تازہ ترین

مسرت عالم 3مئی تک عدالتی تحویل میں جیل منتقل

 سرینگر// بارہمولہ منصف کورٹ نے مسلم لیگ چیئرمین کو3مئی تک جوڈیشل ریمانڈمیں رکھنے کاحکم صادرکردیا۔مسلم لیگ کے لیگل سیکرٹری شاہ ریاض نے بتایاکہ محبوس مزاحمتی رہنماء اورلیگ کے سربراہ مسرت عالم بٹ کوبدھ کے روزبارہمولہ پولیس نے مقامی منصف کورٹ کے جج کے روبرئو پیش کیا،جہاں سے پولیس نے موصوف کیخلاف3مئی 2017تک کاجوڈیشل ریمانڈحاصل کیا۔شاہ ریاض کے مطابق چندروزقبل ایک کیس میں بارہمولہ کی عدالت کی جانب سے مسرت عالم کی ضمانتی درخواست کومنظورکیاگیا،لیکن عدالتی حکم پرمزاحمتی رہنماء کی بطوررسم خانہ پوری رہائی عمل میں لائی گئی ۔انہوں نے کہاکہ پولیس نے مسرت عالم بٹ کورہائی کیساتھ ہی دوبارہ حراست میں لیا،اوراگلے روزبارہمولہ پولیس نے یہ مضحکہ خیزدعویٰ کیاکہ مسلم لیگ کے محبوس چیئرمین کیخلاف بارہمولہ پولیس تھانہ میں ایک کیس زیرایف آئی آر52/2017زیردفعہ13یوایل اے اور120Bآرپی سی درج ہے۔شاہ ریاض کے مطا

3ہفتے قبل غرقآب سومو ڈرائیور کی لاش برآمد

 اننت ناگ+سرینگر / /  دا ندی پورہ کوکرناگ میں تین ہفتے قبل پیش آئے دلخراش سڑک حادثہ میں جاں بحق ہوئے ڈرائیور کی نعش نالہ برنگی سے بدھ کو برآمد کی گئی ۔پولیس ذرائع سے معلوم ہوا ہے کہ20روز کے بعد سوموڈرائیورریاض احمد آوان ساکنہ چررہ پانز گام کی نعش کو نالہ برنگی سے آدھی گام کو کرناگ کے مقام پر برآمد کیا گیا ۔سومور گاڑی کو مو سلادھار بارشوں کے دوران 6اپریل کو اُس وقت حادثہ پیش آیا تھا ،جب یہ کو کر ناگ سے لار نو کی جانب جارہی تھی ۔دا ندی پورہ کے مقام پر اچانک سومو گاڑی ڈرائیور کے قابو سے باہر ہوئی ،سیدھے نالہ برنگی میں جا گری ۔نالہ میں سیلابی پانی ریلیوں کے نتیجے میں طغیانی آئی تھی جس کے نتیجے میں متعدد مسافر نالہ برنگی کے تیز بہائو ریلیوں میں بہہ گئے ۔دو گمشدہ مسافر میں سے محمد اشرف چوہان نامی مسافر کی نعش اگلے روز یعنی7اپریل کو برآمد کی گئی تھی ،تاہم ڈرائیور ہنوز لاپتہ

بہار آباد سمبل میں دھماکہ،شہری زخمی

 سمبل// بہار آباد سمبل میں ایک پر اسرار اور خوفناک دھماکے کے نتیجے میں 60 سالہ بزرگ شہری زخمی ہوا ۔ زخمی شہری کو علاج و معالجہ کیلئے پہلے نزدیکی اسپتال میں داخل کیا گیا جہاں سے اسے سرینگر منتقل کیا گیا ۔ پولیس کا کہنا ہے کہ دھماکے کی وجوہات جاننے کیلئے تحقیقات کی عمل جاری ہے ۔ بہار آباد سمبل بانڈی پورہ میں بدھ کے روز ایک پر اسرار اور خوفناک دھماکہ ہوا جس کے نتیجے میں اپنے کھیتوں میں کام کر رہے 60 سالہ غلام محمد ہرہ نامی شہری زخمی ہوا ۔ دھماکے کی آواز سنتے ہی لوگوں کی ایک بڑی تعداد کھیتوں کی طرف دوڑ پڑی اور یہاں خون میں لت پت غلام محمد کو پایا ۔ انہوں نے زخمی غلام محمد کو فوری طور پر سمبل اسپتال میں داخل کیا جہاں ڈاکٹروں نے ابتدائی طبی امداد فراہم کرنے کے بعد زخمی شہری کو مزید علاج و معالجہ کیلئے سرینگر منتقل کیا ۔ فوری طور پر یہ معلوم نہیں ہو سکا کہ دھماکا کس نوعیت کا تھا ۔ پول

