوں کا کہنا ہے کہ شام کے دارالحکومت دمشق کے نزدیک 2013 کے بعد سے یہ سب سے زیادہ پرتشدد واقعہ ہے ۔ اس میں 50 سے زائد بچے ہلاک ہو ئے ہیں۔ اقوام متحدہ نے خبردار کیا ہے کہ حالات کنٹرول سے باہر ہو رہے ہیں۔اقوام متحدہ نے کہا ہے کہ پیر اور منگل کے حملے میں کم از کم چھ اسپتالوں کو نشانہ بنایا گیا۔ اقوام متحدہ کے ترجمان ریال لیبلانک نے کہا، "شہریوں،اسپتالوں اور اسکولوں کے خلاف مسلسل تشدد کی ہم مکمل طور مذمت کرتے ہیں۔ انسانی قانون کا یہ انتہائی خلاف ورزی ہے ۔ ہم تمام فریقوں سے اپیل کرتے ہیں کہ شام میں تشدد کی شدت کو کم کریں''۔مشرقی غوطہ سے آنے والے رپورٹوں کے شامی فوج نے تردید نہیں کیا ہے لیکن اس کا کہنا ہے کہ اس کے خلاف جہاں سے

پُرتشدد کارروائیوں پر گوٹیریس نے گہری تشویش ظاہر کی

اقوام متحدہ//اقوام متحدہ کے سکریٹری جنرل آنتونیو گوٹیریس نے منگل کی شام ایک بیان میں شام کے علاقے الغوطہ الشرقیہ میں جارحیت میں اضافے پر اپنی "گہری تشویش" کا اظہار کیا ہے۔شامی حکومت کی فوج نے دمشق کے قریب محصور علاقے پر شدید بم باری کا سلسلہ جاری رکھا ہوا ہے۔ منگل کے روز مزید 106 شہری اس خونی کھیل کا شکار ہو کر موت کی نیند سو گئے۔گوتیریس نے تمام فریقوں پر زور دیا کہ وہ انسانیت کے بین الاقوامی قوانین کے بنیادی اصولوں کی پاسداری کریں جس میں شہریوں کا تحفظ شامل ہے۔اتوار کی شب سے اب تک 48 گھنٹوں کے دوران الغوطہ الشرقیہ پر بم باری کے نتیجے میں 250 افراد جاں بحق ہوئے۔ اقوام متحدہ کے اعلان کے مطابق اس دوران علاقے میں 6 ہسپتالوں کو بھی نشانہ بنایا گیا۔ ان میں تین ہسپتال ناقابل استعمال ہو چکے ہیں جب کہ دو ہسپتال جزوی طور پر کام کر رہے ہیں۔اقوام متحدہ کے ترجمان اسٹیفن ڈوجارک کے مطابق

شمالی کوریا نے صرف ’دو گھنٹے‘ قبل امریکی نائب صدر سے ملاقات منسوخ کر دی

واشنگٹن// امریکی وزارت خارجہ کے ایک اعلان کے مطابق نائب صدر مائیک پنس جنوبی کوریا میں سرمائی اولپمک گیمز کے موقع پر شمالی کوریا کے سینئر عہدے داروں کے ایک وفد سے ملاقات کے لیے تیار تھے تاہم پیونگ یانگ نے اس "مختصر ملاقات" کو آخری لمحوں میں منسوخ کر دیا۔امریکی وزارت خارجہ کی ترجمان ہیتھر نوورٹ نے ایک بیان میں بتایا ہے کہ "اولمپگ گیمز کے افتتاح کے موقع پر پنس کی شمالی کوریا کے وفد کے ساتھ ملاقات کا امکان تھا۔ امریکی نائب صدر اس موقع سے فائدہ اٹھانے کے لیے تیار تھے تا کہ شمالی کوریا پر اس کے غیر قانونی بیلسٹک میزائل اور جوہری پروگراموں سے دست بردار ہونے کے لیے زور دیا جا سکے"۔ترجمان کا مزید کہنا تھا کہ "ہمیں اس موقع سے فائدہ نہ اٹھائے جانے پر افسوس ہے"۔دوسری جانب مائیک پنس کے ایک سینئر اہل کار نِک آئرز نے ایک بیان میں کہا ہے کہ "کِم جونگ اْن اپنی قاتل

