تازہ ترین

ہارون پریمیئرلیگ کادوسراایڈیشن شروع

سرینگر// تھیدریبلزاورہکڈالیون بڈگام کے درمیان مقابلے سے جمعہ کوہارون کرکٹ پرئمیر لیگ کادوسراایڈیشن چندہ پورہ میںشروع ہوا۔ٹی20ہارون پرئمیرلیگ آئی پی ایل کی طرزپرکھیلاجاتا ہے اور اس کا پہلاایڈیشن ہی ریاست میں کافی مقبول ہوا۔اس ٹورنامنٹ میں33ٹیمیں حصہ لے رہی ہیں اور ہرایک ٹیم میں لگ بھگ16کھلاڑ ی ہیں ۔اس کے علاوہ اس ٹورنامنٹ میں ریاست کے معروف کرکٹ کھلاڑی بھی شرکت کررہے ہیں جس کی وجہ سے یہ ٹورنامنٹ ایک کامیاب ٹورنامنٹ ہوگی۔یہ لیگ مقامی کھلاڑیوں کیلئے اپنے خوابوں کو شرمندہ تعبیر کرنے کی پہلی سیڑھی ثابت ہورہا ہے ۔ٹونامنٹ میںاول آنے والی ٹیم کو دولاکھ روپے کا نقدانعام دیا جائے گا جبکہ دوسرے نمبر پرآنے والی ٹیم کو ایک لاکھ روپے کاانعام دیا جائے گا۔اس کے علاوہ مین آف دی سیریز کیلئے عمرہ پیکیج کابندوبست کیا گیا ہے ۔ہارون پرئمیرلیگ کاپہلا میچ تھیدریبلزاورہکڈ الیون کے درمیان کھیلاگیا۔ٹاس جیتنے

ورلڈ کپ2019 | کون سا بلے باز کس نمبر پر بلے بازی کرے گا اس کا فیصلہ بعد میں کیا جائے گا:وراٹ

نئی دہلی/ہندوستانی ٹیم میں چار نمبر پر بلے بازی کرنے کے لیے چل رہی بحث کے درمیان کپتان وراٹ کوہلی نے کہا ہے کہ کون سا بلے باز کس نمبر پر بلے بازی کرے گا اس کا فیصلہ بعد میں کیا جائے گا۔ورلڈ کپ کے لئے پیر کو ٹیم کا اعلان کیا گیا تھا جس میں چیف سلیکٹر ایم ایس کے پرساد نے کہا تھا کہ ٹیم کے پاس نمبر چار کے لئے کئی اختیارات ہو گئے ہیں اور آل راؤنڈر وجے شنکر نمبر چار پر بلے بازی کر سکتے ہیں، لیکن وراٹ نے کہا کہ وجے شنکر چار نمبر پر ضرور ٹیم کو توازن فراہم کرتے ہیں لیکن اس پوزیشن کے لئے ابھی انہیں طے نہیں مانا جا سکتا۔ٹیم کے اعلان کے بعد پرساد نے کہا تھا کہ چار نمبر پر بلے بازی کرنے کے لئے وجے مناسب بلے باز ہے ۔ ہندوستانی کپتان نے اگرچہ پرساد کی صرف اس بات پر اتفاق کیا کہ وجے کو 'تینوں شعبوں ' میں اچھا کمال حاصل ہے اور دیگر اختیارات کے مقابلے میں وہ بہتر ہے جنہیں اس سے پہلے پرکھا گیا