ایڈوکیٹ عبدالغنی کی ہلاکت پر پی ڈ ی پی کا اظہار رنج

 سرینگر//پیپلز ڈیموکریٹک پارٹی نے اپنے ایک مقتدر اور صالح ساتھی ایڈوکیٹ عبدالغنی ڈار کی المناک ہلاکت پر اظہار ِافسوس کرتے ہوئے کہا ہے کہ مرحوم ایک انتہائی اعلیٰ صفات کے مسلمان تھے جنہوں نے عوامی خدمت کو اپنا شعار بنایا تھا۔ مقررین نے کہا کہ مرحوم کی جدائی سے نہ صرف ان کے اہل خانہ اور مداح ہی غمزدہ ہیں بلکہ پارٹی کے اندر اور باہر جو انہیں بحیثیت وکیل اور سماجی و سیاسی کارکن جانتے اور پہچانتے تھے ، وہ سب حیرت زدہ ہیں ۔ تعزیتی اجلاس میں پارٹی کے درجنوں ساتھیوں نے مرحوم کی روح کیلئے سکون اور ان کیلئے اللہ تبارک و تعالیٰ کے جوارِ رحمت میں جگہ کیلئے دعا کی۔ غمزدہ کنبہ کے ساتھ یکجہتی کا اظہار کرتے ہوئے مقررین نے کہا کہ اگر چہ موت لازمی امر ہے پھر بھی وہ ان کی جدائی کے غم میں وہ برابر کے شریک ہیں۔ تعزیتی اجلاس میں جن لوگوں نے دعائے مغفرت میں شرکت کی ان میں سرتاج مدنی نائب صدر، جنرل سیکرٹر

انٹرنیٹ پابندی

سرینگر//نیشنل پنتھرس پارٹی کے سرپرست اعلی پروفیسر بھیم سنگھ نے صدر جمہوریہ پرنب مکھرجی سے پرزو ر اپیل کی کہ وہ جموں وکشمیر کے  ایک کروڑ 20لاکھ ہندستانی شہریوں کی جان و مال اور انسانی حقوق کے تحفظ کے لئے وہاں کے گورنر این این ووہرہ کو دفعہ ۔370کو استعمال کرتے ہوئے فوراًً گورنر راج لگانے کی ہدایت دیں ۔پروفیسر بھیم سنگھ نے جموں وکشمیر کی حکومت کے ذریعہ وہاں ایک نیا عوام مخالف حکم دینے کی سخت مذمت کی جس کے تحت جموں وکشمیر میں تمام طرح کے میڈیا ، فیس بک ، ٹوئٹر، وہاٹس ایپ، کیو کیو،وی چیٹ، او زون، ٹمبلر، گوگل پلس،اسکائپ ، وائبرلائن، اسنیپ چیٹ،پرنٹرسٹ،ٹیلی گرام اور ریڈٹ وغیرہ پر مکمل پابندی  لگا دی گئی ہے اور ا ب  پی ڈی پی۔ بی جے پی حکومت لوگوں کے سانس لینے پر بھی پابندی لگانے سے پیچھے نہیں ہٹے گی۔ انہوں نے کہاکہ ایسے مظالم تو ڈوگرہ راج میں مہاراجاؤں کے وقت بھی لوگوںپر نہیں ہوئ