محمود عباس کا فلسطین کو مکمل رکنیت دینے کا مطالبہ

واشنگٹن// فلسطینی رہنما محمود عباس نے اقوام متحدہ کی سلامتی کونسل میں خطاب کرتے ہوئے اس سال کے وسط تک ایک بین الاقوامی کانفرنس بلانے کا مطالبہ کیا ہے تاکہ فلسطینیوں کے علیحدہ ریاست کے حق کو مشرق وسطیٰ میں قیام امن کے وسیع تر منصوبے کا حصہ بنایا جا سکے ۔سلامتی کونسل میں ایک غیر معمولی خطاب میں فلسطینی اتھارٹی کے صدر محمود عباس نے کہا کہ وہ فلسطین کے لیے اقوام متحدہ کی مکمل رکنیت حاصل کرنے کے لیے اپنی کوششیں تیز کر دیں گے اور جن ملکوں نے فلسطین کو تسلیم نہیں کیا ان کو ایسا کرنے کے لیے کہیں گے ۔محمود عباس نے کہا کہ مسئلہ فلسطین کے حل کے لیے ضروری ہے کہ ایک کثیر القومی نظام بنایا جائے جس کی بنیاد ایک بین الاقومی کانفرنس کے ذریعے ڈالی جائے ۔فلسطینی اتھارٹی کے صدر نے اقوام متحدہ کی سلامتی کونسل میں خطاب ایک ایسے وقت کیا ہے جب امریکی صدر ڈونلڈ ٹرمپ کی طرف سے مقبوضہ بیت المقدس کو اسرائیل کا دا

الغوطہ پر اسدی فوج کی بمباری، جاں بحق افراد کی تعداد 100 ہو گئی

بیروت// شام میں پیر کے روز الغوطہ الشرقیہ کے علاقے پر بشار کی فوج کی جانب سے ہونے والے فضائی حملوں اور گولہ باری کے نتیجے میں 100 شہری اپنی جانوں سے ہاتھ دھو بیٹھے اور 325 کے قریب زخمی ہو گئے۔ جاں بحق ہونے والوں میں تقریبا 20 بچّے شامل ہیں۔شام میں انسانی حقوق کے سب سے بڑے نگراں گروپ المرصد کے مطابق دمشق کے نزدیک محصور اس علاقے میں گزشتہ تین برسوں میں ایک دن کے اندر ہلاکتوں کی یہ سب سے بڑی تعداد ہے۔اقوام متحدہ کا کہنا ہے کہ 2013ءسے محصور الغوطہ الشرقیہ میں تقریبا 4 لاکھ افراد رہتے ہیں۔شام کے بحران کے حوالے سے اقوام متحدہ کے علاقائی رابطہ کار بینوس مومیٹز کے مطابق "الغوطہ الشرقیہ میں شہریوں کی انسانی صورت حال کنٹرول سے باہر ہو رہی ہے۔ مقامی آبادی کے اکثر لوگوں کے پاس اس کے سوا کوئی چارہ نہیں کہ وہ اپنے بچوں کے ساتھ زیر زمین پناہ گاہوں میں ٹھہرے رہیں۔ شام میں کشیدگی میں شدت اس وقت آئ

ٹرمپ بھی اسلحہ خریداروں کے ماضی کی چھان بین سخت کرنے کے حامی

واشنگٹن// امریکہ کے صدر ڈونلڈ ٹرمپ نے کانگریس میں زیرِ بحث اس مجوزہ قانون کی حمایت کا عندیہ دیا ہے کہ جس کے تحت امریکہ میں آتشیں اسلحے کے خریداروں کے ماضی کی چھان بین مزید سخت کرنے کی سفارش کی گئی ہے۔وائٹ ہاوس کی ترجمان سارہ ہکابی جونیئر نے پیر کو صحافیوں کو بتایا کہ صدر ٹرمپ نے گزشتہ ہفتے فلوریڈا کے ایک اسکول میں فائرنگ کے واقعے کے بعد ٹیکساس سے منتخب ری پبلکن سینیٹر جان کورنین سے مجوزہ قانون پر گفتگو کی تھی۔سینیٹر کورنین نے کنیٹی کٹ سے منتخب ڈیموکریٹ سینیٹر اور گن کنٹرول کے سرگرم حامی کرس مرفی کے ساتھ مل کر مجوزہ قانون سینیٹ میں پیش کیا ہے جس پر تاحال دونوں جماعتوں کے رہنماوں کے درمیان مذاکرات جاری ہیں۔مجوزہ قانون میں آتشیں اور خودکار اسلحے کی خریداری پر نئی پابندیاں تو نہیں لگائی گئیں البتہ وفاقی تحقیقاتی اداروں کو خواہش مند خریداروں کے ماضی کی چھان بین مزید سخت کرنے کے اختیارات تجو