ورلڈ کپ کے لیے پاکستان ٹیم کا اعلان، محمد عامر ڈراپ

لاہور/ورلڈ کپ 2019 کے لیے پاکستان کے 15رکنی اسکواڈ کا اعلان کردیا گیا ہے جس سے محمد عامر کو ڈراپ کردیا گیا ہے۔پاکستانی ٹیم کے چیف سلیکٹر انضمام الحق نے لاہور میں پریس کانفرنس سے خطاب کرتے ہوئے ورلڈ کپ کے لیے ٹیم کا اعلان کیا۔انہوں نے کہا کہ ہماری یہ ٹیم انشااللہ جیت کر آئے گی، ہم سب کی یہی دعا ہے، ہم سب سلیکٹرز، کوچ اور کپتان نے اپنے جانتے بہترین ٹیم بنائی ہے اور اس میں ہم نے چیمپیئنز ٹرافی کے 11 کھلاڑیوں اسکواڈ کا حصہ بنایا ہے۔چیف سلیکٹر نے کہا کہ مجھے اس ایونٹ کی اہمیت کا اندازہ اس لیے ہے کیونکہ میں یہ پانچ ایونٹ کھیل چکا ہوں اور ان میں ایک میں فتح بھی نصیب ہوئی۔’میں دونوں طرح کا مزہ جانتا ہوں، جیت کا بھی، ہار کا بھی‘۔ورلڈ کپ کے لیے پاکستانی ٹیم ان کھلاڑیوں پر مشتمل ہے۔سرفراز احمد(کپتان)، فخر زمان، عابد علی، بابر اعظم، شعیب ملک، حارث سہیل، محمد حفیظ، امام الحق، شاداب خان

نڈال کی73میچوں میں69ویں جیت | ورلڈکپ کے لیے جنوبی افریقہ کے 15 رکنی اسکواڈ کا اعلان

 کیپ ٹاؤن؍ کرکٹ ورلڈکپ 2019 کے لیے جنوبی افریقہ نے 15 رکنی اسکواڈ کا اعلان کردیا۔چھ ہفتوں بعد 30 مئی سے شروع ہونے والے عالمی کپ کے لیے جنوبی افریقی اسکواڈ کا اعلان ہوگیا، ون ڈے ٹیم کے کپتان فاف ڈوپلیسی کو عالمی کے لییٹیم کی قیادت سونپی گئی ہے۔پندرہ رکنی اسکواڈ میں کسی متبادل وکٹ کیپر کو شامل نہیں کیا گیاتاہم ڈی کک کی غیر موجودگی میں ڈیوڈ ملر وکٹ کیپر بنیں گے جب کہ تجربہ کار اوپنرہاشم آملہ پر سلیکٹرز نے بھرپور اعتماد کااظہار کرتے ہوئے خاطر خواہ پرفارمنس نہ دکھانے کے باوجود ٹیم کا حصہ بنایا گیا ہے۔جنوبی افریقا کی 15 رکنی ٹیم میں کپتان فاف ڈوپلیسی، ڈیوائن پریٹورئیس، ڈیل اسٹین،  ایڈن مرکرام ، کوئنٹن ڈی کاک، ہاشم آملہ، تبریز شمسی، ڈیوڈ ملر، کاگیسو رباڈا، لنگی نگیدی، آنرچ نورٹج، فلکوایو، جے پی ڈومنی،عمران طاہر اوررسی وینڈر ڈسن ہیں۔واضح رہے کہ ورلڈ کپ کا افتتاحی میچ میزبان انگلی