مذہبی منافرت پھیلانے کی ناپاک کوشش:بار ایسوسی ایشن

 سرینگر//جموں و کشمیر ہائی کورٹ بار ایسوسی ایشن نے 13ہزار لوگوں پر مشتمل جن سینا کو قائم کرنے کی مذمت کرتے ہوئے دنیا کے امن پسند لوگوں سے کہا ہے کہ وہ اس معاملے کا نوٹس لیں اور مذہبی منافرت پھیلانے والے کے ناپاک منصوبوں کو ناکام کرنے کیلئے اپنا موثر کرادار ادا کرے۔کانپور میں سدھارکر ناتھ مندر کے سربراہ پجاری نے کانپور کے 114سول وارڈوں سے 13ہزار افراد کو تربیت دی ہے جو کشمیر میں پتھرائو کرنے والے لوگوں کے خلاف لڑنے میں فوج کی مدد کریں گے۔ بار ایسوسی ایشن نے ریاسی میں گجر کنبے پر گائو رکھشکوں کے حملے کی بھی مذمت کی ہے۔ بار ایسوسی ایشن نے 70سالہ گجرفرقے سے تعلق رکھنے والے شخص کی بے قابو بھیڑ کی جانب سے پولیس کی موجودگی میں تھانے کے اندر کی گئی مارپیٹ کی بھی سخت مذمت کی ہے۔ بار ایسوسی ایشن نے کہا کہ پولیس 70سے بزرگ آدمی کو بچانے کے بجائے گائو رکھشکوں کا منہ دیکھتی رہی ہے۔  ب

فسطائی قوتیں ہوش کے ناخن لیں : جہاد کونسل

مظفر آباد// متحدہ جہاد کونسل کے چیرمین سید صلاح الدین نے کہا ہے کہ بھارت کی مختلف ریاستوںمیں آئے روز گاو کشی کے بہانے مسلمانوں پر قاتلانہ حملے ،چن چن کے کشمیری طلبہ و طالبات پر مظالم اور جموں میںبے بس اور مظلوم روہنگیا مسلمانوںکے خیموں کو نذر اتش کرنا،آر ایس ایس اور مودی سرکار کی کھلم کھلا مسلم دشمنی کاروائیاں ہیں جن کی جتنی بھی مذمت کی جائے کم ہے ۔ انہوں نے کہا کہ فسطائی قوتوں کو سمجھنا چاہیئے کہ ان کی مسلم کش سرگرمیاں،پورے بھارت کو فرقہ وارانہ فسادات کے شعلوںمیںبھسم کرکے رکھ دیں گی۔انہوں نے کہا کہ جمہوری ملک میں اقلیتوں با لخصوص مسلمانوں پر روزافزوںمظالم اور انسانی حقوق کی عدیم المثال پامالی کے حوالے سے عالمی اداروں او آئی سی اور خود بھارت کے اندر انسانی حقوق سے متعلق اداروںاور دینی تنظیموں کو اس رویے کا سخت نو ٹس لینا چاہیئے ۔سید صلاح الدین کا کہنا تھا کہ اگر عالمی اداروں اور طا

کائوسہ کے مہلوک عادل لواحقین غم سے نڈھال

سرینگر// رواں ماہ کی 9 تاریخ کو جب سرینگر بڈگام میں ضمنی پارلیمانی انتخابات کے لئے ووٹنگ ہورہی تھی کے دوران  7نوجوانوں کی موت  نے شمال و جنوب میں غم و اندوہ  بپا کیا ۔اسی دن کاوسہ ماگام کے 17 سالہ عادل فارق شیخ نامی نوجوان بھی فورسز کی جانب سے چلائے گئے چھروں کا نشانہ بنا اور سرینگر لے جاتے ہوئے زخموں کی تاب نہ لاکر دم تھوڑ بیٹھا ۔ علاقہ میں لوگوں خوف و دہشت میں پڑ گئے اور عادل کے گھر والوں پر مصیبت اور غموں کا ایسا پہاڑ ٹوٹ پڑا کہ جسکا بوجھ اسکے اہل خانہ شاید ہی برداشت کرسکیں ۔ اہلِ خانہ غموں کے پہاڑ سے ابھرنے کی ہی کوشش میں تھے،کہ اپنے لخت ِ جگر کے بارہویں جماعت کے نتائج اسکے والدین پر کرب و آنسو کا ایک اور سمندر چھوڑ گئے۔انکے ایک نزدیکی رشتہ دار نے کشمیر عظمیٰ کو بتایاکہ عادل کو گھر والوں نے پچھلے سال حالات کے بگڑ جانے کے ساتھ ہی اپنے ننیہال واقع چٹابُگ  نامی گا