رجب طیب اردگان کا روسی اور ایرانی صدور سے بات چیت

انقرہ// ترک صدر رجب طیب اردگان نے روسی صدر پوتن اور ایرانی صدر حسن روحانی سے ٹیلیفونک رابطے میںشام کی صورتحال اور دہشتگردی میں تعاون جاری رکھنے پر بات چیت کی ہے ۔ترک صدارتی ذرائع کے مطابق ترک صدرطیب اردگان اور روسی صدر پوتن کا ٹیلیفونک رابطہ ہوا ہے جس میں دونوں رہنماو¿ں نے دہشتگردی کے خلاف جنگ میں تعاون جاری رکھنے پراتفاق کیا اور شام کے شہر ادلب میں نگراں چیک پوسٹوں کے قیام پر بھی تبادلہ خیال کیا۔ایرانی ہم منصب سے گفتگو میں ترک صدر نے شام میں جاری صورتحال، عفرین میں ترک فورسز کے آپریشن پر تبادلہ خیال کیا اور دونوں رہنماو¿ں نے دہشتگردی کے خلاف جنگ کی اہمیت پر زور دیا۔یو این آئی    

فلسطینی صدر سلامتی کونسل میں امن عمل کے نئے فارمولے کا مطالبہ کریں گے

دبئی//فلسطینی صدر محمود عباس آج منگل کے روز اقوام متحدہ کی سلامتی کونسل سے خطاب کریں گے۔ یہ 2009ءکے بعد سلامتی کونسل میں فلسطینی صدر کا پہلا خطاب ہو گا۔فلسطینی ذرائع کے مطابق محمود عباس امریکی سرپرستی کے بغیر اسرائیل کے ساتھ مذاکرات کے لیے ایک وسیع تر صورت تلاش کرنے اور بیت المقدس کو اسرائیلی دارالحکومت تسلیم کرنے سے متعلق ڈونلڈ ٹرمپ کے فیصلے کو تنقید کا نشانہ بنانے کا مطالبہ کریں گے۔فلسطینی صدارتی ترجمان نبیل ابو ردینہ نے بتایا کہ بیت المقدس کے معاملے کے حوالے سے تنازع کا ایک نیا مرحلہ شروع ہو چکا ہے۔محمود عباس نے اپنے حالیہ دورہ ماسکو کے دوران روسی صدر ولادیمر پوتین کو آگاہ کیا تھا کہ امریکا اب مشرق وسطی میں امن عمل کے سلسلے میں اکیلا ثالث نہیں ہو سکتا۔فلسطینی صدر کے مشیر نبیل شعث یہ اعلان کر چکے ہیں کہ فلسطینی اتھارٹی فلسطینی اسرائیلی تنازع کے پر امن تصفیے کے لیے ماسکو میں ایک وسیع