گورنر نے بھارت سکاؤٹس اینڈ گائیڈس کو ’راجیہ پُرسکار ‘سے نوازا

جموں// گورنر ستیہ پال ملک جو سٹیٹ بھارت سکاؤٹس اینڈ گائیڈس کے سربراہ بھی ہیں ، نے  330 سکاؤٹس اینڈ گائیڈس کو انعامات سے نوازا ۔ چار اساتذہ جنہوں نے اس سلسلے میں تربیت حاصل کی تھی کو بھی اسناد اور بیجس سے عطاکئے گئے ۔ گورنر اور گورنر کے مشیر خورشید احمد گنائی ، گورنر کے پرنسپل سیکرٹری امنگ نرولہ کو اس موقعہ پر سکاؤٹس کے سکارف پیش کئے گئے ۔ سیکرٹری سکولی تعلیم سریتہ چوہان ، سیکرٹری یوتھ سروسز اینڈ سپورٹس سرمد حفیظ ، ڈی جی یوتھ سروسز اینڈ سپورٹس سلیم الرحمان بھی اس موقعہ پر موجود تھے ۔ گورنر نے انعام حاصل کرنے والوں کو مبارکباد دی اور اُن کے روشن مستقبل کیلئے دعا کی ۔ انہوں نے جے اینڈکے سٹیٹ بھارت سکاؤٹس اینڈ گائیڈس کی اعلیٰ کارکردگی کی ستائش کی ۔ سکاؤٹس اینڈ گائیڈس تحریک کی اہمیت کو اجاگر کرتے ہوئے گورنر نے کہا کہ یہ قابلِ قدر تحریک ہے جو بچوںکو اعلیٰ قدروں اور بہتر تعلیم سے نو

دنیا میں ورلڈکپ ٹیموں کا اعلان ہو رہا ہے اور یہاں تماشا لگا ہوا ہے: وسیم اکرم

کراچی/پاکستانی ٹیم کے سابق کپتان اور پی سی بی کی کرکٹ کمیٹی کے رکن وسیم اکرم کا کہنا ہے کہ پوری دنیا ورلڈ کپ کے لیے ٹیموں کے اعلان میں لگی ہوئی ہے اور یہاں تماشا لگا ہوا ہے۔میڈیا سے بات کرتے ہوئے وسیم اکرم کا کہنا تھا کہ ساری دنیا ورلڈ کپ کی تیاری کررہی ہے اور ہم یہاں دوسری بحث میں لگے ہوئے ہیں۔ان کا کہنا تھا کہ پوری دنیا میں لوگوں کو پتہ ہے کہ ٹیم کا اعلان کب ہو گا، دنیا بھر میں ورلڈ کپ کے لیے ٹیموں کا اعلان ہو رہا ہے اور یہاں تماشا لگا ہوا ہے۔ورلڈ کپ کے لیے پاکستانی ٹیم کے کھلاڑیوں کی فٹنس کے حوالے سے بات کرتے ہوئے سابق کپتان کا کہنا تھا کہ کھلاڑیوں کے لیے فٹنس ٹیسٹ کا معیار ہونا چاہیے، ایسا نہ ہو کہ فٹنس ٹیسٹ پاس نہ کرنے والے بھی اسکواڈ کا حصہ بن جائیں۔کوئٹہ میں ہونے والے پی سی بی کی گورننگ باڈی کے اجلاس پر تبصرہ کرتے ہوئے وسیم اکرم کا کہنا تھا کہ آج پی سی بی کی میٹنگ میں جو کچھ ہو

بنگلورو میں عاقب نبی کی بہترین کارکردگی

بارہمولہ //جموں وکشمیر کے ضلع بارہمولہ کے نوجوان کھلاڑی عاقب نبی نے بنگلرو میں جاری ایک ٹورنامنٹ میں بہترین کارکردگی کا مظاہرہ کرتے ہوئے سنچری اسکور کرنے کے ساتھ ساتھ 5وکٹیں بھی حاصل کئے ۔سوموار کو آل راونڈر عاقب نبی نے بنگلور میں جاری شری ایم اے ٹی اچاریہ شلڈ ٹرافی میں 113گیندوں پر 109 رنز بنائے جس میں 4چھکے اور 4 چوکے شامل ہیں ۔عاقب نے شاندار گیند بازی کرکے پانچ وکٹیں بھی حاصل کئے اور ٹیم کو جیت دلائی ۔عاقب کو بلے بازی اور گیند بازی میں بہترین کارکردگی کا مظاہرہ کرنے پر مین آف دی میچ قرار دیا گیا۔  23 سالہ عاقب نبی ڈارولد غلام نبی شیری بارہمولہ سے تعلق رکھتے ہیں۔ عاقب نے اس سے پہلے بھی رانجی ٹرافی کے علاوہ ریاست سے باہر کئی ٹورنامنٹوں میں اچھی کارگردگی کا مظاہرہ کیا ہے ۔  