ضلع ہیڈ کوارٹر شوپیان میں سٹریٹ لائٹس کس نے لگائیں؟

 شوپیان //مغل روڑ کے اہم پڑائو ضلع ہیڈ کوارٹر شوپیان میں شام ہوتے ہی سڑکوں اور گلی کوچوں سے چلنا تقریباًنا ممکن ہے۔ہر کسی ضلع میں رات کے دوران روشنی کا انتظام تو کرلیا گیا ہے لیکن یہاں اسکا دور دور تک نام و نشان نہیں ہے۔افسوس اس بات کا ہے کہ یہاں بیکار سٹریٹ لائٹس لگاکر انہیں ٹھیک کرنے کی ذمہ داری نہ تو محکمہ آر اینڈ بی لینے کیلئے تیار ہے اور نہ محکمہ میونسپل کونسل کے حکام۔یہ بات حیران کن ہے کہ کئی برس قبل یہاں حاتم طائی کی قبر پر لات مار کر سٹریٹ لائٹس کا انتظام کیا گیا لیکن عوام کو ان سے کوئی فائدہ نہیں پہنچا ہے ۔شوپیان میں موجود اسٹریٹ لائٹس پوری طرح بیکار پڑی ہیں جس کی وجہ سے لوگوں کو سخت مشکلات کا سامنا کرناپڑرہا ہے۔شوپیان کے مین بازار ،نیو بس اسٹینڈ ،اولڈ بس اسٹینڈ ،بٹہ پورہ،بنہ گام،ہیرگام، گول چکری، بونہ بازار،جامع مسجد کے متصل اور دیگر اہم سڑکوں پر،جہاں جہاں لائٹس لگائی گ

امان اللہ خان کی قربانیاں ناقابل فراموش

سرینگر//مزاحمتی جماعتوں نے لبریشن فرنٹ کے بانی اور سرکردہ رہنما مرحوم امان اللہ خان کی پہلی برسی پر انہیں خراج عقیدت ادا کرتے ہوئے کہا کہ مرحوم تحریک آزادی کے بے بدل وعظیم قائد ،جہد مسلسل کے داعی اور سپاہی تھے ۔لبریشن فرنٹ چیئرمین محمد یاسین ملک نے مرحوم امان اللہ خان کوجموں کشمیر کی تحریک آزادی کا ایک عظیم قائد و رہبر قرار دیتے ہوئے کہا کہ اُن کی جدوجہد و قربانیوں سے کوئی بھی متنفس صرف نظر نہیں کرسکتا۔یاسین ملک پارٹی کی طرف سے مرحوم کی یاد میں آبی گزر سرینگر میںایک تقریب سے خطاب کررہے تھے۔تقریب میں مزاحمتی جماعتوں سے وابستہ قائدین اور اراکین کے ساتھ ساتھ دانشور،قلم کاروں ،تاجر برادری کی قیادت ،سول سوسائٹی ممبران نیز زندگی کے دوسرے شعبوںسے وابستہ لوگوں کی بڑی تعداد نے شرکت کی۔اس موقع پر مرحوم امان اللہ خان کو شاندار الفاظ میں خراج عقیدت ادا کرتے ہوئے مقررین نے کہا کہ مرحوم ایک عظیم

سمبل گنڈ میں اساتذہ کی کمی کے خلاف احتجاج

کنگن //گورنمنٹ ہائی اسکول سمبل گنڈ کے طالب علموں نے اساتذہ کی کمی کے خلاف سرینگر لیہ شاہراہ پر احتجاجی دھرنا دیکر گاڑیوں کی آمد رفت مسدودکردی۔ احتجاجی طلاب کا کہنا تھا کہ اسکول میں انگریزی پڑھانے کیلئے کوئی استاد تعینات نہیں ہے جس کی وجہ سے ان کی تعلیم بری طرح سے متاثر ہورہی ہے۔انہوں نے کہاکہ اگر چہ انہوں نے محکمہ کے افسران کو اس سلسلے میںآگاہ کیا تھا کہ اسکول میں استاد  تعینات کیا جائے لیکن انہوں نے اس کی طرف کوئی توجہ نہیں دی جس کی وجہ سے طلاب احتجاج کے لئے مجبور ہوگئے ۔اطلاع ملتے ہی پولیس  ٹیم جائے موقع پر پہنچ گئی اور طلاب کو یقین دلایا کہ وہ زونل ایجوکیشن آفیسر کو اس بارے میں مطلع کریں گے۔جس کے بعد احتجاجی دھرنا پُر امن طورختم کیا گیا۔  