روس امریکی سیاست میں ابتری پھیلانے میں کامیاب رہا ہے :ٹرمپ

اسلام آباد//امریکہ کے صدر ڈونلڈ ٹرمپ نے کہا ہے کہ وہ سمجھتے ہیں کہ 2016ئ￿  کے صدارتی انتخابات میں مداخلت کرکے روس نے بڑی کامیابی سے امریکی سیاست میں ابتری پھیلائی ہے۔اتوار کو ٹوئٹر پر ایک پیغام میں صدر ٹرمپ کا کہنا تھا کہ اگر تو روس کا مقصد امریکہ میں بد اعتمادی، ابتری اور انتشار پھیلانا تھا تو وہ اس میں اپنی امیدوں سے بڑھ کر کامیاب رہا ہے۔صدر ٹرمپ نے کہا کہ انتخابی عمل میں روسی مداخلت سے متعلق کئی ماہ سے جاری کانگریس کی کمیٹیوں کی سماعتیں، تحقیقات اور ری پبلکن کے اختلافات اس بات کی علامتیں ہیں کہ روس اپنے مقصد میں کامیاب رہا ہے اور ماسکو میں بیٹھے لوگ اس وقت امریکہ کی بھد اڑا رہے ہیں۔اپنے ٹوئٹ کے اختتام پر صدر ٹرمپ نے امریکہ کو "عقل کے ناخن" لینے کی ترغیب بھی دی ہے۔اتوار کو کیے جانے والے ٹوئٹس کے ایک سلسلے میں صدر ٹرمپ نے انتخابات میں مبینہ روسی مداخلت کے الزامات اور ا

نیتن یاہو پر کرپشن کے تازہ الزامات

تل ابیب// اسرائیلی پولیس نے ایک کمیونیکیشن کمپنی سے منسلک متعدد افراد کو حراست میں لے لیا ہے ۔ مقامی ذرائع ابلاغ کے مطابق بد عنوانی کے اس نئے کیس کا تعلق بھی امکاناً وزیر اعظم بنجامن نیتن یاہو سے ہے ۔ میڈیا پر نشر ہونے والی رپورٹوں کے مطابق پولیس کو شبہ ہے کہ 'بیزک' نامی اس گروپ کو رعائتیں دی گئی تھیں اور اس کے بدلے میں کمپنی سے منسلک خبروں کے ادارہ پر نیتن یاہو کے بارے میں مثبت خبریں چلائی گئیں۔ اسرائیلی وزیر اعظم کے خلاف کرپشن کے مختلف کیسز کی تحقیقات جاری ہیں جبکہ وہ تمام الزامات کو مسترد کرتے ہیں۔  

سعودی عرب کے مشرقی صوبے میں ریت کا طوفان متوقع ، ہلال احمر مکمل طور پر تیار

ریاض// سعودی عرب کے صوبے "المنطقہ الشرقیہ" میں ہلال احمر تنظیم نے پیر کے روز شہریوں اور مقیم افراد کو آج شام متوقع موسم کی تبدیلیوں سے خبردار کیا ہے۔ سعودی سرکاری خبر رساں ایجنسی  نے جنرل پریذیڈنسی آف مٹرولوجی کے حوالے سے بتایا ہے کہ پیر کی شام سے ریت کے طوفان اور گرد و غبار کی آندھی کی توقع ہے۔ اس کے علاوہ صوبے کے شمال میں گرج چمک کے ساتھ بارشوں کا بھی امکان ہے۔صوبے میں سعودی ہلالِ احمر تنظیم کے سرکاری ترجمان فہد الغامدی نے باور کرایا ہے کہ دمّام، احسائ￿  اور حفر الباطن کے شہروں میں آپریشنز رْوم کی تیاریاں مکمل ہیں۔ ہنگامی صورت میں ایمرجنسی میڈیکل سروس کے لیے (997) پر اطلاع دی جا سکتی ہے۔ اس کے علاوہ (60) ایمرجنسی مراکز اور (8) خصوصی فیلڈ ٹیمیں چوبیس گھنٹے کسی بھی ناخوش گوار یا ہنگامی صورت حال کا سامنا کرنے کے لیے تیار ہیں۔فہد الغامدی نے تمام شہریوں اور مقیم اف

