تازہ ترین

کپوارہ کے کئی علاقوں میں ژالہ باری

کپوارہ//کپوارہ ضلع کے متعدد دیہات میں قہر انگیز ژالہ باری نے تباہی مچا دی ہے جس کی وجہ سے کسانو ں میں زبردست تشویش پائی جارہی ہے ۔پیر کو اگر چہ کھلی دھوپ تھی تاہم بعد دوپہر موسم نے اچانک کروٹ لی اور ضلع کے بیشتر علاقوں میں بارشو ں کا سلسلہ شروع ہوا لیکن ضلع کے کا چہامہ ،میلیال ،فرکن ،آوتھ کل ،راشن پورہ درد پورہ ،ہرے ،وارسن ،گزریال ،زرہامہ ،مڑہامہ ،لدرناگ ،آورہ سمیت ایک درجن سے زائد دیہات میں خوفناک ژالہ باری ہوئی جس کے نتیجے میں لوگو ں میں تشویش کی لہر دو ڈ گئی ۔کئی لوگوں نے کشمیر عظمیٰ کو بتا یا کہ کئی منٹوں تک جاری رہنے والی اس ژالہ باری نے فصلوںاور میوہ باغات کو نقصان پہنچایا جبکہ زمین پر سفید چادر کی پرت جمع ہوئی ۔  

کشمیر ہوٹل ایسو سی ایشن وفد گورنر سے ملاقی

سرینگر//کشمیر ہوٹل ایسو سی ایشن کا ایک وفد صدر مشتاق چایہ کی قیادت میں راج بھون میں گورنر ستیہ پال ملک سے ملاقی ہوا ۔مشتاق چایہ نے گورنر کو کشمیرمیں ہوٹل مالکان کو درپیش معاملات سے آگاہ کیا اور ہوٹل مالکان کو مالی دشواریوں سے باہر نکالنے کے لئے ایک مناسب پیکیج، صنعتی سیکٹر کے برابر بجلی فیس وصول کرنے اور جی ایس ٹی میں رعایات فراہم کرنے کی درخواست کی ۔گورنر نے پرنسپل سیکرٹری خزانہ ارون کمار مہتہ کو ہدایت دی کہ وہ ایسو سی ایشن کی طرف سے پیش کئے گئے مطالبات پر غور کریں۔  

خورشید گنائی سے چیمبر آف کامرس اینڈ انڈسٹری وفد ملا

سری نگر//چیمبر آف کامرس اینڈ انڈسٹری کے ایک وفد گورنر کے مشیر خورشید احمد گنائی کے ساتھ ملاقات کی ۔میٹنگ کے دوران وفد نے تجارت اور صنعت کاری سے جڑے متعدد معاملات مشیر کی نوٹس میں لائے۔ انہوں نے سرینگر۔ جموں قومی شاہراہ پر ٹرکوں کی آمدورفت میں معقولیت لانے کا بھی مطالبہ کیا۔مشیرنے وفد کو یقین دلایا کہ اُن کی طرف سے اُجاگر کئے گئے معاملات پر ہمدردانہ غور کیا جائے گا۔ انہوں نے چیمبر پر زور دیا کہ وہ خواتین کارخانہ داری کو فروغ دیں خاص طور سے باغبانی اور پھولبانی شعبوں کی طرف بھرپور توجہ دی جانی چاہئے اور اُبھرتے ہوئے کارخانہ داروں کی رہنمائی کے لئے جے اینڈ کے ای ڈی آئی کی راحت رسانی حاصل کی جانی چاہئے۔وفد میں صدر سی سی آئی غلام محی الدین خان، صدر گُڈس اینڈ ٹرانسپورٹ کمپنی ایسوسی ایشن محمد صدیق رونگہ اور کئی دیگر زعماء بھی شامل تھے۔دریں اثناء وادی کے ہول سیل و پرچون ڈیلروں کے ایک وفد ن