ہیٹ ٹرک اسکول کی کراس کنٹری دوڑمیں300طلباء شریک

سرینگر//ہیٹ ٹرک اسکول زکورہ نے منگلوارکوتیسری جماعت سے لیکر دسویں جماعت تک کے طلباء کیلئے کراس کنٹری دوڑ کااہتمام کیا۔زین العابدین گیٹ کشمیریونیورسٹی سے دوڑ کواسکول کے چیئرمین شوکت چودھری نے ہری جھنڈی دکھا کرروانہ کیا۔یہ دوڑ نشاط میں اختتام پزید ہوئی.۔اس دوڑ میں 300طالب علموں نے شرکت کی ۔6کلومیٹر دوڑ میں ہائر کلاسزمیں7 جماعت کی منصوم نے پہلی،جبکہ نویں جماعت کے کامران نے دوسری اور اویدنے تیسری پوزیشن حاصل کی۔لڑکیوں میں ساتویں جماعت کی شنزانے پہلی،آٹھویں جماعت کی ہادیہ نے دوسری اورساتویں جماعت  کی خوبان نے تیسری پوزیشن حاصل کی۔ جونیئر کلاسزمیں چھٹی جماعت کے سیدبصیرت نے پہلی ،جبکہ چوتھی جماعت کی بشریٰ نے دوسری اورچوتھی جماعت ہی کی حیانے تیسری پوزیشن حاصل کی۔لڑکوں میں چھٹی جماعت کے شیخ احسان نے پہلی،پانچویں کے محمد صیف نے دوسری اورچوتھی کے لون فرقان نے تیسری پوزیشن ھاصل کی۔دوڑ کے اخت

انسٹی چیوٹ آف ٹیکنالوجی زکورہ کیمپس میں کاسکو کرکٹ ٹورنامنٹ شروع

سرینگر//انسٹی چیوٹ آف ٹیکنالوجی زکورہ کیمپس یونیورسٹی آف کشمیر میں کاسکو کرکٹ ٹورنامنٹ شروع ہوا جس میں مختلف شاخوں سے تعلق رکھنے والی 14ٹیمیں حصہ لے رہی ہے۔ ٹورنامنٹ کا افتتاح ڈین کالج آف انجینئرنگ پروفیسر سعید مظفر اندرابی نے کی جبکہ ٹورنامنٹ کا انعقاد آرگنائزنگ کمیٹی جس کی سربراہی ڈایریکٹر IOTزکورہ کیمپس ، پروفیسر جی ایم بٹ کررہے ہیں جبکہ ڈاکٹر بشارت علی، اسسٹنٹ ڈائریکٹر فزیکل ایجوکیشن اینڈ سپورٹس اس ٹورنامنٹ کے آرگنائزنگ سیکریٹری ہے۔ ٹورنامنٹ کا پہلا میچ میکنیکل 4واں سمیسٹر اور میکنکل دوسرے سمیسٹر کے درمیان کھیلا گیا اور بعد میں اس میچ کو میکنکل چوتھے سمیسٹر نے جیت لیا۔  