خان سوپوری کی صحت جیل میں خراب

سرینگر//پیپلز لیگ چیئرمین غلام محمد خان سوپوری کی صحت کورٹ بلوال جیل جموں میں انتہائی خراب ہو چکی ہے اور جیل حکام نے انہیں ہر طرح کی طبی امداد سے محروم رکھا ہے ۔ موصولہ بیان میںغلام محمد خان سوپوری کے اہل خانہ نے کہا کہ حکام نے خان سوپوری کو موت کے دہانے پر پہنچایا ہے اور انہیں کسی بھی طرح کی طبی امداد فرام نہیں کی جارہی ہے۔ اہل خانہ نے بتایا کہ پچھلے دنوں ہم نے کورٹ بلوال جیل میں خان سوپوری سے ملاقات کہ ہم نے دیکھا کہ ان کی صحت کافی حد تک بگڑ چکی ہے وہ بہت کمزور بھی ہوچکے ہیں اور انہیں چلنے پھرنے میں بہت مشکل ہورہی ہے ۔  

اڈھائی لاکھ روپئے نقدی بھی راکھ کے ڈھیر میں تبدیل

ڈورو//ویری ناگ میں آگ کی ایک ہولناک واردات میں دومنزلہ مکان ،پن چکی و عارضی شیڈ مکمل طور پر خاکستر ہوگئے ،جس کے سبب کئی کنبے کھلے آسمان تلے آگئے ہیں ۔25اور26کی درمیانی رات کو بنہ گنڈ ویری ناگ میں حاجی مختار احمد کے رہائشی مکان سے اُس وقت آگ نمودار ہوئی جب گھر کے سبھی افراد گہری نیند میں تھے ،جس کی وجہ سے آگ نے آناََ فاناََ مکان کو اپنی لپیٹ میں لیا ۔اس دوران محکمہ فائر سروس عملہ جائے موقع پر پہنچا تاہم رہائشی مکان ،پن چکی اور ایک عارضی شیڈخاکستر ہوگیا اور لاکھوں روپئے کا سامان راکھ کے ڈھیر میں تبدیل ہوا ۔آتشزدگی کی اس واردات میںاڈھائی لاکھ روپئے نقدی بھی جل گئے جواُس نے ایک دن قبل بینک سے قرضہ لیا تھااور صارفین کے1400راشن کارڈ بھی جل گئے ۔  

مسئلہ کشمیر خطے میں بدامنی اور سیاسی غیر یقینیت کی بنیادی وجہ:حریت (ع)

سرینگر// حریت (ع)نے ریاستی حکمرانوں کی جانب سے کشمیری عوام کے خلاف اختیار کی جارہی غیر جمہوری اور معاندانہ طرز عمل سے عبارت پالیسیوں کو حد درجہ افسوسناک قرار دیتے ہوئے کہا کہ عوامی جذبات اور احساسات کو طاقت کے بل پر دبانے سے نہ توکشمیر میں امن قائم ہوسکتا ہے اور نہ سیاسی عدم استحکام کا خاتمہ ممکن ہے ۔بیان میں کہا گیا کہ مسئلہ کشمیراس پورے خطے میں بدامنی اور سیاسی غیر یقینیت کی بنیادی وجہ ہے اور اس مسئلہ کو حل اور کشمیری عوام کی خواہشات اور احساسات کا احترام کئے بغیربرصغیر ہندوپاک میں دیرپا امن کی ضمانت  فراہم نہیں کی جاسکتی۔بیان کے مطابق حریت رہنما مختار احمد وازہ نے جنوبی کشمیر کے کئی علاقوں بشمول ڈور ، ہلر ، قاضی گنڈ اور دیالگام میں کئی عوامی اجتماعات سے خطاب کے دوران  کشمیر ی عوام کیخلاف ریاستی حکمرانوں کی جانب سے کی جارہی زیادتیوں ، گرفتاریوں ، چھاپوں اور ہراسانیوں کی

