تازہ ترین

تجاوزات کےخلاف مہم جوئی کی ضرورت !

ریاست کا گرمائی دارالحکومت سرینگر جس طوفانی رفتار کے ساتھ پھیل رہا ہے اس کےلئے اُسی سنجیدگی کے ساتھ قواعد وضوابط پر عمل درآمد کی ضرورت ہے،لیکن مجموعی طور پر ایسا دیکھنے کو نہیں مل رہا ہے کیونکہ شہر کے اندر اور قرب و جوار میں واقع آب گاہیں اور زرعی اراضی اس سے بُری طرح متاثر ہو رہی ہے۔ گزشتہ چند دہائیوں سے حکمرانوں اور انتظامیہ کی جانب سے غیر قانونی تجاوزارت کے حوالے جس طرح آنکھیں بند کی گئیں ہیں وہ ایک انتہائی افسوسناک معاملہ ہے۔کیونکہ ان بستیوں کو کسی منصوبے سے ماوریٰ ہو کر آباد کیا جاتا ہے، جن میں نہ تو بنیادی شہری سہولیات موجودومیسر ہوتی ہیں اور نہ ہی انکے فروغ کی کوئی گنجائش ۔ یہ ایک حقیقت ہے کہ شہر سرینگر کے بے ترتیب پھیلائو میںجہاں آبادی کا اضافہ ذمہ دار ہے وہیں اس کےلئے سرکاری اداروں سے لیکر زمین دلالوں تک ایک یکساں سوچ متحرک ہے۔کیونکہ گزشتہ نصف صدی کے دوران شہر سرینگر میں