امریکا: حزب اللہ کے تین افریقی سہولت کاروں پر فرد جرم عاید

دبئی//امریکی وزارت انصاف نے جنوبی افریقا سے تعلق رکھنے والے تین افراد پر لبنانی شیعہ ملیشیا حزب اللہ کو ڈورن طیاروں کے اسپیئر پارٹس فراہم کرنے اور دیگر ممنوعہ اشیائ￿  برآمد کرنے کے الزام میں فرد جرم عاید کی ہے۔امریکی وزارت انصاف کی جانب سے جاری کردہ ایک بیان میں کہا گیا ہے کہ حراست میں لیے گئے دو مشتبہ اسمگلر اور حزب اللہ کے سہولت کار آپس میں سگے بھائی ہیں۔ ان کی شناخت اسامہ درویش حماد اور عصام درویش حماد کے ناموں سے کی گئی ہے جب کہ تیسرا ملزم سمیر احمد بیرو مفرور ہے۔ملزمان پر عاید کردہ فردم جرم میں امریکا کے خلاف سازش، دہشت گرد ملیشیاؤں بالخصوص حزب اللہ کو 2009ء سے 2013ء تک اسلحہ، ڈرون طیاروں کے اسپیئر پارٹس، ڈرون کے انجن اور نگرانی کے لیے ان کے مواصلاتی آلات فراہم کرنے جیسے الزامات عاید کئے گئے ہیں۔  

یونان کے مہاجر کیمپ: افغان خواتین کو جنسی تشدد کا سامنا

ایتھنز//یونان میں ایک افغان پناہ گزین تنظیم نے اس بات کی تصدیق کی ہے کہ یونانی مہاجر کیمپوں میں جنسی زیادتی کا نشانہ بننے والوں میں افغان خواتین بھی شامل ہیں۔ یو این ایچ سی آر کے مطابق یونانی مہاجرین کیمپوں میں جنسی تشدد عام ہے ۔مہاجرین کے بارے میں خبریں فراہم کرنے والے یوروپی ادارے انفو مائیگرینٹس کے مطابق پناہ گزینوں کے لیے کام کرنے والی تنظیم ' دی یونین آف سولیڈیریٹی آف افغان مائیگرینٹس' نے تصدیق کرتے ہوئے کہا ہے کہ یونانی مہاجرین کیمپوں میں مقیم متعدد افغان خواتین کو بھی جنسی تشدد کا سامنا کرنا پڑا ہے ۔اس تنظیم کے ایک رکن رضا غلامی کے مطابق مہاجرین ٹینٹوں میں رہ رہے ہیں اور ان کی سیکیورٹی کو یقینی بنانے کے لیے اقدامات کرنے والا کوئی نہیں۔ غلامی نے انفو مائیگرنٹس کو مزید بتایا'' سن 2015 میں افغان خواتین پر جنسی تشدد کے کئی ایک کیسز سامنے آئے تھے ۔ ایسے دو مہاجر کیمپ

ایران طیارہ حادثہ میں 66 مسافر وں کے ہلاک ہونے کا اندیشہ

دوبئی / تہران ایران کے دارالحکومت، تہران، سے 66 مسافر وں کو لے کر جنوب مغربی شہر یہسوزکی طرف پرواز کرنے والا ایک طیارہ آج سمیروم شہر کے قریب پہاڑی علاقے میں حادثہ کا شکار ہوگیا ۔ حادثہ میں طیارہ کے عملہ سمیت تمام 66 مسافروں کے ہلاک ہونے کا اندیشہ ہے ۔ یہ اطلاع سرکاری ٹیلی ویژن، 'پریس ٹی وی' نے ہوائی جہاز کے ترجمان کے حوالہ سے فراہم کی ہے ۔ ایک ٹیلی ویژن صحافی کے مطابق، آسمان ایئر لائنز کے پبلک ریلیشنز کے سربراہ نے اس بات کی تصدیق کی ہے کہ طیارہ پر سوار تمام افراد بدقسمتی سے موت کے شکار ہو گئے ۔ حالانکہ ، انہوں نے اس اطلاع کے ذارئع کے بارے میں تفصیلی معلومات فراہم نہیں کی ہے ۔ دریں اثنا، 'اسنا'نے ہنگامی سروس کے ترجمان مجتبی خالدی کے حوالے سے بتایا کہ آسمان ایئر لائنز کا ایک طیارہ سمیروم شہر کے قریب پہاڑی علاقے میں حادثہ کا شکار ہوگیا۔  