تعمیراتی ایجنسی کی مہر بانی، کیگام ترال میںپانی کی نکاسی بند

اونتی پورہ//کیگام اونتی پورہ میں سڑک کی تعمیر کے دوران اراضی سے باہر نکلنے والے پانے کو راستہ بند ہونے کے وجہ سے سینکڑوں کنال زرعی اراضی زیر آب ہے جس کے ساتھ ہی علاقے کے کسانوں میں تشویش کی لہر دوڑ گئی ہے۔ ایک پرائیوٹ تعمیراتی ایجنسی نے سرینگر سے اننت ناگ تک تعمیر کی جارہی چارلین والی سڑک کے تعمیر کے دوران قصبہ اونتی پورہ سے چند کلومیٹر دور کیگام کے مقام پر سڑک کی تعمیر کے دوران زرعی اراضی سے پانی خارج ہونے والی جگہ کو بند کرنے کی وجہ سے 400 کنال سے زائد آبی زرعی اراضی میں پانی جمع ہواہے جس کی وجہ سے موسم بہار آنے کے ساتھ علاقے کے کسانوں میں تشویش کی لہر دوڑ گئی ہے ۔مقامی شہریوں نے بتایا کہ دسمبر مہینے سے مقامی آبادی نے ایجنسی کو اس حوالے آگاہ بھی کیا تاہم انہوں نے آبادی کے اس اہم مسئلے کی طرف کوئی توجہ نہیں دی۔ 

مسرت عالم اور محمد رستم بٹ کی اسیری بلا جواز

 سرینگر//حریت (گ)چیرمین سید علی گیلانی نے محبوس لیڈرمسرت عالم بٹ کی ضمانت پر رہائی کے بعد دوبارہ گرفتاری اور تحریک حریت رہنما محمد رستم بٹ کی جیل میں بیمار ہونے کے بعد حالت تشویشناک ہونے پر اپنی زبردست تشویش اور فکرمندی کا اظہار کرتے ہوئے کہا کہ حکومت آزادی پسندوں کو سیاسی انتقام گیری کا نشانہ بنارہی ہے اور انہیں ہرممکن طریقے سے تنگ اور ہراساں کرنے کا سلسلہ جاری ہے۔ انہوں نے دونوں رہنماو¿ں کی فوری رہائی پر زور دیتے ہوئے حقوق بشر کے لیے سرگرم اداروں سے اپیل کی کہ وہ مسرت عالم بٹ کی غیر قانونی طویل نظربندی اور محمد رستم بٹ کی جان کو درپیش خطرے کا سنجیدہ نوٹس لیں اور جبروزیادتی کے ان واقعات کو اپنے طور سے اُجاگر کرائیں۔ گیلانی نے مسرت عالم بٹ کی ضمانت ہونے کے باوجود بار بار گرفتاری کو قانون کی مٹی پلید کرنے کے مترادف کارروائی قرار دیا اور کہا کہ انہیں اب جیل میں رکھنے کا کوئی

کشمیر میں محلہ کلنکوں کی اشد ضرورت:ڈاک

 سرینگر//ڈاکٹرز ایسوسی اشن کشمیر نے محلہ کلنک قائم کرنے پر زور دیتے ہوئے کہا ہے کہ محلہ کلنکوں سے لوگوں کو گھر کے باہر ہی طبی سہولیات فراہم ہونگی۔اپنے ایک بیان میں ایسوسی ایشن کے صدر ڈاکٹر نثارالحسن نے کہا ہے کہ محلہ کلنکوں سے طبی سہولیات مستحق عوام تک پہنچے گی اور اےسے علاقوں تک پہنچیں گی جہاں طبی سہولیات دستیاب نہیں ہے۔ انہوں نے کہا کہ محلہ کلنکوں لوگوں کو ابتدائی سطح پر بہتر طبی سہولیات فراہم کرنے کے علاوہ بڑے اسپتالوں میں مریضوں کے رش کو بھی کم کرسکتا ہے۔ انہوں نے کہا کہ محلہ کلنکوں میں طبیمعائنہ، تشخیصی ٹیسٹ اور آس پاس رہنے والے لوگوں کو ادویات فراہم کرسکتی ہیں۔ انہوں نے کہا کہ یہ شعبہ طب کا نقشہ ہی بدل سکتا ہے کیونکہ مریضوں کے اسپتال آنے کے بجائے طبی عملے انہیں گھر پر ہی سہولیات فراہم کرنے گا جبکہ اس سے بزرگ شہریوں کو زیادہ فائدہ ہوگا۔ انہوں نے کہا کہ گھر کا ماحول مریضوں کو