وراٹ پر 12 لاکھ روپے کا جرمانہ

 موہالی؍رائل چیلنجرز بنگلور کے کپتان وراٹ کوہلی پر کنگز الیون پنجاب کے خلاف آئی پی ایل میچ میں سست اوور ریٹ کے لیے 12 لاکھ روپے کا جرمانہ عائد کیا گیا ہے ۔بنگلور نے پنجاب کے خلاف ہفتہ کو میچ میں آٹھ وکٹ سے جیت درج کی تھی جو اس ٹورنامنٹ میں پہلی جیت بھی ہے ۔ آئی پی ایل کی جانب سے جاری سرکاری بیان کے مطابق، "بنگلور کی ٹیم کو کنگز الیون پنجاب کے خلاف میچ کے دوران سست اوور ریٹ کے لیے مجرم پایا گیا ہے اور آئی پی ایل ضابطہ اخلاق قوانین کے مطابق اس کے لیے کپتان وراٹ کوہلی پر 12 لاکھ روپے کا جرمانہ لگایا گیا ہے ۔ "ممبئی انڈینس کے کپتان روہت شرما اور راجستھان رائلس کے کپتان اجنکیا رہانے کے بعد وراٹ تیسرے کھلاڑی ہیں جن کی ٹیم کو سست اوور ریٹ کے لیے سزا دی گئی ہے ۔ اگر وراٹ اگلے میچوں میں بھی سست اوور ریٹ کے مجرم پائے جاتے ہیں تو ان پر اگلی بار جرمانے کی رقم بڑھائي جا سکتی ہے یا ای

انضمام الحق کی کرسی ہلنے لگی

 کراچی/ چیف سلیکٹر انضمام الحق کی کرسی ہلنے لگی لہٰذا ورلڈکپ میں ٹیم کے نتائج توقعات کے مطابق نہ رہے تو معاہدے میں توسیع نہیں ہو گی۔انضمام الحق کو2016میں پاکستانی کرکٹ چیف سلیکٹر مقرر کیا گیا تھا، ان کے دور میں ٹیم کے نتائج ملے جلے رہے، البتہ چیمپئنز ٹرافی کا فاتح دستہ انھوں نے ہی منتخب کیا تھا، ورلڈکپ کیلئے اسکواڈ کا اعلان18اپریل کو ہونا ہے، اس کے بعد اگلی سیریز تک انضمام کا پی سی بی سے معاہدہ ختم ہو جائے گا،اگر میگا ایونٹ میں نتائج توقعات کے مطابق نہ رہے تو انضمام کے کنٹریکٹ میں توسیع نہیں ہو گی۔ذرائع نے بتایا کہ بورڈ حکام چیف سلیکٹر کے کام سے مطمئن نہیں ہیں،ان پر مختلف حلقوں کی جانب سے اقربا پروری سمیت کئی باصلاحیت کرکٹرز کو نظرانداز کرنے کے الزامات لگتے رہتے ہیں،آسٹریلیا سے یو اے ای میں ون ڈے سیریز کیلئے کپتان سرفراز احمد سمیت کئی سینئرز کو آرام کرانے اور پھر 0-5 سے شکست پر

دہلی ماڈرن پبلک سکول پانپور میں دوڑ مقابلہ

سرینگر//دہلی ماڈرن پبلک سکول پانپور کی طرف سے کل طلباء اور طالبات سالانہ دوڑ کا اہتمام کیا گیا ۔سکول کیمپس سے پوشہ بونی تک اس دوڑ مقابلہ میں حصہ لینے والے طلاب کو بعد میں انعامات سے نوازا کیا ۔مقابلہ میں کفایت مقبول چھٹی جماعت نے پہلی ،سید نوید الحق (میٹرک ) نے دوسری اور محمد شاہد (چھٹی جماعت) نے تیسری جبکہ طالبات میں طیبہ ریاض ،بٹ کبرا اوراریربا ریاض نے بالترتیب پہلی ،دوسری اور تیسری پوزیشن حاصل کی ۔مقابلہ میں کفایت مقبول کو سب سے کامیاب قرار دیا گیا ۔  