افغان مہاجرین کو آئندہ : 2سالوں میں وطن واپس لائیں گے: صدر غنی

کابل//افغانستان کے صدر اشرف غنی نے پاکستان میں مقیم افغان پناگزینوں کو آئندہ دو سالوں میں ملک واپس لانے کے عزم کا اظہار کرتے ہوئے کہا ہے کہ اس کی وجہ سے ان الزامات کا خاتمہ ہو جائے گا کہ یہ مہاجرین خطے میں عدم استحکام کی ایک وجہ ہیں۔افغان صدر نے اس عزم کا اظہار ایک ایسے وقت کیا ہے جب دو ہمسایہ ملکوں کے درمیان تعلقات انتہائی کشیدہ ہیں جس کی وجہ یہ الزامات ہیں کہ پاکستانی فوج طالبان اور حقانی نیٹ ورک کے شدت پسندوں کو مبینہ طور پر مدد فراہم کرتی ہے جو افغانستان میں مقامی اور ان فورسز پر حملے کرتے ہیں جن کی قیادت امریکہ کرتا ہے۔پاکستان میں لگ بھگ 27 لاکھ افغان پناہ گزین مقیم ہیں جن میں نصف سے زائد بغیر کسی اندراج کے ہیں۔ پاکستان ان مہاجرین کی جلد ان کے وطن واپسی کی ضرورت پر زور دیتا آرہا ہے کیونکہ اس کا موقف ہے کہ ان کی موجودگی سے "افغان دہشت گردوں کو ان میں گھل مل جانے میں مدد ملتی

ٹرمپ کا اسپیکر ریان سے ملنے کا فیصلہ

 پیسٹ پام بیچ فلوریڈا// امریکہ کے صدر ڈونلڈ ٹرمپ سینیٹ میں زیر التوا بلوں کو کے معاملہ پر ایوان نمائندگان کے ریپبلکن اسپیکر پال ریان سے آج ملاقات کریں گے ۔وائٹ ہاؤس کی ترجمان جیسکا ڈیٹو نے یہ اطلاع دی۔ حالانکہ انہوں نے میٹنگ کے سلسلہ میں مزید کوئی تفصیلی معلومات نہیں دی ہے ۔ لیکن ایسا مانا جا رہا ہے کہ ٹرمپ اسپیکر ریان کے ساتھ ہونے والی میٹنگ میں تارکین وطن کے معاملہ پر بات کر سکتے ہیں۔ سینیٹ نے جمعرات کو اس سے متعلق ایک بل کو مسترد کر دیا تھا۔مسٹر ٹرمپ گزشتہ کچھ دنوں سے فلوریڈا میں ٹھہرے ہوئے ہیں جہاں وہ حکام کے ساتھ مسلسل میٹنگیں کرتے آ رہے ہیں۔ جمعہ کو ٹرمپ اور خاتون اول میلانیہ ٹرمپ فلوریڈا اسکول میں فائرنگ کے زخمیوں سے ملنے کے لئے اسپتال گئے تھے ۔  

مغربی ممالک نے مسلمانوں اور مسلم ممالک کو آپس میں تقسیم کردیا

حیدرآباد// اسلامی جمہوریہ ایران کے صدر ڈاکٹر حسن روحانی نے گزشتہ شب حیدرآباد میں جنوبی ہند کے علماء مشائخ اور معزز شخصیتوں کے ایک نمائندہ اجتماع سے خطاب کیا جس میں تلنگانہ ' اے پی ' کرناٹک ' تاملناڈو وغیرہ جنوبی ریاستوں کے علماء مشائخ ' سیاسی شخصیتیں ' مختلف شعبہ جات کے ماہرین اور معزز افراد شریک تھے ۔اس موقع پر خطاب کرتے ہوئے حسن روحانی نے کہا کہ ایران امن کا خواہاں ہے ' صرف اسلامی ممالک ہی نہیں بلکہ اقوام عالم سے امن کامتقاضی ہے ۔ ایران کا یہ ایقان ہے کہ جنگ ' تشدد اور ہتھیار مسائل کا حل نہیں ہیں ' بات چیت اور سفارتی کوششوں سے ہی مسائل حل کئے جاسکتے ہیں۔عالم اسلام میں اتحاد نہ ہونے کی وجہ سے مسلمانوں کا شیرازہ بکھر گیا ہے ' مغربی ممالک نے مسلمانوں اور مسلم ممالک کو آپس میں تقسیم کردیا ہے ۔ ایران تمام اسلامی ممالک میں اتحاد چاہتاہے اور یہ نہیں چاہتا