عارف لائیگرو یوتھ پی ڈی پی سیکریٹری نامزد

 سرینگر //پی ڈی پی یوتھ صدر نے عارف لائیگرو کو یوتھ ونگ کا سیکریٹری نامزد کردیا ہے۔یوتھ ونگ کے صدر وحید الرحمان پرہ نے کہا ہے کہ لائیگرو ایک جوشیلے اور محنتی سیاسی کارکن ہیں جو پارتٰ کیساتھ کافی عرصے سے منسلک ہیں۔ انکا کہنا تھا کہ لائیگرو نے پارٹی کی جڑیں مضبوط بنانے اور نوجوان کارکنوں میں یکجہتی پیدا کرنے کےلئے کئی برسوں سے کام کیا ہے ۔  

واجپائی کی کشمیرپالیسی کا ورد منافقانہ سیاست:یاسین ملک

 سرینگر//لبریشن فرنٹ چیئرمین محمدیاسین ملک نے ” واجپائی کی کشمیرپالیسی کے وردکومنافقانہ سیاست“قراردیتے ہوئے الزام لگایاہے کہ محبوبہ مفتی اپنے اقتدارکوبچانے کیلئے کچھ بھی کرگذرنے کوتیارہیں ،اسی لئے انہوں نے دلی والوں کوکشمیریوں کیخلاف جبروظلم میں تیزی لانے کی یقین دہانی کرائی ۔ملک یاسین نے واضح کیاکہ جمو ں کشمیر سے عدم استحکام اور تذبذب کا خاتمہ تب ہی ممکن ہے جب اس سرزمین سے ناجائز تسلط اور قبضے کا خاتمہ ہوجائے گا۔ محمدیاسین ملک نے نئی دہلی میں ریاستی وزیراعلیٰ محبوبہ مفتی کی وزیراعظم اوروزیرداخلہ کیساتھ ملاقاتوں اوراس دوران پریس نمائندوں کے سامنے کئے گئے اظہارخیال کے تناظرمیں کہاہے کہ اپنے اقتدار کو دوام بخشنے کےلئے وزیراعلیٰ نے دہلی کو کشمیریوں کے خلاف مزید سخت اقدامات اور جبر و ظلم کو تیز تر کرنے کا یقین دلایا ہے۔ملک یاسین نے تاہم واضح کیاکہ جمو ں کشمیر سے عدم استحکا

مطلق العنانیت کے دور میں جمہوریت کے دعاوی بے معنی

 سرینگر// حریت(ع) چیرمین اور متحدہ مجلس علماءکے امیر میرواعظ عمر فاروق نے ریاستی حکمرانوں کی کشمیر مخالف پالیسیوں پر شدید ردعمل کا اظہار کرتے ہوئے کہا ہے کہ کشمیری نہتے عوام کے خلا ف ہر سطح پر ایک جنگ چھیڑ دی گئی ہے اور یہاں کے عوام کے تئیں جس طرح کی ظلم وتشدد سے عبارت پالیسیوں کو عملایا جا رہا ہے وہ حکومتی اور ریاستی دہشت گردی کا بدترین نمونہ ہےں۔ میرواعظ جنہیں ریاستی انتظامیہ نے گذشتہ 50دن سے لگاتار اپنی رہائش گاہ میں نظر بند کر کے ان کی جملہ سرگرمیوں پر پابندی عائد کر رکھی تھی کو گذشتہ شام جونہی رہا کیا گیا تو موصوف پروگرام کے مطابق عالی مسجد عیدگاہ سرینگر پہنچے جہاں انہوں نے بعد ازنماز مغرب معراج عالم کے حوالے سے منعقدہ روحانی اجتماع سے خطاب کیا ۔ میرواعظ نے کہا کہ کشمیر میں حالات ہر لحاظ سے غیر یقینی ہیں ، ظلم و ستم کی انتہا کر دی گئی ہے ، یہاں قصبوں ، شہروں اور دیہاتوں میں ا