سنٹرل یونیورسٹی ٹی20کرکٹ ٹورنامنٹ

گاندربل//گاڈور سٹیڈیم میں جاری سنٹرل یونیورسٹی کشمیر کے اہتمام سے ٹی 20کرکٹ ٹورنامنٹ میں شعبہ تعلیم اور شعبہ کامرس کے درمیان میچ کھیلا گیا۔ٹاس جیت کر شعبہ تعلیم نے پہلے بلے بازی کا فیصلہ کیا۔ عمر فاروق نے دھواں دھار بلے بازی کرتے ہوئے 73 رن بنائے جبکہ حافظ نے ان کا ساتھ دیتے ہوئے 28 رن بنائے۔شعبہ تعلیم نے 174 رنوں کا پہاڑ کھڑا کیا۔شعبہ کامرس کے ارشاد حسین نے 3 وکٹیں جبکہ اعجاز احمد نے 2 وکٹ لئے۔ مقررہ حدف حاصل کرنے کے لئے شعبہ کامرس نے شروعات کی تو ان کی بلے بازی تاش کے پتوں کی طرح بکھرگئی  اور پوری ٹیم 110 رنوںپر ڈھیر ہوگئی اور 65 رنوں سے شکست سے دوچار ہوگئی۔شعبہ تعلیم کے عادل اور ادریس نے بہترین گیند بازی کرتے ہوئے تین،تین وکٹیں حاصل کیں۔ شعبہ تعلیم کے عمر فاروق کو بہترین بلے بازی کرنے پر مین آف دی میچ قرار دیا گیا۔   

گلمرگ میں سنو بائیک ڈرائیور کی ایمانداری

 گلمرگ// گلمرگ میں سنو بائیک ڈرائیور نے ایمانداری کا مظاہرہ کرتے ہوئے کیرلہ کی سیاح کو ہزاروں روپے سمیت کھویا ہوا پرس واپس کیا۔ ریاست کیرالہ سے تعلق رکھنے والی رجنی دیوی کا پرس اسوقت کھلن مرگ میں کھو گیا جب وہ برف پر کھیلنے میں مصروف تھی ۔اس دران وہاں سے سنو بائیک ڈرائیور امتیاز احمد گیلانی ساکن قاضی پورہ کا گزر ہوا جس نے پرس اٹھایا اور گنڈولہ کے لاوڈ اسپکیر سے اعلان کروایا کہ اگر کسی کا پرس گم ہوا ہے تو وہ رابط کرے۔ خاتون سیاح نے ڈرائیور سے رابطہ کیا اور ٹورسٹ پولیس کی موجودگی میں پرس واپس کیا ۔ خاتون سیاح نے ڈرائیور کی ایمانداری کی سراہنا کرتے ہوئے کہاکہ جہاں کشمیری مہمان نوازی میں مشہورہے وہاں کشمیری لوگ ایماندار بھی ہیں۔   

آئی پی ایل12واں ایڈیشن

 کولکتہ/آئی پی ایل کا 12 واں ایڈیشن اپنے تقریبا نصف سفر تک پہنچ چکا ہے اور یہاں سے ہونے والا ہر مقابلہ پلے آف کے لئے فیصلہ کن ہوتا چلا جائے گا۔ دہلی کیپٹلس جمعہ کو ایڈن گارڈن میدان میں کولکتہ نائیٹ رائیڈرز کے خلاف ہونے والے میچ میں ٹیبل میں اپنی پوزیشن بہتر بنانے کے مضبوط ارادے سے اترے گی۔ دہلی اس وقت چھ میچوں میں تین جیت اور تین ہار کے ساتھ ٹیبل میں چھٹے نمبر پر ہے جبکہ کولکتہ چھ میچوں میں چار جیت اور آٹھ پوائنٹس کے ساتھ دوسرے نمبر پر ہے ۔ دہلی اور کولکتہ کے درمیان اس ورژن میں گذشتہ 30 مارچ کو دہلی کے فیروز شاہ کوٹلہ میدان میں مقابلہ ہوا تھا جس میں دہلی نے سپر اوور میں کامیابی حاصل کی تھی۔ یہ اس ورژن کا پہلا سپر اوور تھا۔ جنوبی افریقہ کے تیز گیند باز کیگسو ربادا کے کمال کے سپر اوور نے دہلی کیپٹلس کو اس مقابلے میں جیت دلائی تھی۔ کولکتہ نے کیریبین بلے باز آندرے رسل (62) اور کپتان