آسٹریلیاکے نائب وزیر اعظم کے اپنے عملہ کے ساتھ جنسی تعلقات پر ہنگامہ

سڈنی// (رائٹر) آسٹریلیا کی مخلوط حکومت میں نائب وزیر اعظم بارنابی جوائس اپنے عملے کے رکن کے ساتھ ناجائز جنسی تعلقات کا راز افشا ہونے اور اس پر تنقید کئے جانے کے بعد اپوزیشن کے ان استعفی دینے کے مطالبہ کو مسترد کر دیا۔اس 'نااہلی' کے اجاگر ہونے اور ان کے اس رویے کی وزیر اعظم میلکم ٹرنبل نے مذمت کی ہے ۔ اس واقعہ سے ناراض آسٹریلوی وزیر اعظم میلکم ٹرنبل نے اپنی کابینہ کے وزرا پر عملہ کے ارکان کے ساتھ جنسی تعلقات قائم کرنے پر پابندی عائد کر دی ہے ۔وزیر اعظم کی یہ تنبیہ اس وقت سامنے آئی جب یہ معلوم ہوا کہ ان کے نائب وزیر اعظم کا اپنے عملے میں سے ایک فرد کے ساتھ جنسی تعلق ہے ۔پریس کانفرنس میں بات کرتے ہوئے میلکم ٹرنبل نے اپنے نائب بارنابی جوائس کو تنقید کا نشانہ بنایا اور کہا کہ ان سے 'سخت غلطی ہوئی' ہے ۔بارنابی جوائس کو چھٹیوں پر بھیج دیا گیا ہے جبکہ اس بارے میں گفتگو جاری ہے

نی لانڈرنگ کے حوالے سے ’’پاکستان کی کوتاہیاں‘‘، امریکہ کی تشویش

واشنگٹن //امریکی محکمہ خارجہ کا کہنا ہے کہ ’’یہ بات درست ہے‘‘ کہ پاکستان کو عالمی دہشت گرد ’واچ لسٹ‘ میں شامل کرنے کے لیے ادارے میں تحریک پیش کی گئی ہے، جس کی نگرانی ’منی لانڈرنگ‘ پر نظر رکھنے والا گروپ کرے گا۔روزانہ اخباری بریفینگ کے دوران ایک سوال پر ترجمان ہیدر نوئرٹ نے کہا ہے کہ’’ایک طویل عرصے سے امریکہ کو پاکستان کی جانب سے منی لانڈرنگ، انسداد دہشت گردی کے معاملات میں کوتاہیاں برتنے پر تشویش رہی ہے اور ہم چاہتے ہیں کہ پاکستان کو نگرانی کی فہرست میں شامل کیا جائے‘‘۔ترجمان نے بتایا کہ ’’اس سلسلے میں ’ایف اے ٹی ایف‘ (فائننشل ایکشن ٹاسک فورس) سے گفت و شنید کی گئی ہے۔ لیکن، چونکہ یہ معاملہ صیغہ راز کا ہے، اس لیے اس بارے میں فی الوقت کچھ بھی نہیں کہا جا سکتا‘‘۔اس سے قبل ’رائ

شام :دیرالزور میں دھماکہ،15روسی ملازم ہلاک

دمشق//شام کے علاقے دیرایزور میں دھماکے سے 15روسی ملازم ہلاک ہوگئے ۔غیرملکی خبررساں ادارے کے مطابق دھماکا شام کے شمالی مشرقی صوبے دیرالزور میں طبیہ جزیرہ نامی کمپنی کے اسلحہ ڈپو میں ہوا۔دھماکے کے باعث15روسی سیکورٹی اہلکار ہلاک ہوگئے ،یہ ملازمین نجی سیکورٹی کمپنی میں ملازمت کرتے تھے ۔انسانی حقوق کے عہدیدار رمی عبد الرحیم کے مطابق متاثرہ کمپنی پر الزام ہے کہ یہاں شامی حکومت کی جانب سے تیل اور گیس ذخیرہ کی جاتی ہے ۔یو این آئی