مشتاق احمد کو ایشین ایوارڈ سے نوازا جائے گا

لاہور/سابق پاکستان ٹیسٹ کرکٹر مشتاق احمد ایشین ایوارڈ وصول کرنے کیلئے لندن روانہ ہوگئے۔مشتاق احمد ایشین ایوارڈ وصول کرنے کیلئے انگلینڈ روانہ ہوگئے ہیں جہاں کل لندن کے ایک ہوٹل میں تقریب سجائی جائے گی، انہیں کرکٹ میں کارہائے نمایاں سر انجام دینے پر اس ایوارڈ سے نوازا جا رہا ہے،اس سے قبل عالمی اسکواش پر حکمرانی کرنے والے پاکستانی اسٹار جہانگیر خان کو کھیلوں کے شعبے میں غیر معمولی کارنامے سرانجام دینے پر ایشین  ایوارڈ سے نوازا گیا تھا۔مدر ٹریسا، سچن ٹنڈولکر،مرلی دھرن،مہندرا سنگھ دھونی،کمار سنگاکارا، عامر خان، امیتابھ بچن، شاہ رخ خان، اے آر رحمان یش چوپڑا، انوپم کھیر،عرفان خان، جیکی چن، ڈاکٹر یونس سمیت مختلف شعبوں میں نمایاں خدمات انجام دینے والی کئی شخصیات کو بھی گزشتہ 8 سال میں ایوارڈز سے نوازا جا چکا ہے۔  

سینٹرل یونیورسٹی ٹی20کرکٹ ٹورنامنٹ

گاندربل///سنٹرل یونیورسٹی کے اہتمام سے انٹر ڈیپارٹمنٹ ٹی 20کرکٹ ٹورنامنٹ کے تیسرے میچ میں شعبہ فزیکس نے شعبہ انفارمیشن ٹیکنالوجی کو 7 وکٹوں سے شکست دی ۔گاڈورہ سٹیڈیم میں جاری کرکٹ ٹورنامنٹ میں شعبہ فزیکس اور شعبہ انفارمیشن ٹیکنالوجی کے درمیان میچ کھیلا گیا ۔انفارمیشن ٹیکنالوجی ٹیم نے ٹاس جیت کر پہلے بلے بازی کا فیصلہ کیا جو الٹا ثابت ہوا۔ ٹیم نے مقررہ بیس اوور میں 95 رن بنائے۔ شعبہ فزیکس کے زید نے 4 اورر میں 14 رن دیکر 4 کھلاڑیوں کو آؤٹ کرکے ٹیم کی بلے بازی کی کمر توڑ  دی۔ شعبہ انفارمیشن کے بلے باز نے فیاض احمد نے 19 رن بناکرٹاپ سکورر رہے۔جواب میں شعبہ فزیکس نے 13 اوور میں 3 وکٹوں پر مطلوبہ ہدف حاصل کرکے 7 وکٹوں سے جیت درج کی،زئید نے بلے سے اور گیند سے بہترین کارکردگی کا مظاہرہ کیا اور گیند بازی کرتے ہوئے 4 کھلاڑی آؤٹ کئے جبکہ بلے بازی کرتے ہوئے ناٹ آوٹ رہتے ہوئے 34 رن بنائے

سنٹرل یونیورسٹی کے اہتمام سے انٹر ڈیپارٹمنٹ ٹی ٹونٹی کرکٹ ٹورنامنٹ

گاندربل //سنٹرل یونیورسٹی کشمیر کے اہتمام سے کھیلاے جارہے انٹر ڈیپارٹمنٹ ٹی ٹونٹی کرکٹ ٹورنامنٹ کا دوسرا میچ گاڈورہ سٹیڈیم میں شعبہ اردو اور شعبہ اقتصادیات کی ٹیموں کے درمیان کھیلا گیا جس میں ٹاس جیت کر شعبہ اردو نے شعبہ اقتصادیات کو پہلے بلے بازی کرنے کی دعوت دی ۔ شعبہ اقتصادیات نے مقررہ 20 اوور میں 156 رن بنائے ، جس کے جواب میں شعبہ اردو صرف92 رن بناسکی۔ اس طرح سے شعبہ اقتصادیات نے یہ میچ 64 رنوں سے جیت لیا۔شعبہ اقتصادیات کے انتخاب شبیرنے میچ میں آل راونڈ کارکردگی کا مظاہرہ کرتے ہوئے بہترین بلے بازی کرکے 56 رن اسکور کئے جبکہ شاندار گیند بازی کا بھی مظاہرہ کرتے ہوئے شعبہ اردو کے 3 بلے بازوں کو پویلین کی راہ دکھائی ۔اس طرح انتخاب شبیر کو میچ کا بہترین کھلاڑی قرار دیاگیا ۔  

گالف کھلاڑی رضوان بشیر کا منفرد اعزاز

سرینگر//وادی کے معروف گالف کھلاڑی رضوان بشیر خان نے ایک مرحلے میں پانچویں ہول میں گیند داغ کر ایک منفرد اعزاز حاصل کیا ہے۔رائیل سپرنگ گالف کورس میں بدھ کے روز گالف کھیلتے ہوئے انہوں نے یہ مرحلہ طے کیا۔ معلوم رہے کہ ایک مرحلے میں پانچویں ہول کو نشانہ بنانا بہت مشکل عمل ہے۔خاص کر ایسے گالف کورس میں جہاں ایک طرف آبگاہ ہو اور دوسری جانب ریت کے بنکر ہوں ۔ رضواں چار افراد پر مشتمل ٹیم جس میں حشمت قاضی، ارشد قادری اور فاروق پانپوری شامل تھے، کا حصہ تھے۔ اس سے پہلے یہ اعزاز ڈاکٹر فاروق عبداللہ، حسام الدین شاہ، ڈاکٹر ارشد اور فاروق پانپوری نے حاصل کیا ہے۔ گالف کھلاڑیوں کی برادری نے رضوان بشیر کو یہ اعزاز حاصل کرنے پر مبارکباد دی ہے۔  

بارہمولہ میں دو روزہ جیت کانڈو چمپئن شپ کا انعقاد

سرینگر// شمالی کشمیر کے ضلع بارہمولہ میں منعقد ہونے والی دو روزہ جیت کانڈو چمپئن شپ میں 300 سے زائد طلباء و طالبات نے حصہ لیا۔ضلعی سطح کی اس چمپئن شپ کے انعقاد کا مقصد جیت کانڈو کھیل میں دلچسپی رکھنے والے طلباء کو قومی و بین الاقوامی سطح کے ایونٹس کے لئے تیار کرنا تھا۔بارہمولہ میں دو روزہ جیت کانڈو چمپئن شپ ویلی پبلک ہائی اسکول سوپور میں ڈسٹرکٹ بارہمولہ جیت کانڈو ایسوسی ایشن کے زیر اہتمام منعقد کی گئی۔منگل کو منعقد ہوئی اختتامی تقریب میں کئی قومی و بین الاقوامی سطح کے جیت کانڈو کھلاڑیوں نے اپنے فن اور ہنر کا مظاہرہ کیا۔چمپئن شپ میں ویلی پبلک سکول، سوپور پبلک سکول، علمدار پبلک سکول، بلیک کیٹ کلب، جموں وکشمیر اکیڈمی آف یونیفائڈ مارشل آرٹس بارہمولہ اور شاہ ہمدان کلب سے تعلق رکھنے والے کھلاڑیوں نے حصہ لیا۔